লুচিংবা অনিনা ভারত-ইজরেলগী স্ত্রেতিজিক পার্ত্নরশিপ অসিবু হেন্না ফগৎহন্নবা লম্বিশিংগী মতাংদা খন্নখি `
লুচিংবা অনিনা তেরোরিজমগী মফমদা মখোয়না কন্না য়ানিংদবা অদু অমুক্কা হন্না নিংশিংখি
পি.এম. না মফম অদুদা মীচং মীখায় নাইদনা অমসুং ইংন-চিক্না লৈনবা হোৎনরিবশিং অসিদা ভারতনা শৌগৎলি হায়বগী ৱাফমদু অমুক্কা নিংশিংখি
প্রধানমন্ত্রীদা ইজরেলগী প্রধানমন্ত্রী ঐচ.ই. মিস্তর বেজ্ঞামিন নেতনয়াহুনা ঙসি কোল তৌরকখ্রে
লুচিংবা অনিমক্না ভারত-ইজরেলগী স্ত্রেতিজিক পার্ত্নরশিপ অসি মখা তানা ফগৎলকপদা নুংঙাইবা ফোংদোকখি অমসুং অমগা-অমগা কান্নবা পীনদুনা মরি অসি হেন্না ফগৎলক্নবগী ৱাশকশিং অদু অমুক হন্না নিংশিংখি।
লুচিংবা অনিমক্না তেরোরিজমগী মায়োক্তা য়ানিংদবা অমসুং মওং অমত্তদা তেরোরিজম অসি মওং তুমিন্না য়েংদুনা লৈরোই হায়বগী চৎন-পথাপ অদু অমুক্কা হন্না নিংশিংখি।
মখোয়না নোংচুপ এসিয়াগী ফীভমগী মতাংদসু মখোয়গী ওইবা ৱাখল্লোনশিং হায়দোক-হায়জিন তৌনখি। প্রধানমন্ত্রী শ্রী মোদীনা মফম অদুদা গাজা ইংনা-চিক্না লৈবগী থৌরাংশিং থুনমক থবক্তা ওন্থোকপা য়াওনা মফম অদুদা মীচং-মীখাই নাইদনা অমদি ইংনা-চিক্না লৈবদা ভারতনা শৌগৎপগী ৱাফম থমখি।
লুচিংবা অনিমক্না লেপ্তনা পাও ফাওননবগী অয়াবা ফোংদোকখি।
