Share
 
Comments
Bhutan holds a special place in the hearts of 130 crore Indians: PM
It is an honour for India to partner Bhutan in its development journey: PM Modi
Glad that we have launched RuPay cards in Bhutan today: PM Modi

ভুতানগী প্রধান মন্ত্রী

অমদি ঐহাক্কী মরূপ দোক্তর শেরিং,

শক্নাইরবা মীথুংলেনশিং,

খুরুমজরি

ভারতকী অখন্নবা মরূপ ভুতান্দা ময়ামগী পুম্নমক্কী মরক্তা তিনবা ফংজবা অসিদা ঐহাক নুংঙাইবা ফাওই। ঐহাক্কালাকমিন্নরিবা মীহুৎ কাংবু অমসুং ঐহাকপু তরাম–তরাম্না ওকপীবগীদমক ঐহাক্না প্রধান মন্ত্রীজী অমসুং ভুতানগী রোয়েলসরকারবু থমোই শেংনা তৌবীমল খঙবা উৎচরি।

এক্সিলেন্সী,

ভারত–ভুতানগী অমত্তা ঙাইরবা মরূপ ওইবগী মরমদা অদোমগী ৱাখল্লোনশিং অদুগীদমকসু অদোম্বু শেংনা তৌবীমলখঙবা উৎচরি। ভারতকী প্রজা কোতি ১৩০গী থমোইনুংদা ভুতানগী থোইদোক হেন্দোকপা মফম লৈরি, ঐহাক্কী মমাংগীতর্ম মনুংদা, প্রধান মন্ত্রী ওইনা ঐহাক্কী অহানবা খোংচৎকীদমক ভুতানবু খনখিবা অদু মহৌশানি। হন্দকসু, ঐহাক্কীঅনিশুবা তর্ম হৌরকপদা ভুতান্দা লাকপা অসিদা ঐহাক য়াম্না নুংঙাইবা ফাওই। ভারত অমসুং ভুতানগী মরী অসি লৈবাকঅনিমক্কী মীয়ামগী প্রোগ্রেস, প্রোসপরিতী অমসুং সেক্যুরিতীদী য়ুম্ফম ওই। মরম অদুনা লৈবাক অনি অসিদা মীপুমখুদিংমক্না সপোর্ত তৌরি।

এক্সিলেন্সী,

মসি ঐহাক্কী লাইবক ফবনি মদুদি ভারত মীয়ামগী পাওখোল্লোয় ওইনা মরীশিং অসি হেন্না চেৎশিলহন্নবগীদমক ভুতানগীনিংথৌ অমসুং অদোমগা লোয়ননা থবক তৌনবগী তঞ্জা অদু অমুক হন্না পীনবীরে। ঙসি ঐহাক্না ইকায় খুম্নজরবা ভুতানগীনিংথৌগা লোয়ননা ঐখোয়গী পার্তনরশিপকী মতাংদা খন্ন–নৈননবা তাঞ্জা ফংজখি। অদুগা ঙাইহাক লৈরবা মতুংদামরিশুবা নিংথৌগসু উন্নজগনি। ভুতান নিংথৌশিংগী হৈশিংবা অমসুং শান্না উবা ঙম্বা অদুনা মতম কয়াগী মমাংদগীঐখোয়গী লৈবাক অনিগী মরীশিংবু লমজিংবীরক্লি। মসিদা নত্তে, মখোয়গী মিৎয়েংনা ভুতানবু মালেম পুম্বগী মাংদা তোপতোপ্পা খুদম অমা পীরি, মদু চাং অদু চাউখৎপগী মশিংনা ওনগদবা নত্তে, নুংঙাই য়াইফবনা ওনগদবনি। মদুদা শেল–থুমগীচাউখৎপা অদু চৎন–লোনচৎ অমসুং মহৌশাগী ফিভমগা লোয়ননা মাংলোমদা চংশিল্লি। অসিগুম্লবা মরূপ অমদিঅসিগুম্লবা য়ুম্লোন্নবা অসিবু কনানা পামলোইদগে।

মরূপশিং,

মসি ভারতকী লাইবক ফবনি মদুদি ঐখোয়না ভুতানগী চাউখৎ থৌরাংদা মরুওইবা থৌদাং লৌরি। ভুতানগী চহী মঙাগীথৌরাংশিংদা ভারতকী তেংবাং অদোমগী অনীংবা অপাম্বা অমসুং প্রায়োরিতীশিংগী মতুং ইন্নসু মাংলোমদা চংশিল্লি।

মরূপশিং,

ঐখোয়গী লৈবাক অনিগী মরক্তা তেংবাংগী মরুওইবা লম অসি হাইদ্রো–পাৱরনি। লৈবাক অনিমক্না পুল্লগা ভুতানগীতুরেলশিংগী শক্তিবু ইলেক্ত্রিসিতী খক্তা নত্তনা নাকল অনিমকপু ইনাক খুলহল্লে। ঙসি ঐখোয়না মাঙ্গদেসু প্রোজেক্তহৌদোকপগা লোয়ননা খোংচৎ অসিগী অনৌবা পুৱারী অমসু শেম্বা ঙম্লে। লৈবাক অনিমক্কী তেংবাংনা ভুতান্দা হাইদ্রো–পাৱর পুথোকপা ঙম্বগী চাং মেগাৱাৎ ২০০০ হেনবা ঙমলে। অতোপ্পা প্রোজেক্তশিংসু খোংজেল য়াংনা মাংদা পুরক্কনি হায়বাঐহাক্না থাজবা থম্লি।

এক্সিলেন্সী,

ভুতানগী মীচম প্রজাশিংগী হেঙ্গৎলক্লিবা দরকার ওইবশিং ফংহন্নবগীদমক থা খুদিংগী ভারত্তগী এল.পি.জি. সপ্লাই মেত্রিকতন ৭০০তগী হেঙ্গৎহন্দুনা মেত্রিক তন ১০০০ ওইহল্লে। মসিনা খুঙ্গংশিং ফাওবা ক্লিন ফুয়েল য়ৌহনবদা মতেং ওইরগনি।

মরূপশিং,

দাক্তর শেরিংনা ঐখোয়গী অহানবা উন্নবদা ইফমদা হায়বীখি মদুদি রাজনীতিদা লাক্নবগীদমক মহাকপু মরুওইবাইন্সপায়র তৌখিবা অসি মীচম প্রজাদা অফবা হেল্দি সর্বিস ফংহনবনি। ঐহাক্না মহাক্কী মিৎয়েংদগী ইথিন কয়া অমাফংখি। ভুতান্দা মল্তি দিসিপ্লিনরী সুপর স্পেসিলিতী হোস্পিতালগীদমক মহাক্না মংলিবা মংলান অদু মংফাওনহন্নবাভারতনা পাংবা য়াবা মতেং পাংগনি।

এক্সিলেন্সী,

সার্ক করেন্সী স্বেপ ফ্রেমৱার্ক্কী মখাদা ভুতানগীদমক করেন্সী স্বেপকী ঙমখৈ হেঙ্গৎনবগীদমক ঐখোয়না য়েংলিবা মিৎয়েংপোজিতিব ওই। মরক অসিদা, ফোরেন করেন্সীগী দরকার ওইবা অদু মপুং ফাহন্নবগীদমক স্তেন্দবাই স্বেপ সিস্তেমগীমখাদা অহেনবা দোলর মিলিয়ন ১০০ ভুতান্না ফংলগনি।

মরূপশিং,

স্পেস তেক্নোলোজী শিজিন্নদুনা ভুতানগী চাউখৎ থৌরাংদা খুমাং চাউশিলহন্নবগীদমক ভারতনা অচেৎপা ৱাফম থম্লি।ঙসি ঐখোয়না সাউথ এসিয়া সেতেলাইতকী অর্থ স্তেসন হাংদোকখ্রে। মসিনা ভুতান্দা কম্যুনিকেসন, পব্লিক ব্রোদকাস্তিংঅমদি দিজাস্তর মেনেজমেন্তকী কোভরেজ হেঙ্গৎলগনি। পান্দমশিং অসিগীদমক ভুতানগী দরকার ওইবা অদুগী মতুংইন্না অহেনবা বেন্দৱাইদ অমসুং ত্রান্সপোন্দর সপ্লাই তৌরগনি। লৈবাক অনিমক্না অপীকপা সেতলাইত পুথোকপা অমসুংস্পেস তেক্নোলোজী শিজিন্নবদসু তেংবাং পীনগনি। ভারতকী নেস্নেল নোলেজ নেতৱার্ক্কা লোয়ননা শম্নরিবা ভুতানগীমহৈরোইশিং অমসুং রিসর্স তৌরিবশিংবু ভারতকী য়ুনিবর্সিতীশিংগী অনৌবা খুৎলায়শিংগা শম্নরগনি। মসি লৈবাক অনিগীমরক্তা পার্তনরসিপ নোলেজ সোসাইতী লিংখৎনবগীদমক মরুওইবা খোংথাং অমনি, মদুনা অখন্ননা ঐখোয়গীনহারোলশিংদা কান্নহল্লগনি। রোয়েল ভুতান য়ুনিবর্সিতী অমসুং ভারতকী আই.আই.তি.শিং অমদি অতোপ্পা মকোক থোংবাসংস্থানশিংগী মরক্তা তেংবাং অমসুং মরী, এদজুকেসন অমসুং তেক্নোলোজীগীদমক ঙসিগী দরকারওইবশিং অদুগীমান্নবা মতৌনি। হয়েং রোয়েল ভুতান য়ুনিবর্সিতীদা লৈবাক অসিগী হৈথোই শিংথোইরবা নহাশিংগা উন্ননবা ঐহাক্নাখৌরাংনা ঙায়রি।

মরূপশিং,

ঐহাক য়াম্না নুংঙাইজৈ মদুদি ঙসি ঐখোয়না ভুতান্দা রুপে কার্দ হৌদোক্লে। মসিনা দিজিতেল ভুতান, অমদি ললোন–ইতিক অমদি তুরিজমদা ঐখোয়গী মরী হান্নদগী হেঙ্গৎলগনি। ঐখোয়না সেয়র তৌরিবা স্পিরিচুয়েল হেরিতেজ অমদিমীয়ামগী মরক্তা লৈনরিবা অচেৎপা মরী ঐখোয়গী মরীশিংগী থৱাইনি। মসিবু পুক্নিংদা থম্লদুনা, নালন্দা য়ুনিবর্সিতীদাভুতানগীদমক পোস্ত–গ্রেজুয়েৎ স্কোলরসিপ অদু অনিদগী হেঙ্গৎহন্দুনা মঙা ওইহল্লে। ঙসি ঐহাক্না মফম অসিদা শব–দুংরুংগী থৌজাল ফংজরে।

এক্সিলেন্সী,

ভারত অমসুং ভুতান অসি মালেম অসিদা লৈবাক অনিগী মরক্তা লৈনরিবা মরীশিংগী তোপ তোপ্পা মোদেল অমা ওইরগনিহায়বা ঐহাক্না থাজবা থম্লি। 

অসিগুম্লবা ফজরবা দ্রুক য়ুল অসিদা অমুক হন্না লাক্নবা খুদোংচবা পীনবীবগীদমক,

অদোমগী তরাম্না ওকপীবা মওং মতৌ অমসুং নুংশিবীবা অদুগীদমক অমুক হন্না থাগৎচরি।

তাশী দেলক!

 

 

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Need to bolster India as mother of democracy: PM Modi

Media Coverage

Need to bolster India as mother of democracy: PM Modi
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 27নবেম্বর, 2022
November 27, 2022
Share
 
Comments

The Nation tunes in to PM Modi’s ‘Mann Ki Baat’ and Appreciates Positive Stories From New India