নহারোলশিংগী থৌনা হেনগৎহনবা
ভারত মালেমদা নৌরিবা লৈবাকশিংগী মনুংদা অমনি। লৈবাক অসিগী য়াম্লবা মীশিং অসি কান্নবদা ওন্থোক্নবা, ভারতনা অফবা মগুন লৈবা এজুকেসন অমসুং থবক ফংবগী খুদোংচাবা ফংহনবা দরকার ওই। ভারতকী নহারোলশিংনা হেন্না থৌনা লৈনবা অমসুং হেন্না ফবা পুন্সি মহিং অমগীদমক হোৎনরি। মতমগী হোংলক্লিবা মতুংইন্না মীয়ামগী অনীংবশিং থুংহন্নবা সরকারনা থবক পায়খৎকদবনি। হীরম কয়াদা প্রধান মন্ত্রী নরেন্দ্র মোদীনা লুচিংবা এন.দি.এ. সরকারনা থবক কয়া পায়খৎলে। মসি নহারোলশিংগী থৌনা শীজিন্নবা হেনগৎহন্নবা লাইরিক তম্বা, অৱাংবা থাক্কী লাইরিক তম্বা, রিসর্চ অমসুং দিভেলপমেন্ত অমসুং স্কিল হেনগৎহনবা ওইবা য়াই।
এজুকেসনগী অওনবা পুরকপা, মখা তানা শক্তি পীবা
স্কুলগী থাক্ত লাইরিক তম্বীবদা অকনবা মীৎয়েং থমদুনা, অহানবা ওইনা মহৈরোইশিংনা তম্লিবা অদু কয়া য়াম্না খঙলবগে হায়বা খঙনবা অমসুং মরি লৈনবা ওথোরিতিশিংগী মরক্ত মরম চানা থবক তৌবা য়েংনবা অখন্নবা মীৎয়েং থমলে।
অনৌবা পুথোকপগী লৌশিং হেনগৎহন্নবা লৈবাক শীনবা থুংনা অতল তিংকরিং লেবস কয়া লিংখৎলে। মসিনা ভারতকী নহারোলশিংদা ৩দি প্রিন্তিং, রোবোতিক্স, আই ও তি অমসুং মাইক্রোপ্রোসেসরনচিংবা অনৌবা তেক্নোলোজীশিং খঙহনবা ঙমগনি।
ইনফোর্মেসন তেক্নোলোজী অমসুং রিসর্চ অমসুং ইন্নোভেসনগী লমদা মালেমগী থাক্ত ভারতকী নহারোলশিংনা থবক তৌরবসু মখোয়বু পুক্নীং থৌগৎপা দরকার ওইরি। সাইন্তিফিক ওইবা মওংদা রিসর্চ তৌবা অসি মতম অমসুং শেন অমসুং পুক্নীং থৌগৎপা দরকার ওই। হায়রিবশিং অসি য়াওদ্রবদি, নহারোলশিংনা রিসর্চ তৌবা পাম্লবসু নমদুনা মখোয় থবক তৌনবা হোৎনখি।
মসিগী ৱাফম অসিগী মতাংদা হৌখিবা চহি মরি অসিদা প্রধান মন্ত্রী নরেন্দ্র মোদীগী সরকারনা থবক কয়া লৌখৎখি। খুদম ওইনা, প্রাইম মিনিস্তর্স রিসর্চ ফেল্লোশিপ অসি খন্নবা য়াই। অহানবা ওইনা সাইন্স অমসুং তেক্নোলোজীগী রিসর্চ ফেল্লোশিপ অমনা চহি ৫গী ওইনা থা অমদা লুপা ৭০,০০০-৮০,০০০গী স্কোলারশিপ পীরি অমসুং পি.ঐচ.দি. অমসুং চহি মঙাগী রিসর্চ তৌবগী অচংবা শেনফম পুথোক্নবা চহিগী ওইনা লুপা লাখ ২গী গ্রান্ত পীরি।
য়ুনিভর্সিতী কয়া, আই.আই.তি. ৭, আই.আই.এম. ৭, আই.আই.আই.তি. ১৪, এন.আই.তি. ১, কে.ভি. ১০৩ অমসুং নবোদয়া বিদ্যলায় ৬২ লিংখৎলে। ২০১৭তা, সরকারনা ইন্দিয়ন ইন্সতিত্যুৎ ওফ মেনেজমেন্ত বিল, ২০১৭ অয়াবা পীদুনা আই.আই.এম.শিং অসি লৈবাক অসিগী মরুওইবা ইন্সতিত্যুৎশিংনি হায়না শক খঙদুনা মখোয়না মখোয়গী মহৈরোইশিংদা দ্রিগ্রী পীবা ঙমহল্লে। মসিনা আই.আই.এম.শিংদা অতোনোমী পীবা হেনগৎহল্লে।
-
অৱাংবা থাক্কী লাইরিক তম্বগী খুদোংচাবশিং:
করিগুম্বা মথক্কী থবকশিং অসিনা মসিগী সরকার অসিনা মীরাইদুনা থমলুরবা হিরমশিংদা কমদৌনা মীৎয়েং চংবগে হায়বগী ৱাখল অমা ফাওহল্লবদি, চহি মরি অসিদা পায়খৎলিবা থবকশিং অসিনা লাইরিক তম্বগী থবক অসি কয়া য়াম্না ফগৎহনগনি, মসিগী মহয় অদু নহারোলশিংনা ফংগনি। মখাগীশিং অসি খন্নসি:
- এজুকেসন সেক্তরদা মনীং তম্বা লৈঙাক অমা লৈহন্নবা সরকারনা হোৎনরি অমসুং ক্বালিতীগা ওতোনোমীগা মরি লৈননবা হোৎনরি। অৱাংবা থাক্কী লাইরিক তম্বগী মগুনশিং ঙাক্তুনা লৈবা য়ুনিভর্সিতী তরুক ২০১৮গী মার্চদা য়ু.জি.সি.না ওতোনোমী পীখ্রে।
- মালেমগী চৎনরিবা মওংদা অৱাংবা থাক্কী লাইরিক তম্নবা মিং চন্নবা পরিখা পাংথোক্নবা মনীং তম্বা অমসুং মশা-মরোমদোম হিংজবা ঙম্বা নেসনেল তেস্তিং এজেন্সী লিংখৎলে।
- মখোয়গী লাইরিক তম্বা লোইশিনবা ঙম্নবা মহৈরোইশিংদা স্কোলরশিপশিং পীরে।
- লাইরিক তম্বগী মহৈ চাবা অসি অফবা ওজাশিংগী মখা পোল্লি। অফবা মগুন লৈবা ওজাশিং পুথোক্নবা ওজা ত্রেনিং পীবগী থবক্ত পুক্নীং চংনা থবক পায়খৎলে।
- ইন্সতিত্যুৎ ২০ “ইন্সতিত্যুৎ ওফ ইমিনেন্স” হায়না লাউথোক্লে। খনগৎলবা ইন্সতিত্যুৎশিং অসি চহি ১০গী মনুংদা মালেমগী মকোক ৫০০গী মনুংদা চনগনি হায়না থাজরি অমসুং মতমগী মতুংইন্না মালেমগী রেঙ্কিং ১০০গী মনুংদা য়াওরক্কনি।
- অতল ইন্নোভেসন মিশন ফোর রিসর্চ এন্দ এক্সিলেন্স
- রিসর্চ অমসুং ইন্নোভেসন খুদোংচাগদবা ফিবমশিং স্কুলদগী হৌনা ফংহনবা। এ.আই.এম.গী পান্দমদি লৈবাক অসিগী ইন্নোভেসনগী ফিবমশিং য়েংশিন্নবা ফিবম অমা শেমগৎপনি অমসুং থৌরম কয়াগী খুৎথাংদা ইন্নোভেসনগী লাইফ সাইকল অদু মপুং ফাহনবনি।
নহাশিংগী মরক্ত রিসর্চ অমসুং ইন্নোভেসন য়োকখৎনবা, ২০১৭তা স্কুল ২৪০০ খনগৎলে অমসুং লৈবাক শীনবা থুংনা ইনক্যুবেসন সেন্তরশিং লিংখৎলে। মিশন অসিনা নহাশিং ইন্ত্রপ্রিনর ওইরক্নবা ঐখোয়গী নহারোলশিং লমজিংনবা লাইরিক হৈবশিং, মেন্তরশিং অমসুং ইন্ত্রপ্রিনরশিং পুনশিনবনি। অনৌবা পুথোকপশিং অদু কৈথেলদা য়ৌহনগদবনি অমসুং হায়রিবা অনৌবা পুথোকপশিং অদুদগী ইন্তরপ্রাইজশিং শেমগৎপদা মতেং পাংগদবনি।
- স্কিল দিভেলপমেন্ত অমসুং ভোকেসনেল ত্রেনিংগী থবকশিং ফগৎহনবা
- স্কিল দিভেলপমেন্তগী খুৎথাংদা নহারোলশিংদা শক্তি পীনবা প্রধান মন্ত্রী মোদী সরকারনা প্রধান মন্ত্রী কৌশল বিকাস য়োজনা হৌদোক্লে, মসিনা নহারোলশিং থবক ফংবা হেনগৎহন্নবা অমসুং সর্তিফিকেসনগী খুৎথাংদা স্কিলশিং মশক খঙনবা, লৈবাক শীনবা থুংনা অতেনবা মতমগী স্কিল ত্রেনিং পীগনি। স্কিল দিভেলপমেন্ত এন্দ ইন্ত্রপ্রিনরশিপ মিনিস্ত্রিগী মখাদা তোঙান-তোঙানবা স্কিলশিংদা মীওই ক্রোর ১ হেন্না ত্রেনিং পীগনি। ত্রেদ ৩৭৫দা ভারত শীনবা থুংনা ত্রেনিং সেন্তর ১৩,০০০ হাংদোক্লে। ভারত শীনবা থুংনা জিলা খুদিংদা পি.এম. কৌশল কেন্দ্রশিং হাংদোক্লে।
- মশা মথন্থা থবক পীজদুনা নহারোলশিংগী শক্তি হেনগৎহনবা।
- নহারোলশিংগী মরক্ত ইন্নোভেসন অমসুং ইন্ত্রপ্রিনরশিপ হেনগৎহন্নবা ২০১৬কী জনুৱারী ১৬তা স্তার্ত-অপ ইন্দিয়া হৌদোকখি। মসিদা স্তার্ত-অপশিং চহি ৭কী মনুংদা অহানবা চহি অহুম থংনা থংননা তেক্স কোমথোক্কনি। ইম্প্লোয়ী অমা ওইনা থবক তৌরিবা প্রমোতরশিংদা ই.এস.ও.পি.শিং পীবা স্তার্ত-অপশিংনা অয়াবা পীরি।
- ইন্ত্রপ্রিনরশিপ য়োকখৎনবা প্রধান মন্ত্রী মুদ্রা য়োজনানা ইন্ত্রপ্রিনরশিংদা কোলেতরেল য়াওদনা লোনশিং পীরি। ২০১৫গী এপ্রিলদগী অপীকপা অমসুং য়াইমরপ ওইনা চাউবা ইন্ত্রপ্রিনর ক্রোর ১৩ হেনবদা লুপা ক্রোর লাখ ৬.৫গী লোন পীখ্রে। মমাংগী চহিশিংদগী চাদা ২০ হেনগৎনা বজেৎ ২০১৮দা লুপা ক্রোর লাখ ৩ হেনগৎলে।
- থবক ফংহন্নবা মাইকৈ অহুম ফাংবা থৌরাং লৌখৎলি।
- থবক হেন্না ফংহন্নবা, প্রধান মন্ত্রী নরেন্দ্র মোদীনা লুচিংবা সরকারনা পব্লিক সেক্তরদা মীৎয়েং থমদুনা অনৌবা ইনফ্রাস্ত্রকচরশিং শেমগৎতুনা খুদোংচাবা হেন্না ফংহন্নবা হোৎনরি। নহারোলশিংদা খুদোংচাবা হেন্না ফংহন্নবা প্রাইবেত সেক্তরশিংদা খুদোংচাবা কয়া পীরি। নহারোলশিংগী তৌবা ঙম্বা হেনগৎহন্নবা মুদ্রা, স্তার্ত-অপ ইন্দিয়া অমসুং স্তেন্দ অপ ইন্দিয়াগী মখাদা থবক কয়া পায়খৎলি।
- শান্নবগী ইহৌ কনখৎহনবা
- মীওই অমগী পুন্সিদা শান্নবা অমসুং হকচাং ফনা লৈবা অসি মমল নাইদে। শান্নবনা পুন্না থবক তৌমিন্নবগী ৱাখল্লোন, লাল্লোং হৈবা, নৈনবা হৈবা, লুচিংবগী গুনশিং, পান্দম থম্বা অমসুং অৱা-অনা খাঙবা ঙমবগী হৈনবী লৈহনগনি।
- সরকারগী থাক্তা অমসুং প্রধান মন্ত্রী মশাগী থাক্তা শান্নবগী হৈশিংবা য়োকখৎনবা অমসুং চাউথোকচবা পোকহন্নবা লেপ্পা লৈতনা হোৎনরি।
-
শান্নবা য়োকখৎনবা লৌখৎলিবা থবকশিং:
- মনিপুরদা নেসনেল স্পোর্তস য়ুনিভর্সিতী শানবা উরেপ-উয়ুং তম্লে। অহানবা য়ুনিভর্সিতী অসিদা স্পোর্তস সাইন্স, স্পোর্তস তেক্নোলোজী, স্পোর্তস মেনেজমেন্ত, স্পোর্তস কোচিং য়াওনা স্পোর্তস এজুকেসন য়োকখৎকনি অমসুং খনগৎলবা ত্রেনিং সেন্তরশিংগী নেসনেল ত্রেনিং সেন্তর ওইগনি। তশেংনা হায়রবদা অৱাং-নোংপোক্না অফবা শান্নরোই ময়াম অমা পুথোক্লিবা অসি মসিনা অমুক্কা হেন্না মতেং পাংলগনি।
- পেরা এথেলেতশিং ত্রেনিং পীনবা মালেমগী থাক্কী খুদোংচাবশিং লৈরবা অহানবা ত্রেনিং সেন্তর অমা গান্ধীনগরদা ২০১৭কী ফেব্রুৱারী ৫দা হাংদোক্লে।
ওস্ত্রিয়াদা পাংথোকখিবা কম্মনৱেল্থ গেমস ২০১৮দা ভারতনা পুৱারী ওইবা মওংদা মেদল ৬৬ ফংখি।
খেল্লো ইন্দিয়া থৌরম অসি নহারোলশিংদা শান্নবা অমসুং হকচাং ফনা লৈনবা ইহৌ য়োকখৎনবা মীয়ামগী খোঙজং অমনি। মসিনা ভারত্তা শান্নবগী ইহৌ লৈহন্দুনা ভারত অসি শান্নবগী মপাঙ্গল কনবা লৈবাক অমা ওইহন্নবা পান্দম থম্লি।
শান্নবা য়োকখৎনবা পায়খৎলিবা থবকশিং:
- অখন্নবা শান্নবগী লমদা তোঙান-তোঙানবা থাক্তা শান্নরিবা অফবা শান্নরোইশিংদা চহি ৮গী ওইনা চহি অমদা লুপা লাখ ৫গী শেন্থং পীগনি।
- ২০১৮গী জনুৱারীদা অহানবা খেল্লো ইন্দিয়া স্কুল গেমস হৌদোক্তুনা রাজ্য ২৯ অমসুং য়ু.তি. ৭কী শান্নরোই ৩৫০৭ শরুক য়াখি।
- নৌনা হিঙ্গৎহল্লবা খেল্লো ইন্দিয়া থৌরমগী ওইনা ২০১৭-১৮দগী ২০১৯-২০ ফাওবগী ওইনা লুপা ক্রোর ১,৭৫৬ কাইথোক্লে।
- শান্নবদা থৱায় য়াওবা নহারোলশিং মখোয়গী তৌবা ঙম্বশিং উৎনবা স্পোর্তস তেলেন্ত সর্চ পোর্তেল অমা হাংদোক্লে।
শান্নবগী গুনশিং য়োকখৎনবা খুদোংচাবা কয়া লৈরিবা অসিদা, নহারোল কয়ানা শান্নবা অসি শীনফম অমা ওইনা লৌবা য়ারগনি।
