രാജസ്ഥാനിലെ അബു റോഡിലുള്ള ബ്രഹ്മാകുമാരിസിന്റെ ശാന്തിവൻ സമുച്ചയത്തിൽ വിവിധ പദ്ധതികളുടെ ഉദ്ഘാടന വേളയിൽ പ്രധാനമന്ത്രിയുടെ പ്രസംഗം

ഓം ശാന്തി!

ബഹുമാനപ്പെട്ട രാജയോഗിനി ദാദി രത്തൻ മോഹിനി ജി, ബ്രഹ്മാകുമാരീസിലെ  എല്ലാ മുതിർന്ന അംഗങ്ങളേ , ഈ പരിപാടിയിൽ പങ്കെടുക്കാൻ ഇന്ത്യയുടെ വിവിധ ഭാഗങ്ങളിൽ നിന്ന് എത്തിയ എന്റെ പ്രിയ സഹോദരീസഹോദരന്മാരേ !

നിരവധി തവണ നിങ്ങളുടെ ഇടയിൽ നിൽക്കാൻ അവസരം ലഭിച്ചത് എന്റെ ഭാഗ്യമാണ്. ഞാൻ നിങ്ങളുടെ ഇടയിൽ വരുമ്പോഴെല്ലാം, ഞാൻ എപ്പോഴും ഒരു ആത്മീയാനുഭൂതി ആസ്വദിക്കുന്നു. കഴിഞ്ഞ ഏതാനും മാസങ്ങൾക്കുള്ളിൽ ഇത് രണ്ടാം തവണയാണ് എനിക്ക് ബ്രഹ്മാകുമാരീസിന്റെ  പരിപാടിയിൽ പങ്കെടുക്കാൻ അവസരം ലഭിക്കുന്നത്. നേരത്തെ, ഫെബ്രുവരിയിൽ നിങ്ങൾ 'ജൽ ജൻ അഭിയാൻ' തുടങ്ങിയപ്പോൾ എന്നെ ക്ഷണിച്ചിരുന്നു. ബ്രഹ്മാകുമാരിസുമായുള്ള എന്റെ അടുപ്പം എങ്ങനെ തുടർന്നുവെന്ന് ഞാൻ വിശദമായി ഓർത്തു. ഇതെല്ലാം ദൈവത്തിന്റെ അനുഗ്രഹവും രാജയോഗിനി ദാദി ജിയുടെ വാത്സല്യവും കൊണ്ടാണ്.

ഇന്ന് ഇവിടെ സൂപ്പർ സ്പെഷ്യാലിറ്റി ചാരിറ്റബിൾ ഗ്ലോബൽ ആശുപത്രിയുടെ തറക്കല്ലിട്ടു. ഇന്ന് ശിവമണി ഹോംസ് ആന്റ് നഴ്‌സിംഗ് കോളേജ് വിപുലീകരണവുമായി ബന്ധപ്പെട്ട പ്രവർത്തനങ്ങളും ആരംഭിച്ചു. ഈ സംരംഭങ്ങൾക്കെല്ലാം ബ്രഹ്മകുമാരിസ് സംഘടനയെയും അതിലെ എല്ലാ അംഗങ്ങളെയും ഞാൻ ഹൃദയപൂർവ്വം അഭിനന്ദിക്കുന്നു.

സുഹൃത്തുക്കളേ ,

സ്വാതന്ത്ര്യത്തിന്റെ ‘അമൃത് കാലത്തു് ’ ഇന്ത്യയിലെ എല്ലാ സാമൂഹിക, മത സ്ഥാപനങ്ങൾക്കും ഒരു പ്രധാന പങ്കുണ്ട്. സ്വാതന്ത്ര്യത്തിന്റെ ഈ ‘അമൃത കാലം ’ രാജ്യത്തെ ഓരോ പൗരന്റെയും കടമയുടെ കാലഘട്ടമാണ്. ഈ  കാലയളവ് അർത്ഥമാക്കുന്നത് നമ്മുടെ ഉത്തരവാദിത്തത്തിന്റെ 100% നിർവ്വഹണം എന്നാണ്! അതോടൊപ്പം, രാജ്യത്തിന്റെയും സമൂഹത്തിന്റെയും താൽപ്പര്യങ്ങൾക്കായി നമ്മുടെ ചിന്തകളുടെയും ഉത്തരവാദിത്തങ്ങളുടെയും വികാസം! പൂർണ്ണ സമർപ്പണത്തോടെ നമ്മുടെ കർത്തവ്യങ്ങൾ നിർവ്വഹിക്കുന്നത് തുടരുമ്പോൾ നമ്മുടെ രാജ്യത്തിന് വേണ്ടി ഇനിയും എന്തെല്ലാം ചെയ്യാനാകുമെന്ന് നാം ചിന്തിക്കേണ്ടതുണ്ടെന്ന് ഇത് സൂചിപ്പിക്കുന്നു.

നിങ്ങളെല്ലാവരും ഈ കാലയളവിനുള്ള പ്രചോദനം പോലെയാണ്. ഒരു ആത്മീയ സംഘടന എന്ന നിലയിൽ, സമൂഹത്തിലെ ധാർമ്മിക മൂല്യങ്ങൾ ശക്തിപ്പെടുത്തുന്നതിന് ബ്രഹ്മകുമാരികൾ പ്രവർത്തിക്കുന്നു. എന്നാൽ അതേ സമയം, നിങ്ങൾ പൂർണ്ണമായും സാമൂഹിക സേവനം, ശാസ്ത്രം, വിദ്യാഭ്യാസം, സാമൂഹിക അവബോധം വർദ്ധിപ്പിക്കൽ എന്നിവയ്ക്കായി സമർപ്പിതനാണ്. മൗണ്ട് അബുവിലെ നിങ്ങളുടെ ഗ്ലോബൽ ഹോസ്പിറ്റൽ റിസർച്ച് സെന്റർ തീർച്ചയായും ഒരു മികച്ച ഉദാഹരണമാണ്. ഈ സ്ഥാപനം സമീപ ഗ്രാമങ്ങളിൽ ആരോഗ്യ ക്യാമ്പുകളും രക്തദാന ക്യാമ്പുകളും സംഘടിപ്പിക്കാറുണ്ടെന്ന് എന്നോട് പറഞ്ഞു. ഇപ്പോൾ സൂപ്പർ സ്പെഷ്യാലിറ്റി ചാരിറ്റബിൾ ഗ്ലോബൽ ഹോസ്പിറ്റലും ഈ മേഖലയിലെ ആരോഗ്യ സേവനങ്ങൾ മെച്ചപ്പെടുത്താൻ സഹായിക്കും. ഈ മനുഷ്യത്വപരമായ ശ്രമത്തിന് നിങ്ങളെല്ലാവരും അഭിനന്ദനം അർഹിക്കുന്നു.

സുഹൃത്തുക്കളേ ,

ഇന്ന് നമ്മുടെ രാജ്യം മുഴുവൻ ആരോഗ്യ സൗകര്യങ്ങളുടെ പരിവർത്തനം അനുഭവിച്ചുകൊണ്ടിരിക്കുന്നു. കഴിഞ്ഞ ഒമ്പത് വർഷത്തിനിടെ ആദ്യമായി, രാജ്യത്തെ ഏറ്റവും ദരിദ്രരായ ദരിദ്രർ പോലും തങ്ങൾക്കും രാജ്യത്തെ ആശുപത്രികൾ എളുപ്പത്തിൽ ലഭ്യമാകുമെന്ന് തിരിച്ചറിഞ്ഞു. ആയുഷ്മാൻ ഭാരത് യോജന ഇതിൽ വലിയ പങ്കുവഹിച്ചിട്ടുണ്ട്. ആയുഷ്മാൻ ഭാരത് യോജന സർക്കാർ മാത്രമല്ല സ്വകാര്യ ആശുപത്രികളുടെ വാതിലുകൾ പാവപ്പെട്ടവർക്കായി തുറന്നിട്ടു.

ഈ പദ്ധതിക്ക്  കീഴിൽ 5 ലക്ഷം രൂപ വരെയുള്ള ചികിത്സാ ചിലവ് ഗവണ്മെന്റ്  വഹിക്കുന്നുണ്ടെന്നും നിങ്ങൾക്കറിയാം. രാജ്യത്തെ നാല് കോടിയിലധികം ദരിദ്രർക്ക് ഈ പദ്ധതിയുടെ പ്രയോജനം ലഭിച്ചു. ആയുഷ്മാൻ ഭാരത് പദ്ധതി ഇല്ലായിരുന്നുവെങ്കിൽ അവരുടെ ചികിത്സയ്ക്കായി 80,000 കോടി രൂപ സ്വന്തം കീശയിൽ നിന്ന് ചെലവഴിക്കേണ്ടി വരുമായിരുന്നു. അതുപോലെ, ജൻ ഔഷധി കേന്ദ്രങ്ങളിൽ മിതമായ നിരക്കിൽ മരുന്നുകൾ ലഭ്യമാകുന്നതിനാൽ പാവപ്പെട്ടവർക്കും ഇടത്തരക്കാർക്കും ഏകദേശം 20,000 കോടി രൂപ ലാഭിക്കാനാകും.

രാജ്യത്തെ എല്ലാ ഗ്രാമങ്ങളിലും വ്യാപിച്ചുകിടക്കുന്ന നമ്മുടെ ബ്രഹ്മകുമാരീസ് സൻസ്ഥാൻ യൂണിറ്റുകൾ, ഗുണമേന്മയുള്ള മരുന്നുകൾ വളരെ കുറഞ്ഞ വിലയിൽ ലഭ്യമാകുന്ന സർക്കാർ ജൻ ഔഷധി കേന്ദ്രങ്ങളെക്കുറിച്ച് ജനങ്ങളെ അറിയിച്ചാൽ പാവപ്പെട്ടവർക്ക് ചെയ്യാൻ കഴിയുന്ന സേവനം നിങ്ങൾക്ക് ഊഹിക്കാവുന്നതേയുള്ളൂ. വിപണിയിൽ 100 രൂപ വിലയുള്ള മരുന്നുകൾ 10-15 രൂപയ്ക്ക് ഈ കേന്ദ്രങ്ങളിൽ ലഭ്യമാണ്. പാവപ്പെട്ടവർക്ക് എത്രത്തോളം സേവനം ചെയ്യുമെന്ന് ഊഹിക്കാം. അതിനാൽ, ഈ ജൻ ഔഷധി കേന്ദ്രങ്ങൾ രാജ്യത്തുടനീളം സ്ഥാപിച്ചിട്ടുണ്ടെന്ന ബോധം   ജനങ്ങളിൽ ഉണ്ടാക്കണം. നിങ്ങളുമായി സമ്പർക്കം പുലർത്തുന്ന ആളുകൾ എപ്പോഴും നിങ്ങളെ അനുഗ്രഹിക്കും.

ഉദാഹരണത്തിന്, പ്രമേഹബാധിതരായ ഒരു കുടുംബത്തിൽ പ്രായമായ ഒരാൾ ഉണ്ടെങ്കിൽ, മരുന്നുകളുടെ ചെലവ് 1200-1500- 2000 രൂപ വരെ ഉയരും, പക്ഷേ അയാൾ ജൻ ഔഷധി കേന്ദ്രത്തിൽ നിന്ന് മരുന്ന് വാങ്ങുക യാണെങ്കിൽ, ഒരുപക്ഷേ ആ ചെലവ്  1000-1500 രൂപയായി കുറയും . അത് അവന്റെ ജീവിതത്തിൽ വലിയ സഹായമാകും. നിങ്ങൾക്ക് ഈ സന്ദേശം ദൂരവ്യാപകമായി കൊണ്ടുപോകാം.

സുഹൃത്തുക്കളേ 

നിങ്ങൾ ഇത്രയും വർഷമായി ആരോഗ്യ മേഖലയിൽ ഏർപ്പെട്ടിരിക്കുന്നു. ആരോഗ്യമേഖലയിലെ വെല്ലുവിളികളിലൊന്ന് ഡോക്ടർമാരുടെയും നഴ്‌സുമാരുടെയും മറ്റ് മെഡിക്കൽ ജീവനക്കാരുടെയും കുറവാണെന്ന് നിങ്ങൾക്ക് നന്നായി അറിയാം. ഈ പോരായ്മ നികത്താൻ കഴിഞ്ഞ ഒമ്പത് വർഷത്തിനിടെ രാജ്യത്ത് അഭൂതപൂർവമായ പ്രവർത്തനമാണ് നടന്നത്. കഴിഞ്ഞ ഒമ്പത് വർഷത്തിനിടയിൽ ശരാശരി ഓരോ മാസവും ഒരു പുതിയ മെഡിക്കൽ കോളേജ് തുറക്കുന്നു. 2014-ന് മുമ്പുള്ള 10 വർഷങ്ങളിൽ 150-ൽ താഴെ മെഡിക്കൽ കോളേജുകളാണ് നിർമ്മിച്ചത്.

കഴിഞ്ഞ ഒമ്പത് വർഷത്തിനിടെ രാജ്യത്ത് 300-ലധികം പുതിയ മെഡിക്കൽ കോളേജുകൾ വന്നു. 2014-ന് മുമ്പ് നമ്മുടെ രാജ്യത്ത് ഏകദേശം 50,000 എംബിബിഎസ് സീറ്റുകളുണ്ടായിരുന്നു. ഇന്ന് രാജ്യത്തെ എംബിബിഎസ് സീറ്റുകൾ ഒരു ലക്ഷത്തിലേറെയായി വർദ്ധിച്ചു. 2014-ന് മുമ്പ് പിജിയിലും 30,000 സീറ്റുകൾ മാത്രമേ ഉണ്ടായിരുന്നുള്ളൂ. ഇപ്പോൾ പിജി സീറ്റുകളുടെ എണ്ണവും 65,000-ത്തിലേറെയായി ഉയർന്നു. ഉദ്ദേശം നല്ലതായിരിക്കുമ്പോൾ, സമൂഹത്തോടുള്ള സേവനബോധം ഉണ്ടാകുമ്പോൾ, അത്തരം തീരുമാനങ്ങൾ എടുക്കുകയും സാക്ഷാത്കരിക്കുകയും ചെയ്യുന്നു.

സുഹൃത്തുക്കളേ ,

ആരോഗ്യമേഖലയിൽ കേന്ദ്ര  ഗവൺമെന്റ് നടത്തുന്ന ശ്രമങ്ങളുടെ വലിയ ഗുണഫലം  വരും ദിവസങ്ങളിൽ ദൃശ്യമാകും. സ്വാതന്ത്ര്യത്തിനു ശേഷം ഏഴു പതിറ്റാണ്ടിനിടെ രാജ്യത്ത് എത്ര ഡോക്ടർമാരെ സൃഷ്ടിച്ചുവോ അത്രയും ഡോക്ടർമാരെ അടുത്ത ദശാബ്ദത്തിലും ഉണ്ടാക്കും. ഞങ്ങളുടെ ശ്രദ്ധ മെഡിക്കൽ കോളേജുകളിലോ ഡോക്ടർമാരിലോ മാത്രം ഒതുങ്ങുന്നില്ല. ഇന്ന് തന്നെ ഇവിടെ നഴ്‌സിങ് കോളേജിന്റെ വിപുലീകരണവും ആരംഭിച്ചിട്ടുണ്ട്.

നഴ്‌സിങ് മേഖലയിൽ യുവാക്കൾക്ക് പുതിയ അവസരങ്ങൾ കേന്ദ്ര  ഗവൺമെന്റ് നൽകുന്നുണ്ട്. അടുത്തിടെ, രാജ്യത്ത് 150 ലധികം പുതിയ നഴ്‌സിംഗ് കോളേജുകൾക്ക് ഗവണ്മെന്റ്  അംഗീകാരം നൽകി. ഈ പ്രചാരണത്തിന് കീഴിൽ രാജസ്ഥാനിലും 20 ലധികം പുതിയ നഴ്സിംഗ് കോളേജുകൾ നിർമ്മിക്കും. നിങ്ങളുടെ സൂപ്പർ സ്പെഷ്യാലിറ്റി ചാരിറ്റബിൾ ഗ്ലോബൽ ഹോസ്പിറ്റലിനും ഇത് തീർച്ചയായും ഗുണം ചെയ്യും.

സുഹൃത്തുക്കളേ ,

ആയിരക്കണക്കിന് വർഷങ്ങളായി ഇന്ത്യയിൽ, നമ്മുടെ ആത്മീയവും മതപരവുമായ സ്ഥാപനങ്ങൾ വിദ്യാഭ്യാസം മുതൽ സമൂഹത്തിലെ ദരിദ്രരെയും അശരണരെയും സേവിക്കുന്നത് വരെ പരിപാലിക്കുന്നു. ഗുജറാത്ത് ഭൂകമ്പം ഉണ്ടായ കാലം മുതലും അതിനു മുമ്പും നമ്മുടെ സഹോദരിമാരുടെ വിശ്വസ്തതയും കഠിനാധ്വാനവും ഞാൻ നേരിട്ട് കണ്ടിട്ടുണ്ട്. നിങ്ങൾ ജോലി ചെയ്യുന്ന രീതി ഞാൻ വളരെ അടുത്ത് കണ്ടിട്ടുണ്ട്. കച്ച് ഭൂകമ്പത്തിൽ നിങ്ങളുടെ സേവനബോധം ഞാൻ ഓർക്കുന്നു; അത് ഇന്നും പ്രചോദനമാണ്.

അതുപോലെ, നിങ്ങളുടെ കാമ്പെയ്‌നുകൾ ഡി-അഡിക്ഷൻ, പരിസ്ഥിതി സംരക്ഷണം, അല്ലെങ്കിൽ ജൽ-ജൻ അഭിയാൻ,  തുടങ്ങിയ ദൗത്യങ്ങൾ ഒരു സംഘടനയ്ക്ക് എങ്ങനെ എല്ലാ മേഖലകളിലും ഒരു ബഹുജന പ്രസ്ഥാനം സൃഷ്ടിക്കാൻ കഴിയുമെന്ന് തെളിയിച്ചിട്ടുണ്ട്. പ്രത്യേകിച്ചും, ഞാൻ നിങ്ങളുടെ ഇടയിൽ വരുമ്പോഴെല്ലാം, രാജ്യത്തിനായുള്ള എന്റെ പ്രതീക്ഷകൾ നിറവേറ്റുന്നതിൽ നിങ്ങൾ ഒരു സാധ്യതയും ഉപേക്ഷിച്ചിട്ടില്ല.

രാജ്യത്തുടനീളം സ്വാതന്ത്ര്യത്തിന്റെ 'അമൃത് മഹോത്സവ'വുമായി ബന്ധപ്പെട്ട പരിപാടികൾ അല്ലെങ്കിൽ ലോകമെമ്പാടുമുള്ള യോഗ ക്യാമ്പുകൾ സംഘടിപ്പിച്ച് അല്ലെങ്കിൽ ദീദി ജാൻകിജി സ്വച്ഛ് ഭാരത് അഭിയാന്റെ ബ്രാൻഡ് അംബാസഡറായത് , എല്ലാ സഹോദരിമാരും ചേർന്ന് രാജ്യത്തിന് വേണ്ടി പ്രവർത്തിക്കാൻ നിങ്ങൾ നിരവധി ആളുകളെ പ്രചോദിപ്പിച്ചു. 

നിങ്ങളുടെ മുൻകൈകൾ കാരണം ബ്രഹ്മാകുമാരീസിലുള്ള എന്റെ വിശ്വാസം വർദ്ധിച്ചു. പക്ഷേ, വിശ്വാസം വളരുമ്പോൾ പ്രതീക്ഷകളും വർദ്ധിക്കുമെന്ന് നിങ്ങൾക്കറിയാം. അതുകൊണ്ട് തന്നെ നിങ്ങളിൽ നിന്നുള്ള എന്റെ പ്രതീക്ഷകളും അല്പം കൂടിപ്പോയത് സ്വാഭാവികമാണ്. ഇന്ന് ഇന്ത്യ 'ശ്രീ അന്ന', അതായത് തിനയെ സംബന്ധിച്ച് ഒരു ആഗോള പ്രസ്ഥാനം മുന്നോട്ട് കൊണ്ടുപോകുകയാണ്. ഇന്ന് നമ്മൾ രാജ്യത്ത് പ്രകൃതി കൃഷി പോലെയുള്ള പ്രചാരണങ്ങൾ മുന്നോട്ട് കൊണ്ടുപോകുകയാണ്. നമ്മുടെ നദികൾ ശുദ്ധമാക്കണം. ഭൂഗർഭജലം നമ്മൾ സംരക്ഷിക്കണം. ഈ വിഷയങ്ങളെല്ലാം നമ്മുടെ ആയിരക്കണക്കിന് വർഷങ്ങൾ പഴക്കമുള്ള സംസ്കാരവും പാരമ്പര്യവുമായി എങ്ങനെയെങ്കിലും ബന്ധപ്പെട്ടിരിക്കുന്നു. അതിനാൽ, ഈ ശ്രമങ്ങളിൽ നിങ്ങളിൽ നിന്ന് കൂടുതൽ സഹകരണം ലഭിക്കുന്നു, രാഷ്ട്രസേവനം കൂടുതൽ സമഗ്രമാകും.

രാഷ്ട്രനിർമ്മാണവുമായി ബന്ധപ്പെട്ട പുതിയ വിഷയങ്ങൾ നൂതനമായ രീതിയിൽ ബ്രഹ്മകുമാരീസ്  മുന്നോട്ട് കൊണ്ടുപോകുമെന്ന് ഞാൻ പ്രതീക്ഷിക്കുന്നു. വികസിത ഇന്ത്യയെ കെട്ടിപ്പടുക്കുന്നതിലൂടെ 'സർവേ ഭവന്തു സുഖിനഃ' എന്ന മന്ത്രം ലോകത്തിന് സാക്ഷാത്കരിക്കും. ഞങ്ങൾ ഇപ്പോൾ ഇവിടെ ജി-20 ഉച്ചകോടിയെക്കുറിച്ച് ചർച്ച ചെയ്തു. ലോകം സ്ത്രീവികസനത്തെക്കുറിച്ച് സംസാരിക്കുമ്പോൾ, ജി-20 ഉച്ചകോടിയിൽ സ്ത്രീകളുടെ നേതൃത്വത്തിലുള്ള വികസനത്തിനാണ് നമ്മൾ ഊന്നൽ നൽകുന്നത്. സ്ത്രീകൾ നയിക്കുന്ന വികസനത്തിന്റെ ദിശയിലാണ് ഞങ്ങൾ പ്രവർത്തിക്കുന്നത്. വ്യാപകമായി പ്രചരിക്കുന്ന ഒരു സംഘടനയായ നിങ്ങളുടെ സംഘടന, രാജ്യത്തിന്റെ മുൻഗണനകളുമായി ഒത്തുചേർന്ന് പുതിയ ശക്തിയും സാധ്യതകളും ഉപയോഗിച്ച് സ്വയം വികസിപ്പിക്കുമെന്നും രാഷ്ട്രത്തിന്റെ വികസനത്തിന് സഹായിക്കുമെന്നും എനിക്ക് പൂർണ്ണ വിശ്വാസമുണ്ട്.

ഈ ആഗ്രഹത്തോടെ, എന്നെ ഇങ്ങോട്ട് ക്ഷണിച്ചതിൽ എല്ലാവർക്കും ഞാൻ വളരെ നന്ദി പറയുന്നു. എനിക്ക് കഴിയുന്നിടത്തോളം ഞാൻ എപ്പോഴും നിങ്ങളുടെ ഇടയിൽ ആയിരിക്കാൻ ശ്രമിക്കുന്നു, കാരണം ഓരോ തവണയും ഞാൻ എന്തെങ്കിലും അല്ലെങ്കിൽ മറ്റെന്തെങ്കിലും നേടുന്നു. നിങ്ങളുടെ അനുഗ്രഹങ്ങളും പ്രചോദനവും ഊർജവും രാജ്യത്തിന് വേണ്ടി പ്രവർത്തിക്കാനും എനിക്ക് പുതിയ ശക്തി നൽകാനും എന്നെ പ്രേരിപ്പിക്കുന്നു. എനിക്ക് ഇവിടെ വരാൻ അവസരം തന്നതിന് നന്ദി!

ഓം ശാന്തി!