১৬শুবা ফাইনান্স কম্মিসন মনুংদা, কেন্দ্রগী শরুক ওইনা লুপা করোর ২৫,৫৩০ গী শেনফম অমা কাইথোক্তুনা অমব্রেল্লা স্কিম অমা ওইনা “স্কিম ফোর এসিষ্টেন্স ইন রেসন ত্রান্সপোর্ত এন্দ হেন্দলিং-ইনকম ৱিথ ওতোমেসন ইন পি.দি.এস (সরথাক-পি.দি.এস)” মখা চৎথবদা প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্স (সি সি ই এ) না অয়াবা পীরে।
রাজ্যশিং/য়ু.তিশিংনা চেঙ পুথোক-পুশিন তৌবদা অমসুং এফ.পি.এস দিল্লরশিংগী শেন্দোং পীবদা চঙখিবা শেনফম কুপখৎনবা কেন্দ্রনা শেন্থং পীনবা নিয়মশিং শেমদোক্নবা অমসুং হৌজিক কেন্দ্রনা শেন্থং পীবগী মওং অসি মখা চৎথবদা কেবিনেত কম্মিতি ওন ইকোনোমিক এফেয়ার্সনা ৱারেপ লৌরে।
নেসনেল ফুদ সেকুরিতি এক্ত,২০১৩ (নফসা) থবক ওইনা পায়খৎলিবা অসি হেন্না ফগৎনবা হৌজিক পায়খৎলিবা স্কিম অনি (i) “নফসাগী মখাদা রাজ্যশিংগী মরক্ত চেঙ পুথোক-পুশিন তৌনবগীদমক ষ্টেৎ এজেন্সিশিং অমসুং এফ.পি.এস দিল্লরশিংদা মতেং পীবা” অমসুং (ii) স্কিম সরথাক-পি.দি.এসকী মখাদা “তেক্নোলোজি ইন পব্লিক দিষ্ট্রিব্যুসন সিষ্টেম (স্মার্দ পি.দি.এস) কী খুৎথাংদা মতমগা চুন্নবা শেমগৎনবা অমসুং অহোংবশিং পুরক্নবা স্কিম” অপুনবা স্কিম অমা ওইনা স্কিম অসি পায়খৎপনি।
সরথাক-পি.দি.এস স্কিমনা পান্দম থম্লি (এ) রাজ্যশিংগী মরক্ত চেঙ পুথোক-পুশিন তৌনবগীদমক অমসুং এফ.পি.এস দিল্লরশিংদা শেন্দোংগীদমক শেন্থং পীবা অমসুং (বি) অরাপ্পা মফমশিংদা য়ৌহন্নবা, হুরানবা হন্থহন্নবা অমসুং পুনশিল্লবা স্কিম অসি ৩১.০৩.২০৩১ ফাওবা থবক তৌদুনা, নফসাগী মখাদা চীঞ্জাক ফংহন্নবা লৈবাক অসিগী ৱাশক মপাঙ্গল কনগৎহন্নবা অপুনবা, মীয়ামগী য়াইফনবা থবক তৌবা, হৈথোই-শিংথোইবা অমসুং লাইনা পাংথোকপা য়াবা পি.দি.এস আর্কিতেকচর লৈহনবা।
খুদক্ত য়েংশিন্নবা চৎনবা য়ারবা থবকশিং অমসুং অপুনবা দেতাবেজশিং শেমগৎতুনা, এ.আই য়াওরবা খুদোংচাদবা কোকহন্নবা অমসুং নৈন্নবা সিষ্টেমশিং লৈদুনা, দেতা শীজিন্নদুনা অশোইবশিং য়েংশিন্নবা ষ্টেৎ কমান্দ কন্ত্রোল সেন্তরশিং লৈদুনা অমসুং পি.দি.এসকী থবকশিং অরোনবা লৈতনবা, সেকুরিতি অমসুং তুংকোইনা চৎনবা য়ানবা আই.এস.ও-সর্তিফাইদ ঙাক্লৌশিং য়াওদুনা, আর্তিফিসিএল ইন্তিলিজেন্স, মেছিন লার্নিং, নেচরেল লেঙ্গোইজ প্রোসেশিং অমসুং ব্লোকচেনগুম্বা অৱাংবা থাক্কী তেক্নোলোজিশিংগী খুৎথাংদা পি.দি.এসকী থবকশিং মতমচা চুনবা মওংদা পায়খৎনবা, পুনশিন্নবা অমসুং হৈশিংনা থবক তৌনবা সরথাক-পি.দি.এস স্কিমনা পান্দম থম্লি।
অফবা চেঙ মরাংকাইনা ফংহন্দুনা মীয়ামদা চীঞ্জাক অমসুং মচি ওইবা পোৎলমশিং ফংহন্দুনা লৈবাক অসিগী মীয়াম ইকায়খুম্নবা পুন্সি অমা ফংহন্নবা ভারত সরকারগী খুন্নাই অমসুং আইনগী অচেৎপা ফিরেপ অমা লৈরি। মীওই করোর ৮১.৩৫ নফসানা কোনশিন্নবা ভারত সরকারগী পান্দম ফংনবা মাইকৈদা স্কিম অসিনা থবক পায়খৎলি। আইন অমসুং থৌশিলগী ঙাক্লৌদা শাগৎতুনা, মসি অনৌবা, তেক্নোলোজিদা য়ুম্ফম ওইবা দি.পি.এসকী থবক অমগী মনুংদা পায়খৎপগা লোয়ননা শেন্থং পীবগী শরুক অদু সরথাক-পি.দি.এসনা মখা চৎরিবা অমসুং ফজনা পাংথোক্লি।
হৌখিবা চহি ১০ দা, সরকারনা তোঙান তোঙানবা দিজিতেলগী থবকশিং হায়বদি তি.পি.দি.এসকী এন্দ-তু-এন্দ কম্পুতরাইজেসন, পি.দি.এস(আই.এম-পি.দি.এস) অমসুং স্মার্দ পি.দি.এস পুনশিনবা, মীয়ামগী য়াইফনবা থবকশিং হায়বদি মেরা রেসন, অন্না মিত্রা, রাইতফুল তার্গেত্তিং দাসবোর্দ অমসুং অন্না সহায়াতাগুম্বা থবকশিং পায়খৎলে অমসুং এপ্রিল ১, ২০২৩ দগী হৌনা, রেসন কার্দশিং দিজিতেল ওন্থোক্তুনা, আধারগা শম্নহন্দুনা, ই-পি.ও.এসকী খুৎথাংদা এফ.পি.এস ওতোমেসন তৌদুনা, রাজ্য/য়ু.তি ৩৬ ফা ওনলাইন এল্লোকেসন অমসুং কম্পুতরাইজ সপ্লাই-চেন মেনেজমেন্ত লৈহন্দুনা স্মার্দ পি.দি.এস স্কিম পায়খৎলে।
देश के हर जरूरतमंद तक पीडीएस के माध्यम से समय पर खाद्यान्न पहुंचे, इसके लिए हमारी सरकार प्रतिबद्ध है। इसी दिशा में सार्थक पीडीएस को ज्यादा आधुनिक और प्रभावी बनाकर जारी रखने का फैसला किया गया है। इससे पीडीएस से होने वाली डिलिवरी, लॉजिस्टिक्स और ट्रांसपोर्टेशन व्यवस्था अधिक…
— Narendra Modi (@narendramodi) May 27, 2026
