প্রধান মন্ত্রী, নরেন্দ্র মোদীনা দেনমার্ক্তা পীখিবা প্রেস স্তেতমেন্ত

য়োর এক্সেলেন্সী,

দেনমার্ক্কী প্রধান মন্ত্রী,

দেলিগেশনগী মেম্বরশিং,

মীদিয়াদগী মরুপশিং,

গুদ ইভিনিং অমসুং খুরুমজরি,
এক্সেলেন্সী প্রধান মন্ত্রী, দেনমার্ক্তা ঐহাকপু অমসুং ঐহাক্কী দেলিগেশনবু তরাম্না ওকপগীদমক্তা অদোম অমসুং অদোমগী তীমবু  থাগৎচরি। নখোয়গী লৈবাক অসিদা মসিনা ঐগী অহানবা খোংচৎনি। মমাং চহিগী ওক্তোবরদা, ঐহাক্না অদোমদবু তরাম্না ওকপগী খুদোংচাবা ফংজখি। মসিগী খোংচৎ অনি অসিনা ঐখোয়গী মরিদা এন্না নকশিন্নবা অমসুং দাইনামিজম পুরকপা ঙম্লি। ঐখোয়গী লৈবাকশিং অসিনা দেমোক্রেসী, ফ্রীদম ওফ এক্সপ্রেসন অমসুং রুল ওফ লো শিয়র তৌবদা নত্তনা ঐখোয় অনিমক্না কমপ্লিমেন্তরী স্ত্রেন্থ কয়া অমসুং লৈ।
মরুপশিং,

২০২০গী ওক্তোবরদা পাংথোকখিবা ভারত-দেনমার্ক ভর্চুৱল সম্মিত্তা, ঐখোয়না ঐখোয়গী মরী অসিবু গ্রীন স্ত্রেতেজিক পার্তনরশীপকী স্তেতস পীখি। ঐখোয়না ঙসি খন্ন-নৈনবা মতমদা ঐখোয়গী গ্রীন স্ত্রেতেজিক পার্তনরশীপকী অপুনবা ৱার্ক-প্লান অদুবু য়েংশিনখি।
হিরম কয়া অমদা, মরু ওইনা রিন্যুৱেবল ইনর্জী, হেল্থ, পোর্তস, শিপ্পিং, সর্ক্যুলর ইকোনোমী অমসুং ৱাতর মেনেজমেন্তকী লমশিং অসিদা মরু ওইবা প্রোগ্রেস কয়া অমা পুরকপা ঙমখিবা অসি ঐহাক য়াম্না হরাওই। ভারত্তা দেনিশ কমপনী ২০০গী মথক্তা হিরম কয়া অমদা– খুদম ওইনা ৱিন্দ ইনর্জী, শিপ্পিং, কন্সল্তেন্সি, ফুদ প্রোসেসিং, ইঞ্জিনীয়রিংনাচিংবশিংদা থবক তৌরি। অসিগুম্বা হীরম কয়া অমা লৈ, মখোয়না ভারত্তা ‘িজ ওফ দোইং বিজনেস’ অমসুং মাইক্রোইকোনোমিক রিফোর্মশিংগী কান্নবা ফংলি।। ভারতকী ইনফ্রাস্ত্রকচর অমসুং গ্রীন সেক্তরদা দেনিশ কমপনীশিং অমসুং দেনিশ পেন্সন ফন্দশিংগীদমক্তা ইনভেস্তমেন্তকী খুদোংচাবা  ময়াম অমা লৈ।
ঙাসি ঐখোয়না, ভারত-ই.য়ু. মরীশিং, ইন্দো-পেসিফিক অমসুং য়ুক্রেন য়াওনা রিজনেল অমসুং গ্লোবল ইসু কবা অমগী মতাংদা খন্নখি। ভারত-ই.য়ু. ফ্রী ত্রেদ এগ্রীমেন্ত কী মতাংদা নেগোসিয়েশন তৌরিবা অসি য়াম্না থুনমক ৱারোইশিন পুরক্লগনি হায়না আশা তৌরি। ঐখোয়না ফ্রী, ওপন, ইনক্লুসিব অমসুং রুলশিংদা য়ুমফম ওইবা ইন্দো-পেসিফিক রিজন অমা ওইহন্নবা হোৎনরি। ঐখোয়না য়ুক্রেনদা খুদক্তা সীজফায়র তৌনবগীদমক্তা হায়খি অমসুং প্রোব্লেম অদুবু লোইশিন্নবা দাইলোগ অমসুং দিপ্লোমেসী শিজিন্ননবা হায়খি। ঐখোয়না ক্লাইমেতকী লম অসিদা কোওপরেশন পীনবগী মতাংদা খন্নখি। ভারতনা গ্লাসগো সি.ও.পি.-২৬তা লোখিবা ৱারেপ অদুবু মপুং ফানা পাংথোকপগী মতাংদসু অচেৎপা ফিরেপ লৌরি।  ঐখোয়না আরক্তিক রিজনদা খুদোংচাবা কয়া অমা এক্সপ্লোর তৌবদা কোওপরেশন পীনবগী মতাংদসু য়ানখি।
এক্সেলেন্সী,

অদোমগী লুসিং মখাদা ভারত-দেনমার্ক্কী মরক্তা লৈরিবা মরী অসিনা অনৌবা অৱাংবা থাক অমা য়ৌরগনি হায়না ঐহাক্না থাজৈ। হয়েং পাংথোক্কদৌরিবা ২শুবা ইন্দিয়া-নোর্দিক সম্মিত অসিবু শিনবগীদমক্তা অদোম্বুসু তোবীমল খংবা উৎচরি।  অমসুং ঙসি  ইন্দিয়ন দাইসপোরাগী থৌরামদআ শরুক য়াবগীদমক্ত আঅদোমবু হন্না-হন্না থাগৎচরি, মরমদি মফম অসিদা লাক্নবগী মতম কাইথোকপীবা অসি ইন্দিয়ন কম্যুনিতীগীদমক্তা অদোম্না কয়ামুক  য়াম্না নুংশিবীবগে হায়বদুগী খুদম্মি।
থাগৎচরি