দাইজদা লৈরিবা শক্নাইরবশিং,
ভারত অমসুং মপানগী দেলিগেতশিং,
ইবুংঙো অমসুং ইবেম্মাশিং
খুরুমজরি ,
পার্তনরস ফোরম ২০১৮দা শরুক য়ারিবা মালেমগী মফম কয়াদগী লাকপা দেলিগেতশিং তরাম্না ওকচরি ।
মসি ঐখোয়গী পান্দমশিং ফংগদবা অমত্তা ঙাইরবা পুন্না থবক তৌমিন্নবনি । নাগরিকশিং মরক্তা অপুনবা, কাংলুপশিংগী মরক্তা অপুনবা, লৈবাকশিংগী মরক্তা অপুনবনি । স্তেনবল দিবলপমেন্ত এজেন্দা অসি মসিগী মমি অমনি ।
লৈবাকশিং মশা মথন্থ লেপ্পা ঙমজবগী মতম অদু নৎত্রে । লৈবাকশিং অসিনা মীয়াম শক্তি পীনবা, হকশেলগী ফিবম অমসুং লাইরিক লাইশুগী ফিবম ফগৎহন্নবা, লায়রবা কোকহন্নবা অমসুং শেন–থুম চাওখৎহন্নবা থবক কন্না পায়খৎলি । মমাশিংগী হকচাং ফবা অদুনা অঙাংশিং হকচাং কয়া য়াম্না ফবগে হায়বা খঙগদৌরিবনি অমসুং অঙাংশিং হকচাং ফবা অদুনা ঐখোয়গী হয়েংগী হকচাং ফবা লেপকদৌরিবনি ।
মমাংশিং অমসুং অঙাংশিংগী হকশেলগী ফিবম ফগৎহন্নবা খন্ননবা ঐখোয় মফম অসিদা পুল্লিবনি । ঙসি ঐখোয়না খন্নবদগী ফংলকপশিং অদুনা ঐখোয়গী হয়েং তুংদা কান্নবা পীগদৌরিবনি ।
পার্তনর ফোরমগী পান্দম অসি ভারতকী মমাংঙৈগী লৌশিং “ভাসুধাইবা কুতুমবাকাম” অদুগা মান্নৈ । মালেম অসি ইমুং অমা খক্তনি । মসি ঐগী সরকারগী ফিলোসোফি “সবকা সাথ সবকা বিকাস” হায়বদি পুন্না হোৎনমিন্নবা অমসুং পুন্না চাউখৎমিন্নবা অসিগা য়াম্না মান্নৈ ।
চাবোকপীশিং , পোকপদা ঙাইরিবা অঙাংশিং অমসুং অঙাংশিংগী হকশেলগী পুন্নবা থবক তৌমিন্নবা অসিনা অঙকপা অমসুং য়াম্না কান্নবা অমনি । হকচাং হেন্না ফনবা থবক অমা পাংথোকপতা নত্তনা ঐখোয়না হেন্না চাউখৎনবা থবক অমা পায়খৎলি ।
মালেম্না হেন্না য়াংনা চাউখৎনবা অনৌবা লম্বীশিং থীরিবা অসিদা , নুপীশিংগী হকচাং ফনা থম্নবা লম্বীশিং থিবা অসি খ্বাইদগী ফবা থবকশিংগী মনুংদা অমনি । হৌখিবা চহি খর অসিদা ঐখোয় য়াম্না চাউখৎলে । তৌগদবা থবক ময়াম অমসু লৈরি । হেন্না ফগৎহন্না অচৌবা বজেৎ দরকার ওই অমসুং মোনিতর তৌনবা ৱাখল্লোন হোংদোকপা মথৌ তাই ।
ভারতগী ৱারি অসি থাজবা অমনি । থাজবশিং অসিনা অপনবশিং নমখাইবা ঙমগনি । থাজবা অসিনা মীয়ামগী ৱাখল হোংহনবা ঙমগনি । থাজবা অসিনা য়াম্না য়াংনা চাউখৎহনবা ঙমগনি ।
মিলিনিয়ম দিবলপমেন্ত গোল অসি য়ানবা মতমদা ভারত অসি মালেমদা মীরোনবগী অমসুং অঙাং মশিং খ্বাইদগী য়াম্না শিবা লৈবাক অমা ওইরি। কন্না হোৎনবদগী, হৌখিবা চহি খর অসিদা শিবগী চাং হন্থরক্লে , মীরোনবী অমসুং অঙাংগী হকশেলগী মতাংদা ভারত অসি এস দি জিগী পান্দমশিং ফংনবা ঙমবগী থাক অমদা লৈরে অমসুং হায়নখিবা মতম ২০৩০দগী ঙনখৎনবা ফংবা ঙম্লগনি ।
ইনখৎলক্লিবা অঙাংশিংগী খনবা অমসুং মখোয়গী হকশেলগী য়াইফনবা অমসুং মখোয়না থেংনা খুদোংচাদবশিং ঙাকথোক্নবা থৌরম পায়খৎপা অহানবা লৈবাকশিংগী মরক্তা ভারতসু অমনি । ঐখোয়না কন্না হোৎনবগী মহৈ ওইনা ঐখোয়না নুপীশিংগী , অঙাংশিংগী অমসুং ইনখৎলক্লিবশিংগী হকশেলগী পায়খৎলিবা থবকশিং ২০১৫দগী শক খঙবা হৌখি ।
মসিগী ফোরম অসিগী শরুক অমা ওইনা লেতিন অমেরিকা অমসুং কারিবিয়ান লমদম অমসুং ভারতনা মালেমগী লাল্লোং চৎনবা হৌবগী থবকশিং মীয়ামদা উৎনবা ৱারেপ লৌবদা ঐ হরাওই । মসিগী থবকশিং অসিনা অতোপ্পা লৈবাকশিং ইথিল পীগনি অমসুং চাপ মান্নবা লাল্লোংশিং শেমগৎকনি ।
ঐখোয়গী লাইরিকশিংদা হায়নবা অমা লৈরি মদুদি ; “নুপীশিং ইকায়খুম্নবা মফম অদুদা ঈশ্বর লৈগনি” । লৈবাক অমগী মীয়াম, মরুওইনা নুপীশিং অমসুং অঙাংশিং লাইরিক হৈহল্লবা,মনিং তম্না হিংহল্লবা অমসুং শক্তি পীরবা অমসুং হকচাং ফহল্লবা মতমদা লৈবাক অদু নুংঙাইগনি হায়না ঐনা থাজৈ ।
ভারতকী তিকা থাবগী থৌরম অসি মসিগী ফোরম অসিদা মাইপাকপগী ৱারি অমা ওইনা পুখৎলকপা অসিদা ঐ অপেনবা পোকই । মিসন ইন্দ্রধনুসগী মখাদা হৌখিবা চহি অহুম অসিদা অঙাং মিলিয়ন ৩২.৮ অমসুং মীরোনবগী নুপী মিলিয়ন ৮.৪ তিকা থাখ্রে । য়ুনিভর্সেল ইমুনাইজেসন প্রোগ্রামগী মখাদা ঐখোয়না ভেকশিন মশিং ৭ দগী ১২দা হেনগৎলে । ঐখোয়গী ভেকশিনশিং অসিনা শিনিংঙাই ওইবা লায়নাশিং নইমোনিয়া অমসুং দাইরিয়া কোনশিল্লি ।
মরুপশিং,
২০১৪দা ঐগী সরকারনা ওফিস পায়রকপা মতমদা চহি অমদা মমা ৪৪,০০০ হেন্না অঙাং পোকপদা লৈখিদে । মমাশিংনা মীরোনবা মতমদা খ্বাইদগী ফবা চেকশিন–থৌরাংগী থবকশিং পায়খৎনবা ঐখোয়না প্রধান মন্ত্রী সুরকসিৎ মাত্রিভা অভিয়ান হৌদোক্লে । মসিগী খোঙজং অসিদা দোক্তরশিংনা থা অমগী মনুংদা নোংমগী মতম থবক তৌনবা ঐখোয়না দোক্তরদা খঙহল্লি। মসিগী খোংজং অসিগী মখাদা , অঙাং পোক্লবা মতুংদা চেক–অপ মিলিয়ন ১৬ পাংথোকখ্রে ।
লৈবাক অসিদা নৌনা পোকপা অঙাং মিলিয়ন ২৫ লৈরি । নৌনা পোকপা অঙাংশিং য়েংশিন্নবা লৈরিবা ঐখোয়গী মতিক চারবা সিস্তেমশিং অসিনা অখন্নবা নই–বোর্ন কিয়র য়ুনিত ৭৯৪গী খুৎথাংদা নৌনা পোকপা অঙাং মিলিয়ন অমা হেন্না চেকশিন্নবা শেন্নরি । ঐখোয়না থবক পায়খৎপগী মহৈ ওইনা , চহি মরিগী মমাংগা চাংদম্নবদা , ভারত্তা নোংমদা চহি ৫গী মখাদা লৈবা অহেনবা অঙাং ৮৪০ গী পুন্সি কনবা ঙম্লে ।
পোসান অভিয়ানগী মখাদা অঙাংশিংদা মচি ওইবা চিন্জাক ফংহল্লি । মসিনা মচি ওইবা চিন্জাক ৱাৎপা লৈতবা ভারত অমা ওইহন্নবা পান্দমদা তোঙান–তোঙানবা স্কিমশিং অমসুং থবকশিং অমত্তা ওইনা পুনশিনদুনা থবক তৌরি । অঙাংশিংগী পুন্সি মহিং ফগৎহন্নবা রাস্ত্রিয়া বাল শ্বাস্থিয়া কারয়াক্রাম পায়খৎলে । মসিনা হৌখিবা চহি মরিদা হকশেলগী চেক–অপ মিলিয়ন ৮০০ পাংথোক্লে অমসুং অঙাং মিলিয়ন ২০ রিফরেল ত্রিদমেন্ত লেম্না পাংথোকখ্রে ।
ঐখোয়না লেপ্তনা অৱাবা ওইরিবা ৱাফম অমনা অনা–লায়েংগী থবক্তা ইমুংশিংনা শেন য়াম্না চাদিং তৌবা অসিনি । মরম অদুনা ঐখোয়না অয়ুসমান ভারত য়োজনা হৌদোক্লে অমসুং অয়ুসমান ভারত অসি লাল্লোং অনি লৈরি ।
অহানবদা অনকপা লায়েংশঙ অমদা তঙাইফদবা হকশেলগী খুদোংচাবশিং ফংহনবা অমসুং হেল্থ অমসুং ৱেলনেস সেন্তরশিংগী খুৎথাংদা য়োগা অমসুং অফবা পুন্সি মহিংনা লমজিংদুনা হকচাং ফনা লৈহনবনি । হকশেলগী মতাংদা ঐখোয়গী লাল্লোং অসি মশা ফবা ভারত অমসুং অফবা চিন্জাক চাবা খোঙজং অসি মরুওইবা অমা ওইরি । মীয়াম্না লেম্না লায়নাশিং মশক খঙদোকপগী খুদোংচাবা ফংলি অমসুং হাইপর –তেন্সন, দাইবেতিস, ব্রিস্ত কেন্সর, সর্ভিক্স কেন্সর অমসুং ওরেল কেন্সর লায়েংবগী খুদোংচাবা পীরি । অনাবশিংনা মখোয়গী ময়ুম ময়াদা লেম্না হিদাক–লাংথকশিং অমসুং দাইনোস্তিক্কী খুদোংচাবা ফংগনি। ২০২২ ফাওবগী মনুংদা হেল্থ অমসুং ৱেলনেস সেন্তর লিশিং ১৫০ লিংখৎনবা ঐখোয়না পান্দম থম্লি ।
অয়ুসমান ভারতকী অতোপ্পা মশা অমদি প্রধান মন্ত্রী জন অরোগয়া য়োজনা অসিনি । মসিনা চহি অমদা ইমুং অমদা লুপা লাখ ৫ ফাওবগী হেল্থ ইন্সুরেন্স পীরি অমসুং লায়রবা মীওই মিলিয়ন ৫০০ রোম কোনশিল্লি । মশিং অসি কানাদা, মেক্সিকো অমসুং য়ু এস এগী অপুনবা মীশিংগা মান্নরবনি । স্কিম অসি হৌদোকপা চয়োল ১০গী মনুংদা ইমুং লাখ ৫ দা লুপা ক্রোর ৭০০ রোমগী লেম্না লায়েংবগী কান্নবা ফংহনখ্রে ।
ঙসি অসি গ্লোবেল য়ুনিভর্সেল হেল্থ কবরেজ দেনি , মী খুদিংমক হকশেলগী খুদোংচাবা ফংহন্নবা ঐখোয়না মখা তানা থবক তৌখিগনি হায়না ঐনা অমুক্কা হন্না হায়রি ।
রেজিস্তার তৌরবা অশা ৱার্কর মিলিয়ন ১ অমসুং অঙ্গনৱাদি নর্স মিদ ৱাইফস লাখ ২.৩২ য়াওনা ঐখোয়গী অকনবা নুপীগী হকশেলগী ৱার্করশিং লৈরি । মখোয় অসি ঐখোয়গী থবক-থৌরমশিংগী পাঙ্গলনি ।
ভারত অসি অচৌবা লৈবাক অমনি । রাজ্য খর অমসুং জিলা খরদি চাউখৎলবা লৈবাকশিংগা মান্ননা চাউখৎলি । অতোপ্পা খরনা শিংথাবা য়ানা থবক তৌই । ‘অস্পিরেসনেল দিস্ত্রিক’ ১১৭ মশক খঙদোক্নবা ঐনা ঐগী ওফিসিয়েলশিংদা খঙহনখ্রে । জিলা অমমমদা তিম অমমম শেমদুনা লাইরিক তম্বা, ঈশিং, সেনিতেসন, খুঙ্গং চাউখৎহবা, হকশেল অমসুং মচি ওইবা চিন্জাক্কী মতাংদা য়েংশিনগনি ।
অতোপ্পা দিপার্তমেন্তশিংগী খুৎথাংদা ঐখোয়না নুপীশিংদা অখন্নবা মীৎয়েং থম্বা স্কিম কয়া পায়খৎলি । ২০১৫ ফাওবা ভারতকী নুপী তঙ্খাই অমা চাক থোংনবা অনানবা শিং শীজিন্নখিদে । মসি ঐখোয়না উজৱালা য়োজনাগী মখাদা অহোংবা পুরক্লে অমসুং নুপী মিলিয়ন ৫৮দা চাক থোংনবা অনানবা শিং ফংহল্লে ।
২০১৯ ফাওবদা ভারত অসিলমহাংদা খোঙহামদবা লৈবাক অমা ওইহন্নবা ঐখোয়না অকনবা মওংদা “শ্বাছ ভারত মিসন” পায়খৎলে । হৌখিবা চহী মরিদা খুঙ্গংদা সেনিতেসন অসি চাদা ৩৯ ওইরমবদগী চাদা ৯৫দা হেনগৎলে ।
হায়নবা অমা ঐখোয় ময়াম্না খঙলে মদুদি : নহাক্না নুপা অমা লাইরিক হৈহল্লবদি,নহাক মীওই অমা খক লাইরিক হৈহনবনি; অদুবু নহাক্না নুপী অমা লাইরিক হৈহল্লবদি ইমুং অদু হুপ্না লাইরিক হৈহনবনি । মসি ঐখোয়না “বেতি বচাউ বেতি পরাউ”দা থবক ওইনা ওন্থোকতুনা নুপীমচাশিংদা মহাক্কী খ্বাইদগী ফবা পুন্সি অমসুং লাইরিক তম্বা ফংনবা হোৎনরি । মসিগী মথক্তা , ঐখোয়না “সুক্যনা সামরিধি য়োজনা” কৌবা নুপীমচাশিংগী অপীকপা দিপোজিৎ সেভিং স্কিম অমা হৌদোক্লে । মসিদা একাউন্ত মিলিয়ন ১২.৬ হেন্না হাংদোক্লে অমসুং মসিনা নুপীমচাশিংগী তুংগী পুন্সিদা অশোয়-অঙাম থোক্তনবা হোৎনবদা মতেং পাংলি ।
ঐখোয়না প্রধান মন্ত্রী মাত্রি মাত্রু বন্দনা য়োজনা হৌদোকতুনা মীরোনবী অমসুং খোমজিংবগী মমা মিলিয়ন ৫০ হেন্না কান্নবা ফংহন্নবা পান্দম থম্লি । মসিনা মমাশিংনা অঙাং উনদ্রিঙৈ অমসুং উনরবা মতুংদা খুৎসুমল মাংখিবা কুপখৎনবা অমসুং মচি ওইবা চিন্জাক চানবা অমসুং মতিক চানা পোথানবা মখোয়গী বেঙ্ক একাউন্তশিংদা হকথেংননা কান্নবা পীরি ।
মমাংদা চাবোকপীশিংগী ছুতি চয়োল ১২ ওইরম্বা অদু ঐখোয়না চয়োল ২৬দা হেনগৎহল্লে । ২০১২৫ ফাওবগী মনুংদা ভারতকী জি দি পীগী চাদা ২.৫ হকশেলগী লমদা চাদিং তৌনবা ঐখোয়না থাজবা পীরি । মসিনা য়ু এস দোল্লর বিলিয়ন ১০০ হেন্না য়ৌগনি । মসিনা তাক্লিবদি সুপ্নগী চহি ৮গী মনুংদা হৌজিক লৈরিবা চাকথুং অসিদগী চাদা ৩৪৫ হেনগৎকনি হায়বনি । মীয়ামগী য়াইফনবা ঐখোয়না মখা তানা থবক তৌখিগনি । নুপীশিং, অঙাংশিং অমসুং নহারোলশিং অসি মখা তানা থৌসিলশিং অমসুং থৌরমশিংগী মরুওইবা অমা ওইখিগনি ।
মরুপশিং,
মসিগী ফোরম অসিনা মথং নুমিৎ নিনি অসিদা মালেমগী মফম কয়াগী মাইপাক্লবা ৱারি ১২ খন্ন-নৈগনি হায়বা ঐনা খঙলে । মসি লৈবাকশিংগী মরক্তা ৱারি শানবা অমসুং ঐখোয়না অমনা অমদগী তম্নবগী খুদোংচাবা অমনি । স্কিল, ত্রেনিং, অহোংবা হিদাক-লাংথক, ভেকশিনশিং, লৌশিং অমসুং থবকশিং পীথোক-পীশিন তৌনদুনা লৈবাকশিংদা মতেং পাংনবা ভারতনা থৌরাং তৌদুনা লৈরি ।
হায়রিবা থবকশিং অসি খন্ননবা পাংথোক্কদৌরিবা মিনিস্তরশিংগী মীফমনা অফবা ফল পুরক্কনি হায়না ঐনা থাজবা থম্লি । মসিগী ফোরম অসিনা ঐখোয়গী থাজবশিং-সর্ভাইব-থ্রাইব-ত্রান্সফোর্ম অসি পাংথোক্নবা চুনবা ফিবম অমা শেমগৎলগনি ।
মীপুম খুদিংমক্তা হকশেলগীখুদোংচাবা ফংহন্নবা ঐখোয়না কৎথোকপা লোয়ননা থবক তৌগনি। ভারতনা চৎমিন্নরিবা লৈবাকশিংগা থবক তৌমিন্ননবা মতম চুপ্পদা লেপতুনা লৈরি ।
ঐখোয়গী মতেং অসি মীওইবা খুন্নাইদা শন্দোকপা ঙম্নবা ঐখোয় পুন্না থবক তৌমিন্ননবা মফম অসিদা শরুক য়ারিবশিং অমসুং ভরচুয়েলি শরুক য়ারিবশিংদা ঐনা হায়জরি ।
মসিগী অফবা থবক অসি পাকথোক-চাউথোক্নবাঐখোয়না পুন্না খুৎশম্নরসি ।
থাগৎচরি !
It is only partnerships, that will get us to our goals.
— PMO India (@PMOIndia) December 12, 2018
Partnerships between citizens
Partnerships between communities
Partnerships between countries: PM
Health of mothers will determine the health of the children.
— PMO India (@PMOIndia) December 12, 2018
Health of children will determine the health of our tomorrow.
We have gathered to discuss ways to improve health and wellbeing of mothers & children.
The discussions today will have an impact on our tomorrow: PM
We have achieved a lot of progress in the last few years and yet a lot remains to be done.
— PMO India (@PMOIndia) December 12, 2018
From bigger budgets to better outcomes,
and from mindset change to monitoring,
there are a lot of interventions required: PM
But when I look at the India story, it gives me hope.
— PMO India (@PMOIndia) December 12, 2018
Hope that impediments can be overcome,
hope that behavioural change can be ensured and
hope that rapid progress can be achieved: PM
India was one of the first countries, to advocate focused attention on adolescence and implement a full-fledged health promotion and prevention programme for adolescents: PM
— PMO India (@PMOIndia) December 12, 2018
I am pleased to note that India’s immunization programme, a subject close to my heart, is being featured as a success story in this forum.
— PMO India (@PMOIndia) December 12, 2018
Under Mission Indradhaush, we reached 32.8 million children and 8.4 million pregnant women over the last three years: PM
India stands ready to support its fellow countries in the march to achieving their development goals through skill building and training programmes, provision of affordable medicines and vaccines, knowledge transfers and exchange programs: PM
— PMO India (@PMOIndia) December 12, 2018
