Share
 
Comments
নীং তম্বা চহি ৭০গী মতুং অসি ফাওবদা খু্ঙ্গং ১৮,০০০না অসুম্মক মমদুনা লৈরম্বা হায়বসি লাইবক থিবনিঃ প্রধান মন্ত্রী মোদী
২০০৫দা, য়ু.পি.এ. সরকারনা খুঙ্গং পুম্নমকপু ২০০৯ ফাওবগী মনুংদা মৈ ফংহনগনি হায়না ৱাশকখি। মতমদুগী লৈঙাক্কী চুপ্লি পাইখিবা পার্তীগী প্রসিদেন্তনা থোরক্তুনা য়ুমথোং খুদিং মৈ ফংহনবগী ৱাফম ফোংদোকখি।অদুবু মদু ওইখিদেঃ প্রধান মন্ত্রী
রেদ ফোর্তকী ফম্বাক্তগী ঐনা খুঙ্গং খুদিংমক মৈ ফংহনগনি হায়না লাউথোকখি। ঐখোয়না হায়খিবদুদা থবক তৌখি অমসুং খুঙ্গং পুম্নমক্তা চৎখিঃ প্রধান মন্ত্রী
মৈ ফংলমদবা অপুনবা খুঙ্গং ১৮,০০০গী মনুংদা খুঙ্গং ১৪,৫০০দি নোংপোক ভারত্তনি। ঐখোয়না মদু হোংদোক্লেঃ প্রধান মন্ত্রী

প্রধান মন্ত্রী শ্রী নরেন্দ্র মোদীনা ঙসি ২০১৪দগী মৈ ফংহল্লবা লৈবাক্কী তোঙান তোঙানবা খুঙ্গংশিংগী মীয়ামগা ৱারী শানখ্রে। ভিদিও ব্রিজকী থোংদা ৱারী শানখিবা অদুদা প্রধান মন্ত্রী সহজ বিজলী হর ঘর য়োজনা-সৌভাগ্য স্কিমগী কান্নবা ফংলবশিংনা শরুক য়াখি। মসিনা সরকারগী স্কিমশিংগী তোঙান তোঙানবা কান্নবা ফংলবা মীওইশিংগা ভিদিওগী থোংদা প্রধান মন্ত্রীগা লোইননা ৱারী শানবগী তরাশুবা পরিংনি।

হন্দক্তা মৈ ফংহনখিবা খুঙ্গং ১৮০০০গী মীওইশিংগা ৱারী শানবা অদুদা নুংঙাইবা ফোংদোক্লদুনা প্রধান মন্ত্রীনা হায়খি মদুদি অমম্বা মশক খঙদবা মীওইশিং অদুনা মৈঙালগী আর্থ খঙবা হৌনদে। অমম্বা মরক্তা পুন্সি লেনখিদবা মখোয়শিং অদুনা মঙালগী মগুন করিনো খঙদে।

ৱারী শানখিবা অদুদা প্রধান মন্ত্রীনা হায়খি মদুদি এন.দি.এ. সরকার লাকপদগী খুঙ্গং লিশিং কয়াদা মৈ ফংহনখ্রে। মমাংগী সরকারনা লান্না ৱাশকলম্বা অদুগা মান্নদনা হৌজিক লৈরিবা সরকার অসিনা খুঙ্গং খুদিংমক্তা মৈ ফংহনবগী থবক চত্থরে হায়না মহাক্না মখা তাখি। সরকার অসিনা মৈ ফংহনবা মীৎয়েং থম্বা খক্তা নত্তনা লৈবাক পুম্বদা দিস্ত্রিব্যুসন সিস্তেমশিং রিফোর্ম তৌবদসু মীৎয়েং থম্লি হায়না প্রধান মন্ত্রীনা মখা তাখি।

নীং তম্লবা মতুং চহি ৭০ ফাওবদা মৈ ফংলমদবা খুঙ্গংশিং অদু হৌখিবা চহি মরি অসিদা মৈ ফংহনখ্রে। ২০১৮গী এপ্রিল ২৮দা নোর্থ ইস্ত সেক্তরদা লৈবা মণিপুরগী লৈশং খুঙ্গংদা ইকোন কোনবা ওইনা মৈ ফংহনখি। খুঙ্গং ১৮০০০ অসি অয়াম্বনা মনুং হুঞ্জিনবা মফমশিং, চিংগী লমদমশিং অমদি কনেক্তিবিতী ফত্তবনা মরম ওইদুনা মৈ ফংহনবদা অৱাবা ওইখি হায়না প্রধান মন্ত্রীনা হায়খি। খুদোংচাদবা কয়া লৈদুনসু মীয়ামগী কত্থোক্লবা তীম অমনা কন্না হোৎনদুনা খুঙ্গং খুদিংদা মৈ ফংহনবগী মংলান অদু ফংবা ঙমখি হায়না মহাক্না মখা তাখি।

প্রধান মন্ত্রীনা হায়খি মদুদি প্রধান মন্ত্রী সহজ বিজলী হর ঘর য়োজনা অসি লৈবাক অসিদা লৈরিবা য়ুমথোং খুদিংদা মৈ ফংহন্নবগী পান্দমগা লোয়ননা হৌদোকখিবনি। য়োজনা অসিগী থোংদা হৌজিক ফাওবদা ইমুং লাখ ৮৬ হেনবদা মৈ ফংহনখ্রে। য়োজনা অসি হৌজিক মখা তানা চত্থরি অমদি চাউরাক্না ইমুং কোতি মরিদা মৈ ফংহনগনি।

প্রধান মন্ত্রীগা লোইননা ৱারী শানখিবা অদুদা অথাপ্পা খুঙ্গংশিংদা লৈরিবা কান্নবা ফংলবা মীওইশিংনা ইলেক্ত্রিসিতীনা মতম পুম্নমক্কী ওইনা মখোয়গী পুন্সিদা অহোংবা পুরক্লিবা অদু শন্দোক্না তাকখি। নুমীৎ তাখিদ্রিঙৈদা থবক লোইশিনবদগী হৌরগা অঙাংশিংবু কেরোসিনগী থাওমৈশিংদা লাইরিক পানবা তকশিনবদা মৈ ফংহনবা অসিনা হিংবদা য়াম্না লায়থোকহল্লে। কান্নবা ফংলবা মীয়াম্নসু প্রধান মন্ত্রীবু মখোয়গী ইমুংশিংদা মঙাল পুরকপগীদমক থাগৎপা ফোংদোকখি।

 

 

 

 

 

 

 

 

 

 

 

 

 

 

Click here to read full text speech

সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
What PM Gati Shakti plan means for the nation

Media Coverage

What PM Gati Shakti plan means for the nation
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 25 ওক্তোবর 2021
October 25, 2021
Share
 
Comments

Citizens lauded PM Modi on the launch of new health infrastructure and medical colleges.

Citizens reflect upon stories of transformation under the Modi Govt