ঐহাক্না ২০২৫গী নবেম্বর ২১-২৩ ফাওবদা হিস এক্সিলেন্সী রাস্ত্রপতি মিস্তর সাইরিল রামাফোসাগী গী চেবাও মতুং ইন্না খা অফ্রিকাগী প্রসিদেন্সীগী মখাদা জোহান্সবার্গতা পাংথোক্লিবা ২০শুবা জি.২০ লিদর্স সমিৎতা শরুক য়ানবগীদমক খা অফ্রিকাদা চৎকনি।
মসি অফ্রিকাদা পাংথোকপা অহানবা জি.২০ সম্মিৎ ওইবনা মসিনা অখন্নবা সম্মিৎ অমা ওইগনি। ২০২৩দা ভারতনা জি-২০গী প্রসিদেন্সী পায়রকপা মতমদা, অফ্রিকান য়ুনিয়ননা জি-২০গী মেম্বর অমা ওইখি।
সমিৎ অসিনা মরুওইবা মালেমগী ইসুশিং খন্ননবগী খুদোংচাবা পীগনি। চহি অসিগী জি.২০গী থিম অসি "সোলিদরিতী, ইক্বেলিতী অমসুং সস্তেনেবিলিতী"নি। মসিদা ভারতকী ন্যু দিল্লী অমসুং ব্রাজিলগী রিও দি জেনেরোদা পাংথোকখিবা মমাংগী সমিৎশিংদগী ফংবা মহৈশিং অদু খা অফ্রিকানা মখা চত্থখি। ঐহাক্না সমিৎ অসিদা ভারতকী মিৎয়েং অসি 'বাসুধৈব কুতুম্বকম' অমসুং 'মালেম অমা, ইমুং অমা অমসুং তুংলমচৎ অমা'গী ঐখোয়গী মিৎয়েংগা মরী লৈননা ফোংদোক্কনি।
মপাং ওইবা লৈবাকশিংগী লুচিংবশিংগা ৱারী শানবগী অমসুং সমিৎ অসিগী নাকলদা পাংথোক্কদৌরিবা ৬শুবা আই.বি.এস.এ. সমিৎতা শরুক য়াগনি হায়না হরাওবা পোকই।
খোঙচৎ অসিগী মনুংদা, ঐহাক্না ভারতকী মপান্দা খ্বাইদগী মশীং য়াম্না লৈরিবশিংগী মরক্তা অমা ওইরিবা খা অফ্রিকাদা লৈরিবা ভারত মচাশিংগা ৱারী শান্নগনি।
