ମଞ୍ଚାସୀନ ବିଶିଷ୍ଟ ଅତିଧିଗଣ
ଭାରତ ଏବଂ ବିଦେଶରୁ ଆସିଥିବା ପ୍ରତିନିଧିଗଣ,
ଭାଇ ଓ ଭଉଣୀମାନେ,
ନମସ୍ତେ,
ସହଭାଗୀ ମଞ୍ଚ, 2018କୁ ଆପଣମାନଙ୍କୁ ସ୍ୱାଗତ ।
କେବଳ ସହଭାଗୀତା ଦ୍ୱରା ଆମେ ନିଜ ଲକ୍ଷ୍ୟ ହାସଲ କରିପାରିବା । ନାଗରିକମାନଙ୍କ ମଧ୍ୟରେ ସହଭାଗୀତା, ଗୋଷ୍ଠୀ ସହଭାଗୀତା, ଦେଶଗୁଡ଼ିକ ମଧ୍ୟରେ ସହଭାଗୀତା । ନିରନ୍ତର ବିକାଶ ଏଜେଣ୍ଡା ଏହାର ଏକ ପ୍ରତିଫଳନ ।
ଏକକ ପ୍ରୟାସଠାରୁ ଦେଶଗୁଡ଼ିକ ଆଗକୁ ବଢ଼ିଲେଣି । ସେମାନେ ସମସ୍ତେ ଗୋଷ୍ଠୀଗୁଡ଼ିକୁ ଶକ୍ତି ସମ୍ପନ୍ନ କରିବା, ସ୍ୱାସ୍ଥ୍ୟ ଏବଂ ଶିକ୍ଷାରେ ସୁଧାର ଆଣିବା, ନିର୍ଧନ ଦୂର କରିବା, ଆର୍ଥିକ ବିକାଶକୁ ତ୍ୱରାନ୍ୱିତ କରିବା ଏବଂ ଶେଷରେ କାହାକୁ ମଧ୍ୟ ପଛରେ ପଡ଼ିନଯିବା ଲାଗି ପ୍ରତିବଦ୍ଧ ଅଟନ୍ତି । ମା’ର ସ୍ୱାସ୍ଥ୍ୟରୁ ଶିଶୁର ସ୍ୱାସ୍ଥ୍ୟ ନିର୍ଦ୍ଧାରଣ ହୋଇଥାଏ ଏବଂ ଶିଶୁମାନଙ୍କ ସ୍ୱାସ୍ଥ୍ୟରୁ ଆସନ୍ତାକାଲିର ସ୍ୱାସ୍ଥ୍ୟ ନିର୍ଦ୍ଧାରଣ ହୋଇଥାଏ ।
ଆମେ ଏଠାରେ ସ୍ୱାସ୍ଥ୍ୟରେ ସୁଧାର କରିବା ଏବଂ ମାତୃ ଏବଂ ଶିଶୁ କଲ୍ୟାଣରେ ବିକାଶ କରିବାର ଉପାୟ ଉପରେ ଆଲୋଚନା କରିବା ଲାଗି ଏକାଠି ହୋଇଛୁ । ଆମର ଆଲୋଚନାର ଫଳାଫଳ ଆମ ଆଗାମୀକାଲି ଉପରେ ଗଭୀର ପ୍ରଭାବ ପକାଇବ ।
ସହଭାଗୀ ମଞ୍ଚର ଲକ୍ଷ୍ୟ ଭାରତର ‘ବସୁଧୈବ କୁଟୁମ୍ବକମ’ ସମ୍ବନ୍ଧୀୟ ପ୍ରାଚୀନ ବିଚାର ସହ ମେଳ ଖାଉଛି । ଏହା ମୋ ସରକାରଙ୍କ ଦର୍ଶନ ‘ସବକା ସାଥ ସବକା ବିକାଶ’ର ମଧ୍ୟ ଅନୁରୂପ ଅଟେ, ଯାହାର ଅର୍ଥ ସମାବେଶୀ ବିକାଶ ଲାଗି ସାମୁହିକ ପ୍ରୟାସ କରିବା ।
ମାତୃତ୍ୱ, ନବଜାତ ଏବଂ ଶିଶୁ ବିକାଶ ଲାଗି ସହଭାଗୀତା ଏକ ଅଭିନବ ଏବଂ ପ୍ରଭାବଶାଳୀ ମଞ୍ଚ ଅଟେ । ଆମେ କେବଳ ଉତ୍ତମ ସ୍ୱାସ୍ଥ୍ୟ କଥା କହୁନାହୁଁ । ଆମେ ଦ୍ରୁତ ବିକାଶ କଥା ମଧ୍ୟ କହୁଛୁ ।
ସାରା ବିଶ୍ୱ ଦ୍ରୁତ ବିକାଶର ନୂଆ ନୂଆ ଉପାୟ ସନ୍ଧାନରେ ରହିଥିବା ବେଳେ ଏହି କାର୍ଯ୍ୟକୁ କରିବାର ସବୁଠୁ ଭଲ ଉପାୟ ହେଉଛି ମହିଳାମାନଙ୍କ ପାଇଁ ଏକ ଉତ୍ତମ ସ୍ୱାସ୍ଥ୍ୟ ସୁନିଶ୍ଚିତ କରିବା । ଏ ଦିଗରେ ଗତ କିଛି ବର୍ଷ ମଧ୍ୟରେ ଆମେ ଅନେକ ପ୍ରଗତି ହାସଲ କରିଛୁ । ଏହା ସତ୍ତ୍ୱେ ଆହୁରି ଅନେକ କିଛି କରିବାକୁ ଅଛି । ବଡ଼ ବଜେଟ ଠାରୁ ଭଲ ଫଳାଫଳ ପର୍ଯ୍ୟନ୍ତ ଏବଂ ମାନସିକତାରେ ପରିବର୍ତ୍ତନ ଠାରୁ ନିରୀକ୍ଷଣ ପର୍ଯ୍ୟନ୍ତ, ଅନେକ କିଛି କରାଯିବାର ଅଛି
ଭାରତର କାହାଣୀ ଆଶାବାଦୀ । ଆଶା କରିବା ଯେ ବାଧା ଦୂର ହେବ । ଆଶା କରିବା ବ୍ୟବହାରରେ ପରିବର୍ତ୍ତନ ଆସିବ । ଆଶା କରାଯାଉଛି ଯେ ଦ୍ରୁତ ଅଗ୍ରଗତି ହାସଲ ହେବ ।
ଯେତେବେଳେ ସହସ୍ରାବ୍ଦ ବିକାଶ ଲକ୍ଷ୍ୟ ଉପରେ ସହମତି ହୋଇଥିଲା, ସେହି ସମୟରେ ଭାରତରେ ମହିଳା ଏବଂ ଶିଶୁମାନଙ୍କର ମୃତ୍ୟୁ ହାର ବିଶ୍ୱରେ ସବୁଠୁ ଅଧିକ ଥିଲା । ନିରନ୍ତର ପ୍ରଗତି ଏବଂ ଗତ କିଛି ବର୍ଷ ମଧ୍ୟରେ ମୃତ୍ୟୁହାରେ ଦ୍ରୁତ ହ୍ରାସ କାରଣରୁ ଭାରତ ମାତୃତ୍ୱ ଏବଂ ଶିଶୁମାନଙ୍କ ସ୍ୱାସ୍ଥ୍ୟ ଲାଗି ଏସଡିଜି ଲକ୍ଷ୍ୟ ହାସଲ କରିବା ଦିଗରେ ଆଗେଇ ଚାଲିଛି । ଏହା 2030ର ସହମତ ତାରିଖ ଠାରୁ ବହୁତ ଆଗରେ ରହିଛି ।
ଭାରତ ସେହି ଅଗ୍ରଣୀ ରାଷ୍ଟ୍ରଗୁଡ଼ିକ ମଧ୍ୟରେ ସାମିଲ ହୋଇପାରିଛି, ଯେଉଁଗୁଡ଼ିକ କିଶୋରାବସ୍ଥା ଉପରେ ସ୍ୱତନ୍ତ୍ର ଧ୍ୟାନ ଦେବାର କରିଥାଏ ତଥା କିଶୋରମାନଙ୍କ ଲାଗି ବ୍ୟାପକ ସ୍ୱାସ୍ଥ୍ୟ ପ୍ରୋତ୍ସାହନ ଏବଂ ନିରାକରଣ କାର୍ଯ୍ୟକ୍ରମ ଲାଗୁ କରିଛନ୍ତି । ଆମର ପ୍ରୟାସ ଦ୍ୱାରା 2015ରେ ଗ୍ରହଣ କରାଯାଇଥିବା ମହିଳା, ଶିଶୁ ଏବଂ କିଶୋରମାନଙ୍କ ସ୍ୱାସ୍ଥ୍ୟ ସମ୍ବନ୍ଧୀୟ ବିଶ୍ୱସ୍ତରୀୟ ରଣନୀତିରେ ସେମାନଙ୍କୁ ସେମାନଙ୍କର ପରିଚୟ ମିଳିପାରିବା ସୁନିଶ୍ଚିତ ହୋଇପାରିଛି ।
ମୁଁ ଏହା ଜାଣି ଆନନ୍ଦିତ ଯେ ଏହି ମଞ୍ଚର ଆୟୋଜନ ସମୟରେ ଲାଟିନ ଆମେରିକା, କାରିବୀୟ କ୍ଷେତ୍ର ଏବଂ ଭାରତ ବୈଶ୍ୱିକ ରଣନୀତିକୁ ଆପଣାଇବା ଲାଗି ପ୍ରସ୍ତାବ ଦେଉଛନ୍ତି । ମୁଁ ଆଶା କରୁଛି ଯେ ଏହି ସଂଯୋଜନ ଦ୍ୱାରା ସମାନ ରଣନୀତି ବିକଶିତ କରିବା ଲାଗି ଅନ୍ୟ ଦେଶ ଏବଂ କ୍ଷେତ୍ରଗୁଡ଼ିକୁ ପ୍ରେରଣା ମିଳିପାରିବ ।
ବନ୍ଧୁଗଣ,
ଆମର ଧର୍ମଗ୍ରନ୍ଥରେ ଉଲ୍ଲେଖ ଅଛି “ଯତ୍ର ନାର୍ଯ୍ୟସ୍ତୁ ପୂଜ୍ୟନ୍ତେ ରମନ୍ତେ ତତ୍ର ଦେବତାଃ’, ଅର୍ଥାତ ଯେଉଁଠାରେ ନାରୀମାନଙ୍କୁ ସମ୍ମାନ କରାଯାଏ, ସେଠାରେ ଦେବତାମାନେ ବାସ କରିଥାନ୍ତି’ । ମୋର ଏହି ଦୃଢ଼ ବିଶ୍ୱାସ ଅଛି ଯେ ଗୋଟିଏ ଦେଶ ସେତିକିବେଳେ ସମୃଦ୍ଧ ହୋଇପାରିବ, ଯେତେବେଳେ ସେଠାରେ ଲୋକମାନେ ବିଶେଷ କରି ମହିଳା ଏବଂ ଶିଶୁମାନେ ଶିକ୍ଷିତ ହୋଇପାରିବେ ଏବଂ ସ୍ୱାଧୀନ, ଶକ୍ତିସମ୍ପନ୍ନ ଏବଂ ସୁସ୍ଥ ଜୀବନଯାପନରେ ସକ୍ଷମ ହୋଇପାରିବେ ।
ମୁଁ ଏହା ଉଲ୍ଲେଖ କରି ଆନନ୍ଦିତ ଯେ ଭାରତର ଟିକାକରଣ କାର୍ଯ୍ୟକ୍ରମକୁ ଏହି ମଞ୍ଚରେ ଭାରତର ସଫଳତା ଭାବେ ଉପସ୍ଥାପନ କରାଯାଉଛି । ଏ ବିଷୟ ମୋ ହୃଦୟର ଅତି ନିକଟତର । ଇନ୍ଦ୍ରଧନୁଷ ମିଶନ ଅନ୍ତର୍ଗତ ଗତ ତିନି ବର୍ଷ କାଳରେ ଆମେ 32.8 ନିୟୁତ ଶିଶୁ ଏବଂ 8.4 ନିୟୁତ ଗର୍ଭବତୀ ମହିଳାମାନଙ୍କ ନିକଟରେ ପହଁଚିାରିଛୁ । ଆମେ ସର୍ବବ୍ୟାପୀ ଟିକାକରଣ ଅନ୍ତର୍ଗତ ଟିକାଗୁଡ଼ିକର ସଂଖ୍ୟା 7ରୁ ବୃଦ୍ଧି କରି 12 କରି ଦେଇଛୁ । ଆମର ଟିକାକରଣ ପରିଧି ମଧ୍ୟରେ ନିମୋନିଆ ଏବଂ ଡାଇରିଆ ଭଳି ପ୍ରାଣଘାତକ ରୋଗ ମଧ୍ୟ ସାମିଲ ରହିଛି ।
ବନ୍ଧୁଗଣ,
2014ରେ ମୋ ସରକାର ଦାୟିତ୍ୱ ଗ୍ରହଣ କରିବା ସମୟରେ ପ୍ରତି ବର୍ଷ ପ୍ରସବ ସମୟରେ 44,000ରୁ ଅଧିକ ମା’ମାନଙ୍କୁ ଆମକୁ ହରାଇବାକୁ ପଡ଼ୁଥିଲା । ଆମେ ଗର୍ଭ ସମୟରେ ମା’ମାନଙ୍କୁ ଯଥାସମ୍ଭବ ସୁବିଧା ପ୍ରଦାନ କରିବା ଲାଗି ପ୍ରଧାନମନ୍ତ୍ରୀ ମାତୃତ୍ୱ ଅଭିଯାନର ଶୁଭାରମ୍ଭ କରିଥିଲୁ । ଆମେ ଆମ ଡାକ୍ତରମାନଙ୍କୁ ଅନୁରୋଧ କଲୁ ଯେ ସେମାନେ ଏହି ଅଭିଯାନ ଲାଗି ପ୍ରତିମାସ ଗୋଟିଏ ଦିନ ସେବା ପ୍ରଦାନ କରିବା ଲାଗି ସଂକଳ୍ପ କରନ୍ତୁ । ଏହି ଅଭିଯାନ ଅନ୍ତର୍ଗତ 16 ନିୟୁତ ପ୍ରସବପୂର୍ବ ଯାଞ୍ଚ କରାଯାଇଥିଲା ।
ଦେଶରେ 25 ନିୟୁତ ନବଜାତ ଶିଶୁ ଅଛନ୍ତି । ଆମ ଏଠି ନବଜାତ ଶିଶୁମାନଙ୍କ ଯତ୍ନର ଚମତ୍କାର ପ୍ରଣାଳୀ ରହିଛି, 794 ଉତ୍କୃଷ୍ଟ ସ୍ୱତନ୍ତ୍ର ନବଜାତ ଶିଶୁ ସୁବିଧା ୟୁନିଟ ଜରିଆରେ 10 ଲକ୍ଷରୁ ଅଧିକ ନବଜାତ ଶିଶୁଙ୍କ ଯତ୍ନ ନିଆଯାଉଛି । ଆମର ଏଠି ଏକ ସଫଳ ପ୍ରଣାଳୀ ରହିଛି । ଆମର ଏହି ପ୍ରୟାସ ଦ୍ୱାରା 4 ବର୍ଷ ପୂର୍ବର ତୁଳନାରେ ଦୈନିକ 5 ବର୍ଷରୁ କମ ଆୟୁର 840 ଅତିରିକ୍ତ ଶିଶୁଙ୍କ ଜୀବନ ରକ୍ଷା କରାଯାଇପାରୁଛି ।
ଶିଶୁମାନଙ୍କୁ ପୁଷ୍ଟିକର ଆହାର ସମସ୍ୟାର ସମାଧାନ ପୋଷଣ ଅଭିଯାନ ମାଧ୍ୟମରେ କରାଯାଉଛି । ଏଥିମଧ୍ୟରେ ବିଭିନ୍ନ ଯୋଜନା ସାମିଲ ରହିଛି ଯାହା ଭାରତକୁ କୁପୋଷଣମୁକ୍ତ କରିବା ଲାଗି ସମାନ ଲକ୍ଷ୍ୟ କରିବା ଦିଗରେ କାମ କରୁଛି । ଶିଶୁମାନଙ୍କ ଜୀବନର ଗୁଣବତ୍ତାରେ ସୁଧାର ଆଣିବା ଲାଗି ଆମେ ଜାତୀୟ ଶିଶୁ ସ୍ୱାସ୍ଥ୍ୟ କାର୍ଯ୍ୟକ୍ରମ ଲାଗୁ କରୁଛୁ । ଗତ 4 ବର୍ଷ ମଧ୍ୟରେ ଏଥିରୁ 800 ନିୟୁତ ଶିଶୁଙ୍କ ସ୍ୱାସ୍ଥ୍ୟ ପରୀକ୍ଷା ହୋଇଛି ଏବଂ 20 ନିୟୁତ ଶିଶୁଙ୍କ ମାଗଣା ଚିକିତ୍ସା ଲାଗି ପରାମର୍ଶ ଦିଆଯାଇଛି ।
ଚିକିତ୍ସା ପାଇଁ ପରିବାରକୁ ପକେଟରୁ ଅଧିକ ଖର୍ଚ୍ଚ କରାଯିବାର ଚିନ୍ତା ସବୁବେଳେ ଆମକୁ ଖାଉଥିଲା । ସେଥିପାଇଁ ଆମେ ଆୟୁଷ୍ମାନ ଭାରତ ଯୋଜନା ଶୁଭାରମ୍ଭ କଲୁ । ଆୟୁଷ୍ମାନ ଭାରତର ଦ୍ୱିସ୍ତରୀୟ ରଣନୀତି ରହିଛି ।
ପ୍ରଥମତଃ, ଏଥିରେ ଗୋଷ୍ଠୀ ନିକଟରେ ବ୍ୟାପକ ପ୍ରାଥମିକ ସ୍ୱାସ୍ଥ୍ୟ ସୁବିଧାର ବ୍ୟବସ୍ଥା ରହିଛି ଏଥିରେ ସୁସ୍ଥ ଜୀବନଶୈଳୀ ଏବଂ ସ୍ୱାସ୍ଥ୍ୟ ଓ କଲ୍ୟାଣ କେନ୍ଦ୍ର ମାଧ୍ୟମରେ ଯୋଗ ସାମିଲ ରହିଛି । ସ୍ୱାସ୍ଥ୍ୟ ଏବଂ ଆରୋଗ୍ୟ ଲାଗି ‘ଫିଟ ଇଣ୍ଡିଆ’ ଏବଂ ‘ଇଟ ରାଇଟ’ ଆନ୍ଦୋଳନ ମଧ୍ୟ ଆମ ରଣନୀତିର ଗୁରୁତ୍ୱପୂର୍ଣ୍ଣ ଅଙ୍ଗ ଅଟେ । ଏହାଦ୍ୱାରା ଗୋଷ୍ଠୀକୁ ଉଚ୍ଚ ମାନସିକ ଅବସାଦ, ମଧୁମେହ ଏବଂ ସ୍ତନ, ଗର୍ଭାଶୟ ଏବଂ ମୁଖଗହ୍ୱର କର୍କଟ ସହିତ ସାଧାରଣ ରୋଗର ନିଃଶୁଳ୍କ ଯାଞ୍ଚ ଏବଂ ଚିକିତ୍ସାରେ ସହାୟତା ମିଳିପାରିବ । ରୋଗୀ ନିଜ ଘର ପାଖରେ ମାଗଣା ଔଷଧ ଏବଂ ଚିକିତ୍ସା ସହାୟତା ପାଇପାରିବ । ଆମ ଯୋଜନା ରହିଛି ଯେପରି 2022 ସୁଦ୍ଧା ଏପରି 150 ହଜାର ସ୍ୱାସ୍ଥ୍ୟ ଏବଂ ଆରୋଗ୍ୟ କେନ୍ଦ୍ର ଆରମ୍ଭ କରାଯିବ ।
ଆୟୁଷ୍ମାନ ଭାରତ ଯୋଜନାର ଦ୍ୱିତୀୟ ଉପାଦାନ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା ଅଟେ । ଏହାର ଅନ୍ତର୍ଗତ ପ୍ରତିବର୍ଷ ପ୍ରତି ପରିବାର 5 ଲକ୍ଷ ଟଙ୍କାର ନଗତମୁକ୍ତ ସ୍ୱାସ୍ଥ୍ୟବୀମା ଦେବାର ବ୍ୟବସ୍ଥା ରହିଛି । ଏହାର ଅନ୍ତର୍ଗତ ସର୍ବାଧିକ ଗରିବ ଏବଂ ଦୁର୍ବଳ ଶ୍ରେଣୀର 500 ନିୟୁତ ନାଗରିକମାନଙ୍କୁ ସ୍ୱାସ୍ଥ୍ୟବୀମା ସୁବିଧା ଦିଆଯିବ । ଏହି ସଂଖ୍ୟା କାନାଡା, ମେକ୍ସିକୋ ଏବଂ ଆମେରିକାର ମୋଟ ଜନସଂଖ୍ୟା ସହ ପାଖାପାଖି ସମାନ । ଆମେ ଏହି ଯୋଜନା ଆରମ୍ଭ ହେବାର 10 ସପ୍ତାହ ମଧ୍ୟରେ ମାଗଣା ଚିକିତ୍ସା ଉପଲବ୍ଧ କରିବା ଲାଗି 700 କୋଟି ଟଙ୍କା 5 ଲକ୍ଷ ପରିବାରକୁ ଦେଇସାରିଛୁ ।
ଆଜି ବିଶ୍ୱ ସାଧାରଣ ସ୍ୱାସ୍ଥ୍ୟ କଭରେଜ ଦିବସ ଅଟେ । ଏହି ଅବସରରେ ମୁଁ ପୁଣି କହୁଛି ଯେ ସମସ୍ତଙ୍କ ଲାଗି ବ୍ୟାପକ ସ୍ୱାସ୍ଥ୍ୟ କଭରେଜ ପ୍ରଦାନ କରିବା ଦିଗରେ ଆମେ ସଂକଳ୍ପବଦ୍ଧ ।
ଆମ ପାଖରେ 1 ନିୟୁତ ପଞ୍ଜିକୃତ ସାମାଜିକ ସ୍ୱାସ୍ଥ୍ୟ କର୍ମୀ ବା ଆଶାକର୍ମୀ ଏବଂ 2.32 ଲକ୍ଷ ଅଙ୍ଗନୱାଡ଼ି ନର୍ସ ଅଛନ୍ତି ଯେଉଁମାନେ ଆଗଧାଡ଼ିର ମହିଳା ସ୍ୱାସ୍ଥ୍ୟକର୍ମୀମାନଙ୍କ ପାଇଁ ଶକ୍ତି ଭାବେ କାର୍ଯ୍ୟ କରିପାରିବେ । ଏହା ଆମ କାର୍ଯ୍ୟକ୍ରମର ଶକ୍ତି ।
ଭାରତ ଏକ ବିଶାଳ ରାଷ୍ଟ୍ର । କେତେକ ରାଜ୍ୟ ଏବଂ ଜିଲ୍ଲା ବିକଶିତ ଦେଶଙ୍କ ଭଳି କାର୍ଯ୍ୟ ପ୍ରଦର୍ଶନ କରିଛନ୍ତି । ଅନ୍ୟମାନଙ୍କୁ ସେପରି କରିବାକୁ ହେବ । ମୁଁ ନିଜ ଅଧିକାରୀମାନଙ୍କୁ ‘117ଟି ଆକାଂକ୍ଷିତ ଜିଲ୍ଲା’ ଚିହ୍ନଟ କରିବା ଲାଗି ନିର୍ଦ୍ଦେଶ ଦେଇଛି । ଏପରି ପ୍ରତ୍ୟେକ ଜିଲ୍ଲାକୁ ଗୋଟିଏ ଲେଖାଏଁ ଟିମ ଉପଲବ୍ଧ କରାଯାଇଛି ଯେଉଁମାନେ ଶିକ୍ଷା, ଜଳ ଏବଂ ସ୍ୱଚ୍ଛତା, ଗ୍ରାମୀଣ ବିକାଶର କ୍ଷେତ୍ରରେ ସ୍ୱାସ୍ଥ୍ୟ ଏବଂ ପୁଷ୍ଟିକର ଆହାରକୁ ସର୍ବୋଚ୍ଚ ପ୍ରାଥମିକତା ଦେଇ କାର୍ଯ୍ୟ କରିବେ ।
ଆମେ ଅନ୍ୟ ବିଭାଗଗୁଡ଼ିକ ମାଧ୍ୟମରେ ମହିଳା କୈନ୍ଦ୍ରୀକ ଯୋଜନା ଉପରେ କାମ କରୁଛୁ । 2015 ପର୍ଯ୍ୟନ୍ତ ଭାରତର ଅଧାରୁ ଅଧିକ ମହିଳାମାନଙ୍କ ପାଖରେ ରୋଷେଇ କରିବା ଲାଗି ସ୍ୱଚ୍ଛ ଇନ୍ଧନ ନଥିଲା । ଆମେ ଉଜ୍ଜ୍ୱଳା ଯୋଜନା ମାଧ୍ୟମରେ ଏଥିରେ ପରିବର୍ତ୍ତନ ଆଣିଲୁ । ଉଜ୍ୱଳା ଯୋଜନା 58 ନିୟୁତ ମହିଳାମାନଙ୍କୁ ସ୍ୱଚ୍ଛ ରୋଷେଇର ବିକଳ୍ପ ଉପଲବ୍ଧ କରାଇଲା ।
ଆମେ ଯୁଦ୍ଧକାଳୀନ ଭିତ୍ତିରେ ସ୍ୱଚ୍ଛ ଭାରତ ମିଶନ ଆରମ୍ଭ କରିଛୁ ଯାହାଦ୍ୱାରା ଭାରତ 2019 ସୁଦ୍ଧା ଖୋଲା ଶୌଚମୁକ୍ତ ହୋଇଯିବ । ଗତ ଚାରି ବର୍ଷ ମଧ୍ୟରେ ଗ୍ରାମାଂଚଳରେ ସ୍ୱଚ୍ଛତା ପ୍ରସାର 39 ପ୍ରତିଶତରୁ ବୃଦ୍ଧି ପାଇ 95 ପ୍ରତିଶତ ହୋଇଯାଇଛି ।
ଆମେ ସମସ୍ତେ ସେହି ପ୍ରସିଦ୍ଧ କଥା ଜାଣିଛୁ, ଯଦି ଆପଣ ଜଣେ ପୁରୁଷକୁ ଶିକ୍ଷିତ କରୁଛନ୍ତି ତ ଜଣେ ବ୍ୟକ୍ତିକୁ ଶିକ୍ଷିତ କରୁଛନ୍ତି ଯଦି ଆପଣ ଜଣେ ମହିଳାଙ୍କୁ ଶିକ୍ଷିତ କରିବେ ତା’ହେଲେ ସାରା ପରିବାରକୁ ଶିକ୍ଷିତ କରିପାରିବେ । ଏହାକୁ ଆମେ ବେଟୀ ବଚାଓ ବେଟୀ ପଢ଼ାଓ କାର୍ଯ୍ୟକ୍ରମ ଭାବେ ଆପଣାଇଛୁ । ଏହି କାର୍ଯ୍ୟକ୍ରମର ଫୋକସ ଝିଅ ଉପରେ ଏବଂ ତା’କୁ ସବୁଠୁ ଭଲ ଜୀବନ ଏବଂ ଶିକ୍ଷା ପ୍ରଦାନ କରିବା ଉପରେ ରହିଛି । ଏହାବ୍ୟତୀତ ଆମେ ଝିଅମାନଙ୍କ ଲାଗି ଜମା ସଂଚୟ ଯୋଜନା- ‘ସୁକନ୍ୟା ସମୃଦ୍ଧି ଯୋଜନା’– ଆରମ୍ଭ କରିଛୁ । ଏହି ଯୋଜନା ଅନ୍ତର୍ଗତ 12.6 ନିୟୁତ ଏକାଉଣ୍ଟ ଖୋଲାଯାଇଛି ଏବଂ ଏହି ଯୋଜନା ଝିଅମାନଙ୍କ ଭବିଷ୍ୟତକୁ ସୁନିଶ୍ଚିତ କରିବାରେ ଆମକୁ ସହାୟତା କରୁଛି ।
ଆମେ ପ୍ରଧାନମନ୍ତ୍ରୀ ମାତୃତ୍ୱ ବନ୍ଦନା ଯୋଜନା ମଧ୍ୟ ଆରମ୍ଭ କରିଛୁ । ଏହି ଯୋଜନା ଦ୍ୱାରା 50 ଲକ୍ଷ ଗର୍ଭବତୀ ମହିଳା ଏବଂ ସ୍ତନପାନ କରାଉଥିବା ମା’ମାନଙ୍କୁ ଲାଭ ମିଳିପାରିବ । ଏହି ଯୋଜନା ବେତନ କ୍ଷୟକ୍ଷତି, ଶିଶୁଙ୍କୁ ଜନ୍ମ ଦେବା ପୂର୍ବରୁ ଏବଂ ପରେ ଉତ୍ତମ ପୌଷ୍ଟିକ ଆହାର ଏବଂ ପର୍ଯ୍ୟାପ୍ତ ବିଶ୍ରାମ ଲାଗି ସେମାନଙ୍କ ଏକାଉଣ୍ଟରେ ପ୍ରତ୍ୟକ୍ଷ ଲାଭ ସ୍ଥାନାନ୍ତରଣ ମାଧ୍ୟମରେ ଅର୍ଥରାଶି ଦେବାରେ ସକ୍ଷମ ଅଟେ ।
ଆମେ ମାତୃତ୍ୱ ଅବକାଶକୁ ପୂର୍ବରୁ ଥିବା ନିୟମ 12 ସପ୍ତାହରୁ ବୃଦ୍ଧି କରି 26 ସପ୍ତାହ କରିଦେଇଛୁ । ଆମେ 2025 ସୁଦ୍ଧା ସକଳ ଘରୋଇ ଉତ୍ପାଦର 2.5 ପ୍ରତିଶତ ସ୍ୱାସ୍ଥ୍ୟ ଉପରେ ଖର୍ଚ୍ଚ ବଅଦ୍ଧି ଲାଗି ସଂକଳ୍ପବଦ୍ଧ ଅଟୁ । ଏହା 100 ବିଲିୟନ ଆମେରିକୀୟ ଡଲାର ଠାରୁ ମଧ୍ୟ ଅଧିକ । ଏହାର ଅର୍ଥ ଏହା ଯେ କେବଳ 8 ବର୍ଷ ମଧ୍ୟରେ ବର୍ତ୍ତମାନର ଭାଗରୁ 345 ପ୍ରତିଶତର ବାସ୍ତବିକ ବୃଦ୍ଧି ହେବ । ଆମେ ଲୋକମାନଙ୍କ କଲ୍ୟାଣ ଲାଗି କାମ କରିଚାଲିବୁ । ପ୍ରତ୍ୟେକ ନୀତି, କାର୍ଯ୍ୟକ୍ରମ ଏବଂ ପ୍ରୟାସର କେନ୍ଦ୍ରରେ ମହିଳା, ଶିଶୁ ଏବଂ ଯୁବକମାନଙ୍କୁ ରଖିବୁ ।
ମୁଁ ସଫଳତା ପ୍ରାପ୍ତି ଲାଗି ବହୁ-ଅଂଶୀଦାରମାନଙ୍କ ଭାଗୀଦାରୀର ଆବଶ୍ୟକତା ଉପରେ ଗୁରୁତ୍ୱ ଦେବାକୁ ଚାହିଁବି । ଆମେ ଜାଣିଛୁ ଯେ ପ୍ରଭାବୀ ସ୍ୱାସ୍ଥ୍ୟ ଯତ୍ନ ବିଶେଷ କରି ମହିଳା ଏବଂ ଶିଶୁମାନଙ୍କ ସ୍ୱାସ୍ଥ୍ୟ ଲାଗି ମିଶ୍ରିତ ପଦକ୍ଷେପ ସବୁଠୁ ଉତ୍ତମ ପଦକ୍ଷେପ ଅଟେ ।
ବନ୍ଧୁଗଣ,
ମୁଁ ବୁଝିପାରୁଛି ଯେ ଆଗାମୀ ଦୁଇ ଦିନରେ ଏହି ମଞ୍ଚ ସାରା ବିଶ୍ୱର 12ଟି ସଫଳ କାହାଣୀ ଉପରେ ଆଲୋଚନା କରିବ । ବାସ୍ତବରେ ଏହା ବିଭିନ୍ନ ଦେଶଗୁଡ଼ିକ ମଧ୍ୟରେ ବାର୍ତ୍ତାଳାପ କରିବାର ଏକ ଅବସର ପ୍ରଦାନ କରୁଛି, ପରସ୍ପରର ଅଭିଜ୍ଞତା ବାଂଟିବାର ଅବସର ଯାହାଦ୍ୱାରା ଆମେ ପରସ୍ପର ଠାରୁ ଶିକ୍ଷାଲାଭ କରିପାରିବା । ଭାରତ ଦକ୍ଷତା ଏବଂ ପ୍ରଶିକ୍ଷଣ କାର୍ଯ୍ୟକ୍ରମ, ଶସ୍ତା ଔଷଧ ବ୍ୟବସ୍ଥା ଏବଂ ଟିକାକରଣ, ଜ୍ଞାନ ହସ୍ତାନ୍ତର ଏବଂ ଆଦାନପ୍ରଦାନ କାର୍ଯ୍ୟକ୍ରମ ମାଧ୍ୟମରେ ସହଯୋଗୀ ଦେଶଗୁଡ଼ିକୁ ସେମାନଙ୍କ ବିକାଶ ଲକ୍ଷ୍ୟକୁ ହାସଲ କରିବାରେ ସହାୟତା ଦେବା ଲାଗି ପ୍ରସ୍ତୁତ ଅଟେ ।
ମୁଁ ମନ୍ତ୍ରୀସ୍ତରୀୟ ସମ୍ମିଳନୀର ଫଳାଫଳକୁ ଶୁଣିବାକୁ ଚାହିଁବି । ଏହି ମଞ୍ଚ ଏକ ଜୀବନ୍ତ ମଞ୍ଚ ରୂପରେ ଆମକୁ ‘ତିଷ୍ଠିବା-ପ୍ରଗତି କରିବା-ରୂପାନ୍ତରିତ ହେବା’ ପ୍ରତି ଦୃଢ଼ତା ପ୍ରଦାନ କରିବ ।
ଆମର କାର୍ଯ୍ୟକ୍ରମ ନିର୍ଦ୍ଧାରିତ ଏବଂ ଆମେ ସର୍ବାଧିକ ସମର୍ପଣ ସହିତ ସମସ୍ତଙ୍କ ଲାଗି ସ୍ୱାସ୍ଥ୍ୟ ସୁବିଧା ଦେବାର କାମ କରିଚାଲିବୁ । ଭାରତ ସମସ୍ତ ସହଯୋଗୀମାନଙ୍କ ସହିତ ସବୁବେଳେ ଛିଡ଼ା ହୋଇ ରହିବ ।
ଏଠାରେ ମୁଁ ଆପଣମାନଙ୍କୁ ସମସ୍ତଙ୍କୁ ଅନୁରୋଧ କରିବି ଯେ ଏହାକୁ ସଠିକ ଭାବନାରେ ଆପଣାନ୍ତୁ ଯାହାଦ୍ୱାରା ସମ୍ପୂର୍ଣ୍ଣ ମାନବସମାଜକୁ ନିଜ ସମର୍ଥନ ଦେବାରେ ସମର୍ଥ ହୋଇପାରିବୁ ।
ଆସନ୍ତୁ, ଆମେ ସମସ୍ତ ଏକସଙ୍ଗେ ମିଶି ଏହି ମହାନ କାର୍ଯ୍ୟ ଲାଗି ନିଜର ସଂକଳ୍ପ ବ୍ୟକ୍ତ କରିବା ।
ଧନ୍ୟବାଦ!
It is only partnerships, that will get us to our goals.
— PMO India (@PMOIndia) December 12, 2018
Partnerships between citizens
Partnerships between communities
Partnerships between countries: PM
Health of mothers will determine the health of the children.
— PMO India (@PMOIndia) December 12, 2018
Health of children will determine the health of our tomorrow.
We have gathered to discuss ways to improve health and wellbeing of mothers & children.
The discussions today will have an impact on our tomorrow: PM
We have achieved a lot of progress in the last few years and yet a lot remains to be done.
— PMO India (@PMOIndia) December 12, 2018
From bigger budgets to better outcomes,
and from mindset change to monitoring,
there are a lot of interventions required: PM
But when I look at the India story, it gives me hope.
— PMO India (@PMOIndia) December 12, 2018
Hope that impediments can be overcome,
hope that behavioural change can be ensured and
hope that rapid progress can be achieved: PM
India was one of the first countries, to advocate focused attention on adolescence and implement a full-fledged health promotion and prevention programme for adolescents: PM
— PMO India (@PMOIndia) December 12, 2018
I am pleased to note that India’s immunization programme, a subject close to my heart, is being featured as a success story in this forum.
— PMO India (@PMOIndia) December 12, 2018
Under Mission Indradhaush, we reached 32.8 million children and 8.4 million pregnant women over the last three years: PM
India stands ready to support its fellow countries in the march to achieving their development goals through skill building and training programmes, provision of affordable medicines and vaccines, knowledge transfers and exchange programs: PM
— PMO India (@PMOIndia) December 12, 2018
