জি ২০ মীফম শরুক য়ারুনবগীদমক ঐহাক জপানগী ওসাকাদা চৎলে। ঐখোয়গী মালেম অসিনা ঙসি চাউনা মায়োক্নরিবশিং অমসুং খুদোংচাবশিং অসি ঐহাক্না মালেমগী অতোপ্পা লুচিংবশিংগা লোয়ননা খন্নগনি। মীফম অসিগী মরুওইবা এজেন্দাশিংদা নুপীদা শক্তি শিন্নবা, দিজিতেলাইজেসন অমসুং আর্তিফিসিয়েল ইন্তেলিজেন্তকা মরী লৈনবা ইসুশিং, অমদি এস.দি.জি.শিং এচিব তৌবদা লৈরিবা প্রোগ্রেসশিং অমদি তেরোরিজম অমসুং ক্লাইমেৎ চেঞ্জগুম্বা মালেম অসিনা চাউনা মায়োক্নরিবশিং থেংননবা ঐখোয়না অমত্তা ওইনা হোৎনবা য়াওরি।
মীফম অসিদা মল্তিলেতেরেলিজম রিফোর্ম তৌনবগীদমক ঐখোয়গী অচেৎপা তেংবাং অদু অমুক হন্না মপঙ্গল কনখৎহন্নবা মরুওইবা খুদোংচাবা অমা ফংলগনি। মীফম অসিনা হৌখিবা চহী মঙাগী ভারতকী অচেৎপা দিবেলপমেন্ত এক্সপিরিয়েন্স অদু সেয়র তৌনবা প্লেৎফোর্ম অমসু ওইরগনি।
ওসাকা মীফম অসিনা ২০২২দা জি-২০ মীফম হোস্ত তৌনবগী মায়কৈদা ভারতকী মরুওইবা খোংথাং অমসু ওইরগনি, মতম অদুদা ঐখোয়গী নীং তম্বগী ৭৫শুবা চহী কুমওন্দা অনৌবা ভারত অমদা খোংদারগনি।
খোংচৎ অসিদা ঐহাক্না ঐখোয়গী পার্তনর লৈবাকশিংগী লুচিংবশিংগা লোয়ননা লৈবাক অনিগী ওইবা অমদি মালেমগী মরুওইবা ইশুশিংদা খন্ন-নৈনগনি।
ঐহাক্না মথংগী রুসিয়া, ইন্দিয়া অমসুং চাইনা (আর.আই.সি.)গী ইনফোর্মেল ওইবা মীফমগী য়ুম্বু ওইনবসু মিৎয়েং থম্লি। ঐহাক্না মথংগী ব্রিক্স (ব্রাজিল, রুসিয়া, ইন্দিয়া, চাইনা অমসুং খা আফ্রিকা) অমসুং জে.এ.আই. (জাপান, অমেরিকা অমসুং ইন্দিয়া) লুচিংবশিংগী মীফমদসু শরুক য়ানবা মিৎয়েং থম্লি।
