প্রধান মন্ত্রীনা হন্দক্তা “ফত্ত-হাওদি লৈতবা সিতীশিং” শেম্নবগী ভিজনগা লোইননা স্বচ ভারত মিসন অর্বান ২.০ হৌদোকখ্রে। মিসন অসি রিসোর্স রিকোভরী হেন্না তৌবা ঙম্নবগীদমক্তা “ৱেস্ত তু ৱেল্থ”, অমসুং “সার্কুলর ইকোনোমী”গী প্রিন্সিপল অসিগী মখাদা থবক ওইনা পাইখৎখিবনি – হায়রিবা অনিমক অসি ইন্দোর বায়ো-সি.এন.জি. প্লান্ত অসিদা থবক ওইনা পাংথোক্লি।
প্লান্ত অসিনা নোংমদা তোখাইনা খাইদোক্লবা অচোৎপা ওর্গানিক ৱেস্ত তন ৫৫০ ত্রীত তৌবগী ঙম্বগী মতিক লৈ। মসিনা নোংমদা সি.এন.জি. কে.জি. ১৭,০০০ অমসুং ওর্গানিক কমপোস্ত তন ১০০ পুথোক্কনি হায়না থাজবা থম্লি। প্লান্ত অসি রিজেক্ত অমত্তা পুথোক্তবা জিরো লেন্দফিল মোদেলশিং অদুদা য়ুমফম ওইবনি। মসিগী মথক্তা প্রোজেক্ত অসিনা তোঙান-তোঙানবা এনভাইরনমেন্তেল বেনিফিতশিং, খুদম ওইনা গ্রীন হাউস গ্যাস থাদোকপা হন্থহনবা, গ্রীন ইনর্জীগা লোইন-লোইননা ফর্তিলাইজর ওইনা ওর্গানিক কমপোস্ত পুথোকপা হায়বনচিংবা কয়া পীগনি।
প্রোজেক্ত অসিবু থবক ওইনা পাইখৎনবগীদমক্তা শেমখিবা স্পেসিয়েল পর্পোস ভেহিকল, ইন্দোর ক্লীন ইনর্জী প্রাইভেত লিমিতেদ অসি ইন্দো এনভিরো ইন্তিগ্রেতেদ সোল্যিশন্স লিমিতেদ (আই.ই.আই.এস.এল.)না লুপা করোর ১৫০গী কেপিতেল ইনভেস্তমেন্ত ১০০% তোবগা লোইননা পব্লিক প্রাইভেত পার্তনরশিপ মোদেলগী মখাদা ইন্দোর মুনিসিপাল কোর্পোরেশন (আই.এম.সি.) অমসুং ইন্দো এনভিরো ইন্তিগ্রেতেদ সোল্যুশন্স লিমিতেদ (আই.ই.আই.এস.এল.)না লিংখৎখিবনি। ইন্দোর মুনিসিপাল কোর্পোরেশন্না প্লান্ত অসিনা পুথোকপা সি.এন.জি.গী য়ামদ্রবদা ৫০% লৈগনি অমসুং অসিগুম্বা মখলগী খ্বাইদগী অহানবা খোংথাং অমা ওইনা সিতী বস ৪০০ সি.এন.জি.না চেলহনল্লগনি। লেমহৌরিবা সি.এন.জি. অদু ওপন মার্কেত্তা য়োন্থোক্লগনি। ওর্গানিক কমপোস্ত অসিনা এগ্রিকলচর অমসুং হোর্তিকলচরগী ওইবা মরমশিংগীদমক্তা কেমিকেল ফর্তিলাইজরশিংগী মঊৎ শিনবদা মতেং পাংলগনি।
