ସେୟାର
 
Comments

ଆମ କୃଷକମାନଙ୍କ ସଶକ୍ତିକରଣ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଏନଡିଏ ସରକାର କୃଷିର ଉନ୍ନତି ପାଇଁ ଅଭୂତପୂର୍ବ ଭାବେ ଗୁରୁତ୍ୱ ପ୍ରଦାନ କରୁଛନ୍ତି । ଉତ୍ପାଦନ ବୃଦ୍ଧି, କୃଷକମାନଙ୍କର ସୁରକ୍ଷା, ଆୟ ବୃଦ୍ଧି ଓ ସେମାନଙ୍କର ସାମଗ୍ରୀକ ଉନ୍ନତି ପାଇଁ ଗତ ଦୁଇବର୍ଷ ହେଲା ଅନେକ ପଦକ୍ଷେପ ଗ୍ରହଣ କରାଯାଉଛି । ସରକାରଙ୍କ ଦ୍ୱାରା ଗ୍ରହଣ କରାଯାଇଥିବା ପଦକ୍ଷେପଗୁଡ଼ିକ କୃଷକମାନଙ୍କୁ ଅନେକ କ୍ଷେତ୍ରରେ ସହାୟତା କରିଛି । ଏହାଫଳରେ କୃଷକମାନଙ୍କୁ ସହଜରେ ସାର ମିଳିପାରୁଛି, ଜଳସେଚନ ବ୍ୟବସ୍ଥାରେ ଉନ୍ନତି ଆସିପାରିଛି, ଶସ୍ୟବୀମା ମିଳିଛି, ସହଜରେ ଋଣ ମିଳିପାରୁଛି, ବୈଜ୍ଞାନିକ ପଦ୍ଧତିରେ କୃଷି କାର୍ଯ୍ୟ କରାଯାଉଛି ଓ ଶସ୍ୟଜାତ ଦ୍ରବ୍ୟର ଅଧିକ ମୂଲ୍ୟ ମଧ୍ୟ ମିଳିପାରୁଛି । ବିବିଧ ପଦକ୍ଷେପ ମାଧ୍ୟମରେ 2022 ସୁଦ୍ଧା କୃଷକମାନଙ୍କ ଆୟରେ ଦୁଇଗୁଣ ବୃଦ୍ଧି ଆଣିବା ପାଇଁ ପ୍ରଧାନମନ୍ତ୍ରୀ ମୋଦୀ ଆହ୍ୱାନ ଦେଇଛନ୍ତି ।

2014-15 ଏବଂ 2015-16ରେ କ୍ରମାଗତ ଦୁଇବର୍ଷ ଧରି ଭାରତରେ ମରୁଡି ଦେଖାଦେଇଥିଲା । ତଥାପି ଭାରତୀୟ କୃଷକମାନଙ୍କ ଦୃଢ଼ତା ଯୋଗୁ, କୃଷି ଉତ୍ପାଦନ ସ୍ଥିର ରହିଲା ଏବଂ ଯୋଗାଣ ଓ ମୁଦ୍ରାସ୍ଫୀତି ମଧ୍ୟ ସ୍ଥିର ରହିଲା । 2015-16ରେ ମୋଟ ଖାଦ୍ୟ ଶସ୍ୟ ଉତ୍ପାଦନ 252.23 ମେଟ୍ରିକ ଟନ ଥିଲା ଏବଂ 2014-15ରେ ଏହା ଥିଲା 252.02 ମେଟ୍ରିକ ଟନ । କୃଷି ମନ୍ତ୍ରଣାଳୟର ନାମ ବଦଳାଯାଇ କୃଷି ଓ କୃଷକ କଲ୍ୟାଣ ମନ୍ତ୍ରଣାଳୟ ରଖାଯାଇଛି । ଏହା ଦୂରଦୃଷ୍ଟିରେ ଏକ ବଡ ଧରଣର ରୂପାନ୍ତରଣ ହୋଇଥିବା ଦର୍ଶାଉଛି । ଏହାଫଳରେ କୃଷକମାନଙ୍କୁ ଆଗରେ ରଖାଯାଉଛି । କୃଷି ଓ କୃଷକ କଲ୍ୟାଣ ପାଇଁ ବଜେଟରେ ଅର୍ଥରାଶିକୁ ବହୁ ଅଧିକ ବଢ଼ାଯାଇ 38,984 କୋଟି କରାଯାଇଛି ।

ସରକାର ହୃଦୟଙ୍ଗମ କରିଛନ୍ତି ଯେ, କୃଷି ଅଧିକ ଉତ୍ପାଦନକ୍ଷମ, ଆନୁମାନିକ ଓ ଲାଭପ୍ରଦ ହେବା ଆବଶ୍ୟକ । ତେଣୁ ବହୁବିଧ କାର୍ଯ୍ୟଧାରା ମାଧ୍ୟମରେ ବର୍ଷ ତମାମ୍ କୃଷକମାନଙ୍କର ସମସ୍ୟା ସମାଧାନ କରାଯିବା ଉଚିତ, ଏବଂ ଏକ କୃଷକ ସମ୍ମୁଖୀନ ହେଉଥିବା ସମସ୍ତ ସମସ୍ୟାର ସମାଧାନ ପାଇଁ ସରକାର ବାଟ ଖୋଜିଛନ୍ତି ।

ବୁଣା ପୂର୍ବରୁ:

  1. କୃଷକମାନଙ୍କୁ ସଠିକ ଚୟନ ପାଇଁ ମୃତ୍ତିକା ସ୍ୱାସ୍ଥ୍ୟକାର୍ଡ ପ୍ରଦାନ

ସରକାର 1.84କୋଟି ମୃତ୍ତିକା ସ୍ୱାସ୍ଥ୍ୟକାର୍ଡ ବଂଟନ କରିଛନ୍ତି । ଲକ୍ଷ୍ୟରହିଛି ସମସ୍ତ 14 କୋଟି କ୍ଷେତକୁ ଗ୍ରହଣ କରାଯାଇ ସବୁ କୃଷକଙ୍କୁ ମୃତ୍ତିକା ସ୍ୱାସ୍ଥ୍ୟ କାର୍ଡ ପ୍ରଦାନ କରାଯିବ ।

  1. ସାର

ସାର ପାଇଁ ଲମ୍ବା ଧାଡିରେ ଠିଆ ହେବା ଏବେ ଇତିହାସରେ ପରିଣତ ହୋଇଛି । କୃଷକମାନଙ୍କ ପାଇଁ ସରକାର ଏବେ ସୁବିଧାରେ ସାର ଉପଲବ୍ଧ କରାଉଛନ୍ତି । ସାରର ମୂଲ୍ୟ ମଧ୍ୟ ବହୁ ପରିମାଣରେ ହ୍ରାସପାଇଛି । ଦେଶରେ ଶତକଡା 100 ପ୍ରତିଶତ ଲିମ୍ବ ପ୍ରଲେପଯୁକ୍ତ ୟୁରିଆ ଉପଲବ୍ଧ । ଏହାଫଳରେ ସାର ବ୍ୟବହାର କ୍ଷମତା ଶତକଡା 10ରୁ 15 ପ୍ରତିଶତ ବୃଦ୍ଧି ପାଇବା ସହ ୟୁରିଆ ସାର ବ୍ୟବହାର ହ୍ରାସ ପାଉଛି ।

  1. ଆର୍ଥିକ ସହାୟତା

କୃଷକମାନେ କରିଥିବା ଋଣର ସୁଧହ୍ରାସ କରିବା ପାଇଁ ସରକାର 18,276 କୋଟି ଟଙ୍କାର ସବସିଡି ମଞ୍ଜୁର କରିଛନ୍ତି । ଏହାଫଳରେ ଜଣେ କୃଷକ ବଜାର ସୁଧହାର ଶତକଡା 9 ପ୍ରତିଶତ ତୁଳନାରେ ସ୍ପଳ୍ପ ମିଆଦି ଚାଷ ପାଇଁ ଶତକଡା 4 ପ୍ରତିଶତ, ଅମଳ ପରର ଋଣ ପାଇଁ ଶତକଡା 7 ପ୍ରତିଶତ ଓ ପ୍ରାକୃତିକ ବିପର୍ଯ୍ୟୟ କ୍ଷେତ୍ରରେ ମଧ୍ୟ ଶତକଡା 9 ପ୍ରତିଶତ ହାରରେ ସୁଧ ଦେବ ।

ବୁଣା ସମୟରେ:

  1. ଜଳସେଚନ ସୁବିଧା

ଯୁଦ୍ଧକାଳୀନ ଭିତ୍ତିରେ ପ୍ରଧାନମନ୍ତ୍ରୀ କୃଷି ସିଂଚନ ଯୋଜନା କାର୍ଯ୍ୟକାରୀ କରାଯିବ ଓ ଏହି ଯୋଜନା ମାଧ୍ୟମରେ 28.5ଲକ୍ଷ ହେକ୍ଟର ଜମିରେ ଜଳସେଚନ ସୁବିଧା ଉପଲବ୍ଧ କରାଯିବ । ଏଆଇବିପି ଅଧୀନରେ 89ଟି ଜଳସେଚନ ପ୍ରକଳ୍ପ କାର୍ଯ୍ୟକାରୀ କରାଯିବ । ବହୁଦିନ ଧରି ବିଳମ୍ବିତ ହୋଇ ପଡିଥିବା ପ୍ରକଳ୍ପଗୁଡ଼ିକୁ ମଧ୍ୟ କାର୍ଯ୍ୟକାରୀ କରାଯିବ । ପ୍ରାରମ୍ଭିକ ଭାବେ 20,000କୋଟି ଟଙ୍କା ବିନିମୟରେ ନାବାର୍ଡ ମାଧ୍ୟମରେ ଜଳସେଚନ ପାଇଁ ଦୀର୍ଘମିଆଦୀ ଅନୁଦାନ ଯୋଜନା ସୃଷ୍ଟି କରାଯାଉଛି । ଏମଜିଏନଆରଇଜିଏ ମାଧ୍ୟମରେ ବୃଷ୍ଟିପୃଷ୍ଟ ଅଂଚଳମାନଙ୍କରେ 5 ଲକ୍ଷ କୃଷିଖେତ ପୋଖରୀ ଓ କୂପ ଖନନ କରାଯିବ ଏବଂ ଜୈବିକ ସାର ପ୍ରସ୍ତୁତ ପାଇଁ 10 ଲକ୍ଷ କମ୍ପୋଷ୍ଟ ଖାତ ପ୍ରସ୍ତୁତ କରାଯିବ ।

  1. ସମର୍ଥନ ଓ ଦିଗଦର୍ଶନ

ଏସ୍ଏମ୍ଏସ୍ ଓ ଫୋନକଲ ମାଧ୍ୟମରେ କୋଟି କୋଟି କୃଷକଙ୍କ ପାଖକୁ ବିଜ୍ଞାନଭିତ୍ତିକ ଉପଦେଶ ପ୍ରେରଣ କରାଯାଉଛି ।

ବୁଣା ହେବା ପରେ:

  1. ପ୍ରଧାନମନ୍ତ୍ରୀ ଫସଲ ବୀମା ଯୋଜନା

ସବୁଠାରୁ କମ୍ ପ୍ରିମିୟମ ରାଶିରେ କୃଷକମାନେ ପିଏମଏଫବିୱାଇର ଲାଭ ଉଠେଇ ପାରିବେ । ଗୋଟିଏ ଗୋଟିଏ ଚାଷ ପାଇଁ ପିଏମଏଫବିୱାଇ ଭିନ୍ନ ଭିନ୍ନ ମୂଲ୍ୟରେ ଉପଲବ୍ଧ ଯଥା ଖରିପ ଚାଷ ପାଇଁ ଶତକଡା 2 ପ୍ରତିଶତ, ରବି ଚାଷ ପାଇଁ ଶତକଡା 1.5ପ୍ରତିଶତ ଓ ଉଦ୍ୟାନ କୃଷି ପାଇଁ ଶତକଡା 5 ପ୍ରତିଶତ । ପ୍ରିମିୟମ ରାଶିକୁ ବଢ଼ାଯିବ ନାହିଁ ଏବଂ ମୋଟ ଲାଭାଂଶକୁ କମାଯିବ ନାହିଁ । ଏହାଫଳରେ କୃଷକମାନଙ୍କୁ ସମ୍ପୂର୍ଣ୍ଣ ସୁରକ୍ଷା ମିଳିପାରିବ । ସ୍ୱାଧୀନତା ପରଠାରୁ ମାତ୍ର ଶତକଡା 20 ପ୍ରତିଶତ କୃଷକ ବୀମାଭୁକ୍ତ ହୋଇଛନ୍ତି । ପିଏମଏଫବିୱାଇ ମାଧ୍ୟମରେ ଆଗାମୀ 3 ବର୍ଷ ମଧ୍ୟରେ ଶତକଡା 50 ପ୍ରତିଶତ କୃଷକଙ୍କୁ ବୀମାଭୁକ୍ତ କରିବା ପାଇଁ ଲକ୍ଷ୍ୟ ରଖାଯାଇଛି ।

  1. ଇ-ନାମ

ବିଭିନ୍ନ କୃଷି ବଜାର ନିୟାମକ ଦ୍ୱାରା ଉକ୍ତ ରାଜ୍ୟର କୃଷି ବଜାରକୁ ପରିଚାଳନା କରାଯାଇଥାଏ । ଏହି ବ୍ୟବସ୍ଥା ଦ୍ୱାରା ସେହି ରାଜ୍ୟ ଅନେକ ବଜାର ଅଂଚଳରେ ବିଭକ୍ତ ହୋଇଥାଏ । ବଜାରଗୁଡ଼ିକ ବହୁ ଭାଗରେ ବିଭକ୍ତ ହେବା ଫଳରେ କୃଷିଜାତ ସାମଗ୍ରୀଗୁଡ଼ିକର ପ୍ରବାହରେ ବାଧା ସୃଷ୍ଟିହୁଏ । ଏହାଫଳରେ ଏଗୁଡ଼ିକ ଗୋଟିଏ ବଜାରରୁ ଅନ୍ୟ ବଜାରକୁ ଯାଇପାରନ୍ତି ନାହିଁ । ତେଣୁ ଉପଭୋକ୍ତା ଅଧିକ ରେଟରେ ଜିନିଷ କିଣେ । ମାତ୍ର କୃଷକକୁ କିଛି ଲାଭ ମିଳିନଥାଏ । ଇ-ନାମ ମାଧ୍ୟମରେ ଏହି ସବୁ ସମସ୍ୟାର ସମାଧାନ କରାଯାଇ ପାରିବ । ଏହି ବ୍ୟବସ୍ଥାର ଅନଲାଇନ କାରବାରର ଭିତ୍ତିଭୂମି ମାଧ୍ୟମରେ ଉଭୟ ରାଜ୍ୟମାନଙ୍କରେ ଓ ଜାତୀୟ ସ୍ତରରେ ଏକକ ବଜାର ସୃଷ୍ଟି କରାଯିବ । ଏହାଫଳରେ ଏକକ ବଜାର ବ୍ୟବସ୍ଥା ସଠିକ ଢ଼ଙ୍ଗରେ କାର୍ଯ୍ୟକାରୀ ହେବ । କ୍ରେତା ଓ ବିକ୍ରେତାଙ୍କ ମଧ୍ୟରେ ସଠିକ ଭାବେ ସୂଚନାର ପ୍ରବାହ ହେବ ଏବଂ ଚାହିଦା ଓ ଯୋଗାଣ ବ୍ୟବସ୍ଥା ଅନୁଯାୟୀ ଦ୍ରବ୍ୟର ମୂଲ୍ୟ ସ୍ଥିର ହେବ । ତେଣୁ କିଣାବିକା ପ୍ରକ୍ରିୟାରେ ସ୍ୱଚ୍ଛତା ରହିବ ଓ କୃଷକମାନେ ମଧ୍ୟ ସେମାନଙ୍କ ଦ୍ରବ୍ୟର ବିକ୍ରୟ ପାଇଁ ଦେଶବ୍ୟାପୀ ବଜାରର ସୁବିଧା ନେଇପାରିବେ । ଅନଲାଇନ ମାଧ୍ୟମରେ ଉପଭୋକ୍ତା ଦେୟ ପ୍ରଦାନ କରିବା ସହ ଉଚିତ ମୂଲ୍ୟରେ ଗୁଣାତ୍ମକ ଦ୍ରବ୍ୟ ପାଇପାରିବେ ।

ଉପରୋକ୍ତ ପଦକ୍ଷେପ ବ୍ୟତୀତ, କୃଷକମାନଙ୍କ ଆୟ ବୃଦ୍ଧି କରିବା ପାଇଁ ବିବିଧ ବ୍ୟବସ୍ଥା କାର୍ଯ୍ୟକାରୀ କରାଯାଇଛି । ମାଛଚାଷ, ପଶୁପାଳନ ଓ ଗୋପାଳନ ଆଦି ସହାୟକ ଚାଷ ମାଧ୍ୟମରେ କୃଷକର ଆୟ ବୃଦ୍ଧି ପାଇଁ ପ୍ରୟାସ କରାଯାଇଛି । ‘ପଶୁଧନ ସଞ୍ଜିବନୀ’, ‘ନକୁଳ ସ୍ୱାସ୍ଥ୍ୟ ପାତ୍ର’, ‘ଇ-ପଶୁଧନ ହାଟ’ ଓ ଜାତୀୟ ଜେନୋମିକ କେନ୍ଦ୍ର ମାଧ୍ୟମରେ ସ୍ୱଦେଶୀ ବ୍ରିଡର ବିକାଶ ଆଦି 4ଟି ଗୋପାଳନ ପ୍ରକଳ୍ପରେ 850 କୋଟି ଟଙ୍କା ବ୍ୟୟ କରାଯାଇଛି । ସ୍ୱଦେଶୀ ବ୍ରିଡର ଗାଈମାନଙ୍କର ସଂରକ୍ଷଣ ଓ ବିକାଶ ଲାଗି ରାଷ୍ଟ୍ରୀୟ ଗୋକୁଳ ମିଶନର ଆରମ୍ଭ କରାଯାଇଛି । 2013-14ରେ ମତ୍ସ୍ୟ ଉତ୍ପାଦନ 95.72 ଲକ୍ଷ ଟନ ଥିଲାବେଳେ, 2014-15ରେ ଏହା ବୃଦ୍ଧିପାଇ 101.64 ଲକ୍ଷ ଟନରେ ପହଂଚିଛି । 2015-16ରେ ମତ୍ସ୍ୟ ଉତ୍ପାଦନ 107.9 ଲକ୍ଷ ଟନ ହେବାର ଆକଳନ କରାଯାଉଛି । ମାଛ ଧରା ନିଷେଦ୍ଧ ସମୟରେ ଓ ପ୍ରତିକୂଳ ସମୟରେ ମତ୍ସ୍ୟଜୀବିମାନଙ୍କ ସୁରକ୍ଷା ଓ ସହାୟତା ରାଶିକୁ ନୀଳ ବିପ୍ଳବ ଯୋଜନା ଅନୁଯାୟୀ ମାସିକ 1500 ଟଙ୍କା ବୃଦ୍ଧି କରାଯାଇଛି ।

ସରକାରଙ୍କ ଦ୍ୱାରା ପ୍ରଦାନ କରାଯାଉଥିବା ସହାୟତା ରାଶିକୁ ମଧ୍ୟ ଅନେକ ପରିମାଣରେ ବୃଦ୍ଧି କରାଯାଇଛି । 2010-15ରେ ରାଜ୍ୟ ବିପର୍ଯ୍ୟୟ ସହାୟକ ଅନୁଦାନ ରାଶି ଥିଲା 33580.93 କୋଟି ଟଙ୍କା । 2015-16ରେ ଏହାର ପରିମାଣ ବୃଦ୍ଧି କରାଯାଇ 61220 କୋଟି କରାଯାଇଥିଲା । ମରୁଡି ଓ ବରଫପାତ ଦ୍ୱାରା ପ୍ରଭାବିତ ରାଜ୍ୟମାନଙ୍କ ପାଇଁ 2010-14 ମଧ୍ୟରେ 12516.20 କୋଟି ଟଙ୍କାର ସହାୟତା ରାଶି ଅନୁମୋଦନ କରାଯାଇଥିଲା । 2014-15ରେ ଏହି ରାଜ୍ୟଗୁଡ଼ିକ ପାଇଁ କେବଳ ଏନଡିଏ ସରକାର 9017.998 କୋଟି ଟଙ୍କାର ସହାୟତା ରାଶି ପ୍ରଦାନ କରିଥିଲା । 2015-16ପାଇଁ ଏପର୍ଯ୍ୟନ୍ତ 13496.57 କୋଟି ଟଙ୍କା ଅନୁମୋଦନ କରାଯାଇ ସାରିଲାଣି ।

ଦାନ
Explore More
ଆମକୁ ‘ଚଳେଇ ନେବା’ ମାନସିକତାକୁ ଛାଡି  'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ

ଲୋକପ୍ରିୟ ଅଭିଭାଷଣ

ଆମକୁ ‘ଚଳେଇ ନେବା’ ମାନସିକତାକୁ ଛାଡି 'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ
UN praises India for climate action, says Modi govt making fantastic efforts

Media Coverage

UN praises India for climate action, says Modi govt making fantastic efforts
...

Nm on the go

Always be the first to hear from the PM. Get the App Now!
...
PM Modi Adorns Colours of North East
March 22, 2019
ସେୟାର
 
Comments

The scenic North East with its bountiful natural endowments, diverse culture and enterprising people is brimming with possibilities. Realising the region’s potential, the Modi government has been infusing a new vigour in the development of the seven sister states.

Citing ‘tyranny of distance’ as the reason for its isolation, its development was pushed to the background. However, taking a complete departure from the past, the Modi government has not only brought the focus back on the region but has, in fact, made it a priority area.

The rich cultural capital of the north east has been brought in focus by PM Modi. The manner in which he dons different headgears during his visits to the region ensures that the cultural significance of the region is highlighted. Here are some of the different headgears PM Modi has carried during his visits to India’s north east!