Share
 
Comments

“ভারত সরকারনা পায়খৎলিবা অনা-লায়েংগী থবকশিং অসিনা ভারমচা ক্রোর ৫০দা কান্নবা ফংহল্লগনি। লায়রবনা মরম ওইদুনা লায়েংবা ঙমদ্রিবা ভারতকী লায়রবশিং মনীং তমহনবা অসি তঙাইফে” – প্রধান মন্ত্রী নরেন্দ্র মোদী

ভারতমচা খুদিংমক অহোংবা মমলদা অফবা মখলগী মগুন লৈবা অনা-লায়েংগী খুদোংচাবা ফংহনগদবনি। পুন্না চাউখৎমিন্নবা খুন্নাই অমা শেমগৎপদা মরুওইনা চংলিবশিংগী মনুংদা অনা-লায়েংগী থবক অসি অমনি হায়না খল্লদুনা, প্রধান মন্ত্রী নরেন্দ্র মোদীগী সরকারনা মশা-মউ ফবা ভারত অমগী থবক কয়া পায়খৎলে।

মমাশিং অমসুং অঙাংশিংগী হকশেল

প্রধান মন্ত্রী সুরক্ষা মাত্রিত্ব অভিয়ান্না মীরোনবী খুদিংমক থা খুদিংগী তাং ৯দা লেম্না লায়েংবগী খুদোংচাবা পীরি। মমা অমসুং অঙাংগী হকচাং ফনা থম্নবা লায়েংশঙ ১৩,০৭৮ হেনবদা এন্তিনেতেল চেক-অপ ক্রোর ১.৩ হেন্না পাংথোকখ্রে। মসিগী মথক্তা মীরোনবী লাখ ৮০.৬৩ তিকা থাখ্রে। লায়েংবা মতমদা, খুদোংথিনীংঙাই ওইবা  মওংদা মীরোনবা লাখ ৬.৫ মশক খঙদোকপা ঙমখি।

মখোয়গী অহানবা অঙাং পোক্ত্রিঙৈ অমসুং পোক্লবা মতুংদা মতিক চানা পোথাবা ফংনবা মীরোনবীশিং অমসুং খোমজিংবীশিংদা প্রধান মন্ত্রী মাত্রু বন্দনা য়োজননা শেন্থং পীরি। চহি অমদা মীরোনবী লাখ ৫০ হেন্না শেন ওইনা লুপা ৬০০০ ফংলবা য়ারি। অঙাং ওইরিঙৈ মতম অসি মীওই অমগী হকচাং ফনবগী য়াম্না মরুওইবা মতমনি। মিশন ইন্দ্রধনুসগী মখাদা ২০২০ ফাওবদা হায়রিবা অঙাংশিং অসি কোনশিন্দুনা তিকা থাদ্রিবা অঙাংশিং তিকা থাগনি। মখোয় তিকা থাদুনা ঙাকথোকপা ঙম্বা লায়নাশিং হায়বদি দিপথেরিয়া, হুপিং কপ, তিতানস, পোলিও, তি.বি., মিজলস অমসুং হেপতাইতিস বি.দগী ঙাকথোকপা ঙমগনি।

মিশন ইন্দ্রধনুস অসি ফেজ মরি মপুং ফারে, মসিনা জিলা ৫২৮ মীরোনবগী লাখ ৮১.৭৮ অমসুং অঙাং ক্রোর ৩.১৯ তিকা থাখ্রে। ২০১৫গী নভেম্বরদা ওরেল ভেকসিনদগী হেন্না ফবা ইনএকতিভেতেদ পোলিও ভেকসিন হৌদোক্লে। ২০১৬কী মার্চতা রোতাভাইরস ভেকসিন হৌদোক্লে অমসুং চাউরাক্না অঙাং ক্রোর ১.৫ হেন্নবদা তিকা থাখ্রে। ২০১৭গী ফেব্রুৱারীদগী মিজল রুবেলা তিকা থাবগী থবক হৌদোক্তুনা অঙাং ক্রোর ৮ হেন্না তিকা থাখ্রে। ২০১৭গী মেদা ন্যুমোকোকল কঞ্জুগেত ভেকসিন হৌদোক্তুনা অঙাং লাখ ১৫দা তিকা থাখ্রে।

নাদনবা চেকশিনবা

পুন্সি মহিংগা মরি লৈনবা লায়নাশিং অসি মালেমগী ওইনা অচৌবা শিংনবা অমা ওইরক্লি। প্রধান মন্ত্রী নরেন্দ্র মোদীগী লমজিং মখাদা মালেমগী মীয়ামদা হকচাংগী কান্নবা পীনবা য়োগ অসি মীয়ামগী ইহৌ অমা ওইরে। ২০১৫দগী হৌনা চহি খুদিংগী জুন ২১ অসি মালেমগী য়োগগী নুমিৎ ওইরে অমসুং মালেম শীনবা থুংনা থৌরম অসি পাংথোক্নরে।

মচি ওইবা চিঞ্জাক চাবা ৱাৎপা কোকহন্নবা প্রধান মন্ত্রী নরেন্দ্র মোদীগী সরকারনা পোসন অভিয়ান হৌদোক্লে। মসি থৌরাং কয়াগী মখাদা মচি ওইবা চিঞ্জাক চাবা ৱাৎপা থীংনবা পায়খৎপা থৌরম অমনি। মসিনা তেক্নোলোজী কয়া শীজিন্নদুনা পান্দম থমদুনা থবক তৌরি।

অহোংবা অমসুং অফবা অনা-লায়েংগী থবক

অহোংবা অমসুং অফবা অনা-লায়েংগী থবকশিং মীয়ামদা ফংহন্নবা, হিদাক মখল ১০৮৪ মে ২০১৪গী মতুংদা মমল হন্থদুনা কঞ্জুমরশিংদা লুপা ক্রোর ১০,০০০ হেন্না কান্নবা ফংহল্লে।

প্রধান মন্ত্রী ভারতিয়া জন ঔশধী কেন্দ্র ৩,০০০গী মখাদা ভারত শীনবা থুংনা হিদাক য়োনবা দুকানশিং হাংদোক্লে। মসিনা মীয়ামদা কেন্সর অমসুং থম্মোয়গী লায়নাশিংগী হিদাকশিং য়াওনা হিদাক কয়া কৈথেলগী মমলদগী চাদা ৬০দগী ৯০ তানা ফংহল্লে।

প্রধান মন্ত্রী নরেন্দ্র মোদীগী সরকারনা হোৎনবদগী কার্দিয়াক স্তেন্তশিং অমসুং খুউ শিনবগী মমল চাদা ৫০-৭০ ফাওবা তারে। মসিনা অনাবশিংদা খুদোংচাবা কয়া ফংহল্লে।

প্রধান মন্ত্রী নেসনেল দাইলাইসিস প্রোগ্রাম ২০১৬তা হৌদোকপদগী নেসনেল হেল্থ মিশনগী মখাদা লায়রবা অনাবশিংদা লেম্না দাইলাইসিসকী কানবা পীরি। মসিগী মখাদা অনাবা লাখ ২.৫ হেন্না দাইলাইসিস লাখ ২৫ রোম পাংথোকখ্রে। হৌজিক দাইলাইসিস য়ুনিত ৪৭৯দা দাইলাইসিস মছিন ৩৩৩০ থবক তৌরি।

আয়ুশ্মান ভারত

সরকার অমসুং লনাই অনি পুন্না থবক তৌমিন্নদুনা মীয়ামদা হকশেলগী খুদোংচাবা ফংহন্নবা পান্দমদা ভারত সরকারনা আয়ুশ্মান ভারত স্কিম পায়খৎলে। মালেমদা খ্বাইদগী চাউবা হকশেলগী থৌরম অসিনা মীওই ক্রোর ৫০দা চহি অমদা লুপা লাখ ৫গী হেল্থ ইন্সুরেন্স পীগনি। মীয়ামদা তঙাইফদবা হকশেলগী খুদোংচাবশিং ফংহন্নবা সব সেন্তরশিং অমসুং প্রাইমরী হেল্থ সব সেন্তর লাখ ১.৫ হেল্থ এন্দ ৱেলনেস সেন্তরদা ওন্থোক্লগনি।

লৈবাক শীনবা থুংনা হকশেলগী মচাক-মথুম কয়া শেমগৎলে:
• এ.আই.আই.এম.এস.কুম্বা অনৌবা হোস্পিতাল ২০ লিংখৎলগনি
• হৌখিবা চহি মরিদা মেদিকেল কোলেজ ৯২ লিংখৎতুনা এম.বি.বি.এস. সিত ১৫,৩৫৪ হেনগৎলে
• সরকারগী মেদিকেল কোলেজ ৭৩ ফগৎহল্লে
• ২০১৪গী জুলাইদগী, এ.আই.আই.এম.এস. ৬তা ফাম্মুং ১৬৭৫ হাপকৎলে
• ২০১৭-১৮দা ঝারখন্দ অমসুং গুজারাতকী অনৌবা এ.আই.আই.এম.এস. অনি লিংখৎনবা লাউথোক্লে
• হৌখিবা চহি মরিদা পি.জি. সিত ১২,৬৪৬ হেনগৎলে

থৌশিলশিং অমসুং আইনশিং

চহি ১৫গী মতুংদা, নেসনেল হেল্থ পোলিসী ২০১৭তা শেম্লে। মসিনা হৌজিক লৈরিবা অমসুং থোরক্লিবা অনাবশিং মায়োক্নবদা অচৌবা মতেং পীরগনি।

প্রধান মন্ত্রী নরেন্দ্র মোদীনা লুচিংবা এন.দি.এ. সরকারনা মেন্তেল হেল্থকেয়র এক্ত, ২০১৭ চৎনহন্দুনা ভারতকী ওইনা মেন্তেল হেল্থকগী ফ্রেমৱার্ক অমা শেম্লে। মসিনা মীয়ামগী হকশিং ঙাক্তুনা মেন্তেল হেল্থগী লায়েংবগী খুদোংচাবা ফংহনগনি।

লায়না মুথৎপা

মালেমগী ওইনা তি.বি. নাবা শরুক মরিগী মনুংদা শরুক অহুম ভারত্তা থেংনরি। ২০৩০ ফাওবগী মনুংদা তি.বি. লায়না মুথৎনবা পান্দম থম্লি। মালেমগী ওইনা থম্লিবা পান্দম অদুদগী ঙনখৎনা তি.বি. মুথৎনবা ভারতনা থবক কন্না পায়খৎলি। প্রধান মন্ত্রী নরেন্দ্র মোদীনা লুচিংবা সরকারনা দোত সেন্তর লাখ ৪ হাংদোক্লে। অপুনবা মীশিং ক্রোর ৫.৫ রোম হেন্না য়ুম-য়ুমদা চংদুনা তি.বি. লাইওং মশক খঙদোকপগী থবক পায়খৎলি। অনাবশিং তি.বি. লায়েংলিঙৈ মতমদা মচি ওইবা চিঞ্জাক চানবা থা খুদিংগী ওইনা লুপা ৫০০ দি.বি.তি. ওইনা পীরি।

২০১৮দা লেপ্রোসী মুথৎনবা, ২০২০দা মিজলস মুথৎনবা অমসুং ২০২৫দা তি.বি. মুথৎনবা থবক কয়া সরকারনা পায়খৎলে। ২০১৫গী মেদা ভারতনা মেতরনেল অমসুং নিও-নেতেল তিতানস মুথৎপা ঙম্লে। মসি মালেমগী ওইনা থম্লিবা ২০১৫গী দিসেম্বরগী পান্দম অদুদগী ঙনখৎপা ঙমলে।

বি জে পী লৈঙাক মখাদা চাক থোংনবা গ্যাস শীজিন্নবা চাদা ৩২ হেনগৎলে : প্রধান

লায়রবশিংদা চাক থোংনবা গ্যাস ফংহন্নবা কেন্দ্র সরকারনা পায়খৎলকপা থবক্না মরম ওইদুনা য়ুমশিংদা চহি মরিগী মমাংদা চাদা ৫৫ চাক থোংনবা গ্যাস শীজিন্নরম্বা অদু হৌজিক চাদা ৮৭ য়ৌরে হায়না পেত্রোলিয়ম অমসুং নেচরেল গ্যাসকী কেন্দ্র মন্ত্রী ধরমেন্দ্র প্রধাননা হায়খ্রে।

উজ্জ্বালা য়োজনাগী কান্নবশিং ধরমেন্দ্র প্রধাননা হায়খি অমসুং মসিনা লায়রবা নুপীশিং শক্তি পীরে হায়খ্রে

চহি মরিগী মমাংদা চাদা ৫৫ চাক থোংনবা গ্যাস শীজিন্নরম্বা অদু হৌজিক চাদা ৮৭ য়ৌরে: মন্ত্রী

উজ্জ্বালা য়োজনাগী মখাদা ঐখোয়গী সরকারনা লায়রবশিংদা চাক থোংনবা গ্যাস ফংহন্নবা পান্দম থম্লি: ধরমেন্দ্র প্রধান

দোনেসন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
‘Modi Should Retain Power, Or Things Would Nosedive’: L&T Chairman Describes 2019 Election As Modi Vs All

Media Coverage

‘Modi Should Retain Power, Or Things Would Nosedive’: L&T Chairman Describes 2019 Election As Modi Vs All
...

Nm on the go

Always be the first to hear from the PM. Get the App Now!
...
Share
 
Comments

ইনফ্রাস্ত্রকচর অমসুং কনেক্তিবিতী এক্ত অসি লৈবাক অমগী চাউখৎ-থৌরাং অমসুং শেমগৎ-শাগৎপগী মরু ওইবা লম্বী অমনি। প্রধান মন্ত্রী নরেন্দ্র মোদীনা লুচীংবা এন.দি.এ. সরকারনা ইনফ্রাস্ত্রকচর শেমগৎ-শাগৎপদা হেন্না মরু ওইনা লৌরি হায়বসি ময়েক শেংলে। অনৌবা ভারত অমগী মঙলান মঙফাওননবগীদমক, এন.দি.এ. সরকারনা রেলৱেজ, রোদৱেজ, ৱাতরৱেজ, এভিয়েসন নত্তরগা অহোংবা য়ুমদা মীৎয়েং থম্লি।  

রেলৱেজ

ভারতকী রেল নেৎৱর্ক অসি মালেমগী খ্বাইদগী চাউবা রেলৱে নেৎৱর্কশিংগী মনুংদা অমনি। প্রধান মন্ত্রী মোদীগী লুচীং মখাদা এন.দি.এ. সরকারগী মতমদা ত্রেক নৌথোকহনবগী খোংজেল, মী লৈতবা থাক্কী ক্রোসিং লৌথোকপা অমসুং ব্রোদ গেজ লাইন্সশিং হৌদোকপদা মশক থোক্না খুমাং চাউশিল্লে।

কুমজা ২০১৭-১৮গী মতমদা রেলৱেনা খুদোংথিবা ১০০দগী তানা থোক্তুনা হৌজিক ফাওবগী ওইবা খ্বাইদগী শোইদ-ঙামদবা রেকোর্দ থম্বা ঙমখ্রে। দেতা অমনা ফোংদোক্লি মদুদি কুমজা ২০১৩-১৪দা রেলৱেগী খুদোংথিবা ১১৮ থোকখি মদু ২০১৭-১৮দা ৭৩ খক্তমক ওইখি। কুমজা ২০০৯-১৪দগী ২০% হেনগৎপগী খোংজেলগা লোইননা মী য়াওদবা থাক্কী ক্রোসিং ৫,৪৬৯ লৌথোকখ্রে। হেন্না শাফনবগীদমক কুমজা ২০২০ ফাওবগী মনুংদা ব্রোদ গেজ রুৎশিংদা মী য়াওদবা থাক্কী ক্রোসিং লৌথোক্নবা পান্দম থম্লি।

রেলৱেজগী শেমগৎ-শাগৎপগী থৌরাং পাইখৎলদুনা, মসিদা কুমজা ২০১৩-১৪দা ২,৯২৬ ওইরম্বদগী কুমজা ২০১৭-১৮গী মতমদা ৪,৪০৫ ওইদুনা ৫০% হেনগৎলে। প্রধান মন্ত্রী নরেন্দ্র মোদীগী লুচীং মখাদা এন.দি.এ. সরকারগী চহি ৪গী মনুংদা ব্রোদ গেজ ওইহনবগী থবক অসি (কিলোমীতর ৯,৫২৮) কুমজা ২০০৯-১৪গী মতমদগী (কিলোমীতর ৭,৬০০) হেন্না ফগৎলে।

অহানবা ওইনা ভারতকী অৱাং নোংপোক অসি ভারতকী অতৈ মফমশিংগা নেৎৱার্ক অপুনবা ব্রোদ গেজদা ওন্থোক্তুনা শম্নহল্লে। নীংখা তম্লবা চহি ৭০গী মতুংদা মসিনা মেঘালয়, ত্রিপুরা অমসুং মিজোরম অসি ভারতকী রেলগী মেপতা য়াওহল্লে!

অনৌবা ভারত অমা শেমগৎনবীদমক, ঐখোয়না চাউখৎলবা তেক্নোলোজীসু মথৌ তাই। মুম্বাইদগী অহমদবাদ ফাওবা চেলহন্নবা থৌরাং তৌরিবা বুল্লেৎ ত্রেন অসিনা খোংচৎকী মতম অসি চাউরাক্না পুং ৮দগী ২দা হন্থহল্লগনি।           

এভিয়েসন

সিবিল এবিয়েসন সেক্তরদসু খোংজেল য়াংনা চাউখৎলক্লি। উরান (উরে দেশ কা আম নাগরিক)গী মখাদা অহোংবা খোংচৎ ফংহন্নবগীদমক চহি ৪ খক্তং অসিদা ওপরেস্নেল এয়রপোর্ত ২৫ হাপচিনখ্রে মসি নীং তম্বদগীনা কুমজা ২০১৪ ফাওবদা এয়রপোর্ত ৭৫ লৈখিবা অদুগী মায়োক্তনি। ভারত মচা কয়াগী এরোপ্লেন তোংবগী মঙলান অদু মঙফাওনহনবদা মতেং ওইনবগীদমক মথৌ তৌদবা অমদি মতিক চাদবা এয়রপোর্তশিংদা পুংদা লুপা ২,৫০০গী ভারাদা সবসিদাইজ তৌদুনা রিজনেল এয়র কনেক্তিবিতী লৈহনখ্রে। অসুম্না, মীয়াম্না এ.সি. ত্রেন্দগী হেন্না অহানবা ওইনা এরোপ্লেন তোংনখ্রে।

হৌখিবা চহি অহুম অসিদা ১৮-২০%গী চাংদা পেসেঞ্জর ত্রাফিক গ্রাোথকা লোইননা, ভারত অসি মালেমগী খ্বাইদগী চাউবা অহুমশুবা এভিয়েসনগী কৈথেল অমা ওইনা শাফোংলক্লি। কুমজা ২০১৭তা দোমেস্তিক এয়র পেসেঞ্জরগী মশিং অসি লাখ ১০০ হেনখি।    

শিপ্পিং

প্রধান মন্ত্রী নরেন্দ্র মোদীগী সরকার মখাদা ভরতনা শিপ্পিং সেক্তরদসু লেপ্তনা চাউখৎপা পুরক্লি। পোর্ত-লেদ দিবেলপমেন্তা খোংজেল য়াংশিনবনা মরম ওইদুনা, মরু ওইবা হিথাংফমশিংদা চংলম্বা মতম অদু কুমজা ২০১৩-১৪দা পুং ৯৪ ওইরম্বদগী কুমজা ২০১৭-১৮দা ৬৪ ওইদুনা শরুক অহুম হন্থরে।

মরুওইবা হিথাংফমশিংগী কার্গো ত্রাফিক্কী মতাংদা খন্নরে। মসি কুমজা ২০১০-১১দা মেত্রিক তন ৫৭০.৩২ ওইরম্বদগী কুমজা ২০১২-১৩দা মেত্রিক তন ৫৪৫.৭৯দা হন্থখি। অদুম ওইনমক, এন.দি.এ. সরকারগী মখাদা কুমজা ২০১৭-১৮গী মতমদা মেত্রিক তন ৬৭৯.৩৬৭দা হেনগৎহনখি, মসি    মেত্রিক তন ১০০দগী হেনবা অচৌবা হেনগৎপা অমনি!

লৈবাক মনুংগী ওইবা ঈশিংগী লম্বীদা পোৎ-পুথোক পুশিন তৌবগী মমল মশক থোক্না হন্থখ্রে অমসুং কার্বোন ফুত প্রিন্ত হন্থহনবতা নত্তনা শেনমিৎলোনদসু চাউনা ফগৎহল্লে। হৌখিবা চহি ৩০দা নেস্নেল ৱাতরৱেজ ৫ লৈখিবগা য়েংনরুবদা হৌখিবা চহি ৪ অসিদা নেস্নেল ৱাতরৱেজ ১০৬ হাপচিনখ্রে।

লম্বীগী শেমগৎ-শাগৎপা

ত্রান্সফোর্মেতিব প্রোজেক্ত ভারত মালা পরিয়োজনাগী মখাদা মল্তি-মোদেল ইন্তিগ্রেসনগা লোইননা হাইৱেশিং চাউথোকহনবগী থবক পাইখৎলি। নেস্নেল হাইৱে অসি কুমজা ২০১৩-১৪দা কিলোমীতর ৯২,৮৫১ ওইরম্বদগী কুমজা ২০১৭-১৮দা কিলোমীতর ১,২০,৫৪৩ শাংদোকখ্রে।

অপুনবা চাদিং লুপা ক্রোর ২০,৮০০গা লোইননা হেন্না ফবা লম্বীগীদমক্তা সেতু ভারতম প্রোজেক্ত পাইখৎনবা, রেলৱে ওভরব্রিজ শাবা নত্ত্রগা নেস্নেল হেইৱে পুম্নমক রেলৱে ক্রোশিংদগী নান্থোক্তুনা চৎহন্নবা ফিরেপ লৌরে।

লম্বী শেম্বগী খোংজেল অয়াম্বনা শরুক অনি হেনগৎলে। হাইৱে শেমগৎ-শাগৎপগী থবক কুমজা ২০১৩-১৪দা নোংমদা কিলোমীতর ১২ ওইরম্বদু ২০১৭-১৮দা নোংমদা কিলোমীতর ২৭ ওইরে।

 

লম্বীগী শেমগৎ-শাগৎপা

ত্রান্সফোর্মেতিব প্রোজেক্ত ভারত মালা পরিয়োজনাগী মখাদা মল্তি-মোদেল ইন্তিগ্রেসনগা লোইননা হাইৱেশিং চাউথোকহনবগী থবক পাইখৎলি। নেস্নেল হাইৱে অসি কুমজা ২০১৩-১৪দা কিলোমীতর ৯২,৮৫১ ওইরম্বদগী কুমজা ২০১৭-১৮দা কিলোমীতর ১,২০,৫৪৩ শাংদোকখ্রে।

অপুনবা চাদিং লুপা ক্রোর ২০,৮০০গা লোইননা হেন্না ফবা লম্বীগীদমক্তা সেতু ভারতম প্রোজেক্ত পাইখৎনবা, রেলৱে ওভরব্রিজ শাবা নত্ত্রগা নেস্নেল হেইৱে পুম্নমক রেলৱে ক্রোশিংদগী নান্থোক্তুনা চৎহন্নবা ফিরেপ লৌরে।

লম্বী শেম্বগী খোংজেল অয়াম্বনা শরুক অনি হেনগৎলে। হাইৱে শেমগৎ-শাগৎপগী থবক কুমজা ২০১৩-১৪দা নোংমদা কিলোমীতর ১২ ওইরম্বদু ২০১৭-১৮দা নোংমদা কিলোমীতর ২৭ ওইরে।

তুরিজম্না থবক ফংহনবগী অচৌবা ওইথোকপা ওইহল্লি। তুরিজম সেক্তরদা শাফু পীবগা লোইননা লাই খুরুম্বা লাকপা হেনগৎহন্নবগীদমক, চার ধাম মহামার্গ বিকাস পরিয়োজনা হৌদোক্লে। মসিনা খোংচৎ অদুবু হেন্না শোইদ-ঙামদবা, থুহনবা অমসুং খুদোংচাবা ওইহন্নবা হোৎনরি। মসিদা চাউরাকপা লুপা ক্রোর ১২,০০০গী চাদিংদা নেস্নেল হাইৱে কিলোমীতর ৯০০ শেম্বগী মথৌ তারি।

মচাক-মথুমদা ইনোৎ পীবগা লোইননা, পোৎ-পুথোক পুশিনগী থবক হেন্না পাইখৎলি অমসুং শেনমিৎলোনগী মপাঙ্গল কনখৎহল্লি। এন.দি.এ. সরকারনা হোৎনবনা মরম ওইদুনা, হৌজিক ফাওবগী পোৎ পুথোক-পুশিন য়াম্না তৌখিবা (মেত্রিক তন ১,১৬০)গী রেকোর্দ কুমজা ২০১৭-১৮দা থমখ্রে।      

আর্বান ত্রান্সফোর্মেসন

স্মার্ত সিতীগী খুৎথাংদা আর্বান ত্রান্সফোর্মেসনগীদমক্তা, চাউরাক্না আর্বান সেন্তর ১০০ রোম হিংবগী মগুন হেনগৎহন্নবা, তুং কোইবা আর্বান প্লান্নিং অমসুং দিবেলপমেন্ত পাইখৎনবগীদমক খনখ্রে।  শহরশিং অসিদা পাইখৎপা তোঙান তোঙানবা প্রোজেক্তশিংনা ভারত মচা ক্রোর ১০ রোমদা তশেংনা অচুম্বা শাফু অদু পীরগনি। প্রজেক্তশিং অসি লুপা ক্রোর ২,০১,৯৭৯ চংগনি।

চাউরাক্না অহোংবা য়ুম ক্রোর ১ রোম প্রধান মন্ত্রী অৱাস য়োজনাগী মখাদা খুঙ্গং অমসুং শহরগী মফম অনিমক্তা শাখ্রে। ময়াই ওইবা অমসুং নিয়ো মিদল ক্লাসকী কান্নবা ফংননবা, লুপা লাখ ৯দগী লাখ ১২ ফাওবগী হাউসিং লোন শেন্দোইগী সবসিদী 3% অমসুং 4%দা য়াখ্রে।