প্রধান মন্ত্রী, শ্রী নরেন্দ্র মোদীনা মহৈ তম্লিবা নহারোলশিংনা তুংদা লুচিংবগী থৌদাং লৌবা ঙম্নবা শেমগৎপীনবা চত্থবা লৈবাক্কী স্কিম, য়ুভাঃ নহা ওইরিবা অইবশিংবু লমজিং-লমতাকপীবা প্রধান মন্ত্রীগী স্কিমগী মতাংদা খঙমিন্নসি হায়না নহারোলশিংদা পাউজেল পীখ্রে।
শ্রী মোদীনা ত্বীৎ অমদা অসুম্না হায়খি, “নহারোলশিংনা মখোয়গী ইবা ঙম্বগী মহৈ শিজিন্নদুনা ভারতকী ৱাখল লৈবা মীওইশিংগী খন্ন-নৈনবদা তেংবাংবা য়াবগী য়াম্না অফবা খুদোংচাবা অমা হৌজিক লৈরে। মসিদগী, https://innovateindia.mygov.in/yuva/, অহেনবা ৱাফম খঙসি”।
Here is an interesting opportunity for youngsters to harness their writing skills and also contribute to India's intellectual discourse. Know more… https://t.co/SNfJr7FJ0V pic.twitter.com/rKlGDeU39U
— Narendra Modi (@narendramodi) June 8, 2021
নেস্নেল এজুকেসন পোলিসী ২০২০না নহা ওইরিবা মীওইশিংবু পুক্নিং থৌগৎপা অমসুং তুংদা লাক্কদবা মতমদা লুচিংবগী থৌদাং লৌবা ঙম্নবা নহাশিংবু শেমগৎপীনবা মহৈ তম্বগী ইকোসীস্তেম অমা শেম্বদা অহেনবা মিৎয়েং চঙলি।
পান্দম অসি ফংনবগীদমক্তা অমসুং ভারতকী নিং-তম্বগী চহি ৭৫গী শুরকপগী হরাওবা ফোংদোকপা ওইনা, লৈবাক্কী স্কিম ওইরিবা য়ুভাঃ নহা ওইরিবা অইবশিংবু লমজিং-লমতাকপীবা প্রধান মন্ত্রীগী স্কিম অসিনা হয়েংগী লুচিংবশিং অসিগী অচেৎপা য়ুম্ফম শেম্বদা য়াম্না তেংবাংগনি।
লৈবাক অসিনা নিং-তম্বগী চহি ৭৫গী মাইকৈদা চঙলক্লিবা অসিদা স্কিম অসিনা তঙাই ফদবা অমা ওইনা, ভারতকী লিতরেচরগী হৌজিক মতমগী মীহুৎ শেম্বগী ৱাখল্লোন লৈরি। ভারত অসি লাইরিক ফোঙবগী লমদা ৩শুবা থাক্তা লৈরি অমসুং লমদম অসিগী লিতরেচরগী লন অসিবু মখা তানা হেনগৎহন্নবগীদমক্তা হায়রিবা থৌওং অসিবু মালেমগী থাক্তা পুখৎপগী থৌওং অসি য়াম্না মরু ওইবনি।
