Share
 
Comments
“তীকা দোজ করোর ১০০ অসি শুপ্নগী মশিং খক্তা নত্তে, মসিনা লৈবাক্কী পাঙ্গল তাক্লিবনি”
“ভারত অমসুং লৈবাক মীয়াম পুম্বগী মাই-পাকপা”
“লাইনানা অচান মীরায় খায়দবনিনা, ভেক্সিন কাপ্পদা ঐখোয়না করিগীদমক্তা অচান-মীরায় খায়দৌরিবনো। মরম অদুনা, তীকা থাবগী খোঙজংদা ঐখোয়না ভি.আই.পি.গী চৎনবী অমত্তা লৈহন্দ্রিবনি”
“ভারতপু মালেমগী ফার্মা হব অমা ওইনা লৌরিবসি হেন্না মপাঙ্গল কনখৎহল্লগনি”
“লাইচৎকী মাইয়োক্তা লান্থেংনবদা মীয়াম্না শরুক য়াবগী থৌওংবু সরকারনা ঐখোয় ইশা ঙাকথোকচবগী খ্বাইদগী অহানবা থবক ওইহনখি”
“ভারতকী তীকা থাবগী খোঙজং অপুনবসি সাইন্সতগী থোক্লকপা, সাইন্সনা চলায়বা অমসুং সাইন্সতা য়ুম্ফম ওইবনি”
“ভারতকী কম্পেনীশিংদা ঙসি মমাংদা তৌখিদ্রিবা ইনভেস্তমেন্ত লাকপদা নত্তনা নহারোলশিংগী থবক্কী অনৌবা খুদোংচাবা কয়াসু লৈরক্লি। স্তার্ত-অপশিংদা রেকোর্দ ইনভেস্তমেন্ত লাকপদগী, য়ুনিকোর্ন কয়াসু থোক্লক্লি”
“স্বচ্ছ ভারত অভিয়ান্না মীয়ামগী ইহৌ ওইবগুম্না, ভারত্তা শাবা পোত্থোক লৈবা, ভারত মচানা শাবা পোত্থোক লৈবা অমসুং ভোকেল ফোর লোকেল ওইবসি ঐখোয়না থবক ওইনা পাংথোকপগী মথৌ তারে”
“ঙাকথোক্নবা কুয়োম্না য়াম্না ফরবসু, ঙাকথোক্নবা কুয়োম্না মতমগা খ্বাইদগী চান্নবা ওইরবসু, কুয়োম অসিনা শোইদনা ঙাকথোক্কনি খঙলবসু, লাল মখা চত্থরিঙৈদি, খুৎলায় থাদবা য়াদ্রি। ঐখোয়না চেকশিন্দনা লৈবগী মরম লৈত্রি। হরাও-কুমহৈশিংবু য়াম্ন চেকশিন্না পাংথোকসি”

খুরুমজরি, ঐহাক্কী নুংশিরবা ইরৈবাকচাশিং!

ঙসি ঐহাক্না ৱা ঙাংবা অসি বেদগী ৱাহৈ পরেং অমগা লোয়ননা হৌজগে।

ক্রতম মে দক্ষিনে হস্তে,

জয়ো মে সব্য আহিদ।

ৱাফম অসি ভারতকী ওইরিবা ফীভম অসিদা য়েংলবদি মসিগী ৱাহন্থোক অসি য়াম্না চম্মি, মদুদি ঐখোয়গী লৈবাকনা নাকল অমরোমদা মথৌ পাঙথোক্লি অদুগা নাকল অমদনা মসিনা চাউনা মাইপাকপা পুরক্লি হায়বনি। ঙরাং, ওক্তোবর ২১, ২০২১দা ভারতনা ভেক্সিন দোজ বিলিয়ন ১, করোর ১০০ কাপ্পগী লুরবা অমসুং অতৈদগী থোইদোক হেন্দোকপা পান্দম ফংবা ঙমখ্রে। মাই-পাকপা অসি ইরৈবাকচা করোর ১৩০গী হোৎনজমন্দগী ফংবনি, মরম অদুনা মসিদি ভারতকী মাই পাকপনি, লৈবাক মীয়ামগী মাই পাকপনি। মসিগীদমক ঐহাক্না ইরৈবাকচাশিংবু থাগৎপা ফোঙদোকচরি।

মরুপশিং,

ভেক্সিন দোজ করোর ১০০ মসি শুপ্নগী মশিং খক্তা নত্তে। মসিনা লৈবাক অসিগী মপাঙ্গল অদু তাক্লি, মসি পুৱারীদা অনৌবা পন্দুপ অমা শেম্বনি। মসি অনৌবা ভারতনা করম্না অরুবা পান্দম অম থমদুনা মদু মাইপাকপা ঙম্বগে হায়বা উৎলি শক্তম অমনি। মসি অনৌবা ভারতনা মাগী ফিরেপশিং থুংহন্নবা কয়াম কন্না হোৎনবগে তাক্নবা শক্তম অমনি।

মরুপশিং,

ঙসিদি মীওই কয়া অমনা ভারতকী তীকা থাবগী প্রোগ্রামগা অতোপ্পা লৈবাক্কী প্রোগ্রামশিংগা চাংদম্নরি। ভারতনা অথুবা মতমদা ভেক্সিন দোজ করোর ১০০, বিলিয়ন ১ গী মশিং হেন্দোকপা ঙম্বসিদসু মখোয়না থাগৎনরি। অদুবু, অসুম্না কুপ্না য়েংশিনবগী তাঞ্জাসিদা অয়াম্বনা ঐখোয়না মসি কদাইদগী হৌরকপগে হায়বসিদি খন্থরুদে! ভেক্সিন পুথোকপা মালেমগী অচৌবা লৈবাকশিংদা ভেক্সিনগী রিসর্চ, ভেক্সিন থিদোকপগী মতাংদা দিকেদ কয়াগী এক্সপর্তাইজ লৈ। ভারতনা অয়াম্বা মতমদা মখোয়না পুথোকপা ভেক্সিনগী মখা পোল্লম্মি। ঐখোয়না মপালদগী পুশিল্লম্মি, মসিনা মরম ওইরগা চহি ১০০দা খ্বাইদগী চাউবা লাইচৎ লাকপদা, ভারত্তা ৱাহং হংনবা হৌরকখি। ভারতনা লাইচৎ অসিগা থেংনবা ঙমগদরা? ভারতনা অতোপ্পা লৈবাক্তগী অশুক য়াম্লবা ভেক্সিন লৈনবা শেল কদাইদগী লাক্কনি? ভারতনা করম কান্দা ভেক্সিন ফংগনি? ভারতকী মীয়াম্না ভেক্সিন ফংগদরা, ফংলোইদরা? ভারতনা লাইচৎ অসিবু থিংবা ঙম্নবা য়াম্লবা মীয়ামসিবু তীকা কাপ্পা ঙমগদরা? মখল কয়াগী ৱাহং হংনরম্মি, অদুবু ঙসিদি ভেক্সিন দোজ করোর ১০০ হেন্না কাপ্পা অসিনা ৱাহং খুদিংগী পাউখুম পীরে। ভারতনা মাগী প্রজাশিংদা ভেক্সিন করোর ১০০ কাপখ্রে অমসুং মসিসু লেম্না কাপখি। শেল অমত্তা লৌদনা।

মরুপশিং,

ভেক্সিন দোজ করোর ১০০ কাপখিবগী অতোপ্পা কান্নবা অসি মালেম্না ভারত অসি কোরোনাদগী শাফরে হায়না হৌজিক্তি লৌরগনি। মালেমগী ফার্মা হব অমা ওইনা ভারতপু লৌরিবা অসি হেন্না মপাঙ্গল কনখৎহল্লগনি। মালেম পুম্বনা ভারতকী শক্তি অসি ঙসিদি উরে অমসুং ফাওবা ঙম্লে।

মরুপশিং,

ভারতকী ভেক্সিনেসন কেম্পেন অসি ‘সবকা সাথ, সবকা বিকাস, সবকা বিশ্বাস অমসুং সবকা প্র্যাস’কী হৌজিক উবা ফংলিবা খুদম ওইরি।  কোরোনা লাইচৎ হৌরকপা মতমদা ভারতকুম্বা দেমোক্রেসী চৎপা লৈয়াক অমদা লাইচৎ অসি লান্থেংনবা য়াম্না অৱাবা ওইগনি হায়না অকিপা ফোঙদোক্নরম্মি। ভারতকীদমক, ভারতকী মীয়ামগীদমক মসিদা করম্না অথিংবা থমগনি, কাংলোন ঙাকহনগনি হায়না হায়নরকখি। অদুবু ঐখোয়গী ওইনদি দেমোক্রেসী হায়বা অসি –‘সবকা সাথ’ হায়বনি। ভারতনা মীয়াম পুম্বগা লোয়নদুনা ‘সবকো ভেক্সিন-মুফ্‌ৎ ভেক্সিন’ খোঙথাং হৌদোকখি। লাইরবা-ইনাক খুনবা, খুঙ্গং-শহর, অনকপা-অথাপ্পা অমসুং লৈবাক্কী মন্ত্রা অমখক লৈ, মদুদি লাইনানা খেন্নবা থমদবগুম্না ভেক্সিন্নসু খেন্নবা থমখিদে। মরম অদুনা, ভেক্সিনগী খোঙথাংদা ভি.আই.পি. কলচর লৈহন্দনবা ৱারেপ্নখি। কনাগুম্বা অমনা অৱাংবা ফম পাইজরবসু, মহাক্না শেল ফনা পাইরবসু, মহাক্না মীচম প্রজাগুম্না ভেক্সিন অদু ফংগনি।

মরুপশিং,

ঐখোয়গী লৈবাক অসিগী ওইনা মীওই অয়াম্বনা ভেক্সিন কাপ্পা থোরক্লোই হায়না হায়নখি। মালেমগী চাউখৎপা লৈবাক কয়াদা ভেক্সিন হেজিতেন্সী অসি ঙসিসু অচৌবা শীংনবা অমা ওইনা লৈরি। অদুবু ভারতকী মীয়াম্না ভেক্সিন দোজ করোর ১০০ কাপতুনা অসিগুম্বা মীওইশিংগী ৱাহংগী পাউখুম পীখি।

মরুপশিং,

আভিয়ান অমদা ‘মীওই খুদিংমক্না শরুক য়াদুনা হোৎনরবদি’ মদুগী ফল অদু অফবা ওই। লাইচৎ অসি মায়োক্নতা লৈবাক অসিগী লাঞ্জংদা মীয়াম পুন্না শরুক য়াবা হায়বা অসিনা ঐখোয়গী অহানবা ফোর্স ওইখি, ফর্স্ত লাইন ওফ দিফেন্স ওইখি।  লৈবাক অসিনা অমত্তা ওইনা লেপ্পি তাক্নবা খুপাক খুখি, পুখম থিনখি, থাওমৈ থানখি। মদুদা মীওই খরনা লাইনা অসি চেনখ্রগদ্রা হায়না হায়খি। অদুবু ঐখোয়নদি মসিদা লৈবাক অসিনা অমত্তা ওইনা লেপ্পা অদু উখি, অপুনবগী শক্তি য়াকাইহনখি।  শক্তি অসিনা মরম ওইরগা কোবিদ ভেক্সিনেসনগী অসিগুম্বা অতেনবা মতমগী মনুংদা করোর ১০০ য়ৌবা ঙমহনখি। লৈবাক অসিনা নোংমদা করোর অমগী ভেক্সিনেসন তৌবা ঙমখিবা কয়ারক য়াওখ্রে। মসি অচৌবা পোতেন্সিএল অমনি, মসি মেনেজমেন্তগী স্কিলনি, মসি ঙসিগী চাউখৎলবা লৈবাকশিংদা লৈতবা খ্বাইদগী ফবা তেক্নোলোজী শীজিন্নবনি।

মরুপশিং,

ভারতকী ভেক্সিনেসন প্রোগ্রাম অপুনবা অসি সাইন্সনা থিজিনবদগী ওইথোকপনি, সাইন্সকী লমদা হৌরক্তুনা সাইন্সকী থৌওংগী খুত্থাংদা মাইকৈ মরিদা য়ৌবা ঙম্বনি। ভারতকী ভেক্সিনেসন প্রোগ্রাম অসি সাইন্স বোর্ন, সাইন্স দ্রিভন অমসুং সাইন্স বেজ ওইরিবসি ঐখোয় পুম্নমক্কী চাউথোকচনীংঙাইনি। ভেক্সিন শাদ্রিঙৈ মমাংদা অমসুং ভেক্সিন পুথোক্ত্রিঐঙ মমাংদা অপুনবা কেম্পেন অসিদা মফম খুদিংদা সাইন্স অমসুং সাইন্তিফিক এপ্রোচ চংখি। ঐখোয়গী মাংদা লৈখিবা শীংনবা অসি মেন্যুফেকচর তৌবা লোয়ননা প্রদক্সন হেনগৎহনবা অসিনা ওইখি। অসিগুম্বা অচৌবা লৈবাক অমদা, য়াম্লবা মীশিং অসিদা, মসিগী মতুংদা তোঙান-তোঙানবা রাজ্যশিংদা, অরাপ-অরাপ্পা মফশিংদা মতম চানা ভেক্সিন য়ৌহনবা! মসি ভগীরথকী থবক্তগী তাবা ওইখিদে। অদুবু বিজ্ঞানিক্কী ওইবা পাম্বৈশিং অমসুং অনৌবা ইন্নোভেসনশিং অসিগা লোয়ননা লৈবাক অসিনা শীংনবশিং অসিগী কোকহন্নবা উপাই পুথোকখি। থোইদোক হেন্দোক্না খোঙজেল য়াংবগা লোয়ননা রিসোর্সশিং হেনগৎহনখি। করম্বা রাজ্যনা ভেক্সিন কয়াম ফংগনি, করম্বা মফমদা ভেক্সিন কয়াম য়ৌহনগনি, পুম্নমক অসি বিজ্ঞানিক ওইবা ফোর্মুলা অমগী মখাদা শিন্দোকখি। ঐখোয়গী লৈবাক্না শেমখিবা কোৱিন প্লেতফোর্ম অসি মালেমগী ওইনা মীৎয়েং চংনবা হীরম অমা ওইখি। ভারত্তা শাখিবা কোৱিন প্লেতফোর্ম অসিনা মীচম প্রজাদা খুদোংচাহনবতা নত্তনা ঐখোয়গী মেদিকেল স্তাফকী থবক লাইথোকহনখি।

মরুপশিং,

ঙসি মফম শিনবা থুংবদা থাজবা, থৱায় য়াওবা অমসুং থৌনা লৈরে। খুন্নাইদগী শেন্মীৎলোন ফাওবদা ঐখোয়না হীরম খুদিংদা য়েংলুবা মতমদা থাজবা, থাজবা, থাজবা ঙাক্তা উবা ফংই। এক্সপর্ত অমসুং লৈবাক কয়াগী এজেন্সী কয়ানা ভারতকী শেন্মিৎলোনগী মতাংদা অফবা ৱাখল্লোন লৈরে। ভারতকী কম্পেনীশিংদা ঙসি রেকোর্দ ইনভেস্তমেন্ত লাকপদা নত্তনা নহারোলশিংগী থবক্কী অনৌবা খুদোংচাবা কয়াসু লৈরক্লি। স্তার্ত-অপশিংদা রেকোর্দ ইনভেস্তমেন্ত লাকপদা নত্তনা রেকোর্দ স্তার্তঅপশিং, য়ুনিকোর্নসু ওইরক্লি। হাউসিং সেক্তরদা অনৌবা ইনর্জীসু উবা ফংলক্লে। হৌখিবা থা খরা অসিদা পাইখৎখিবা তোঙান-তোঙানবা রিদোর্মশিং – ইনিসিয়েতিব কয়ামরুম, গতি শক্তিদগী হৌরগা অনৌবা দ্রোন পোলিসী – অসিনা ভারতকী শেন্মীৎলোন খোঙজেল য়াংখৎহনবদা অচৌবা থৌদাং অমা লৌরগনি। কোরোনাগী মতমদা লৌউ-শিংউগী সেক্তরনা ঐখোয়গী শেন্মীৎলোন লেংদনা লৈহনখি। ঙসি সরকারগী প্রোক্যুর্মেন্ত অসি রেকোর্দ লেবেলদা চত্থরি, শেলশিং হকথেংননা লৌমীশিংগী বেঙ্ক একাউন্তশিংদা চংলি। ভেক্সিনগী কভরেজ হেনগৎলকপগা লোয়ননা শেন্মীৎলোনগী-খুন্নাইগী থবক-থৌরমশিং ওইরবসু, স্পোর্তস, তুরিজম, এন্তর্তেনমেন্ত, অফবা থবক-থৌরমশিং অসি মফম খুদিংমক্না খুমাং চাউশিল্লি। লাক্কদৌরিবা হরাও-কুহ্মৈগী পন্থা অসিনা মসিদা হেন্না ইনোৎ হাপ্লগনি অমসুং মপাঙ্গল হাপ্লগনি।

মরুপশিং,

মতম অমদা মসিগী লৈবাক্তা শাবনি, মদুগী লৈবাক্তা শাবনি হায়না য়াম্না নৈনরম্মি। অদুবু ঙসিদি ইরৈবাকচা খুদিংমক্না মেদ ইন ইন্দিয়াগী শক্তি অসি য়াম্না চাউই হায়বা খঙবা ঙম্লে। মরম অসিনা ঙসিসু ঐহাক্না অমুক হন্না হায়জগে মদুদি পোৎ অদু শানবা হোৎনবদা ভারত মচানা য়াম্না ৱানা হোৎনজখিবা মেদ ইন ইন্দিয়া ওইবা পোৎ মচা-মচা খুদিংমক লৈশি। মসি মীপুম খুদিংনা শরক য়াদুনা হোৎনরবা খক্তদা ওইথোকপা ঙমগনি। স্বচ্ছ ভারত অভিয়ান্না মীয়ামগী ইহৌ ওইবগুম্না, ভারত্তা শাবা পোত্থোক লৈবা, ভোকেল ফোর লোকেল ওইবসি ঐখোয়না থবক ওইনা পাংথোকপগী মথৌ তারে। অমসুং মীপুম খুদিংমক্না হোৎনদুনা ঐখোয়না মসি তৌবা ঙমগনি হায়না ঐহাক্না থাজৈ। অদোম্না নীংশিংবীরমগনি, মমাংগী দিৱালিদা মীপুম খুদিংমক্কী ৱাখল্দা তেন্সন অমা লৈখি। অদুবু চহি অসিগী দিৱালিদদি ভেক্সিন দোজ করোর ১০০ কাপ্পনা মরম ওইরগা থাজবা অমা পোক্লগনি। করিগুম্বা ঐহাক্কী লৈবাক্না শাজবা ভেক্সিন্না ঐহাক্বা ঙাকথোকপা ঙমহল্লবনি ঐখোয়গী লৈবাক্না পুথোকচবা, ঐহাক্কী লৈবাক্কী পোত্থোকশিং অসিনা ঐহাক্কী দিৱালিবু হেন্না চাউনা পাঙথোকপা ঙমহল্লগনি। দিৱালিগী মতমদা সেল্সনা নাকল অমদা অমসুং লেমহৌরিবা চহিগীনা নাকল অমা লৈ। ঐখোয়গী মফম অসিদদি দিৱালিগী মতমগী মনুংদা, হরাও-কুহ্মৈগী মতমদা সেল্স অসি হেনগৎলি। ঐখোয়গী অপীকপা দুকানদারশিং, ঐখোয়গী অপীকপা ওন্তপ্রিনোরশিং, ঐখোয়গী স্ত্রীত ভেন্দরশিং, ইচিল-ইনাওশিংগী ওইনদি ভেক্সিন দোজ করোর ১০০ কাপ্পা অসি আশাগী মঙাল ওইরগনি।

মরুপশিং,

ঙসি ঐখোয়গী মাংদা অমৃত মহোৎসবকী ফিরেপশিং লৈরি অমসুং মাইপাকপা অসিনা ঐখোয়দা অনৌবা থাজবা পোকহল্লি। ঐখোয়না ঙসি লৈবাক্না অচৌবা পান্দম থমদুনা মদুবু করম্না ফংগদগে হায়বা খঙই হায়না হায়বা য়াই। অদুবু, ঐখোয়না মসিগীদমক্তা চেকশিন্না লৈতবদি য়াদে। ঐখোয়না কৈদৌনুংদা লাইথোকপা য়াদে। ঙাকথোক্নবা কুয়োম্না য়াম্না ফরবসু, ঙাকথোক্নবা কুয়োম্না মতমগা খ্বাইদগী চান্নবা ওইরবসু, কুয়োম অসিনা শোইদনা ঙাকথোক্কনি খঙলবসু, লাল মখা চত্থরিঙৈদি, খুৎলায় থাদবা য়াদ্রি। ঐহাক্না মীয়াম্না য়াম্না চেকশিন্না হরাও-কুহ্মৈ পাংথোকপীয়ু হায়জনীংই। অমসুং মাস্ককী মতাং অসিদদি হৌজিক্তি দিজাইনর মাস্কসু লৈরবনিনা ঐখোয়না মপাল থোকপা মপানদা খোঙউপ উপ্পা গুম্না মাস্ক অদু শোইদনা উপসি। ভেক্সিন কাপত্রিবা মীওইশিংনা মসি খ্বাইদগী মরু ওইনা লৌগদবনি। ভেক্সিন কাপ্লবা মীওইশিংনা অতৈদা থৌগৎকদবনি। করিগুম্বা ঐখোয়না অমত্তা ওইনা পুন্না হোৎনরবদি অথুবদা কোরোনাবু ঐখোয়না মাইথিবা পীবা ঙমগনি। লাক্কদৌরিবা হরাও-কুহ্মৈ অসিগীদমক ঐহাক্না মীয়ামদা য়াইফ-পাউজেল পীজরি অমসুং হন্না-হন্না থাগৎচরি।

সেবা অমসুং সমর্পনগী চহি 20 তাক্লিবা ফোতো 20
Mann KI Baat Quiz
Explore More
জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে

Popular Speeches

জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে
India achieves 40% non-fossil capacity in November

Media Coverage

India achieves 40% non-fossil capacity in November
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 4 দিসেম্বর, 2021
December 04, 2021
Share
 
Comments

Nation cheers as we achieve the target of installing 40% non fossil capacity.

India expresses support towards the various initiatives of Modi Govt.