মাউরিসিয়সকী রাস্ত্রপতি,
ইকায়খুম্নরবা ধরম্বীর গোকুল জি,
ইকায়খুম্নরবা প্রধান মন্ত্রী নবিন চন্দ্র রামগুলাম জি,
মাউরিসিয়সকী ইচলশিং অমসুং ইনাওশিং,
মাউরিসিয়সকী খ্বাইদগী ৱাংবা জাতিগী মনা পীবদা ঐনা থম্মোয় শেংনা ঐগী তৌবীমল খঙবা উৎচরি। মসি ঐ খক্ত ইকায়খুম্নবা নত্তে। মসি ভারতমচা বিল্লিয়ন ১.৪ ইকায়খুম্নবনি। মসি ভারত অমসুং মাউরিসিয়সকী মরক্ত লৈনরিবা চহি চা কয়া শুরবা নাৎ অমসুং পুৱারিগী মরীশিংদা ইকায়খুম্নবা উৎপনি। মসি লমদম অসিদা শান্তি, চাউখৎপা, সেকুরিতি অমসুং তুংকোইনা চাউখৎপা পুরক্নবা ঐখোয়না পায়খৎলিবা থবকশিং ইকায়খুম্নবনি। অমসুং মসি গ্লোবেল সাউথকী থাজবশিং অমসুং অনিংবশিংগী খুদম অমনি। নোল্লুকপা অমসুং তৌবীমল খঙবা উৎপগা লোয়ননা ঐনা মনা অসি লৌজরি। চহি চা কয়াগী মমাঙদা ভারত্তগী মাউরিসিয়সতা লাকখিবা অদোমগী ইপা-ইপুশিং অমসুং মখোয়গী চারোল শুরোলশিংদা মনা অসি ঐনা কৎথোকচরি। মখোয়গী হোৎনবা কনবা অদুনা মাউরিসিয়সকী চাউখৎপদা মখোয়না সনাগী পন্দুব অমা ইরে অমসুং লৈবাক অসি মখল মখা কয়া অসিদা মতেং পাংলে। দাইত্ব অমা লৌদুনা মনা অসি ঐনা লৌজরি। ইন্দিয়া-মাউরিসিয়স স্ত্রাতেজিক পার্তনরশিপ হেন্না ফগৎনবা ঐখোয়না পায়খৎপা য়াবা থবকশিং মখা তানা পায়খৎকনি হায়না ঐনা অমুক হান্না থাজবা পীরি।
অদোম ঙমখৈ লৈতনা থাগৎপা ফোঙদোকচরি।
