શેર
 
Comments

તંદુરસ્ત ભારત

“આરોગ્યસુરક્ષા માટે ભારત સરકારની પહેલ 50 કરોડ ભારતીયો પર હકારાત્મક અસર પાડશે. એ જરૂરી છે કે આપણે ભારતના ગરીબોને ગરીબીની પકડમાંથી મુક્ત કરીએ કારણકે ગરીબીને કારણે તેમને આરોગ્યસુરક્ષા પોસાતી નથી.”

  • વડાપ્રધાન નરેન્દ્ર મોદી

દરેક ભારતીય પોસાય તેવી તેમજ ઉપલબ્ધ હોય તેવી ઉચ્ચ સ્તરની આરોગ્ય સુરક્ષાને લાયક છે. સમાવેશી સમાજ બનાવવા માટે આરોગ્યસુરક્ષાને ચાવીરૂપ પરિબળોમાંથી એક માનીએ તો વડાપ્રધાન નરેન્દ્ર મોદીની સરકારે તંદુરસ્ત ભારત બનાવવા માટે ઘણા પગલાં લીધા છે.

માતાઓ અને બાળકોનું આરોગ્ય

પ્રધાનમંત્રી સુરક્ષિત માતૃત્ત્વ અભિયાન સુનિશ્ચિત, વ્યાપક અને ગુણવત્તાસભર પૂર્વ પ્રસુતિ સંભાળ દરેક સગર્ભા મહિલાને દરેક મહિનાની નવમી તારીખે વિના મુલ્યે પૂરી પાડે છે. માતા અને બાળકની તંદુરસ્ત તબિયતને સુનિશ્ચિત કરવા માટે 13,078 થી પણ વધારે સેવા કેન્દ્રો ખાતે 1.3 કરોડ પૂર્વ પ્રસુતિ તપાસ કરવામાં આવી હતી. આ ઉપરાંત 80.63 લાખથી પણ વધુ સગર્ભા મહિલાઓને રોગપ્રતિરોધી બનાવવામાં આવી હતી. સ્ક્રિનિંગ દરમ્યાન 6.5 લાખ ઉંચા જોખમવાળી ગર્ભાવસ્થાની ઓળખ થઇ હતી.

પ્રધાનમંત્રી માતૃ વંદના યોજના સગર્ભા અને બાળકને પોતાનું દૂધ પીવડાવતી માતાઓને નાણાકીય પ્રોત્સાહન પૂરું પડે છે જે તેને પોતાના પ્રથમ બાળકની પ્રસુતિ પહેલા અને પછી પૂરતો આરામ લેવામાં મદદરૂપ થાય છે. દર વર્ષે 50 લાખથી પણ વધારે સગર્ભા મહિલાઓ રૂ. 6,000ના નાણાંકીય પ્રોત્સાહનનો લાભ લેશે તેવી અપેક્ષા છે. બાળપણના વર્ષો એક વ્યક્તિની સમગ્ર ઉંમર દરમ્યાનની તબિયત અંગે નિર્ણાયક બનતા હોય છે. મિશન ઇન્દ્રધનુષનું લક્ષ્ય એવા તમામ બાળકોને 2020 સુધીમાં આવરી લેવાનું છે જેમનું રસીકરણ નથી થયું અથવાતો ડિપ્થેરિયા, વ્હૂપીંગ, કફ, ટીટેનસ, પોલીયો, ટ્યુબરક્લોસીસ, ઓરી અને હિપેટાઈટિસ B સહિતના અટકાવી શકાય તેવા રોગો માટે આંશિક રસીકરણ થયું છે.

528 જીલ્લાઓને આવરી લઈને મિશન ઇન્દ્રધનુષ દ્વારા ચાર તબક્કાઓ પૂર્ણ કર્યા છે, જ્યાં 81.78 લાખ ગર્ભવતી મહિલાઓને રોગપ્રતિરોધી બનાવવામાં આવી છે અને 3.19 કરોડ બાળકોનું રસીકરણ કરવામાં આવ્યું છે. ઇનએક્ટીવેટેડ પોલિયો વેક્સીન (IPV) જે ઓરલ વેક્સીન કરતા વધારે અસરકારક છે તેને નવેમ્બર 2015માં શરુ કરવામાં આવ્યું હતું. બાળકોને લગભગ 4 કરોડ ડોઝ આપવામાં આવ્યા છે. રોટાવાયરસ રસી માર્ચ 2016માં શરુ કરવામાં આવી હતી અને લગભગ 1.5 કરોડ ડોઝ બાળકોને આપવામાં આવ્યા છે. મીઝલ્સ રૂબેલા (MR) રસીકરણ કાર્યક્રમ ફેબ્રુઆરી 2017માં શરુ કરવામાં આવ્યો હતો તેને લગભગ 8 કરોડ બાળકોને આવરી લીધા છે. ન્યુમોકલ કોન્જુગેટ વેક્સિન (PCV) મે 2017માં શરુ કરવામાં આવી હતી જેના હેઠળ લગભગ 15 લાખ ડોઝ બાળકોને આપવામાં આવ્યા છે.

નિવારક આરોગ્યસુરક્ષા

ઝડપથી બદલાતા સમયમાં જીવનશૈલીને લગતા રોગો નોંધપાત્ર આરોગ્ય પડકાર તરીકે ઉભરી રહ્યા છે. વડાપ્રધાન નરેન્દ્ર મોદીના સક્રિય નેતૃત્ત્વ હેઠળ યોગ એક  જનઆંદોલન બની ગયું છે જેણે સમગ્ર વિશ્વમાં મોટી સંખ્યાના લોકો સુધી વિવિધ આરોગ્યલાભ પહોંચાડ્યા છે. 2015થી દર વર્ષે 21 જુને આંતરરાષ્ટ્રીય યોગ દિવસ ઉજવાય છે જેને સમગ્ર વિશ્વમાં મોટાભાગના લોકોના રસના વિષય તરીકે તેમજ ભાગીદારી તરીકે જોવામાં આવે છે.

કુપોષણને સમાપ્ત કરવા માટેના એક સંકલિત પ્રયાસરૂપે વડાપ્રધાન નરેન્દ્ર મોદી સરકાર દ્વારા પોષણ અભિયાન શરુ કરવામાં આવ્યું છે. આ એ પ્રકારની પ્રથમ પહેલ છે જ્યાં કુપોષણને વિવિધ સ્તરની દરમિયાનગીરી દ્વારા ઉકેલવામાં આવે છે. તે કુપોષણને ભેગામળીને, ટેક્નોલોજીના વપરાશ અને લક્ષિત અભિગમ દ્વારા ઘટાડવાનો પ્રયાસ કરે છે.

પોસાય તેવી અને ગુણવત્તાસભર આરોગ્યસુરક્ષા

પોસાય તેવી અને ગુણવત્તાસભર આરોગ્યસુરક્ષા સુનિશ્ચિત કરતા, 1084 જીવનજરૂરી ઔષધીઓ, જેમાં જીવન બચાવતી દવાઓને મે 2014થી પ્રાઈઝ કન્ટ્રોલ રિજીમ હેઠળ લાવવામાં આવી છે જેણે ગ્રાહકોને લગભગ રૂ. 10,000 કરોડનો કુલ લાભ કરાવી આપ્યો છે.

પ્રધાનમંત્રી ભારતીય જનઔષધી કેન્દ્રોની વાત કરીએ તો 3,000થી પણ વધુ દુકાનો સમગ્ર દેશમાં કાર્યરત છે જે 50%થી પણ વધારેની બચતમાં પરિણમી છે. AMRIT (અફોર્ડેબલ મેડીસીન્સ એન્ડ રિલાયેબલ ઈમ્પ્લાન્ટ્સ ફોર ટ્રીટમેન્ટ) ફાર્મસીઓ કેન્સર અને હ્રદયરોગને લગતી દવાઓની સાથે કાર્ડિયાક ઈમ્પ્લાન્ટ્સને બજારભાવ કરતા 60 થી 90 ટકા ડિસ્કાઉન્ટ પર પૂરા પાડે છે.

વડાપ્રધાન નરેન્દ્ર મોદીની સરકારને લીધે કાર્ડિયાક સ્ટેન્ટ અને ઘૂંટણના રિપ્લેસમેન્ટ્સની કિંમત 50-70% ઘટી ગઈ છે. જે દર્દીઓને ઘણી મોટી નાણાંકીય રાહત આપે છે.

પ્રધાનમંત્રી ડાયાલીસીસ કાર્યક્રમ જે 2016માં શરુ કરવામાં આવ્યો હતો તે ગરીબોને મફતમાં અને નેશનલ હેલ્થ મિશન હેઠળ બાકીના તમામ દર્દીઓને સબસીડાઈઝ્ડ ભાવ હેઠળ ડાયાલીસીસ સેવા આપે છે. આ કાર્યક્રમ હેઠળ લગભગ 2.5 લાખ દર્દીઓએ સેવા મેળવી છે અને અત્યારસુધીમાં લગભગ 25 લાખ ડાયાલીસીસ સત્રો આયોજીત કરવામાં આવ્યા છે. હાલમાં 497 ડાયાલીસીસ યુનિટ્સ/કેન્દ્રો કાર્યરત છે અને કુલ 3330 ડાયાલીસીસ મશીનો કાર્યરત છે.

આયુષ્માન ભારત

આરોગ્યસુરક્ષા માટે મોટો ખર્ચ કરોડો ભારતીયોને ગરીબીની જાળમાં ફસાવી દે છે. જનતા તેમજ ખાનગી ક્ષેત્ર પાસે આરોગ્ય સેવા પૂરી પાડવા માટે વિશાળ ક્ષમતાઓ છે. આયુષ્માન ભારતની કલ્પના વ્યાપક, પોસાય તેવી અને ગુણવત્તાસભર જનતા અને ખાનગી આરોગ્ય ક્ષેત્રની મજબૂતીના આધાર પર કરવામાં આવી છે. તે વિશ્વની સહુથી મોટી આરોગ્ય વીમા પહેલ હશે જે પ્રતિ પરિવાર રૂ. 5 લાખ સુધીનું આરોગ્ય છત્ર પ્રતિ વર્ષ લગભગ 50 કરોડ લોકોને આપવાની અપેક્ષા ધરાવે છે. એવો પ્રસ્તાવ મુકવામાં આવ્યો છે કે સમગ્ર ભારતમાં 1.5 લાખ સબ સેન્ટર્સ અને પ્રાથમિક આરોગ્ય સુરક્ષા કેન્દ્રોને હેલ્થ એન્ડ વેલનેસ સેન્ટર (HWCs)માં પરિવર્તિત કરવામાં આવે જેના દ્વારા વ્યાપક પ્રાથમિક આરોગ્યસુરક્ષા સેવાઓ પૂરી પાડવામાં આવે.

સમગ્ર દેશમાં આરોગ્ય ઈન્ફ્રાસ્ટ્રક્ચરને મોટું પ્રોત્સાહન આપવામાં આવ્યું છે:

  • 20 AIIMS પ્રકારની સુપર સ્પેશિયાલીટી હોસ્પિટલો ઉભી કરવામાં આવી છે
  • છેલ્લા ચાર વર્ષમાં કુલ 92 મેડિકલ કોલેજો સ્થાપવામાં આવી છે જેના પરિણામે 15,354 MBBS બેઠકોનો વધારો થયો છે
  • 73 સરકારી મેડિકલ કોલેજોને ઉન્નત બનાવવામાં આવી
  • જુલાઈ 2014થી, છ કાર્યરત AIIMSમાં 1675 હોસ્પિટલ પથારીઓ ઉમેરવામાં આવી
  • 2017-18માં 2 નવી AIIMS ઝારખંડ અને ગુજરાતમાં જાહેર કરવામાં આવી
  • છેલ્લા ચાર વર્ષમાં કુલ 12,646 PG બેઠકો (બ્રોડ એન્ડ સુપર સ્પેશિયાલીટી કોર્સ) ઉમેરવામાં આવી

નીતિઓ અને કાયદાઓ

15 વર્ષના ગાળા બાદ નેશનલ હેલ્થ પોલીસી બનાવવામાં આવી. તે હાલના અને આવનારા પડકારોને સામાજીક-આર્થિક અને રોગચાળાને લગતા ફેરફારોને ધ્યાનમાં રાખીને સંબોધિત કરે છે.

માનસિક આરોગ્ય, અગાઉ જેની ઘણી અવગણના કરવામાં આવી છે તેને પણ વડાપ્રધાન નરેન્દ્ર મોદીના નેતૃત્ત્વ હેઠળની NDA સરકારમાં મહત્ત્વ મળ્યું છે. મેન્ટલ હેલ્થકેર એક્ટ 2017 ભારતમાં માનસિક આરોગ્ય માટે હક્કના આધારે કાયદાકીય માળખું અપનાવે છે અને માનસિક આરોગ્યની તકલીફ ધરાવતા લોકોના હક્કને સંરક્ષણ આપવા માટે માનસિક આરોગ્યસુરક્ષાની સમાન અને ન્યાયી જોગવાઈ કરે છે.

રોગ નિર્મૂલન

ટ્યુબરક્લોસીસ (TB) એ ચેપી રોગ છે. ભારત TBના વૈશ્વિક કેસોના ચોથાભાગના કેસો ધરાવે છે. ટકાઉ વિકાસના લક્ષ્યો દ્વારા TBના મહારોગને 2030 સુધીમાં નિર્મૂળ કરવાનું નક્કી કરવામાં આવ્યું છે. ભારતમાં વૈશ્વિક લક્ષ્યાંકો અગાઉ TBને નાબૂદ કરવાના પ્રયાસોમાં ગતિ લાવવા વડાપ્રધાન નરેન્દ્ર મોદીની સરકાર દ્વારા 4 લાખ DOT કેન્દ્રોમાં દવાઓથી સંવેદનશીલ TBના ડોઝ આપવામાં આવ્યા છે. સરકારે એક્ટિવ કેસ ફાઈન્ડીંગ હેઠળ ઘેર ઘેર જઈને TBના લક્ષણોની તપાસ કરવા માટે સ્ક્રિનિંગ શરુ કર્યું છે જેમાં 5.5 કરોડ જેટલી વસ્તીને આવરી લેવાઈ છે. TBને લીધે દર્દીની હલનચલન ઓછી થઇ જતા તેના પોષણ અને આવક પર અસર થાય છે, આથી તેને ટ્રીટમેન્ટના સમય દરમ્યાન રૂ. 500ની માસિક પોષણ સહાય DBT દ્વારા આપવામાં આવે છે.

રક્તપિત્તને 2018 સુધીમાં, ઓરીને 2020 સુધીમાં અને TBને 2025 સુધીમાં નાબૂદ કરવા માટે એક્શન પ્લાન લાગુ કરવામાં આવ્યો છે. ભારતે વૈશ્વિક લક્ષ્ય ડિસેમ્બર 2015 પહેલા જ માતૃત્ત્વ અને નવજાત ટીટેનસને મે 2015માં નાબૂદ કરી બતાવ્યો છે.

donation
Explore More
‘ચલતા હૈ’ નું વલણ છોડી દઈને ‘બદલ સકતા હૈ’ વિચારવાનો સમય પાકી ગયો છે: વડાપ્રધાન મોદી

લોકપ્રિય ભાષણો

‘ચલતા હૈ’ નું વલણ છોડી દઈને ‘બદલ સકતા હૈ’ વિચારવાનો સમય પાકી ગયો છે: વડાપ્રધાન મોદી
India claims top 10 in list of fastest-growing cities

Media Coverage

India claims top 10 in list of fastest-growing cities
...

Nm on the go

Always be the first to hear from the PM. Get the App Now!
...
શેર
 
Comments

કોઇપણ રાષ્ટ્રના વિકાસ માટે ઈન્ફ્રાસ્ટ્રક્ચર અને કનેક્ટિવિટી એ ધમનીઓનું કામ કરતા હોય છે. એ સ્પષ્ટ છે કે વડાપ્રધાન નરેન્દ્ર મોદી હેઠળની NDA સરકારે ઈન્ફ્રાસ્ટ્રક્ચર વિકાસને પ્રાથમિકતા આપી છે. ન્યૂ ઇન્ડિયાના સ્વપ્નને પૂર્ણ કરવા માટે NDA સરકાર રેલ્વેઝ, રોડવેઝ, વોટરવેઝ, એવિએશન અને પોસાય તેવા આવાસોના વિકાસ પર ધ્યાન આપી રહી છે.

રેલ્વેઝ

ભારતનું રેલ નેટવર્ક એ વિશ્વના સહુથી વિશાળ નેટવર્ક્સમાંથી એક ગણાય છે. ટ્રેકનું નવીનીકરણ, માનવ રહિત લેવલ ક્રોસિંગની નાબુદી અને બ્રોડગેજ લાઈનની સ્થાપનાનું કાર્ય વડાપ્રધાન નરેન્દ્ર મોદી હેઠળની NDA સરકારના કાર્યકાળ દરમ્યાન નોંધપાત્રરીતે સુધર્યું છે.

2017-18 દરમ્યાન રેલ્વેએ એક વર્ષની અંદર 100થી પણ ઓછા અકસ્માતો સાથે તેનું સહુથી સુરક્ષિત વર્ષ નોંધાવ્યું હતું. એક ડેટામાં જણાવ્યા અનુસાર 2013-14માં 118 રેલ્વે અકસ્માતો નોંધાયા હતા જે 2017-18માં ઘટીને 73 થયા હતા. 5,469 માનવ રહિત લેવલ ક્રોસિંગ નાબુદ કરવામાં આવ્યા છે જેમાં નાબુદીની સરેરાશ 2009-14 કરતા 20% વધારે રહી હતી. વધુ સુરક્ષા માટે બ્રોડગેજ માર્ગો પર તમામ માનવ રહિત લેવલ ક્રોસિંગને 2020 સુધીમાં નાબુદ કરવાનું લક્ષ્ય રાખવામાં આવ્યું છે.

રેલ્વેના વિકાસને ટ્રેક પર પરત લાવવા માટે 2013-14ના 2,926 કિમી કરતા 2017-18 દરમ્યાન 4,405 કિમી લાંબા ટ્રેકનું નવીનીકરણ કરી તેમાં 50%નો વધારો કરાયો છે. વડાપ્રધાન મોદી હેઠળની NDA સરકારમાં છેલ્લા ચાર વર્ષમાં શરુ થયેલા નવા બ્રોડગેજ માર્ગ (9,528 કિમી) એ 2009-14 દરમ્યાન શરુ કરવામાં આવેલા નવા બ્રોડગેજ માર્ગ (7,600 કિમી) કરતા વધારે છે.

પહેલીવાર બાકીના ભારત સાથે ઉત્તરપૂર્વી ભારતમાં પણ સમગ્ર નેટવર્કને બ્રોડગેજમાં ફેરવવાનું કાર્ય હાથ ધરવામાં આવ્યું છે. આ કાર્યે મેઘાલય, ત્રિપુરા અને મિઝોરમને આઝાદીના 70 વર્ષ બાદ ભારતના રેલ્વે નકશા પર લાવવાનું કામ કર્યું છે.

ન્યૂ ઇન્ડિયાના વિકાસ માટે આપણને આધુનિક ટેક્નોલોજીની પણ જરૂર પડશે. બુલેટ ટ્રેન જે મુંબઈથી અમદાવાદ વચ્ચે દોડાવવાની યોજના છે તે 8 કલાકના મુસાફરીના સમયને ઘટાડીને 2 કલાક કરી દેશે.

 

એવિએશન

સિવિલ એવિએશનમાં પણ ઝડપી પ્રગતિ થઇ રહી છે. UDAN (ઉડે દેશ કા આમ નાગરિક) હેઠળ પોસાય તેવી હવાઈ મુસાફરીના વચન સાથે માત્ર 4 વર્ષમાં 25 કાર્યરત એરપોર્ટ્સ ઉમેરવામાં આવ્યા છે, જેની સરખામણીમાં સ્વતંત્રતા અને 2014 વચ્ચે માત્ર 75 એરપોર્ટ્સ ઉભા કરવામાં આવ્યા હતા. સેવારહિત અને બિનજરૂરી એરપોર્ટ્સ વચ્ચે સ્થાનિક હવાઈ સંપર્ક રૂ. 2,500 પ્રતિ કલાકના ઘટાડેલા ભાવને લીધે ઘણા ભારતીયોનું હવાઈ સફર કરવાનું સ્વપ્ન સાકાર થયું છે. આ રીતે પહેલીવાર વધુ લોકોએ AC ટ્રેન કરતા એરોપ્લેનમાં મુસાફરી કરી છે.

છેલ્લા ત્રણ વર્ષમાં પેસેન્જર ટ્રાફિક 18-20%ના દરે વધ્યો છે, જેને લીધે ભારત વિશ્વના ત્રીજા સહુથી વિશાળ એવિએશન બજાર તરીકે ઉભર્યું છે. 2017માં સ્થાનિક હવાઈ મુસાફરોની સંખ્યા 100 મિલિયનને પાર કરી ગઈ હતી.

શિપિંગ

વડાપ્રધાન નરેન્દ્ર મોદીની સરકાર હેઠળ ભારત શિપિંગ ક્ષેત્રમાં પણ લાંબા કદમ માંડી રહ્યું છે. પોર્ટના નેતૃત્વ હેઠળના વિકાસને ઝડપી બનાવતા મહત્ત્વના પોર્ટ્સ પર ટર્ન અરાઉન્ડ સમય ત્રણ ગણો ઘટી ગયો છે જે 2013-14માં 94 કલાક હતો તે 2017-18માં ઘટીને 64 કલાક થઇ ગયો છે.

મહત્ત્વના પોર્ટ્સ પર કાર્ગોના ટ્રાફિકને ધ્યાનમાં લઈએ. 2010-11 ના 570.32 મેટ્રિક ટન સામે 2012-13માં તે ઘટીને 545.79 મેટ્રિક ટન થઇ ગયો હતો. જો કે NDA સરકાર હેઠળ તે સુધરીને 2017-18 માં 679.367 મેટ્રિક ટન થયો હતો, જે 100 મેટ્રિક ટનનો વિશાળ ઉછાળો હતો!

ઇનલેન્ડ વોટરવેઝ પરિવહન પરના ખર્ચને નોંધપાત્રપણે ઘટાડે છે અને કાર્બન ફૂટપ્રિન્ટને ઘટાડવા ઉપરાંત અર્થતંત્રને પણ આગળ વધવામાં મદદ કરે છે. છેલ્લા 30 વર્ષમાં ઉમેરવામાં આવેલા 5 રાષ્ટ્રીય વોટરવેઝની સરખામણીમાં છેલ્લા 4 વર્ષમાં 106 રાષ્ટ્રીય વોટરવેઝ ઉમેરવામાં આવ્યા છે.

માર્ગ વિકાસ

પરિવર્તનીય યોજના ભારત માલા પરિયોજના હેઠળ મલ્ટી-મોડલ સમાવેશ સાથે હાઈવેઝમાં વધારો હાથ ધરવામાં આવ્યો છે. નેશનલ હાઈવે નેટવર્કને 2013-14 ના 92,851 કિમી થી વધારીને 2017-18માં 1,20,543 કિમી કરવામાં આવ્યા હતા.

સુરક્ષિત માર્ગો માટે સેતુ ભારતમ પ્રોજેક્ટ, જેનો કુલ અંદાજીત ખર્ચ રૂ. 20,800 કરોડ છે તેમાં રેલ્વે ઓવરબ્રિજ અથવાતો અન્ડર પાસનું નિર્માણ કરીને તમામ નેશનલ હાઈવેઝને રેલ્વે લેવલ ક્રોસિંગથી મુક્ત કરવાની પરિકલ્પના કરવામાં આવી છે.

માર્ગ બાંધકામની ગતિ લગભગ બમણી કરી દેવામાં આવી છે. 2013-14માં હાઈવેના બાંધકામની ગતિ 12 કિમી પ્રતિ દિવસ હતી જે 2017-18માં 27 કિમી પ્રતિ કલાક નોંધવામાં આવી છે.

 

ભારતની સૌથી લાંબી ટનલનો વિકાસ, જમ્મુમાં ચેનાની-નાશરી, ઉપરાંત ભારતના સહુથી લાંબા બ્રિજ, ધોલા-સદિયા, જે અરુણાચલ પ્રદેશ સાથેનો સંપર્ક વધારે છે તે અત્યારસુધીમાં દૂર રહેલા ક્ષેત્રો સુધી વિકાસને લઇ જવાની વચનબદ્ધતાની સાબિતી આપે છે. નર્મદા પર ભરૂચ ખાતે અને કોટા ખાતે ચંબલ પર સેતુઓ બાંધવાથી એ ક્ષેત્રોમાં માર્ગ સંપર્કમાં સુધારો આવ્યો છે.

માર્ગો એ ગ્રામીણ વિકાસના ઉત્પ્રેરક છે. તેના મહત્ત્વને ધ્યાનમાં લેતા 4 વર્ષમાં 1.69 લાખ કિમી ગ્રામીણ માર્ગોનું બાંધકામ કરવામાં આવ્યું છે. માર્ગ બાંધકામની ગતિ 2013-14ના 69 કિમી પ્રતિ દિનની સરખામણીમાં 2017-18માં 134 કિમી પ્રતિ દિન થઇ છે. હાલમાં ગ્રામીણ માર્ગ સંપર્ક 2014ના 56%ની સરખામણીમાં વધીને 82% થયો છે જેણે ગામડાઓને ભારતના વિકાસ માર્ગ પર લાવી દીધા છે.

રોજગારી ઉભી કરવા માટે પ્રવાસન પાસે ખૂબ ક્ષમતા છે. પ્રવાસન ક્ષેત્રને પ્રોત્સાહન આપવાની સાથે ધાર્મિક યાત્રાઓનો અનુભવ સુધારવા માટે, ચાર ધામ મહામાર્ગ વિકાસ પરિયોજના શરુ કરવામાં આવી છે. તે મુસાફરીને સુરક્ષિત, ઝડપી અને વધારે સરળ બનાવવાની માંગ કરે છે. તે રૂ. 12,000 કરોડના અંદાજીત ખર્ચે લગભગ 900  કિમીના રાષ્ટ્રીય ધોરીમાર્ગના વિકાસની જરૂરિયાત પર ભાર મુકે છે.

ઈન્ફ્રાસ્ટ્રક્ચરને પ્રોત્સાહન મળવાથી માલસામાનની વધુ હેરફેર થાય છે જેને કારણે અર્થતંત્રને બળ મળે છે. NDA સરકારના પ્રયાસોને લીધે 2017-18માં અત્યારસુધીમાં સહુથી વધુ પ્રમાણમાં (1,160 મેટ્રિક ટન) માલસામાન લાદવામાં આવ્યો હતો.

શહેરી પરિવર્તન

સ્માર્ટ સિટિઝ દ્વારા શહેરી પરિવર્તન લાવવા માટે 100 અર્બન સેન્ટર્સ જીવન જીવવાની ગુણવત્તા સુધારવા, ટકાઉ શહેરી યોજના અને વિકાસ માટે પસંદ કરવામાં આવ્યા છે. આ શહેરોમાં વિવિધ વિકાસ યોજનાઓ લગભગ 10 કરોડ ભારતીયોને હકારાત્મકરીતે અસર કરશે. આ યોજનાઓ પર રૂ. 2,01,979 કરોડનો ખર્ચ કરવામાં આવશે.

પ્રધાન મંત્રી આવાસ યોજના હેઠળ ગ્રામીણ અને શહેરી એમ બંને વિસ્તારોમાં લગભગ 1 કરોડ પોસાય તેવા આવાસો બાંધવામાં આવ્યા છે. મધ્યમ અને નવા મધ્યમ વર્ગને લાભ અપાવવા રૂ. 9 લાખ અને રૂ. 12 ની હોમ લોન્સ 4% અને 3%ની વ્યાજ સહાય માટે યોગ્યતા પ્રાપ્ત બને છે.