Share
 
Comments

ঐখোয়গী লৌমীশিংদা মপাঙ্গল কনখৎহল্লি

প্রধান মন্ত্রী নরেন্দ্র মোদীগী লুচিং মখাদা এন.দি.এ. সরকারনা লৌউ-শিংউবগী লমদা অখন্নবা মিৎয়েং থম্লি। হৌখিবা চহি অনি অসিদা পোৎথোক পুথোকপা হেনগৎহনবা, লৌমীশিংবু ঙাক-শেনবা অমসুং শেন্থোক হেনগৎহনবা অমসুং মখোয়গী অপুনবা য়াইফ-থৌরাংগীদমক থৌরাং পাইখৎলি। সরকারনা লৌখৎলিবা খোংথাং অসিদগী লৌমীশিংদা মখল কয়াগী কান্নবসু ফংলি, হার লাইনা ফংহনবদগী হৌরগা ইথৈ-লৌখোং ফগৎহনবা, ফসল বিমা য়োজনানা শেন্থং লাইনা ফংহনবা, সাইন্তিফিক ওইবা মতেংদগী হৌরগা পোৎথোক্কী মমল হেন্না ফংহনবদা মতেং পাংলি।। প্রধান মন্ত্রী মোদীনসু মল্তি মোদেল ইন্তর্ভেন্সনশিংগী পাম্বৈনা লৌমীশিংগী চাগা ২০২২ ফাওবদা শরুক অনি হেনগৎহন্নবসু ফোংদোকখি।  

ভারতনা ২০১৪-১৫ অমসুং ২০১৫-১৬তা লেপ্তনা ইকং মায়োক্নবা তাখি। মসি ফাওবদসু ভারতকী লৌমীশিংনা উৎখিবা থৌনা অদুনা লৌউ-শিংউগী পোৎথোকশিংদি অদুম্মক পুথোকখি অমসুং মদুনা মরম ওইদুনা সপ্লাই অমসুং ইনফ্লেসন ঙাক্তুনা থমখি। ২০১৫-১৬তা অপুনবা মহৈ-মরোংগী পোৎথোক মেত্রিক তন ২৫২.২৩ পুথোক্নবা পানখি মসি ২০১৪-১৫দা পুন্না মেত্রিক তন ২৫২.০২ ওইখিবনি। লৌউ-শিংউ মন্ত্রালয় অসি হৌজিক লৌউ-শিংউ অমসুং লৌমীশিংগী য়াইফ-থৌরাং মন্ত্রালয় হায়না কৌখ্রে। মসিনা মিৎয়েং অসিদা য়াওরিবা, লৌমীশিংদা হান্না থম্বা হায়বা থোইদোকপা অহোংবা অসি ফোংদোকলি। লৌউ-শিংউ অমদি লৌমীশিংগী য়াইফ-থৌরাংগীদমক্তা কাইথোকপা শেনফম অদু হেনগৎতুনা লুপা ক্রোর ৩৫,৯৮৪ ওইহনখ্রে।

সকরারন মসি খঙই মদুদি লৌউ-শিংউগী তঙাইফদবশিং অদু হান্না খঙদোকপগা লোইননা চাথোক লৈহনবা অমদি কান্নবা ওইহন্নবা হোৎনবা মথৌ তাই। থাক অসিদা লৌমীশিংগী অৱাবশিং কোকহন্নবগীদমক মখল য়াম্বা ৱাখল্লোন মথৌ তাই অমসুং মরম অসিনা সরকারনা লৌমীশিংগী তোঙান তোঙানবা অৱাবশিং কোকহন্নবা পাম্বৈ পুথোক্নবগী মাইকৈদা লেপ্তনা হোৎনরি।

মরু-মরাং হুন্দ্রিঙৈগী মমাংদাঃ

১. সোইল হেল্থ কার্দনা লৌমীশিংবু অচুম্বা খনবদা মতেং পাংই।

সরকারনা সোইল হেল্থ কার্দ ক্রোর ১.৮৪ য়েন্থোকখ্রে। পান্দম অসি অপুনবা ফার্ম হোল্দিংস ক্রোর ১৪ কোনশিন্দুনা লৌমী পুম্নমক্তা সোইল হেল্থ কার্দ ফংহনবনি।

  1. ২. হার

    হারগীদমক্তা শাংনা পরেং লেপ্লম্বু অদু হৌজিক্তি পুৱারী ওইখ্রে। লৌমীশিংনা ইরাই লাইনা হার ফংহনবা ঙম্ননবা সরকারনা হোৎনরি। হারগী মমলসু ময়েক শেংনা হন্থরে। লৈবাক অসিদা চাদা চাম্মা নীম তোৎলবা হার ফংহল্লে। মসিনা হার শিজিন্নবা চাদা ১০দগী ১৫ ফাওবা হেনগৎহল্লগনি অমসুং য়ুরিয়া মাংহনবসু হন্থহল্লগনি।

    ৩. শেল-থুম

    সরকারনা লৌমীশিংগী লোনগা মরি লৈনবা শেন্দোইগী তেংবাংগীদমক লুপা ক্রোর ১৮,২৭৬কী অয়াবা পীখ্রে। মসিনা লৌমী অমনা কৈথেলগী ৯%গা য়েংনরুবদা অতেনবা মতমগী মরু-মরাংগী লোনগীদমক্তা শেন্দোই ৪%, লৌরোক মতুংগী লোনগীদমক্তা শেনদোই ৭%, মহৌশানা থোকহনবা অমাং-অতাগী মতাংদা লৌবা লোন্দা শেন্দোই ৭%তমক পীহল্লগনি।  

মরু-মরাং হুল্লিঙৈ মনুংদাঃ

১. ইথৈ-লৌখোংগী খুদোংচাবা

প্রধান মন্ত্রী কৃশি সিঞ্চাই য়োজনা অসি মিশন মোদতা থবক পাইখৎকনি অমসুং লৌফম হেক্তর লাখ ২৮.৫ রোমদা ইথৈ-লৌখোং ফংহনগনি। মতম কুইনা শোৎথদুনা লৈরুরবা, এ.আই.বি.পি.গী মখাদা ইথৈ-লৌখোং প্রোজেক্ত ৮৯ অথুবা মতমদা পাইখৎলগনি। চাউরাক্না ক্রোর ২০,০০০  রোমগী অহৌবা শেনফমগা লোইননা মতম শাংবা ইথৈ-লৌখোংগী কৎথোক্লবা ফন্দ অমা নবার্দতা শেমলে। নোং-চিংগী ফিভমগী মখা পোনবা মফমশিংদা ফার্মগী পুখ্রি অমসুং কুহা লাখ ৫ তৌখ্রে অমসুং ওর্গানিক পোৎথোক্কীদমক্তা মনরেগাগী মখাদা কম্পোস্ত কোম লাখ ১০ তৌগনি।

  1.  ২. মতেং পাংবা অমসুং লমজিং-লম্তাকপা

    লৌমী ক্রোর কয়াদা এস.এম.এস. অমসুং কোলগী খুৎথাংদা সাইন্তিফিক্কী ওইবা পাওতাকশিং পীরি।

    মরু-মরাং হুল্লবা মতুং:

    ১. প্রধান মন্ত্রী ফসল বিমা য়োজনা

    পি.এম.এফ.বি.ৱাই.না লৌমীশিংগীদমক্তা খ্বাইদগী য়ামদবা প্রেমিয়ম রেৎ ফংহল্লি। পি.এম.এফ.বি.ৱাই.গী মখাদা মহৈ-মরোং অমগীদমক রেৎ অমা, খুদম ওইনা – খরীফ মহৈ-মরোং: ২%, রবী মহৈ-মরোং: ১.৫%, হোর্তিকলচরগী মহৈ-মরোং: ৫% ওইরে। লৌমীশিংবু মপুং ফানা ঙাক-শেল পীনবা প্রেমিয়ম রেৎশিংদা কেপ্পিং অমত্তা লৈতে অমসুং সম এস্যুরদা ককথবা অমত্তা তৌদে। নীং খা তম্লবা মতুংদগী শুপ্নগী চাউরাক্না লৌমী ২০% লোমতমক ইন্সুরেন্সনা কোনশিনবা ঙমখি। পি.এম.এফ.বি.ৱাই.না মথংগী চহি ৩দা ৫০% কোনশিন্নবা পান্দম থম্লি।  

  1. ২. ই-নাম

    লৌউ-শিংউগী কৈথেল অসি রাজ্য সরকারশিংনা মখোয়গী লৌউ-শিংউগী কৈথেলগী কাংলোনশিংগী মতুং ইন্না চলাইবনি, মসিগী মখাদা রাজ্যশিংনা কৈথেলগী তোঙান তোঙানবা মফম কয়ামরুম খাইদোক্তুনা থম্মি। তোঙান তোঙান্না খাইদোক্তুনা থম্বা অসিনা লৌউ-শিংউগী পোৎথোকশিং অদু মফম অমদগী অমদা পুথোক পুশিন তৌবদা লৌমীশিংনা অৱাবা কয়া মায়োক্নৈ। ই-নামনা রাজ্য অমসুং জাতিগী থাক্তা ওনলাইন ত্রেদিং প্লেৎফোর্মগী থোংদা অপুনবা কৈথেল অমা ফংহল্লি, মসিনা লৈবা অমসুং য়োনবগী মরক্তা ই-পাও ফাওনবা লাইনা ঙমহল্লি অমসুং মথৌ তাবশিংগী মতুং ইন্না পোৎথোকশিং অদু রিয়েল তাইমগী মমল থিবদা নীলাম লাওবগী থৌওংদা নুং পান উহনবা হেনগৎহল্লি। মসিনা লৈবাক অপুনবগী কৈথেলশিংদা লৌমীশিংনা য়ৌশিনবা, মখোয়গী পোৎথোকশিংগী মগুনগী মতুং ইন্না মমল ফংবা, পোৎ লৈবশিংনা ওনলাইন পেমেন্ত তৌবা অমসুং মতিক চাবা মমলদা হেন্না ফবা পোৎথোক খনবদা মতেং ফংহল্লি।  

লৌমীশিংগী চাগা হেনগৎহন্নবা মথক্তা পনখ্রিবা পাম্বৈশিং অসিদা নত্তনা তোঙান তোঙানবা থৌরাং কয়া অমসু পাইখৎলি। ঙা য়োকপা, শা-শন য়োকপা অমসুং শঙ্গোমগী পোৎথোক পুথোকপনচিংবা থবক-থৌরমশিংদা তেংবাং পীদুনা লৌমীশিংগী চাগা হেনগৎহন্নবা থবক পাইখৎলি। দাইরী প্রোজেক্ত মরি – ‘পশুধন সঞ্জিবনী’, ‘নকুল স্বস্থ্য পত্র’, ‘ই-পশুধন হাৎ’ অমসুং লমদম অসিদা ফংবা চাদাগী ওইবা নেস্নেল জেনোমিক সেন্তরগীদমক্তা লুপা ক্রোর ৮৫০ কাইথোকলে। লমদম অসিদা ফংবা চাদাগী ওইবা শনবীশিং য়োকখৎনবা অমসুং ঙাক-শেন্দুনা থম্নবা রাস্ত্রীয় গোকুল মিশন হৌদোকখি। ঙাগী পোৎথোক অসি ২০১৩-১৪দা তোন লাখ ৯৫.৭২ ওইখিবদগী ২০১৪-১৫দা লাখ তোন ১০১.৬৪দা হেনগৎখি অমসুং ২০১৬-১৬তা ১০১.৬৪ ওইগনি হায়না পানরি। ব্লু রিভোলুসন স্কিমগী মখাদা ঙা ফাবদা অথিংবা থম্বা থা অহুমগী মতমগী মনুংদা ঙামীশিংনা ফংবা ‘সেবিং-কম-রিলিফ’ অদু হেনগৎতুনা থা অমদা লুপা ১৫০০ ওইখ্রে।

সরকারনা পীবা তেংবাংদা মসিসু মশক থোক্না হেনগৎপা অমনি। কুমজা ২০১০-১৫কী মতমদা স্তেৎ দিজাস্তর রেস্পোন্স ফন্দগীদমক্তা লুপা ক্রোর ৩৩,৫৮০.৯৩গী থৌরাং তৌখি। ২০১৫-২০২০গীদমক্তা শেনফম অদু হেনগৎহন্দুনা লুপা ক্রোর ৬১,২২০ ওইহনখি। ২০১০-১৪গী মরক্তা ইকং অমসুং নোংলৈ নুংশিৎনা শোকহল্লবা রাজ্যশিংগীদমক্তা শুপ্নগী লুপা ক্রোর ১২,৫১৬.২০ খক্তমক অয়াবা পীখি। এন.দি.এ. সরকারনা ২০১৪-১৫ খক্তদা ইকং অমসুং নোংলৈ নুংশিৎনা শোকহল্লবা রাজ্যশিংগীদমক্তা লুপা ক্রোর ৯০১৭.৯৯৮গী অয়াবা পীখি। কুমজা ২০১৫-১৬কী মতমদা, হৌজিক ফাওবদা লুপা ক্রোর ১৩৪৯৬.৫৭কী অয়াবা পীখ্রে।  

দোনেসন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Narendra-Devendra formula is super-hit in terms of development, says PM Modi

Media Coverage

Narendra-Devendra formula is super-hit in terms of development, says PM Modi
...

Nm on the go

Always be the first to hear from the PM. Get the App Now!
...
PM Modi Adorns Colours of North East
March 22, 2019
Share
 
Comments

The scenic North East with its bountiful natural endowments, diverse culture and enterprising people is brimming with possibilities. Realising the region’s potential, the Modi government has been infusing a new vigour in the development of the seven sister states.

Citing ‘tyranny of distance’ as the reason for its isolation, its development was pushed to the background. However, taking a complete departure from the past, the Modi government has not only brought the focus back on the region but has, in fact, made it a priority area.

The rich cultural capital of the north east has been brought in focus by PM Modi. The manner in which he dons different headgears during his visits to the region ensures that the cultural significance of the region is highlighted. Here are some of the different headgears PM Modi has carried during his visits to India’s north east!