প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা ঙরাং রেলৱেজ মিনিষ্ট্রিগী অপুনবা শেনফম লুপা ১৮,৫০৯(চাউরাকপা) প্রোজেক অহুম অয়াবা পীখ্রে। হায়রিবা প্রোজেকশিং অদুদি :
a. কসারা-মনমাদ ৩শুবা অমসুং ৪শুবা লাইন
b. দিল্লি-অম্বালা ৩শুবা অমসুং ৪শুবা লাইন
c. বল্লারি-হোসাপেত ৩শুবা অমসুং ৪শুবা লাইন
লাইন মশিং হেনগৎলকপা অসিনা চৎথোক-চৎশিন হেনগৎহনগনি, ভারত রেলৱেজনা থবক ফজনা অমসুং অশোই-অঙাম য়াওদনা পাংথোকপা ঙমহনগনি। মল্তি-ত্রেক্কিংগী থবকশিং অসিনা ত্রেন চেনবগী থবক মওং-মরিন তাহনগনি অমসুং চিনবা হন্থহনগনি। মফম অসিগী অপুনবা চাউখৎ-থৌরাংগী থবক পায়খৎতুনা লমদম অসিগী মীয়াম ‘অত্মনির্ভর’ ওইহন্দুনা অনৌবা ভারত অমা শেমগৎনবা প্রধান মন্ত্রী শ্রী নরেন্দ্র মোদীগী পান্দমগী শরুক অমা ওইনা প্রোজেকশিং অসি পায়খৎপনি অমসুং মসিনা লমদম অসিদা থবক ফংবা অমসুং মশানা মশাবু থবক পীজবা হেনগৎহনগনি।
অপুনবা থৌরাং অমসুং মরী লৈনবশিং খন্ন-নৈনবগী খুৎথাংদা মল্তি-মোদাল কন্নেক্তিবিতি অমসুং লোজিষ্টিক্স হেনগৎহন্নবা মীৎয়েংগা লোয়ননা প্রোজেকশিং অসি পি.এম-গাতি শক্তি নেসনেল মাষ্টর প্লানদা থৌরাং তৌবনি। প্রোজেকশিং অসিনা মীয়াম, পোৎ-চৈ অমসুং থবকশিং অপনবা লৈতনা চৎথোক-চৎশিনগী খুদোংচাবা পীগনি।
প্রোজেক অহুম অসিনা দিল্লি, হরিয়ানা, মহারাষ্ট্রা অমসুং কর্নাতকা রাজ্যশিংগী জিলা ১২ কোনশিনগনি, হৌজিক লৈরিবা ভারত রেলৱেগী নেতৱার্ক কিমি ৩৮৯ রোম হেনগৎলগনি।
পায়খৎকদৌরিবা মল্তি-ত্রেক্কিং প্রোজেক অসিনা অপুনবা মীশিং লাখ ৯৭ রোম লৈবা খুঙ্গং ৩,৯০২ রোমদা চৎথোক-চৎশিনগী খুদোংচাবা ফগৎহল্লগনি।
ভাবলি দাম, শ্রী ঘাতানদেবী, ত্রিম্বেকেশ্বর জয়তিরলিঙ্গ, শ্রী মাতা ভাইসনো দেবী কাত্রা/শ্রীনগর অমসুং হাম্পি( য়ুনেস্কো ৱার্ল্দ হেরিতেচ সাইত অমা), বাল্লারি ফোর্ত, দারোজি শ্লোথ বিয়ার সেঙ্কচুরি, তুঙ্গভাদ্রা দাম, কেনচানাগুদদা অমসুং বিজয়া বিত্তালা লাইশঙ য়াওনা লৈবাক শীনবা থুংবগী মরুওইবা মফমশিং কেপাসিতি হেনগৎলকপা অসিনা রেলগী খুদোংচাবা পীগনি।
পায়খৎকদৌরিবা প্রোজেকশিং অসিনা কয়লা, ষ্টিল, আইরন ওর, সিমেন্ত, শুনু নুঙ/বাউসাইত, কন্তেন্নর, চানবা মহৈ-মরোশিং, চিনি, হার, পি.ও.এল অসিনচিংবা পুনবা মরুওইবা লম্বীশিংনি। প্রোজেক অসিনা অহেনবা ৯৬ মিল্লিয়ন তনস পর এন্নমগী পোৎ-চৈ পুবা ঙমহনগনি। রেলৱেজশিং অসি মহৌশাগী অকোয়বগী ফিবমদা শোকহন্দবা অমসুং ইনর্জি য়াম্না চাদবা মখলগী পোৎ-চৈ পুথোক-পুশিনগী থবক ওইবা মরম্না, মসিনা ক্লাইমেত গোলশিং ফংবা অমসুং লৈবাক অসিদা পোৎ-চৈ পুথোক-পুশিন্দা চঙবা শেনফম হন্থহনবদা মতেং পাংগনি, মপান্দগী থাউ লৈবা (লিতর করোর ২২) হন্থগনি অমসুং উ পাম্বী করোর ৪ থাবগা মান্নদুনা কার্বোনদাইওক্সাইদ থাদোকপা (কেজি করোর ১১১) হন্থহনবদা মতেং পাংগনি।
The Cabinet approval for 3 multitracking projects covering various districts across Delhi, Haryana, Maharashtra and Karnataka will strengthen rail infrastructure, reduce logistic cost and create job opportunities for our youth.
— Narendra Modi (@narendramodi) February 14, 2026
https://t.co/JWTsalG2ja
