Share
 
Comments
We not only have diplomatic relations with all BIMSTEC countries but are strongly connected by civilization, history, art, language, cuisine and shared culture: PM Modi
PM Modi: Big opportunity to expand trade, economic, transport, digital, and people-to-people connectivity in the BIMSTEC region
BIMSTEC inaugural session: PM Modi calls for greater cooperation among member countries to tackle the menace of terrorism and drug trafficking

য়োর এক্সিলেন্সীরাইৎ ওনরেবল

প্রধান মন্ত্রী ওলীজী,

 

বিমস্তেক্কী মীহুৎ ওইরিবা লৈবাকশিংদগী লেংবীরকপা ঐগী খোংলোই লুচীংবশিং, অহানবা মক্তদা ঐনা বিমস্তেক সমিৎ অসিগী য়ুম্বু ওইবীবা অমসুং মাই পাক্না শিনবী-লাংবীবগীদমক্তা নেপাল সরকারবু, অমসুং প্রধান মন্ত্রী ওলীজীবু থমোই শেংনা তৌবীমল খঙবা উৎচরি। ঐগীদমক্তদি মসি অহানবা বিমস্তেক সমিৎ ওইজরবসু ২০১৬তা ঐহাক্না গোৱাদা ব্রিক্স সমিৎকা লোইননা বিমস্তেক স্ত্রিৎ হোস্ত ওইজবগী তাঞ্জা ফংজখি। গোৱাদা ঐখোয়না থমখিবা এজেন্দা ফোর এক্সন অদুগী মনুং চন্না ঐখোয়গী তীম্না শিংথানীংঙাই ওইবা ফোলোঅপ এক্সন লৌখৎলে।

মদুগী মনুংদা য়াওরিঃ

অহানবা চহি ওইবা বিমস্তেক দিজাস্তর মেনেজমেন্ত এক্সর্সাইস পাংথোকপা।

নেস্নেল সেক্যুরিতী লুচীংবশিংগী মীফম অনি।

বিমস্তেক ফেসিলিতেসন এগ্রিমেন্তা ৱারী-ৱাতাই তৌনবদা খুমাং চাউশিনবা।

বিমস্তেক গ্রিদ ইন্তর কনেক্সনগী হিরমদা য়ানা ৱারোল।

মসিগীদমক্তা ঐনা লৈবাক পুম্নমক্কী দেলিগেসনশিংদা হায়জখি।

 

এক্সিলেন্সীশিং

লমদম অসিগী লৈবাক পুম্নমক্কা লোইননা ভারতনা শুপ্নগী দিপ্লোমেতিক্কী ওইবা মরি থম্নবা খক নত্তে। ঐখোয় অসি লৈবাক পুম্নমক্কা লোইননা মমাংঙৈদগী হৌনা সভ্যতা, পুৱারী, কলা, লোন, চাকচা-ইথক অমসুং ঐখোয়গী শরুক য়ামিন্নরিবা চৎনবী–নাৎকী ওইবা অচেৎপা মরিনা পুন্দুনা থম্লি। লমদম অসিগী মাইকৈ অমরোমদা মমিং চৎলবা হিমালয় চিংশাং লৈরি, অমসুং অতোপ্পা মাইকৈ অমদনা হিন্দ অমসুং প্রশান্ত মহাসাগরশিংগী মরক্তা লৈবা বে ওফ বেঙ্গল লৈরি। বে ওফ বেঙ্গলগী লমদম অসি ঐখোয় পুম্নমক্কী চাউখৎপা, ঙাক-শেল অমসুং চাউখৎ-থৌরাংগীদমক্তা থোইদোক্না মরু ওই। অমসুং মরম অসিনা, ভারতকী “নাইবরহুদ ফার্স্ত” অমসুং “এক্ত ইস্ত”, পোলিসী অনি অসি বে ওফ বেঙ্গল অসিদা পুল্লরি হায়বদা থোইদোক্না ঙক্নীংঙাই ওইদে।   

 

এক্সিলেন্সীশিং,

ঐখোয় পুম্নমক চাউখৎলক্লিবা লৈবাকশিংনি। ইশা-ইশাগী লৈবাক্তা ইং-তপ্পা, চাউখৎপা অমসুং নংঙাই য়াইফবা পুরকপা অসি ঐখোয় পুম্নমক্কী খ্বাইদগী অহানবা পান্দম্নি। অদুবু ঙসিগী ইন্তর-কনেক্তেদ মালেম অসিদা থবক অসি কনানসু মথন্তা তৌবা ঙম্লোই। ঐখোয় পুন্না চৎমিন্নগদবনি, অমনা অমগী মতেং পাংনগদবনি, অমনা অমগী হোৎনবদা শৌগৎনগদবনি। কনেক্তিবিতীগী খ্বাইদগী চাউবা তাঞ্জানি হায়না ঐনা লৌই – ত্রেদ কনেক্তিবিতী, ইকোনোমিক কনেক্তিবিতী, ত্রান্সপোর্ত কনেক্তিবিতী, দিজিতেল কনেক্তিবিতী, অমসুং পিপল-তু-পিপল কনেক্তিবিতী – হিরম খুদিংমক্তা ঐখোয় থবক তৌগদবনি। বিমস্তেক্তা কোস্তেল শিপ্পিং অমসুং মোতোর ভেহিকল্সগী য়ানখিবশিং মখা চৎথনবগীদমক্তা ঐখোয়না তুংলমচৎতসু উননবগীদমক্তা য়ুম্বু ওইবা ঙমগনি। ঐখোয়গী ইন্ত্রপ্রিনরশিংগী মরক্তা পাউ ফাওনবা অমসুং কনেক্তিবিতী হেনগৎহন্নবগীদমক্তা ভারতনা বিমস্তেক স্তার্ত অপ কনক্লেবকী য়ুম্বু ওইনবগীদমক্তা শেম শারি। ঐখোয় লৈবাক অয়াম্বনাঃ লৌউ-শিংউবদা য়ুম্ফম ওইবা ঙাক্তনি, অমসুং ক্লাইমেৎ চেঞ্জগী অকিবা অদু মায়োক্নরি। মসিগী মতাংদা এগ্রিকলচরেল রিসর্স, মহৈ-মশিং অমসুং চাউখৎ-থৌরাংদা তেংবাং পীননবগীদমক ভারতনা, ক্লাইমেৎ স্মার্ত ফার্মিং সিস্তেমগী হিরমদা মালেমগী ওইবা মীফম অমা শিনগনি। দিজিতেল কনেক্তিবিতীগী লমদা ভারতনা মসিগী নেস্নেল নোলেজ নেতৱর্কপু শ্রীলঙ্কা, বাংঙ্গলাদেশ, ভুতান অমসুং নেপালদা শন্দোক্নবগীদমক্তা হান্নদগী হৌনা ফোংদোক্তুনা লাক্লি। ঐখোয়না মসি ম্যানমার অমসুং থাইলেন্দসু শন্দোক্নবগীদমক্তা ৱাফম ফোংদোক্লি। ঐনা থাজৈ মদুদি বিমস্তেক্কী লৈবাক পুম্নমক্না চহি অসিগী ওক্তোবরদা নই দিল্লীদা পাংথোক্কদৌরিবা ইন্দিয়া মোবাইল কোংগ্রেসতা শরুক য়াগনি। কোংগ্রেস অসিদা বিমস্তেক মিনিস্তরিয়েল কনক্লেবসু য়াওরি। বিমস্তেক্কী মীহুৎ ওইরিবা লৈবাকশিংগা লোইননা কনেক্তিবিতী হেনগৎহনবদা ভারতকী অৱাং নোংপোক লমদমগী থৌদাং চাউনা লৈগনি। ভারতকী অৱাং নোংপোক লমদমগী চাউখৎ-থৌরাংগীদমক্তা সাইন্স অমসুং তেক্নোলোজী ইন্তর্ভেন্সন ইন দ নোর্থ ইস্তর্ন রিজন কৌবা থৌরাং অমা লৈ। থৌরম অসিবু বিমস্তেক্কী মীহুৎ লৈবাকশিংগীদমক্তা এক্সতেন্দ তৌনবগী ৱাফম ফোংদোক্লি। মসিগী থোংদা খুঙ্গংগী লমদমদা ইনর্জী, ৱেস্ত মেনেজমেন্ত, লৌউ-শিংউ অমসুং কেপাসিতী বিল্দিংদা পুক্নীং থৌগৎপা য়াই। লোইননা, ভারতকী নোর্থ ইস্তর্ন স্পেস এপ্লিকেসন সেন্তরদা বিমস্তেক্কী মীহুৎ লৈবাকশিংগী রিসর্স তৌরিবশিং, মহৈরোইশিং অমসুং প্রোফেস্নেলশিংগীদমক্তা ঐখোয়না স্কোলরশিপ কুনমরিসু পীগনি।

এক্সিলেন্সীশিং,

লমদম অসিগী মীয়ামগী মরক্তা মমাংঙৈদগী হৌনা লোইনরকপনা ঐখোয়গী মরি অসিদা অচেৎপা য়ুম্ফম অমা পীরি। অমসুং লোইনরকপশিং অদুগী মরু ওইবা হৌরকফম অমদি বৌদ্ধ লাইনীংনি। ওগস্ত ত্বেন্তী ত্বেন্তীদা ভারতনা ইন্তর্নেস্নেল বুদ্ধিস্ত কনক্লেবকী য়ুম্বু ওইগনি। ঐনা বিমস্তেক্কী মীহুৎ ওইরিবা লৈবাক পুম্নমকপু তাঞ্জা অদুদা গেস্ত ওফ ওনর ওইনা শরুক য়াবীরনবা চেবাও পীজরি। ঐখোয়গী নহা ওইরিবা মীরোলশিংগী মরক্তা মরি থম্নবদা পুক্নীং থৌগৎনবা বিমস্তেক য়ুথ সমিৎ অমসুং বিমস্তেক বেন্দ ফেস্তিবেলগী ৱাফম ভারতনা পুখৎপা পাম্মি। মসিগা লোইননা বিমস্তেক য়ুথ ৱাতর স্পোর্তসু ভারতনা শিনবা ঙমগনি। বিমস্তেক লৈবকশিংগী নহাশিংগীদমক্তা নালন্দা য়ুনিভর্সিতীদা স্কোলরশিপ কুনথ্রা অমসুং জিপমর ইন্সতিত্যুত্তা এদভান্স মেদিসিনগীদমক্তা রিসর্স স্কোলরশিপ তরানিথোইসু পীগনি। লোইননা, ভারতকী আইতেক থৌরমগী মখাদা তুরিজম, ইনভাইরনমেন্ত দিজাস্তর মেনেজমেন্ত, রেন্যুএবল ইনর্জী, লৌউ-শিংউ, ত্রেদ অমসুং দবল্যু.তি.ও.গুম্বা হিরমশিংদা শোর্ত তার্ম ত্রেনিং কোর্স চাম্মগীসু ওফর পীগনি। বে ওফ বেঙ্গলগী লমদমদা কলা, চৎনবী-নাৎ, সমুদ্রগী আইনশিং অমসুং অতৈ হিরমশিংদা থিজিল-হুমজিন্নবা ঐখোয়না নালন্দা য়ুনিভর্সিতীদা সেন্তর ফোর বে ওফ বেঙ্গল স্তদিজসু লিংখৎলগনি। সেন্তর অসিদা লৈবাক পুম্নমক্কী লোনশিংগী অমনা অমগা ফাওনরিবশিংগী মতাংদা থিজিন-হুমজিনবা য়াগনি। ঐখোয়না লৈবাক পুম্নমক্কী মাগী-মাগী কুইরবা পুৱারী, অমসুং পুৱারীগা মরি লৈনবা তুরিজমগী ওইথোকপা য়াবশিংগী মপুং ফানা খুদোংচাবা লৌনবগীদমক্তা পুৱারীগী ওইবা ফুরা-দলানশিংবু অমুক হন্না শেজিন-শাজিন্নবগীদমক্তা মতেং পাংবা ঙমগনি।  
এক্সিলেন্সীশিং,

লমদমসিগী ইন্তিগ্রেসন লোইননা শেনমিৎলোনগী খোংজেল অমসুং চাউখৎনবগীদক ঐখোয়না শরুক য়ামিন্নরিবা হোৎনবশিংগী মাই পাক্ননবগীদমক ঐখোয়গী লমদম অসি তংদু-লৈতাবা অমসুং শোইদ-ঙামদবা ওইহনবা অসি মথৌ তাই। হিমালয় অমসুং বে ওফ বেঙ্গলগা শম্নরিবা ঐখোয়গী লৈবাক অসি মহৌশাগী খুদোংথিবশিংগা হন্না হন্না মায়োক্নদুনতা লৈরি। করিগুম্বদা ইচাউ, করিগুম্বদা সাইক্লোন, করিগুম্বদা য়ুহা হাবা। মসিগী মতাংদা হ্যুমেনিতরিয়ন এসিস্তেন্স অমসুং দিজাস্তর রিলিফকী হোৎনবশিংদা ঐখোয়গী তেংবাং পীনবা অমদি পুন্সিনবা অসি য়াম্নমক মরু ওই। 

এক্সিলেন্সীশিং,

ঐখোয়গী মরক্তা তেরোরিস্ত অমদি তেরোরিজমগী নেতৱর্ক্কা মরি লৈনবা ত্রান্স-নেস্নেল মায়োক্নদবা অমসুং দ্রগ ত্রাফিকিংগুম্বা সমস্যাশিং মায়োক্নদবা লৈবাক অমত্তা য়াওদে। ময়াই কাবা পোৎলমশিংগা মরি লৈনবা হিরমশিংদা ঐখোয়না বিমস্তেক ফ্রেম-ৱার্ক্তা কনফরেন্স অমা পাংথোক্নবা শেম শারি। মসি ময়েক শেংলে মদুদি মসিগী সমস্যাশিং অসি কনাগুম্বা লৈবাক অমখক্কী লো অমসুং ওর্দরগা মরি লৈনবা সমস্যা খক্তা নত্তে। মখোয়শিং অসি মায়োক্ননবা অমত্তা ওইনা পুন্সিনবা তাই। অমসুং মসিগীদমক্তা ঐখোয়না মতিক চাবা কাংলোন অমদি ফ্রেম-ৱার্ক শেমগদবনি। মসিগী মতাংদা, ঐখোয়গী লো মেকরশিং, মরু ওইনা নুপী এম.পি.শিংনা অমগা অমগা লোইনবা অসি মতেং ওইনবা য়াই। ঐনা পুখৎচরিবা ৱাফমদি বিমস্তেক ৱুমেন পর্লিয়মেন্ত্রিয়ন ফোরম লিংখৎকদবনি হায়বসিনি।   

এক্সিলেন্সীশিং,

 

হৌখিবা চহি তরাগী খুজিং অনিদা বিমস্তেক্না শিংথানীংঙাই ওইনা খুমাং চাউশিনখ্রে। অদুম ওইনমক হৌজিক ঐখোয়গী মাংদা য়াম্না শাংনা চৎকদবা খোংচৎ লৈরি। ঐখোয়গী ইকোনোমী ইন্তিগ্রেসনবু হেন্না চেৎশিলহন্নবগীদমক হৌজিক ওইথোকনীংঙাই য়াম্না লৈরি। অমসুং মসিমক ঐখোয়গী মীয়াম্না ঐখোয়দা থম্লিবা থাজবা অদুসুনি। মসি মরিশুবা সমিৎনি, ঐখোয়গী মীচম মীয়ামগী অপাম্বা, অনীংবশিং অদু মপুং ফাহন্নবগী মাইকৈদা অচেৎপা খোংথাং লৌখৎনবা য়াম্না ফরবা তাঞ্জানি। মরিশুবা সমিৎ অসিগী দিক্লারেসন্দা য়াম্না মরু ওইবা ৱারেপ কয়ামরুম পুসিল্লক্লি। মসিদগী বিমস্তেক্কী লুপ অমসুং থৌওংশিংদা থৌনা য়াম্না পীরগনি। লোইননা, বিমস্তেক্কী থবক-থৌওংশিংবু অচেৎপা মশক অমা শেম্নবগীদমক সমিৎ অসিগী মাই পাকপা অসিনা য়াম্না মরু ওইবা মাইলস্তোন অমা ওইরগনি। মসিগীদমক্তা ঐনা য়ুম্বু ওইবীরিবা লৈবাক, নেপাল সরকার, ওলীজী, অমসুং শরুক য়াবীরিবা লুচীংবা পুম্নমক্কী লীচিং অদুবু থমোই শেংনা নোল্লুকপা উৎচরি। মতুংদসু ভারতনা অদোমগা লোইননা লেঙ্গোন্ননা চৎমিন্ননবগী ৱাফম থমজরি। 

 

 

 

দোনেসন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
‘Modi Should Retain Power, Or Things Would Nosedive’: L&T Chairman Describes 2019 Election As Modi Vs All

Media Coverage

‘Modi Should Retain Power, Or Things Would Nosedive’: L&T Chairman Describes 2019 Election As Modi Vs All
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 25 মে, 2019
May 25, 2019
Share
 
Comments

Members of the NDA family unanimously choose PM Narendra Modi for another term as the Prime Minister

Wishes continue to pour in for PM Narendra Modi & Shri Amit Shah on BJP’s astounding victory in the General Elections

Post a historic victory in the General Elections, PM Narendra Modi interacts with PMO staff & Council of Ministers

Citizens highlight efforts of Modi Govt. towards benefitting every section of the society