শেনবা চহি ২০২৪-২৫ দা ফুদ কোর্পোরেসন ওফ ইন্দিয়া (এফ সি আই) দা ৱার্কিং কেপিতেল ওইনবা লুপা করোর ১০,৭০০ গী ইকুইতি অমা থাদবা প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্স (সি সি ই এ) না অয়াবা পীরে। লৌউ-শিংউগী থবকশিং চাউখৎনবা অমসুং লৈবাক শীনবা থুংবগী লৌমীশিং য়াইফনবা ৱারেপ অসিনা পান্দম থম্লি। লৌমীশিং শৌগৎনবা অমসুং ভারতকী লৌউ-শিংউগী শেন্মিৎলোন ফগৎনবা সরকারনা পায়খৎলিবা থবকশিং থৌরাং অসিনা উৎলে।
লুপা করোর ১০০গী কেপিতেল অমসুং লুপা করোর ৪ গী ইকুইতিগা লোয়ননা ১৯৬৪ দগী ফুদ কোর্পোরেসন ওফ ইন্দিয়ানা মসিগী খোঙচৎ হৌখি। ফেব্রুৱারি ২০২৪ দা ওথোরাইজ কেপিতেল লুপা করোর ১১,০০০ দগী লুপা করোর ২১,০০০ দা হেনগৎহনবদগী ফুদ কোর্পোরেসন ওফ ইন্দিয়াগী থবকশিং হেনগৎলে। শেনবা চহি ২০১৯-২০ দা ফুদ কোর্পোরেসন ওফ ইন্দিয়াগী ইকুইতি লুপা করোর ৪,৪৯৬ ওইরম্বদগী শেনবা চহি ২০২৩-২৪ দা লুপা করোর ১০,১৫৭ দা হেনগৎহল্লে। হৌজিক ভারত সরকারনা ফুদ কোর্পোরেসন ওফ ইন্দিয়াগী ইকুইতি লুপা করোর ১০,৭০০ দা হেনগৎহনবদা অয়াবা পীরে অমসুং মসিনা শেন-থুমগী ফিবম ফগৎহনগনি অমসুং মসিগী থবকশিংদা অওনবা পুরক্নবা পায়খৎলিবা থবকশিংদা অচৌবা ইনোৎ অমা পীরগনি।
চানবা মহৈ-মরোংশিং মিনিমম সপোর্ত প্রাইজ ( এম এস পি) দা লৈদুনা, চীঞ্জাক পৈশিন্দুনা থমদুনা, য়াইফ-থৌরাংগী শরুক অমা ওইনা চীঞ্জাক য়েন্থোক্তুনা অমসুং কৈথেলদা চেংগী মমল লেংদনা লৈহন্দুনা চীঞ্জাক ৱাৎহন্দনবা হোৎনবদা ফুদ কোর্পোরেসন ওফ ইন্দিয়ানা মরুওইবা থৌদাং অমা লৌরি।
ইকুইতি থাদবা অসি ফুদ কোর্পোরেসন ওফ ইন্দিয়ানা মসিগী তঙাইফদবা থবকশিং মপুংফানা পাংথোক্তুনা থবক তৌবা হেনগৎহন্নবগী মাইকৈদা থাংজিনবা মরুওইবা খোঙথাং অমনি। দরকার ওইবা ফন্দ ৱাৎপগী অহোবা মেনশিন্নবা ফুদ কোর্পোরেসন ওফ ইন্দিয়ানা অতেনবা মতমগী শেন পুবগী থবক পাংথোক্লি। ইকুইতি থাদবা অসিনা শেন্দোয় পুবগী পোৎলম হন্থরগনি অমসুং ভারত সরকারগী সবসিদি মপুংফানা হন্থরগনি।
এম.এস.পিদা মহৈ-মরোং লৈশিনবা অমসুং ফুদ কোর্পোরেসন ওফ ইন্দিয়াগী থবক ফগৎনবা শেন থাদনবা সরকারগী ৱারেপ অনি অসিনা লৌমীশিংগী ফিবম ফগৎহনবা, লৌউ-শিংউগী থবকশিং চাউখৎহনবা অমসুং লৈবাক অসিদা চীঞ্জাক মরাংকাইনা ফংহনবদা শিংথাবা য়ানা মতেং পাংলগনি।
Today’s Cabinet decision on the infusion of equity of Rs. 10,700 crore in the Food Corporation of India will enhance its capacity to manage food procurement and distribution efficiently. It will also ensure better support for farmers and contribute to national food security.…
— Narendra Modi (@narendramodi) November 6, 2024
