ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆର୍ଥିକ ବ୍ୟାପାର କ୍ୟାବିନେଟ କମିଟି ଗତକାଲି ରେଳ ମନ୍ତ୍ରଣାଳୟର ତିନୋଟି ପ୍ରକଳ୍ପକୁ ଅନୁମୋଦନ କରିଛି, ଯାହାର ମୋଟ ବ୍ୟୟବରାଦ ପ୍ରାୟ 18,509 କୋଟି ଟଙ୍କା । ଏହି ପ୍ରକଳ୍ପଗୁଡ଼ିକ ହେଲା :
କସାରା – ମନମାଡ ତୃତୀୟ ଏବଂ ଚତୁର୍ଥ ଲାଇନ
ଦିଲ୍ଲୀ – ଅମ୍ବାଲା ତୃତୀୟ ଏବଂ ଚତୁର୍ଥ ଲାଇନ
ବେଲାରୀ – ହସପେଟ ତୃତୀୟ ଏବଂ ଚତୁର୍ଥ ଲାଇନ
ଦିଲ୍ଲୀ – ଅମ୍ବାଲା ତୃତୀୟ ଏବଂ ଚତୁର୍ଥ ଲାଇନ
ବେଲାରୀ – ହସପେଟ ତୃତୀୟ ଏବଂ ଚତୁର୍ଥ ଲାଇନ
ବିସ୍ତାରିତ ଟ୍ରାକ୍ କ୍ଷମତା ଗତିଶୀଳତାକୁ ଯଥେଷ୍ଟ ବୃଦ୍ଧି କରିବ। ଏହାଦ୍ୱାରା ଭାରତୀୟ ରେଳବାଇର କାର୍ଯ୍ୟକ୍ଷମ ଦକ୍ଷତା ଏବଂ ସେବା ବିଶ୍ୱସନୀୟତା ଉନ୍ନତ ହେବ। ଅତିରିକ୍ତ ଟ୍ରାକ୍ ବିଛାଇବା ପ୍ରସ୍ତାବଗୁଡ଼ିକୁ ସୁଗମ କରିବା ଏବଂ ଭିଡ଼ ହ୍ରାସ କରିବାରେ ସହାୟତା ମିଳିବ। ଏହି ପ୍ରକଳ୍ପଗୁଡ଼ିକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନୂତନ ଭାରତର ଦୃଷ୍ଟିକୋଣ ଅନୁରୂପ ଯାହା ଏହି ଅଞ୍ଚଳର ଲୋକମାନଙ୍କୁ ‘ଆତ୍ମନିର୍ଭରଶୀଳ’ କରିବ। ଏସବୁ ପ୍ରକଳ୍ପ ସ୍ଥାନୀୟ ଅଞ୍ଚଳରେ ବ୍ୟାପକ ପରିମାଣର ବିକାଶ କରିବା ସହିତ ନିଯୁକ୍ତି ଏବଂ ଆତ୍ମନିଯୁକ୍ତି ସୁଯୋଗ ବୃଦ୍ଧି କରିବ।
ଏହି ପ୍ରକଳ୍ପଗୁଡ଼ିକ ପ୍ରଧାନମନ୍ତ୍ରୀ-ଗତି ଶକ୍ତି ଜାତୀୟ ମାଷ୍ଟର ପ୍ଲାନ ଆଧାରରେ ପ୍ରସ୍ତୁତ କରାଯାଇଛି, ଯାହା ସମନ୍ୱିତ ଯୋଜନା ଏବଂ ସହଭାଗୀ ପରାମର୍ଶ ମାଧ୍ୟମରେ ବହୁମୁଖି ସଂଯୋଗ ଏବଂ ଲଜିଷ୍ଟିକ୍ସ ଦକ୍ଷତା ବୃଦ୍ଧି ଉପରେ ଧ୍ୟାନ ଦିଏ। ଏହି ପ୍ରକଳ୍ପଗୁଡ଼ିକ ଲୋକ, ସାମଗ୍ରୀ ଏବଂ ସେବାର ଗତି ପାଇଁ ସୁଗମ ସଂଯୋଗ ପ୍ରଦାନ କରିବ।
ଦିଲ୍ଲୀ, ହରିୟାଣା, ମହାରାଷ୍ଟ୍ର ଏବଂ କର୍ଣ୍ଣାଟକ ରାଜ୍ୟର 12ଟି ଜିଲ୍ଲାକୁ ସାମିଲ କରୁଥିବା ତିନୋଟି ପ୍ରକଳ୍ପ ଭାରତୀୟ ରେଳବାଇର ବର୍ତ୍ତମାନର ନେଟୱାର୍କକୁ ପ୍ରାୟ 389 କିଲୋମିଟର ବିସ୍ତାର କରିବ।
ପ୍ରସ୍ତାବିତ ଅତିରିକ୍ତ ଟ୍ରାକ୍ ନିର୍ମାଣ ପ୍ରକଳ୍ପ ପ୍ରାୟ 9.7 ନିୟୁତ ଜନସଂଖ୍ୟା ସହିତ ପ୍ରାୟ 3,902 ଗ୍ରାମକୁ ଯୋଗାଯୋଗ ବୃଦ୍ଧି କରିବ।
ପ୍ରସ୍ତାବିତ କ୍ଷମତା ବୃଦ୍ଧି ଦ୍ୱାରା ଭବାଲି ଡ୍ୟାମ୍, ଶ୍ରୀ ଘଟନାଦେବୀ, ତ୍ରୟମ୍ବକେଶ୍ୱର ଜ୍ୟୋତିର୍ଲିଙ୍ଗ, ଶ୍ରୀ ମାତା ବୈଷ୍ଣୋ ଦେବୀ କଟରା/ଶ୍ରୀନଗର, ଏବଂ ହାମ୍ପି (ଏକ ୟୁନେସ୍କୋ ବିଶ୍ୱ ଐତିହ୍ୟ ସ୍ଥଳ), ବଲ୍ଲାରି ଦୁର୍ଗ, ଦାରୋଜି ସ୍ଲଥ୍ ବିୟର ଅଭୟାରଣ୍ୟ, ତୁଙ୍ଗଭଦ୍ରା ଡ୍ୟାମ୍, କେଞ୍ଚେନଗୁଡ୍ଡା ଏବଂ ବିଜୟା ବିଠଲ ମନ୍ଦିର ଆଦି ସମେତ ଦେଶବ୍ୟାପୀ ଅନେକ ପ୍ରମୁଖ ପର୍ଯ୍ୟଟନ ସ୍ଥଳୀ ସହିତ ରେଳ ସଂଯୋଗୀକରଣ ଉନ୍ନତ ହେବ।
ପ୍ରସ୍ତାବିତ ପ୍ରକଳ୍ପଗୁଡ଼ିକ କୋଇଲା, ଇସ୍ପାତ, ଲୁହା ଖଣି, ସିମେଣ୍ଟ, ଚୂନପଥର/ବକ୍ସାଇଟ୍, କଣ୍ଟେନର, ଶସ୍ୟ, ଚିନି, ସାର, ପିଓଏଲ୍ ଇତ୍ୟାଦି ସାମଗ୍ରୀ ପରିବହନ ପାଇଁ ଗୁରୁତ୍ୱପୂର୍ଣ୍ଣ ମାର୍ଗ। କ୍ଷମତା ବୃଦ୍ଧି ଦ୍ୱାରା ଅତିରିକ୍ତ 96 ଏମଟିପିଏ (ବାର୍ଷିକ ନିୟୁତ ଟନ୍) ମାଲ ପରିବହନ ସମ୍ଭବ ହେବ। ପରିବେଶ ଅନୁକୂଳ ଏବଂ ଶକ୍ତି ସଂରକ୍ଷଣକାରୀ ପରିବହନ ବ୍ୟବସ୍ଥା ଗ୍ରହଣ କରିବା ଦ୍ୱାରା ରେଳବାଇ ଏହାର ଜଳବାୟୁ ଉଦ୍ଦେଶ୍ୟ ହାସଲ କରିବା ଏବଂ ଦେଶର ଲଜିଷ୍ଟିକ୍ସ ଖର୍ଚ୍ଚ, ତୈଳ ଆମଦାନୀ (22 କୋଟି ଲିଟର) ଏବଂ କାର୍ବନ ନିର୍ଗମନ (111 କୋଟି କିଲୋଗ୍ରାମ) ହ୍ରାସ କରିବାରେ ସାହାଯ୍ୟ କରିବ ଯାହା 4 କୋଟି ଗଛ ଲଗାଇବା ସହିତ ସମାନ।
The Cabinet approval for 3 multitracking projects covering various districts across Delhi, Haryana, Maharashtra and Karnataka will strengthen rail infrastructure, reduce logistic cost and create job opportunities for our youth.
— Narendra Modi (@narendramodi) February 14, 2026
https://t.co/JWTsalG2ja
