Share
 
Comments
“রোতারিয়ানশিং অসি মায়-পাক্লবা অমসুং তেংবাংবগী অশেংবা কাঙবুনি”
“ঐখোয়গী লমদম অসি অতোপ্পগীদমক্তা হিংবা অসি করিনো হায়না থবক্না তাকখিবা বুদ্ধ অমসুং মহাত্মা গান্ধীগী লমদম্নি”
“ভারত মচা বিলিয়ন ১.৪না মহৌশা ইমাগা নুংশি চাননা লৈমিন্নবগী চহি কয়া লিরবা চৎনবীদগী ইথিল ফংদুনা ঐখোয়গী পৃথিবীবু হেন্না লু-নান্নবা অমসুং শংহন্নবা পাংথোকপা য়াবা খুদিংমক পাংথোক্লি”

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা রোতারী ইন্তর্নেস্নেল ৱর্ল্দ কনভেন্সন্দা ৱা ঙাঙখ্রে। প্রধান মন্ত্রীনা রোতারিয়ানশিং অসি “মায়-পাক্লবা অমসুং তেংবাংবগী অশেংবা কাঙবুনি” হায়রদুনা, “মসিগুম্বা স্কেলদা রোতারীশিংনা পুনবা হায়বসি মিনি-গ্লোবেল এসেমব্লী অমগুম্বনি। মসিদা দাইবর্সিতী অমসুং ভাইব্রেন্সী য়াওরি”, হায়না মখা তাখি। 

রোতারীগী মোত্তো ওইরিবা “সর্ভিস অবভ সেল্ফ” অমসুং “খ্বাইদগী ফনা তেংবাংবদা মীওই অমনা খ্বাইদগী হেন্না কান্নবা ফংই” অসিবু পল্লদুনা প্রধান মন্ত্রীনা হায়রিবশিং অসি মীওইবা খুন্নাইগী য়াইফ য়ুম্বালগীদমক্তা খ্বাইদগী মরু ওইবা ৱাখল্লোন্নি অমসুং মসিগা ঐখোয়গী সাধু মুনিশিংনা তাক্লম্বগা মান্নরি হায়খি। “ঐখোয়গী লমদম অসি অতোপ্পগীদমক্তা হিংবা অসি করিনো হায়না থবক্না তাকখিবা বুদ্ধ অমসুং মহাত্মা গান্ধীগী লমদম্নি”, হায়না মহাক্না মখা তাখি।

প্রধান মন্ত্রীনা স্বামী বিবেকানন্দগী ৱারোল পল্লদুনা অসুম্না হায়খি, “ঐখোয় পুম্নমক্না অমগা-অমগা মখা পোন্নবা, মরী লৈনবা অমসুং শম্নবা মালেম অমদা হিংলিবনি। মসিনা মরম ওইদুনা, মীওই অমা, লুপ অমসুং সরকারনা ঐখোয়গী গ্রহ অসিবু নুংঙাই য়াইফহন্নবা অমসুং সস্তেনেবল ওইনবা পুন্না হোৎনমিন্নবা হায়বসি মরু ওইরিবনি”। মহাক্না রোতারী ইন্তর্নেস্নেলবু পৃথিবী অসিদা তেংবাংবা তোঙানবা থবক কয়াদা মখোয়গী হোৎনবা কনবগীদমক্তা থাগৎখি।

মহাক্না হায়খিবদা, ভারতনা অকোয়বগী ফিভম ঙাক-শেনবগী মতাংদা হোৎনরিবশিংবু লুচিংদুনা চৎলি। “সস্তেনেবল দিভেলপমেন্ত অসি হৌজিক্কী মতমগী খ্বাইদগী তঙাই ফদবনি। ভারত মচা বিলিয়ন ১.৪না মহৌশা ইমাগা নুংশি চাননা লৈমিন্নবগী চহি কয়া লিরবা চৎনবীদগী ইথিল ফংদুনা ঐখোয়গী পৃথিবীবু হেন্না লু-নান্নবা অমসুং শংহন্নবা পাংথোকপা য়াবা খুদিংমক পাংথোক্লি”, হায়না প্রধান মন্ত্রীনা হায়খি। মহাক্না ইন্তর্নেস্নেল সোলর এলাইএন্স, ‘ৱান সন, ৱান ৱর্ল্দ, ৱান গ্রিদ’ অমসুং লাইফ-লাইফস্তাইল ফোর ইনভাইরনমেন্তকুম্বা ভারতকী খোঙথাংশিংবু পনখি। ভারতনা ইং ২০৭০ ফাওবদা নেত জিরো ওইহন্নবা খোঙফম চেৎলিবা অসিবু মালেমগী খুন্নাইনা থাগৎনরি হায়না মহাক্না পাউদমখি।

প্রধান মন্ত্রীনা রোতারী ইন্তর্নেস্নেলনা থক্নবা অশেংবা ঈশিং পীবা, সেনিতেসন অমসুং হাইজিনগী মরী লৈননা পাংথোক্লিবা থবকশিংবু থাগৎলদুনা, চহি মঙাগী মনুংদা সেনিতেসন কভরেজ মপুং ফারপ তৌনা ফংখিবা স্বচ্ছ ভারত মিসনগী কান্নবগী মতাংদা পাউদমখি। অনৌবা এৱিয়র্নেস অমসুং থৌদোক কয়ানা মরম ওইরগা অনৌবা মওং অমা ফংখ্রবা ঈশিং য়োকশিনবা অমসুং আত্মানির্ভর ভারতকুম্বা ইহৌগী মতাংদসু মহাক্না পনখি। মহাক্না ভারতকী মতিক লৈরবা স্তার্ত-অপ সেক্তরগী মতাংদসু পাউদমখি।

মীওইবা খুন্নাইগী শরুক তরেৎ থোকপগী অমনা ভারত্তা লৈরি, মসিগী চাং অসিদা ভারত্তা মায় পাকপা থৌওংশিংনা মালেমদসু অচৌবা অফবা শাফু পীরিবনি হায়না মহাক্না হায়খি। মহাক্না কোবিদ-১৯গী ভেক্সিনগী ৱারী, মালেমগী পান্দম চহি ওইরিবা ইং ২০৩০গী চহি মঙাগী মমাং - ইং ২০২৫ ফাওবদা তি.বি. মরূ ফংনা মুত্থৎনবা হোৎনরিবা অসিবু খুদম ওইনা পনখি।

শ্রী মোদীনা হায়রিবা থবকশিংদা গ্রাসরুত লেভেলদগী হৌনা শৌগৎনবা রোতারী ইমুং-মনুংদা পাউজেল পীখি। মহাক্না মখোয়না মালেম শিনবা থুংবদা য়োগ নুমিৎপু মশিংনা য়াম্না পাংথোক্নবসু হায়খি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
FPIs flock to Indian mkt; buy shares worth Rs 31,630 cr in Nov

Media Coverage

FPIs flock to Indian mkt; buy shares worth Rs 31,630 cr in Nov
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 27নবেম্বর, 2022
November 27, 2022
Share
 
Comments

The Nation tunes in to PM Modi’s ‘Mann Ki Baat’ and Appreciates Positive Stories From New India