Share
 
Comments

যুৱশক্তিক সু-সজ্জিত কৰা

ভাৰত হৈছে বিশ্বৰ সৰ্বাধিক যুৱশক্তিৰে সমৃদ্ধ এখন দেশ। জনসাংখ্যিক বিভিন্নতাৰ প্ৰতি লক্ষ্য ৰাখি ভাৰতে উন্নত মানৰ শিক্ষা আৰু সংস্থাপনৰ সুযোগ সুনিশ্চিত কৰাৰ প্ৰয়োজনীয়তা আছে। ভাৰতৰ যুৱসমাজ অধিক সবলীকৰণ আৰু উন্নত জীৱন-যাপনৰ বাবে অধিক ইচ্ছুক সময়ৰ পৰিৱৰ্তনৰ লগে লগে চৰকাৰেও তেওঁলোকৰ আকাংক্ষাসমূহ পূৰণৰ বাবে সঁহাৰি জনাইছে। এই আকাংক্ষাসমূহৰ প্ৰতি গুৰুত্ব আৰোপেৰে যুৱশক্তিক সু-সজ্জিত কৰি তোলাৰ অৰ্থে প্ৰধানমন্ত্ৰী নৰেন্দ্ৰ মোদী নেতৃত্বাধীন এনডিএ চৰকাৰে বিদ্যালয়ৰ শিক্ষা, উচ্চ শিক্ষা, গৱেষণা আৰু উন্নয়ন দক্ষতাৰ ক্ষেত্ৰত কেতবোৰ পৰিৱৰ্তনশীল পদক্ষেপ গ্ৰহণ কৰিছে।  

শিক্ষাৰ পৰিৱৰ্তন, অধিক সবলীকৰণ

স্কুলীয়া শিক্ষাৰ সংস্কাৰমূলক দৃষ্টিভংগীৰ প্ৰতি লক্ষ্য ৰাখি প্রথমবাৰলৈ শিক্ষার্থীসকলৰ মাজত শৈক্ষিক ফলাফল আৰু বিভিন্ন অংশীদাৰৰ দায়িত্বৰ ওপৰত গুৰুত্ব আৰোপ কৰা হৈছে।

 

নতুন দক্ষতা গঢ়ি তোলাৰ বাবে দেশৰ বিভিন্ন বিদ্যালয়ত ১০০টা অটল টিংকাৰিং গৱেষণাগাৰ স্থাপনত অনুমোদন জনোৱা হৈছে। ইয়াৰ লক্ষ্য হৈছে ৩ডি প্ৰিণ্টিং, ৰটিকছ, আইঅটি আৰু মাইক্ৰপ্ৰচেছৰছৰ দৰে ক্ষেত্ৰত নতুনত্ব উদ্ভাৱন আৰু ভাৰতত নতুন উদ্ভাৱক সৃষ্টি কৰিব পৰাকৈ শিক্ষাৰ্থীসকলক উলিয়াই অনা

 

সেৱাখণ্ডৰ উপৰি তথ্য প্ৰযুক্তি, গৱেষণা আৰু নতুনত্ব উদ্ভাৱন ইত্যাদি বিষয়ত ভাৰতৰ যুৱক-যুৱতীসকলে বিশ্বৰ পৰ্যায়ত এক স্থান নিগাজী কৰিলেও এইক্ষেত্ৰত আৰু উৎসাহিত কৰাৰ থল আছে। বৈজ্ঞানিক গৱেষণাই সময়, সম্পদ আৰু উদ্গনি বিচাৰে। এইবোৰৰ অবিহনে যুৱক-যুৱতীসকলৰ গৱেষণাৰ প্ৰতি আগ্ৰহ থকা সত্ত্বেও বজাৰত উপলব্ধ চাকৰিতে সন্তুষ্ট থাকিবলৈ বাধ্য হয়।

এই বিষয়সমূহক লৈ বিগত চাৰি বছৰত প্ৰধানমন্ত্ৰী নৰেন্দ্ৰ মোদী চৰকাৰে কেতবোৰ পদক্ষেপ গ্ৰহণ কৰিছে। উদাহৰণস্বৰূপে, প্ৰধানমন্ত্ৰীৰ ৰিচাৰ্ছ ফেলশ্বীপ(পিএমআৰএফ)ৰ কথাকে কব পাৰি। প্ৰথমবাৰলৈ প্ৰধানমন্ত্ৰীৰ ৰিচাৰ্ছ ফেলশ্বীপৰ অধীনত বিজ্ঞান আৰু গৱেষণা শিতানত বৃহৎ বিত্তীয় সাহায্য আগবঢ়োৱা হৈছে, যত পাঁচ বছৰৰ বাবে প্ৰতিমাহে ৭০,০০০-৮০,০০০ টকাৰ জলপানি প্ৰদান কৰাৰ লগতে পিএইচডি আৰু শৈক্ষিক দিশৰ যাৱতীয় খৰচ আৰু বিদেশ/দেশৰ বিভিন্ন ঠাই ভ্ৰমণৰ বাবে হোৱা খৰচৰ বাবদ বছৰি ২ লাখ টকাকৈ পাঁচ বছৰৰ বাবে প্ৰদান কৰা হৈছে।

কেইবাখনো বিশ্ববিদ্যালয়, ৭খন আইআইটি, ৭খন আইআইএম, ১৪খন আইআইআইটি, ১খন এন আই টি, ১০৩খন কেন্দ্ৰীয় বিদ্যালয় আৰু ৬২খন নৱোদয় বিদ্যালয় স্থাপন কৰা হৈছে। ২০১৭ চনত ভাৰত চৰকাৰে ইণ্ডিয়া ইনষ্টিটিউট মেনেজমেণ্ট(আইআইএম) বিল, ২০১৭ত অনুমোদন জনায়, যাৰ অধীনত এই আইআইএমসমূহক দেশৰ গুৰু্ত্বপূৰ্ণ প্ৰতিষ্ঠান হিচাপে ঘোষণা কৰি ইয়াৰ দ্বাৰা শিক্ষাৰ্থীসকলক ডিগ্ৰী প্ৰদানত অনুমোদন জনায়। ইয়াৰ দ্বাৰা আইআইএমসমূহৰ স্বতন্ত্ৰতা বৃদ্ধি পাব।

  • উচ্চ শিক্ষাত সুযোগ

    পূৰ্বতে অৱজ্ঞা কৰি অহা বিষয়সমূহত এই চৰকাৰে চাৰি বছৰত গ্ৰহণ কৰা প্ৰচেষ্টাসমূহে এক ধাৰণা দিয়ে যে শিক্ষা ব্যৱস্থা চাৰি বছৰত যথেষ্ট সবলীকৰণ হৈছে আৰু ইয়াৰ দ্বাৰা যুৱক-যুৱতীসকল উপকৃত হৈছে। সেইবোৰ হৈছেঃ

    • চৰকাৰে শিক্ষাখণ্ডত এক উদাৰীকৰণ ব্যৱস্থা অন্তৰ্ভূক্ত কৰা বাবে গুৰুত্ব আৰোপ কৰাৰ লগতে গুণগত মানৰ স্বতন্ত্ৰতাৰ সৈতে সংযোগ স্থাপনত জোৰ দিছে। ২০১৮ৰ মাৰ্চত ইউজিচিয়ে এক ঐতিহাসিক সিদ্ধান্ত মৰ্মে উচ্চ শৈক্ষিক মানদণ্ড বজাই ৰখা ৬০খন বিশ্ববিদ্যালয়ক স্বতন্ত্ৰতা প্ৰদান কৰে।
    • ৰাষ্ট্ৰীয় টেষ্টিং এজেন্সিক আন্তঃৰাষ্ট্ৰীয় মানৰ হিচাপত উচ্চ শিক্ষাৰ প্ৰৱেশ পৰীক্ষা আয়োজন কৰাৰ বাবে এক স্বতন্ত্ৰ আৰু বহনক্ষম অগ্ৰণী পৰীক্ষণ সংস্থা হিচাপে প্ৰতিষ্ঠা কৰে।
    • বহু শিক্ষাৰ্থীক তেওঁলোকৰ অধ্যয়ণ সম্পূৰ্ণ কৰাৰ বাবে যথেষ্ট পৰিমাণে জলপানি প্ৰদান কৰা হৈছে।
    • শিক্ষণৰ ফলাফল শিক্ষকৰ গুণাগুনৰ ওপৰতো নিৰ্ভৰশীল। উত্তম শিক্ষক গঢ় দিয়াৰ হকে শিক্ষক প্ৰশিক্ষণৰ ওপৰত ব্যাপক হাৰত গুৰুত্ব দিয়া হৈছে।
    ২০টা প্ৰতিষ্ঠানক শ্ৰেষ্ঠ প্ৰতিষ্ঠান হিচাপে ঘোষণা কৰা হব। ইয়াৰ দ্বাৰা আশা কৰা হৈছে যে ১০ বছৰৰ ভিতৰত এই নিৰ্বাচিত প্ৰতিষ্ঠানসমূহে বিশ্বৰ শীৰ্ষ ৫০০খন প্ৰতিষ্ঠানৰ ভিতৰত স্থান পোৱা লগতে পৰৱৰ্তী সময়ত সেইবোৰ শীৰ্ষ ১০০খনৰ তালিকাত অন্তৰ্ভূক্ত হয়।
  • গৱেষণা আৰু পাৰদৰ্শীতাৰ বাবে অটল ইনোভেচন মিচন
  • বিদ্যালয়ৰ পৰা গৱেষণা আৰু উদ্ভাৱনৰ দিশৰ কাম কৰিব পৰাকৈ এক অনুকূল পৰিৱেশ গঢ়ি তোলা। ইয়াৰ জৰিয়তে দেশৰ অভিনৱ উদ্ভাৱন ব্যৱস্থাক একেটা মঞ্চৰ অধীনলৈ অনাৰ লগতে বিভিন্ন আঁচনিৰ জৰিয়তে সমগ্ৰ প্ৰক্ৰিয়াটোৰ বাবে পৰিৱেশ অনুকূল পৰিৱেশ সৃষ্টিৰে জাগৰণ সৃষ্টি কৰাৰ লক্ষ্য নিৰ্ধাৰণ হৈছে।

যুৱ সমাজৰ মাজত গৱেষণা আৰু নতুনত্ব উদ্ভাৱনক দেশজুৰি প্ৰচাৰৰ লক্ষ্যৰে ২০১৭ চনত ২৪০০ বিদ্যালয়ত ইনকিউবেচন চেণ্টাৰ স্থাপন কৰা হয়৷ এই অভিযানে আগশাৰীৰ শিক্ষা প্ৰতিষ্ঠান, নিৰীক্ষক, উদ্যোগীৰ লগতে প্ৰতিভাসম্পন্ন ব্যক্তিয়ে আমাৰ যুৱ সম্প্ৰদায়ক এগৰাকী ভাল উদ্যোগী হব পৰাকৈ তত্বাৱধান কৰাৰ এখন মঞ্চ লাভ কৰে৷ ইয়াৰ দ্বাৰা নতুন উদ্ভাৱনসমূহক বজাৰলৈ নিয়াৰ লগতে এই উদ্ভাৱনৰ বাবে এক উদ্যোগ গঢ়ি তোলা হয়৷ 

   দক্ষতা বিকাশ আৰু বৃত্তিমুলক প্ৰশিক্ষণৰ পৰিৱেশ গঢ় দিয়া

প্ৰধানমন্ত্ৰী মোদীয়ে দক্ষতা বিকাশৰ জৰিয়তে কেতবোৰ হ্ৰস্ৰকালীন প্ৰশিক্ষণ প্ৰদান কৰি দেশৰ যুৱ সমাজৰ দক্ষতাক চিহ্নিত কৰি যুৱ সমাজক সবলীকৰণ কৰিবলৈ প্ৰধানমন্ত্ৰী কৌশল বিকাশ যোজনাৰ শুভাৰম্ভ কৰে, যাতে তেওঁলোকে সংস্থাপন লাভ কৰে৷ দক্ষতা বিকাশ আৰু ঔদ্যমিতা মন্ত্ৰালয়ৰ অধীনত বিভিন্ন দক্ষতা বিকাশ কাৰ্যসূচীৰ জৰিয়তে ইতিমধ্যে দেশৰ ১ কোটিতকৈ অধিক যুৱক-যুৱতীয়ে প্ৰশিক্ষণ গ্ৰহণ কৰিছে৷ দেশত ইয়াৰ অধীনত ৩৭৫টা শাখাৰ ১৩,০০০তকৈ অধিক প্ৰশিক্ষণ কেন্দ্ৰ মুকলি কৰা হয়৷ দেশৰ প্ৰতিখন জিলাতে প্ৰধানমন্ত্ৰী কৌশল কেন্দ্ৰ স্থাপন কৰা হৈছে৷ 

 আত্ম-সংস্থাপনৰ জৰিয়তে যুৱশক্তিক সজ্জিত কৰা

যুৱ উদ্ভাৱনকাৰী আৰু উদ্যোগী গঢ় দিয়াৰ লক্ষ্যৰে ২০১৬ৰ ১৬ জানুৱাৰীত ষ্টাৰ্ট-আপ ইণ্ডিয়াৰ শুভাৰম্ভ কৰা হয়৷ ইয়াৰ অধীনত ৭ বছৰীয়া ষ্টাৰ্ট-আপ আৰু অন্যান্য ব্যয়ৰ ক্ষেত্ৰত প্ৰথম তিনি বছৰৰ কৰ ৰেহাই দিয়া হয়৷

 

  • প্ৰধানমন্ত্ৰী মুদ্ৰা যোজনাৰ অধীনত উদ্যোগীসকলক সকাহ দিয়াৰ লক্ষ্যৰে তেওঁলোকৰ কোনোধৰণৰ বন্ধকী নোলোৱাকৈ ঋণ প্ৰদান কৰা হৈছে৷ ২০১৫ৰ এপ্ৰিলৰ পৰা বৰ্তমানলৈকে ১৩ কোটিতকৈ অধিক ক্ষুদ্ৰ আৰু মজলীয়া উদ্যোগীয়ে প্ৰায় ৬.৫ লাখ কোটি টকা ঋণ লাভ কৰিছে, যিটোৱে এক ঔদ্যোগিক পৰিৱেশ গঢ় দিছে৷ ২০১৮ চনৰ বাজেটত পূৰ্বৰ বছৰতকৈ ২০% অধিক ব্যয় ধাৰ্যৰে ৩ লাখ কোটি আবণ্টন কৰা হৈছে৷ 
  • সংস্থাপন সৃষ্টিৰ তিনিটা দীৰ্ঘস্থায়ী দৃষ্টিভংগী গ্ৰহণ কৰা হৈছে৷
  • অধিক সংস্থাপন সৃষ্টিৰ লক্ষ্যৰে প্ৰধানমন্ত্ৰী নৰেন্দ্ৰ মোদী নেতৃত্বধীন চৰকাৰে সৰ্বাধিক সুযোগ সৃষ্টিকাৰী ৰাজহুৱা খণ্ডৰ আন্তঃগাঁথনি উন্নয়নত গুৰুত্ব আৰোপ কৰিছে৷ এই ক্ষেত্ৰত কৰা সমীক্ষাসমূহে ৰাজহুৱা খণ্ডত সুযোগৰ হাৰ বৃদ্ধি পোৱা বুলি দেখুৱাইছে৷ একেদৰে ব্যক্তিগত খণ্ডত যুৱশক্তিক মুদ্ৰা, ষ্টাৰ্ট-আপ ইণ্ডিয়া আৰু ষ্টেণ্ড আপ ইণ্ডিয়া দৰে ক্ষেত্ৰসমূহ জৰিয়তে সু-সজ্জিত কৰি তোলা হৈছে৷
  • ক্ৰীড়া আৰু ক্ৰীড়াসুলভ পৰিৱেশ বৃদ্ধি
  • জীৱনৰ বাবে ক্ৰীড়া আৰু ফিটনেছ দুয়োটা অতি মূল্যবান৷ খেলৰ জৰিয়তে দলগতভাৱে কাম কৰা মনোভাৱ, কৌশলগত মনোভাৱৰ উন্নয়ন আৰু বিশ্লেষণাত্মক চিন্তা-ভাৱনা, নেতৃত্বৰ দক্ষতা, লক্ষ্যত উপনীত হোৱা আৰু প্ৰত্যাহ্বান গ্ৰহণ ইত্যাদিৰ ক্ষেত্ৰত শক্তি যোগায়৷
  • ক্ৰীড়া ক্ষেত্ৰত প্ৰতিভাৰ সন্ধান তথা ক্ৰীড়াৰ জৰিয়তে গৌৰৱ বৃদ্ধি কৰিবলৈ চৰকাৰ পৰ্যায়ত তথা ব্যক্তিগতভাৱেও প্ৰধানমন্ত্ৰীয়ে কেতবোৰ গুৰুত্বপূৰ্ণ পদক্ষেপ গ্ৰহণ কৰিছে৷

  • ক্ৰীড়াক্ষেত্ৰত উৎসাহ যোগাবলৈ গ্ৰহণ কৰা কেতবোৰ পদক্ষেপ হৈছেঃ

    • মণিপুৰত ৰাষ্ট্ৰীয় ক্ৰীড়া বিশ্ববিদ্যালয়ৰ আধাৰশিলা স্থাপন৷ ক্ৰীড়া বিজ্ঞান, ক্ৰীড়া প্ৰযুক্তি, ক্ৰীড়া ব্যৱস্থাপনা, ক্ৰীড়া প্ৰশিক্ষণৰ প্ৰচাৰৰ বাবে স্থাপন কৰা এয়াই দেশৰ এনেধৰণৰ প্ৰথমটো প্ৰতিষ্ঠান, যত নিৰ্বাচিত প্ৰশিক্ষণ কেন্দ্ৰত ৰাষ্ট্ৰীয় প্ৰশিক্ষণ কেন্দ্ৰ হিচাপে কাৰ্যনিবাহ কৰিব৷ ইয়াৰ জৰিয়তে উত্তৰ-পূবত আৰু অধিক প্ৰতিভাসম্পন্ন ক্ৰীড়া প্ৰতিভা গঢ় দিয়াৰ লক্ষ্য লোৱা হৈছে৷
    • ২০১৭ৰ ৫ ফেব্ৰুৱাৰীত গুজৰাটৰ গান্ধীনগৰত বিশ্বমানৰ সুবিধাযুক্ত দেশৰ প্ৰথমটো পেৰা এথলীট প্ৰশিক্ষণ কেন্দ্ৰ দেশবাসীৰ নামত উচৰ্গা কৰা হয়৷

    ভাৰতে ২০১৮ৰ অষ্ট্ৰেলিয়াত অনুষ্ঠিত কমনৱেল্থ গেমছত চমকপ্ৰদ প্ৰদৰ্শনেৰে ৬৬টা পদক অৰ্জন কৰি অভিলেখ ৰচনা কৰে৷

    খেলো ইণ্ডিয়া হৈছে এক গণ আন্দোলন,যাৰ জৰিয়তে যুৱ প্ৰজন্মৰ মাজত ক্ৰীড়াৰ সংস্কৃতি আৰু ফিটনেছৰ ধাৰণা প্ৰচাৰ কৰিব পাৰি৷ ইয়াৰ জৰিয়তে তৃণমুল পৰ্যায়ত আমাৰ ক্ৰীড়া সংস্কৃতি পনৰুজ্জীৱিত কৰাৰ লগতে আমাৰ দেশত খেলা খেলসমূহৰ বাবে এক শক্তিশালী আন্তঃগাঁথনিৰে ভাৰতক এখন বৃহৎ ক্ৰীড়াপ্ৰধান দেশ হিচাপে গঢ়ি তোলা৷

    ক্ৰীড়াক্ষেত্ৰত উৎসাহ যোগাবলৈ গ্ৰহণ কৰা কেতবোৰ পদক্ষেপ হৈছেঃ

    • বিভিন্ন পৰ্যায়ত অগ্ৰণী ক্ৰীড়া শাখাৰ প্ৰতিভাসম্পন্ন খেলুৱৈৰ বাবে ৮ বছৰৰ বাবে প্ৰতিবছৰে ৫লাখকৈ বিত্তীয় সাহায্য আগবঢ়াই বিত্তীয় অনিশ্চয়তা দূৰ কৰা৷
    • ২০১৮ৰ জানুৱাৰীত প্ৰথম খেলো ইণ্ডিয়া বিদ্যালয় ক্ৰীড়াৰ শুভাৰম্ভ কৰা হয়, যত দেশৰ ২৯খন ৰাজ্য আৰু ৭খন কেন্দ্ৰীয়শাসিত অঞ্চলৰ ৩৫০৭গৰাকী খেলুৱৈয়ে অংশগ্ৰহণ কৰে৷
    • ২০১৭-১৮ৰ পৰা ২০১৯-২০ লৈ খেলো ইণ্ডিয়া কাৰ্যসূচীৰ বাবে সৰ্বমুঠ ১,৭৫৬ কোটি টকা ধাৰ্য কৰা হৈছে৷
    • দেশৰ প্ৰতিভাসম্পন্ন যুৱক-যুৱতীসকলে তেওঁলোকৰ কৃতিত্ব শ্বেয়াৰ কৰিব পৰাকৈ এক স্বচ্ছ ক্ৰীড়া প্ৰতিভা সন্ধানী পৰ্টেলৰ শুভাৰম্ভ কৰা হয়৷
    ক্ৰীড়া ক্ষেত্ৰত সৃষ্টি কৰা এই পৰিৱেশৰ বাবে বহু যুৱক-যুৱতীয়ে ক্ৰীড়াক এতিয়া কেৰিয়াৰ হিচাপে লব পাৰে৷

With the ecosystem in place to nurture the sports talent, many youth can take up sport as a respectable career path.

donation
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
India claims top 10 in list of fastest-growing cities

Media Coverage

India claims top 10 in list of fastest-growing cities
...

Nm on the go

Always be the first to hear from the PM. Get the App Now!
...
Share
 
Comments

যিকোনো ৰাষ্ট্ৰৰ বাবে আন্তঃগাঁথনি আৰু সংযোগ বিকাশৰ ধমনীৰ দৰে কাম কৰে৷ প্ৰধানমন্ত্ৰী নৰেন্দ্ৰ মোদীৰ নেতৃত্বাধীন এনডিএ চৰকাৰৰ আমোলত এই আন্তঃগাঁথনি বিকাশত বিশেষ ধ্যান দিয়া পৰিলক্ষিত হৈছে৷ নতুন ভাৰতৰ সপোন পূৰণ কৰিবলৈ এনডিএ চৰকাৰে ৰে’লৱে, স্থলপথ, জলপথ, বিমানখণ্ড অথবা ব্যয়সাধ্য গৃহত গুৰুত্ব নিৱেশ কৰিছে৷

ৰে’লৱে

ভাৰতীয় ৰে’লৱেৰ নেটৱৰ্ক সমগ্ৰ বিশ্বৰ ভিতৰতে বৃহৎ ৰে’লৰ নেটৱৰ্ক৷ ট্ৰেকৰ পুনৰ নিৰ্মাণ, ৰখীয়াবিহীন ৰে’লৱে ক্ৰ’ছিং আৰু ব্ৰ’ডগজৰ সম্প্ৰসাৰণ আদি প্ৰধানমন্ত্ৰী মোদীৰ নেতৃত্বাধীন এনডিএ চৰকাৰৰ আমোলত উল্লেখযোগ্য উন্নতি সাধন হৈছে৷

২০১৭-১৮ বৰ্ষত ৰে’লজনিত দূৰ্ঘটনা ১০০ত কৈও কম হৈছে৷ তথ্যত প্ৰকাশ যে ২০১৩-১৪ বৰ্ষত ৰে’লজনিত দূৰ্ঘটনাৰ সংখ্যা আছিল ১১৮টা যি ২০১৭-১৮ বৰ্ষত ৭৩টালৈ হ্ৰাস পাইছে৷ ৫,৪৬৯টা ৰখীয়াবিহীন লেভেল ক্ৰ’ছিং নোহোৱা কৰা হৈছে আৰু ২০০৯-১৪ বৰ্ষৰ তুলনাত ই ২০% অধিক হৈছে৷ ব্ৰ’ডগজ পথসমূহৰ সকলো ৰখীয়াবিহীন লেভেল ক্ৰ’ছিং ২০২০ চনৰ ভিতৰত নোহোৱা কৰাৰ পদক্ষেপ গ্ৰহণ কৰা হৈছে৷

ৰে’লৱেৰ বিকাশক গতি প্ৰদান কৰাৰ বাবে ৰে’লপথ পুনৰ নিৰ্মাণৰ কাম ৫০% বৃদ্ধি হৈছে, ২০১৩-১৪ বৰ্ষৰ ২,৯২৬ কিলোমিটাৰৰ তুলনাত ২০১৭-১৮ বৰ্ষত ইয়াৰ সংখ্যা ৪,৪০৫ কিলোমিটাৰলৈ বৃদ্ধি পাইছে৷ এনডিএ চৰকাৰৰ আমোলত বিগত চাৰিটা বৰ্ষত ব্ৰ’ডগজ সম্প্ৰসাৰণৰ সংখ্যা (৯,৫২৮ কিলোমিটাৰ)ৰ বিপৰীতে ২০০৯-১৪ বৰ্ষত ইয়াৰ সংখ্যা আছিল ৭,৬০০ কিলোমিটাৰ৷

প্ৰথমবাৰৰ বাবে উত্তৰ পূৰ্বাঞ্চল ব্ৰ’ডগজ ভাৰতৰ অন্য প্ৰান্তৰ সৈতে জড়িত হৈছে৷ স্বাধীনতাৰ ৭০ বছৰৰ পিছত ই মেঘালয়, ত্ৰিপুৰা আৰু মিজোৰামক ৰে’লৱে মানচিত্ৰৰ অন্তৰ্ভুক্ত কৰিবলৈ সক্ষম হৈছে৷

নতুন ভাৰতৰ বিকাশৰ বাবে আমাক অত্যাধুনিক প্ৰযুক্তিৰো প্ৰয়োজন৷ মুম্বাইৰ পৰা আহমেদাবাদলৈ পৰিকল্পিত বুলেট ৰে’লে ৮ ঘণ্টাৰ যাত্ৰাৰ সময় ২ ঘণ্টালৈ হ্ৰাস কৰিব৷

 

বিমানখণ্ড

অসামৰিক বিমানখণ্ডতো অভূতপুৰ্ব উত্তৰণ ঘটিছে৷ উড়ান (উৰে দেশ কা আম নাগৰিক) আঁচনিৰ অধীনত ব্যয়সাধ্য বিমানযাত্ৰা সম্ভৱ হৈছে, যোৱা চাৰিটা বৰ্ষত ২৫টা কাৰ্যকৰী বিমানবন্দৰ সংযোজিত হৈছে৷ স্বাধীনতা বৰ্ষৰ পৰা ২০১৪ চনলৈ কেৱল ৭৫টা বিমানবন্দৰ আছিল৷ সেৱাৰহিত আৰু সেৱাৰ অধীনৰ বিমানবন্দৰসমূহলৈ প্ৰতিঘণ্টাত ২,৫০০টকাৰ আঞ্চলিক সংযোগৰ ফলত ভাৰতীয়সকলৰ আকাশত উৰাৰ সপোন সাৰ্থক হৈছে৷ সেয়ে, প্ৰথমবাৰলৈ দেশৰ নাগৰিকে বাতানুকূল ৰে’লৰ পৰিৱৰ্তে বিমানেৰে যাত্ৰা কৰিছে৷

বিগত তিনিটা বৰ্ষত ১৮-২০%ৰ যাত্ৰী বৃদ্ধিৰ জৰিয়তে ভাৰতে বিশ্বৰ ভিতৰত বিমানখণ্ডত তিনি নম্বৰ স্থান দখল কৰিবলৈ সক্ষম হৈছে৷ ২০১৭ বৰ্ষত ঘৰুৱা বিমানযাত্ৰীৰ সংখ্যা ১০০ মিলিয়ন অতিক্ৰম কৰিছে৷

 

জলপৰিবহণ

প্ৰধানমন্ত্ৰী নৰেন্দ্ৰ মোদীৰ চৰকাৰৰ অধীনত ভাৰতে জলপৰিবহণ ক্ষেত্ৰতো সাফল্য অৰ্জন কৰিছে৷ বন্দৰসমূহৰ বিকাশত অগ্ৰগতি প্ৰদান কৰি প্ৰধান বন্দৰসমূহৰ টাৰ্ণ এৰাউণ্ড সময় ২০১৩-১৪ বৰ্ষৰ ৯৪ ঘণ্টাৰ পৰা এক তৃতীয়াংশ হ্ৰাস হৈ ২০১৭-১৮ বৰ্ষত ৬৪ ঘণ্টা হৈছে৷

প্ৰধান বন্দৰসমূহত কাৰ্গো ট্ৰেফিকক গুৰুত্ব প্ৰদান কৰা হৈছে৷ ২০১০-১১ বৰ্ষত ৫৭০.৩২ মেট্ৰিকটনৰ পৰা ২০১২-১৩ বৰ্ষত ৫৪৫.৭৯ মেট্ৰিকটনলৈ হ্ৰাস হৈছিল৷ কিন্তু এনডিএ চৰকাৰে এই ব্যৱস্থাৰ সংশোধন ঘটাই ২০১৭-১৮ বৰ্ষত ইয়াক ৬৭৯.৩৬৭ মেট্ৰিক টন অৰ্থাৎ ১০০ মেট্ৰিকটনতকৈও অধিক বৃদ্ধি কৰিবলৈ সমৰ্থ হৈছে৷

অন্তঃৱৰ্তী জলপৰিবহণত পৰিবহণ ব্যয় হ্ৰাস হোৱাৰ ফলত কাৰ্বন ফুট প্ৰিণ্ট হ্ৰাস হোৱাৰ উপৰিও অৰ্থনৈতিক বিকাশ সম্ভৱ হৈছে৷ বিগত ৩০টা বৰ্ষত ৫টা ৰাষ্ট্ৰীয় জলপথৰ পৰিৱৰ্তে কেৱল বিগত ৪টা বৰ্ষতে ইয়াৰ সংখ্যা ১০৬টালৈ বৃদ্ধি পাইছে৷

পথ পৰিবহণ

ভাৰত মালা পৰিযোজনাৰ অধীনত মাল্টি-ম’ডেল সংবদ্ধকৰণৰ জৰিয়তে ৰাষ্ট্ৰীয় ঘাইপথসমূহৰ সম্প্ৰসাৰণ কৰা হৈছে৷ ২০১৩-১৪ বৰ্ষৰ ৯২,৮৫১ কিলোমিটাৰৰ তুলনাত ২০১৭-১৮ বৰ্ষত ৰাষ্ট্ৰীয় ঘাইপথৰ সম্প্ৰসাৰণ ১,২০,৫৪৩ কিলোমিটাৰলৈ হৈছে৷

সুৰক্ষিত পথৰ বাবে সেতু ভাৰতম প্ৰকল্পত ২০,৮০০ কোটি টকা ব্যয় কৰা হৈছে৷ ইয়াৰ অধীনত সকলো ৰাষ্ট্ৰীয় ঘাইপথত ৰে’লৱে ক্ৰ’ছিংসমূহত ৰে’লৱে অভাৰব্ৰীজ নিৰ্মাণ কৰা হৈছে৷

পথ নিৰ্মাণৰ দ্ৰুতি প্ৰায় দুগুণ কৰা হৈছে৷ ২০১৩-১৪ বৰ্ষত ৰাষ্ট্ৰীয় ঘাইপথ নিৰ্মাণৰ কাম প্ৰতিদিনে ১২ কিলোমিটাৰৰ পৰিৱৰ্তে ২০১৭-১৮ বৰ্ষত প্ৰতিদিনে ২৭ কিলোমিটাৰলৈ বৃদ্ধি পাইছে৷

 

জম্মুত ভাৰতৰ বৃহত্তম দৈৰ্ঘৰ সুৰংগ চেনানি-নাশ্ৰি, ঢলা-শদিয়াত ভাৰতৰ সৰ্ববৃহৎ দৈৰ্ঘৰ দলং যিয়ে অৰুণাচলক সংযোজিত কৰিছে, এইসমূহৰ বিকাশৰ জৰিয়তে পূৰ্বৰ স্পৰ্শৰহিত অঞ্চলসমূহ সংযোজিত হৈছে৷ ভাৰুচত নৰ্মদা নদীৰ ওপৰত দলং আৰু চম্বলৰ ওপৰত কোটাত দলং নিৰ্মাণৰ জৰিয়তে অঞ্চলকেইটাৰ যোগাযোগৰ উত্তৰণ হৈছে৷  

পথসমূহে গ্ৰামীণ বিকাশৰ ক্ষেত্ৰত অনুঘটকৰ কাম কৰে৷ ইয়াৰ গুৰুত্ব উপলব্ধ কৰি বিগত চাৰিটা বৰ্ষত প্ৰায় ১.৬৯ কিলোমিটাৰ গ্ৰামীণ পথ নিৰ্মাণ কৰা হৈছে৷ ২০১৩-১৪ বৰ্ষৰ পথ নিৰ্মাণৰ গড় দ্ৰুতি প্ৰতিদিনে ৬৯ কিলোমিটাৰৰ বিপৰীতে ২০১৭-১৮ বৰ্ষত ইয়াৰ সংখ্যা প্ৰতিদিনে ১৩৪ কিলোমিটাৰ হৈছে৷ বৰ্তমানে ২০১৪ বৰ্ষৰ ৫৬%ৰ বিপৰীতে গ্ৰামীণ পথৰ সংযোগ ৮২%তকৈও অধিক হৈছে, ইয়াৰ জৰিয়তে গাঁওসমূহক ভাৰতৰ বিকাশৰ কক্ষপথত চামিল কৰা হৈছে৷

নিয়োজন বৃদ্ধিৰ ক্ষেত্ৰত পৰ্যটনে গুৰুত্বপূৰ্ণ ভূমিকা পালন কৰে৷ তীৰ্থযাত্ৰীসকলৰ অভিজ্ঞতা বৃদ্ধিৰ উপৰিও পৰ্যটন ক্ষেত্ৰত বিকাশৰ বাবে চাৰধাম মহামাৰ্গ বিকাশ পৰিযোজনা মুকলি কৰা হৈছিল৷ ইয়াৰ দ্বাৰা ভ্ৰমণ সুৰক্ষিত, ক্ষীপ্ৰ আৰু অধিক বিশ্বস্ত কৰাত গুৰুত্ব প্ৰদান কৰা হৈছে৷ ইয়াৰ বাবে প্ৰায় ১২,০০০ কোটি টকা ব্যয়েৰে ৯০০ কিলোমিটাৰৰ ৰাষ্ট্ৰীয় ঘাইপথ নিৰ্মাণ কৰা হৈছে৷

আন্তঃগাঁথনিত গুৰুত্ব প্ৰদান কৰি দেশৰ অৰ্থনৈতিক বিকাশৰ বাবে অধিক মালবাহনৰ পদক্ষেপ হাতত লোৱা হৈছে৷ এনডিএ চৰকাৰৰ প্ৰচেষ্টাৰ ফলতেই ২০১৭-১৮ বৰ্ষত সৰ্বাধিক মাল পৰিবহণ (১,১৬০ মেট্ৰিক টন)ৰ অভিলেখ নথিভুক্ত কৰা হৈছিল৷

নগৰ ৰূপান্তৰণ

স্মাৰ্ট চিটীৰ জৰিয়তে নগৰ ৰূপান্তৰণৰ বাবে প্ৰায় ১০০টা নগৰ কেন্দ্ৰ জীৱন-ধাৰণৰ মান উন্নতি, বহনক্ষম নগৰ পৰিকল্পনা আৰু বিকাশৰ বাবে বাচনি কৰা হৈছে৷ এই নগৰসমূহৰ বাবে গ্ৰহণ কৰা বিভিন্ন বিকাশৰ প্ৰকল্পৰ জৰিয়তে প্ৰায় ১০ কোটি ভাৰতীয়ক প্ৰভাৱান্বিত কৰিব৷ এই প্ৰকল্পটোত প্ৰায় ২,০১,৯৭৯ কোটি টকা ব্যয় কৰা হ’ব৷

গ্ৰামাঞ্চল আৰু নগৰাঞ্চলত প্ৰধানমন্ত্ৰী আৱাস যোজনাৰ অধীনত প্ৰায় ১ কোটি ব্যয়সাধ্য ঘৰ নিৰ্মাণ কৰা হৈছে৷ মধ্যবিত্ত আৰু নিম্ন মধ্যবিত্তসকল উপকৃত হোৱাকৈ গৃহ ঋণ ৯ লাখ টকা পৰ্যন্ত ৪% আৰু ১২ লাখ টকা পৰ্যন্ত ৩% সুতৰ আৰ্থিক সুবিধা প্ৰদান কৰা হৈছে৷