VIDEO
হর হর মহাদেব!
নমাহ পার্বতী পতয়ে!
হর হর মহাদেব!
উত্তর প্রদেশকী থৌনা ফরবা মুখ্য মন্ত্রী, য়োগী আদিত্যনাথজী; কেন্দ্রগী মন্ত্রী-মন্দলদা ঐহাক্কী মরুপ অমসুং বিক্সিত ভারত (দিবেলপ ইন্দিয়া) অমগী মপাঙ্গল কনবা য়ুম্ফম ওইরিবা তেক্নোলোজীকেল প্রোগ্রেস লমজিংলিবা মীওই, অশ্বিনী বৈষ্ণবজী; ইর্নাকুলমদগী তেক্নোলোজীগী খুত্থাংদা ঐখোয়গা লোইননা শরুক য়ারিবা কেরলাগী রাজ্যপাল, শ্রী রাজেন্দ্র আরলেকরজী; কেন্দ্রগী ঐহাক্কী মরুপ, সুরেশ গোপীজী অমসুং জোর্জ কুরিয়ানজী; কেরলাগী থৌরম অসিদা শরুক য়ারিবা অতৈ মন্ত্রী অমসুং মীয়ামগী মীহুৎ পুম্নমক; ফিরোজপুরদগী শরুক য়ারিবা কেন্দ্র অমসুং পঞ্জাবকী ঐহাক্কী মরুপ, রবনীত সিংহ বিতুজী; মফম অসিদা লৈরিবা মীয়ামগী মীহুৎ পুম্নমক; লখনৌদগী শরুক য়ারিবা উত্তর প্রদেশকী উপ-মুখ্য মন্ত্রী, শ্রী ব্রজেস পথাকজী; অতোপ্পা মশক নাইবা মীথুংলেনশিং; অমসুং কাশীদা লৈরিবা ঐগী ইমুংগী মীওইশিং!
বাবা বিশ্বনাথকী শেংলবা সহর অসিদা ঐহাক্না ময়াম পুম্নমকপু, কাশীগী ইমুং মনুং খুদিংমকপু ঐহাক্না খুরুমজরি! ঐহাক্না দেব দীপাৱালীগী চাউরবা থৌরম অদু উখি অমসুং ঙসি অসিসু য়াইফরবা নুমিৎ অমনি। চাউখৎ-থৌরাংগী থৌরম অসিদা ঐহাক্না ময়াম পুম্নমকপু য়াইফ-পাউজেল পীজরি।
মরুপশিং,
মালেমগী চাউখৎলবা লৈবাকশিংদা, মখোয়গী শেন্মিৎলোনগী খুমাং চাউশিল্লকপগী মরুওইবা মরম অমদি মখোয়গী মপাঙ্গল কনবা ইনফ্রাস্ত্রকচরনি। খুমাং চাউশিনবা অমসুং চাউখৎপা কয়া অমা ফংলবা লৈবাক খুদিংদা, মখোয়গী খুমাং চাউশিনবগী থৌনা অসি ইনফ্রাস্ত্রকচর চাউখৎহনবনি। খুদম ওইনা হায়রবদা, চহি কয়াগী মমাংদগী রেল লাইন লৈতবা, ত্রেন লৈতবা, স্তেসন লৈতবা মফম অমা খল্লু। অদুবু রেল লম্বী অসি শেম্বা অমসুং স্তেসন অমা শাবা লোইশিল্লকপগা, সহর অদুগী চাউখৎ-থৌরাং অসি মশা-মথন্তা হৌরকই। চহি কয়াদগী অফবা লম্বী লৈতবা খুঙ্গং অমদা মীশিংনা চৎথোক চৎশিন তৌনবা লৈখোম থোকপা লম্বী শীজিন্নরি। অদুবু অপীকপা লম্বী অমা শেম্লবা মতুংদা লৌমীশিংনা লায়না চৎথোক চৎশিন তৌবা হৌরকই অমসুং মখোয়গী পোত্থোকশিং কৈথেলশিংদা য়ৌরকই। ইনফ্রাস্ত্রকচর হায়বসিনা অচৌবা থোংশিং অমসুং হাইৱেশিং খক্তমক নত্তে। অসিগুম্বা ফেসিলিতীশিং অসি মফম অমহেক্তদা শেমগৎলকপা মতমদা, মফম অদুগী চাউখৎপা হৌরকই। ঐখোয়গী খুঙ্গংশিং, ঐখোয়গী অপীকপা শহরশিং, অমসুং লৈবাক পুম্বগী ওইনসু মসি চুম্মি। শাগৎলিবা এয়রপোর্ত মশিং, চেল্লিবা ভন্দে ভারত ত্রেন মশিং অমসুং ভারতপু মালেমগা শম্নহল্লিবা ইন্তর্নেস্নেল ফ্লাইৎ মশিং হেনগৎলকপা অসি পুম্নমক অসি চাউখৎ-থৌরাংগা মরী লৈনরে। ঙসি ভারতসু হায়রিবা লম্বী অসিদা খোঙজেল য়াংনা চংশিল্লি। মসিগী ৱাখল্লোন অসিগা লোয়ননা, লৈবাক অসিগী তোঙান তোঙানবা মফমশিংদা অনৌবা ভন্দে ভারত ত্রেনশিং হৌদোক্লি। কাশী-খজুরাহো ভন্দে ভারতকা লোয়ননা, ফিরোজপুর-দিল্লী ভন্দে ভারত, লখনৌ-সহারনপুর ভন্দে ভারত অমসুং এর্নাকুলম-বেঙ্গলুরু ভন্দে ভারতসু লমথাখ্রে। অনৌবা ত্রেন মরি অসিগা লোয়ননা, লৈবাক শীনবা থুংনা হৌজিক্তি ভন্দে ভারত ত্রেন 160 হেন্না মথৌ তৌরি। মসিগী মায়পাকপা অসিগীদমক কাশীগী মীয়াম অমসুং লৈবাক অসিগী নাগরিক পুম্নমকপু ঐহাক্না থম্মোয় শেংনা নুংঙাইবা ফোংদোকচরি।
মরুপশিং,
ঙসি, ভন্দে ভারত, নমো ভারত অমসুং অমৃত ভারতকুম্বা ত্রেনশিংনা ইন্দিয়ন রেলৱেজকী নেক্স জেনরেসনগী য়ুম্ফম ওইরি। মসি ভারতকী রেলৱেজদা অহোংবা পুরক্নবা অপুনবা কেম্পেন অমনি। ভন্দে ভারত অসি ভারতকী, ভারতকী মীওইশিংনা, ভারতকী মীওইশিংগীদমক শেমখিবা ত্রেন অমনি, অমসুং ভারত মচা খুদিংমক্না মসিদা চাউথোকচবা ফাওই। ঙল্লিঙৈদা, মসিগুম্বা, "ঐখোয়না তশেংনা মসি তৌবা ঙমগদ্রা? মসি মপাল লমদা খক্তদা থোকপা নত্ত্রা? মসি মফম অসিদা থোকপা য়াব্রা? হৌজিক মসি পাংথোক্লি! মসি ওইথোক্লি? মসি ঐখোয়গী লৈবাক অসিদা থোক্লব্রা নৎত্রগা থোক্ত্রিবা? মসি ঐখোয়গী লৈবাক অসিদা, ঐখোয়গী মীওইশিংনা শাবা নৎত্রগা শাবা নত্ত্রা? মসি ঐখোয়গী লৈবাক অসিগী শক্তিনি। ঙসিদি, মপান লমদগী লাকপা লমকোইবশিং ফাওবা ভন্দে ভারত ত্রেন উবদা থোইদোক হেন্দোক্না নুংঙাইবা ফাওই। ভারতনা বিক্সিত ভারত (দিবেলপ ইন্দিয়া) অমগীদমক্তা মসিগী তৌবা ঙম্বশিং হেনগৎহন্নবগী মিসন হৌদোকখিবা মওংদা, হায়রিবা ত্রেনশিং অসি খোঙচৎ অদুদা মাইলস্তোন অমা ওইরক্লি।
মরুপশিং,
চহি চা কয়াগী মমাংদগী, ভারত্তা লাই খুরুম্বা অসি লৈবাক অসিগী ৱাখল্লোনগী মেদিয়ম অমা ওইনা উনদুনা লাক্লি। হায়রিবা খোঙচৎশিং অসি লাইগী দর্শন ফংনবগী লম্বী খক্তা নত্তে, অদুবু ভারতকী থম্মোয়বু শম্নহল্লিবা অশেংবা চৎনবীশিংনি। প্রয়াগরাজ, অয়োধ্যা, হরিদ্বার, চিত্রাকুত, কুরুক্ষেত্রাগুম্বা মফমশিং অমসুং অতোপ্পা মফম কয়া অসি ঐখোয়গী স্পিরিচুএল হেরিতেজকী সেন্তরশিংনি। হৌজিক্তি, মসিগী তীর্থ য়াত্রাগী মফমশিং অসি ভন্দে ভারত নেৎৱার্ক্কী খুত্থাংদা শম্নরকপগা লোয়ননা, মসিনা ভারতকী চৎনবী, থাজবা অমসুং চাউখৎপা অসিসু শম্নহল্লি। মসিনা ভারতকী হেরিতেজ সিতীশিংবু লৈবাক্কী চাউখৎপগী খুদম ওইহনবদা মরু ওইবা খোঙথাং অমা ওইহল্লি।
মরুপশিং,
মসিগী তীর্থ য়াত্রাগী মফম অসিদা ইকনোমিক দাইমেন্সন অমসু লৈ, মসিদা অয়াম্বা মতমদা মতীক চানা মীৎয়েং চংদে। হৌখিবা চহি 11 অসিদা উত্তর প্রদেশতা চাউখৎ থৌরাংগী থবকশিংনা ধর্মগী ওইবা তুরিজমবু অনৌবা থাক অমদা পুখৎলে। হৌখিবা চহি খক্তদা, কাশীদা বাবা বিশ্বনাথকী দর্শনগীদমক ভক্তা করোর 11 লাকখি। রাম মন্দির শারকপদগী হৌরগা, ভক্তা করোর 6 হেনবনা রাম লল্লাগী য়াইফ-পাউজেল লৌনবা অয়োধ্যাদা লাকখ্রে। হায়রিবা তীলগীমশিং অসিনা উত্তর প্রদেশকী শেন্মিৎলোনদা লুপা করোর লিশিং কয়াগী তেংবাং পীরি। মখোয়না হোতেলশিং, লল্লোন ইতিক তৌবা মীওইশিং, ত্রান্সপোর্ত কম্পনীশিং, লোকেল আর্তিস্তশিং, অমসুং বোতমেনশিংদা লেপ্তনা ইনকম ফংহন্নবগী খুদোংচাবা পীরি। মসিগী মহৈ ওইনা, বানারসীদা নহা চা কয়া অমা হৌজিক অনৌবা বিজিনেস, ত্রান্সপোর্ত সর্বিসতগী হৌদুনা বানারসিগী সরী অমসুং অতোপ্পা থবক কয়া অমা হৌরে। পুম্নমক অসিনা উত্তর প্রদেশতা, মরু ওইনা কাশীদা চাউখৎপগী থোঙ হাংলি।
মরুপশিং,
'ভিক্সিৎ কাশীদগী বিক্সিৎ ভারত' (ভিক্সিৎ কাশীগী খুত্থাংদা চাউখৎলবা ভারত) হায়বা মন্ত্র অসি মঙফাওনহন্নবা ঐখোয়না মফম অসিদা ইনফ্রাস্ত্রকচরগী প্রোজেক্ত কয়া লেপ্তনা পায়খৎলি। ঙসি কাশীদা হোস্পিতালশিং, লম্বী-থোংশিং, গ্যাস পাইপলাইনশিং অমসুং ইন্তর্নেত কন্নেক্তিবিতী পাকথোক চাউথোকপা অমসুং ফগৎলকপা উবা ফংলে। অমসুং হেনগৎলকপা অসি মশিং খক্তদা নত্তে, অদুবু ক্বালিতী ফগৎলকপসু উবা ফংলে। রোপৱে প্রোজেক্তকী থবকশিং খোঙজেল য়াংনা চত্থরি। গঞ্জারি অমসুং সিগরা স্তেদিয়মগুম্বা স্পোর্তস ইনফ্রাস্ত্রকচর অসি হৌজিক শেমগৎলক্লি। বানারসীদা চৎপা, বানারসীদা হিংবা অমসুং বানারসীগী খুদোংচাবশিং থেংনবসি মীপুম খুদিংমক্কী ওইনা তোপ-তোপ্পা অমসুং অখন্নবা এক্সপরিয়েন্স অমা ওইহন্নবা ঐখোয়না হোৎনরি।
মরুপশিং,
ঐখোয়গী সরকারনা কাশীদা হেল্থকেয়র সর্ভিসশিং ফগৎহন্নবা লেপ্পা লৈতনা থবক তৌরি। চহি 10-11গী মমাংদা, ফীভম অসি অসিসুম্না ওইরম্মি মদুদি অরুবা অনাবা অমা হেক্তগীদমক্তা, মীশিংনা BHU (বনারস হিন্দু য়ুনিভর্সিতী) খক্তমক খনবগী খুদোংচাবা লৈরম্মি। অনাবশিংগী মশিং অদু য়াম্না য়ামখি মদুদি নুমিদাং অথেংবা ফাওবা ক্যুদা লেপ্লবসু, অয়াম্বনা লায়েং ফংবা ঙমখিদে। করিগুম্বা মীওই অমনা কেন্সরগুম্বা শাথীবা লায়না অমগা লান্থেংনরকপা মতমদা, ইমুং মনুংনা মখোয়গী লম অমসুং ফার্মশিং অদু য়োন্দুনা মুম্বাইদা লায়েংনবা চৎকদবনি। ঙসিদি, ঐখোয়গী সরকারনা কাশীগী মীয়ামগী অৱাবশিং অসি হন্থহন্নবা থবক পায়খৎলি। কেন্সরগী লাইয়েংগীদমক্তা, মহামানা কেন্সর হোস্পিতাল লিংখৎলে। মীৎ য়েংনবগীদমক্তা, শঙ্কর নেত্রালয়া; BHUগী মনুংদা, স্তেত-ওফ-দি-আর্ত ত্রোমা সেন্তর অমসুং শাতাবদী হোস্পিতাল; অমসুং পান্দেপুরদা, দিভিজনেল হোস্পিতাল... হায়রিবা হোস্পিতালশিং অসি কাশী অমসুং পুর্ভাঞ্চল খক্তগী নত্তনা য়ুম্লোন্নরিবা রাজ্যশিংদসু লাইবক ফবা ওইরে। আয়ুশ্মান ভারত অমসুং জন ঔশধী কেন্দ্রশিংনা মরম ওইদুনা লায়রবা মীওই লাখ কয়ানা হৌজিক মখোয়গী হিদাক লাংথক্কী শেনফমদা লুপা করোর কয়া কনবা ঙম্লে। নাকল অমরোমদা, মসিনা মীয়ামগী অৱাবা হন্থহনখ্রে। অতোপ্পা নাকল অমরোমদা, কাশী অসি হৌজিক লমদম অসিগী হেল্থ কেপিতেল ওইনা শকখঙনরি।
মরুপশিং,
ঐখোয়না কাশীগী চাউখৎ-থৌরাংগী খোঙজেল অমসুং ইনর্জী অসিবু মখা তানা থম্বা তাই। মসিনা আগী চাউরবা অমসুং ঈশ্বরগী সহর অসিসু খোঙজেল য়াংনা চাউখৎপা ওইহনগনি। অমসুং মালেমগী মফম অমা হেক্তদগী কাশীদা লাকপা মীওই অমা হেক্তনা, কনাগুম্বা অমা হেক্তনা তোপ-তোপ্পা ইনর্জী অমা ফাওগনি, অখন্নবা নুংঙাইবা অমসুং লম্বা লৈত্রবা হরাও তয়াম্বা অদু বাবা বিশ্বানাথকী শেংলবা সহর অসিদা ফংগনি।
মরুপশিং,
মতম খরগী মমাংদা ঐহাক্না ভন্দে ভারত ত্রেনগী মনুংদা মহৈরোই খরগা ৱারী শানখি। ঐহাক্না অশ্বিনীজীবু থাগৎপা ফোংদোকচরি। মহাক্না অঙকপা চৎনবী অমা হৌদোকখ্রে। মদুদি মফম খুদিংমক্তা ভন্দে ভারত ত্রেন অমা হৌদোকপা মতমদা, চাউখৎ-থৌরাংগা মরী লৈনবা হীরম কয়াদা স্কুলগী অঙাংশিংগী মরক্তা কম্পিতিসনশিং পাংথোক্লি। অঙাংশিংনা নুমিৎ খরা খক্তগী ওইনা শেম-শাবা ফংলবসু, ঐহাক্না মখোয়গী ক্রিএতিবিতীদা য়াম্না নুংঙাইবা ফাওখি। মখোয়না ভিক্সিৎ কাশী, ভিক্সিৎ ভারত অমসুং সুরক্ষিত ভারত (সেফ ইন্দিয়া) গী মওং মতৌ উৎলি। ঐহাক্না চহি 12দগী 14 ফাওবগী মনুংদা লৈবা নুপা অমসুং নুপীশিংনা ইবা শৈরেংশিংসু তাখি। মসি ফজবা অমসুং ৱাখল লৈবা ৱাহৈশিংনি! কাশীগী পার্লিয়ামেন্ত মেম্বর অমা ওইনা, অসিগুম্বা হৈ-শিংলবা অঙাংশিং অসি ঐগী কাশীগীনি হায়না ঐহাক্না চাউথোকচখি। ঐহাক্না মফম অসিদা মখোয় খরগা উনখি অমসুং অঙাং অমা, মহাক্কী মখুৎ অদু য়াদ্রবসু, অখন্নবা লাই অমা য়েকখি। মসিনা ঐবু য়াম্না নুংঙাইবা ফাওহনখি। অঙাংশিংবু পুক্নিং থৌগৎপীবা অমসুং লমজিং-লমতাকপীবগীদমক্তা ঐনা স্কুলশিং অসিগী ওজাশিংবু থম্মোয় শেংনা থাগৎপা ফোংদোকচরি। অমসুং মখোয়গী হৈশিংবা অমসুং পুক্নিং থৌগৎপদা থৌদাং লৌখিবা মমা-মপাশিংদা ঐনা য়াইফ-পাউজেল পীজরি। তশেংনমক্কীদি, ঐহাক্না ৱাখল্লোন অমা লাকখি মদুদি ঐখোয়না মফমসিদা লৈরিবা অঙাংশিং অসিগীদমক্তা “কবি সম্মেলান” অমা পাংথোক্কদবনি, অমসুং লৈবাক শীনবা থুংনা মখোয়গী শৈরেংশিংবু শেয়র তৌনবা খ্বাইদগী ফবা নহা ওইরিবা কবি 8-10 খনগদবনি। কাশীগী MP অমা ওইনা ঙসি ঐহাক য়াম্না নুংঙাইবা ফাওই। ঐনা অঙাংশিং অসিবু থম্মোয় শেংনা থাগৎচরি অমসুং নুংঙাইবা ফোংদোকচরি।
মরুপশিং,
ঙসি, ঐহাক প্রোগ্রাম কয়াদা শরুক য়াগদৌরি, মরম অদুনা মফম অসিদা অতেনবা থৌরম অমা খক্তমক থৌরাং তৌরি। ঐহাকসু অথুবা মতমদা চৎলগনি, অদুবু অয়ুক অঙনবদা নখোয় ময়াম অমা মফম অসিদা লাকপা উবদা ঐহাক য়াম্না নুংঙাইবা ফাওই। ঙসিগী থৌরম অমসুং অনৌবা ভন্দে ভারত ত্রেনগীদমক ঐহাক্না অমুক্কা হন্না ময়াম পুম্নমকপু থম্মোয় শেংনা নুংঙাইবা ফোংদোকচরি। হন্না-হন্না থাগৎচরি!
হর হর মহাদেব!
