ബഹുമാനപ്പെട്ട പ്രസിഡന്റ് ലീ, ഇരു രാജ്യങ്ങളിലെയും വിശിഷ്ട പ്രതിനിധികളെ, മാധ്യമ സുഹൃത്തുക്കളെ,
നമസ്കാരം!
ഇന്ത്യയിലേക്കുള്ള ആദ്യ സന്ദർശനത്തിൽ പ്രസിഡന്റ് ലീയെ സ്വാഗതം ചെയ്യുന്നതിൽ എനിക്ക് അതിയായ സന്തോഷം തോന്നുന്നു. അദ്ദേഹത്തിന്റെ ജീവിതം സ്ഥിരതയുടെയും സേവനത്തിന്റെയും സമർപ്പണത്തിന്റെയും പ്രചോദനാത്മകമായ ഉദാഹരണമായി നിലകൊള്ളുന്നു. അദ്ദേഹം നേരിട്ട ഓരോ വെല്ലുവിളിയും ജനങ്ങളെ സേവിക്കാനുള്ള അദ്ദേഹത്തിന്റെ ദൃഢനിശ്ചയത്തെ കൂടുതൽ ശക്തിപ്പെടുത്തി. ഇത് അദ്ദേഹത്തിന്റെ ആദ്യ ഇന്ത്യാ സന്ദർശനമാണെങ്കിലും ഞങ്ങളുടെ ആദ്യ കൂടിക്കാഴ്ച മുതൽ തന്നെ രാജ്യത്തോടുള്ള അദ്ദേഹത്തിന്റെ ഊഷ്മളതയും അടുപ്പവും പ്രകടമാണ്.
സുഹൃത്തുക്കളെ,
എട്ട് വർഷത്തെ ഇടവേളയ്ക്ക് ശേഷം കൊറിയൻ പ്രസിഡന്റിന്റെ ഇന്ത്യാ സന്ദർശനം വളരെ പ്രാധാന്യമർഹിക്കുന്നു. ജനാധിപത്യ മൂല്യങ്ങൾ, വിപണി സമ്പദ്വ്യവസ്ഥ, നിയമവാഴ്ചയോടുള്ള ആദരവ് എന്നിവ ഇരു രാജ്യങ്ങളുടെയും ഡിഎൻഎയിൽ ആഴത്തിൽ പതിഞ്ഞിട്ടുണ്ട്. ഇന്തോ-പസഫിക് മേഖലയെക്കുറിച്ചുള്ള പൊതുവായ കാഴ്ചപ്പാടും ഞങ്ങൾ പങ്കിടുന്നു. ഈ പങ്കിട്ട തത്വങ്ങളുടെ അടിസ്ഥാനത്തിൽ, കഴിഞ്ഞ ദശകത്തിൽ ഞങ്ങളുടെ ബന്ധം കൂടുതൽ ചലനാത്മകവും വിശാലവുമായി മാറിയിരിക്കുന്നു.
ഇന്ന് പ്രസിഡന്റ് ലീയുടെ സന്ദർശനത്തോടെ, ഈ വിശ്വസനീയ പങ്കാളിത്തത്തെ ഭാവിയിലേക്കുള്ള ഒരു പങ്കാളിത്തമാക്കി മാറ്റാൻ ഞങ്ങൾ ഒരുങ്ങുകയാണ്. ചിപ്പുകൾ മുതൽ കപ്പലുകൾ വരെ, കഴിവുകൾ മുതൽ സാങ്കേതികവിദ്യ വരെ, പരിസ്ഥിതി മുതൽ ഊർജ്ജം വരെ, എല്ലാ മേഖലകളിലും സഹകരണത്തിനുള്ള പുതിയ അവസരങ്ങൾ നമുക്ക് സാക്ഷാത്കരിക്കാനാകും. ഒരുമിച്ച്, നമ്മുടെ രണ്ട് രാഷ്ട്രങ്ങളുടെയും പുരോഗതിയും സമൃദ്ധിയും നമുക്ക് ഉറപ്പാക്കാം.
സുഹൃത്തുക്കളെ,
ഇന്ത്യയും കൊറിയയും തമ്മിലുള്ള ഉഭയകക്ഷി വ്യാപാരം ഇന്ന് ഇരുപത്തിയേഴ് ബില്യൺ ഡോളറിലെത്തിയിരിക്കുന്നു. 2030 ആകുമ്പോഴേക്കും ഇത് അമ്പത് ബില്യൺ ഡോളറാക്കി ഉയർത്താൻ ഇന്ന് ഞങ്ങൾ നിരവധി സുപ്രധാന തീരുമാനങ്ങൾ എടുത്തിട്ടുണ്ട്. ഇരു രാജ്യങ്ങളും തമ്മിലുള്ള സാമ്പത്തിക ഒഴുക്ക് സുഗമമാക്കുന്നതിന്, ഞങ്ങൾ ഇന്ത്യ-കൊറിയ ഫിനാൻഷ്യൽ ഫോറം ആരംഭിച്ചു. ബിസിനസ് സഹകരണം ശക്തിപ്പെടുത്തുന്നതിന്, ഞങ്ങൾ ഒരു വ്യാവസായിക സഹകരണ സമിതി സ്ഥാപിച്ചു. നിർണായക സാങ്കേതികവിദ്യകളിലും വിതരണ ശൃംഖലകളിലും സഹകരണം വർദ്ധിപ്പിക്കുന്നതിന്, ഞങ്ങൾ ഒരു സാമ്പത്തിക സുരക്ഷാ സംഭാഷണം ആരംഭിക്കുന്നു. കൊറിയൻ കമ്പനികളുടെ, പ്രത്യേകിച്ച് ചെറുകിട ഇടത്തരം സംരംഭങ്ങളുടെ, ഇന്ത്യയിലേക്ക് പ്രവേശനം സുഗമമാക്കുന്നതിന്, ഞങ്ങൾ ഒരു കൊറിയൻ വ്യാവസായിക ടൗൺഷിപ്പും സ്ഥാപിക്കും. കൂടാതെ, അടുത്ത വർഷത്തിനുള്ളിൽ, ഞങ്ങൾ ഇന്ത്യ-കൊറിയ വ്യാപാര കരാർ നവീകരിക്കും.
സുഹൃത്തുക്കളെ,
ഇന്ന്, അടുത്ത ദശകത്തിലെ വിജയഗാഥകൾക്ക് നമ്മൾ അടിത്തറയിടുകയാണ്. AI, സെമികണ്ടക്ടറുകൾ, ഇൻഫർമേഷൻ ടെക്നോളജി എന്നിവയിലെ നമ്മുടെ പങ്കാളിത്തം കൂടുതൽ ആഴത്തിലാക്കാൻ, ഞങ്ങൾ ഇന്ത്യ-കൊറിയ ഡിജിറ്റൽ ബ്രിഡ്ജ് ആരംഭിക്കുകയാണ്. കപ്പൽ നിർമ്മാണം, സുസ്ഥിരത, ഉരുക്ക്, തുറമുഖങ്ങൾ തുടങ്ങിയ മേഖലകളിലും ഞങ്ങൾ ധാരണാപത്രങ്ങളിൽ ഒപ്പുവയ്ക്കുന്നു. സംസ്കാരത്തിലും സർഗ്ഗാത്മക വ്യവസായങ്ങളിലും പരസ്പര സഹകരണത്തിലൂടെ, സിനിമ, ആനിമേഷൻ, ഗെയിമിംഗ് എന്നിവയിലും ഞങ്ങൾ പുതിയ നാഴികക്കല്ലുകൾ സ്ഥാപിക്കും. ഈ അവസരങ്ങളെ വ്യക്തമായ ഫലങ്ങളാക്കി മാറ്റുന്നതിനുള്ള ഒരു വേദിയായി ഇന്നത്തെ ബിസിനസ് ഫോറം പ്രവർത്തിക്കും.
സുഹൃത്തുക്കളെ,
ഇന്ത്യയും കൊറിയയും ആയിരക്കണക്കിന് വർഷങ്ങൾ പഴക്കമുള്ള സാംസ്കാരിക ബന്ധങ്ങൾ പങ്കിടുന്നു. രണ്ട് സഹസ്രാബ്ദങ്ങൾ പഴക്കമുള്ള അയോധ്യയിലെ രാജകുമാരി സുരിരത്നയുടെയും കൊറിയയിലെ രാജാവ് കിം സുറോയുടെയും കഥ നമ്മുടെ പങ്കിട്ട പൈതൃകത്തിന്റെ ഭാഗമാണ്. ഇന്ന്, കെ-പോപ്പ്, കെ-ഡ്രാമകൾ ഇന്ത്യയിൽ വളരെയധികം പ്രചാരത്തിലായിക്കൊണ്ടിരിക്കുകയാണ്. അതുപോലെ, ഇന്ത്യൻ സിനിമയുടെയും സംസ്കാരത്തിന്റെയും പ്രശസ്തി കൊറിയയിലും വളരുകയാണ്. പ്രസിഡന്റ് ലീ തന്നെ ഇന്ത്യൻ സിനിമയുടെ ആരാധകനാണെന്നതിൽ ഞങ്ങൾക്ക് സന്തോഷമുണ്ട്. ഈ സാംസ്കാരിക ബന്ധം കൂടുതൽ ശക്തിപ്പെടുത്തുന്നതിനായി, 2028 ൽ ഞങ്ങൾ ഇന്ത്യ-കൊറിയ സൗഹൃദ ഉത്സവം സംഘടിപ്പിക്കും. അതേസമയം, ജനങ്ങൾ തമ്മിലുള്ള ബന്ധം കൂടുതൽ ശക്തിപ്പെടുത്തുന്നതിന്, വിദ്യാഭ്യാസം, ഗവേഷണം, ടൂറിസം എന്നിവയിലും സഹകരണം പ്രോത്സാഹിപ്പിക്കും.
സുഹൃത്തുക്കളെ,
ആഗോള സംഘർഷങ്ങളുടെ ഈ കാലഘട്ടത്തിൽ, ഇന്ത്യയും കൊറിയയും ഒരുമിച്ച് സമാധാനത്തിന്റെയും സ്ഥിരതയുടെയും സന്ദേശം നൽകുന്നു. ഇന്ന് കൊറിയ അന്താരാഷ്ട്ര സൗരോർജ്ജ സഖ്യത്തിലും ഇന്തോ-പസഫിക് സമുദ്ര സംരംഭത്തിലും ചേരുന്നതിൽ ഞങ്ങൾക്ക് സന്തോഷമുണ്ട്. ഞങ്ങളുടെ പങ്കിട്ട ശ്രമങ്ങളിലൂടെ, സമാധാനപരവും പുരോഗമനപരവും എല്ലാവരെയും ഉൾക്കൊള്ളുന്നതുമായ ഒരു ഇന്തോ-പസഫിക്കിന് ഞങ്ങൾ തുടർന്നും സംഭാവന നൽകും. സമകാലിക ആഗോള വെല്ലുവിളികളെ നേരിടാൻ ആഗോള സ്ഥാപനങ്ങളിൽ പരിഷ്കാരങ്ങൾ ആവശ്യമാണെന്ന് ഞങ്ങൾ അംഗീകരിക്കുന്നു.
ബഹുമാന്യരെ,
ഏകദേശം നൂറു വർഷങ്ങൾക്ക് മുമ്പ്, ഇന്ത്യയുടെ മഹാകവി രവീന്ദ്രനാഥ ടാഗോർ കൊറിയയെ "കിഴക്കിന്റെ വിളക്ക്" എന്ന് വിശേഷിപ്പിച്ചിരുന്നു. ഇന്ന്, 2047 ഓടെ വികസിത ഇന്ത്യയെക്കുറിച്ചുള്ള നമ്മുടെ കാഴ്ചപ്പാട് സാക്ഷാത്കരിക്കുന്നതിനായി നാം പ്രവർത്തിക്കുമ്പോൾ, ഈ യാത്രയിൽ കൊറിയ ഒരു പ്രധാന പങ്കാളിയായി നിലകൊള്ളുന്നു. നമ്മുടെ പങ്കാളിത്തത്തിലൂടെ, നമ്മുടെ രണ്ട് രാഷ്ട്രങ്ങളുടെയും മാത്രമല്ല, മുഴുവൻ ലോകത്തിന്റെയും പുരോഗതിക്കും സമൃദ്ധിക്കും വഴിയൊരുക്കാം.
സുഹൃത്തുക്കളെ,
ഇന്ത്യയും കൊറിയയും ആയിരക്കണക്കിന് വർഷങ്ങൾ പഴക്കമുള്ള സാംസ്കാരിക ബന്ധങ്ങൾ പങ്കിടുന്നു. രണ്ട് സഹസ്രാബ്ദങ്ങൾ പഴക്കമുള്ള അയോധ്യയിലെ രാജകുമാരി സുരിരത്നയുടെയും കൊറിയയിലെ രാജാവ് കിം സുറോയുടെയും കഥ നമ്മുടെ പങ്കിട്ട പൈതൃകത്തിന്റെ ഭാഗമാണ്. ഇന്ന്, കെ-പോപ്പ്, കെ-ഡ്രാമകൾ ഇന്ത്യയിൽ വളരെയധികം പ്രചാരത്തിലായിക്കൊണ്ടിരിക്കുകയാണ്. അതുപോലെ, ഇന്ത്യൻ സിനിമയുടെയും സംസ്കാരത്തിന്റെയും പ്രശസ്തി കൊറിയയിലും വളരുകയാണ്. പ്രസിഡന്റ് ലീ തന്നെ ഇന്ത്യൻ സിനിമയുടെ ആരാധകനാണെന്നതിൽ ഞങ്ങൾക്ക് സന്തോഷമുണ്ട്. ഈ സാംസ്കാരിക ബന്ധം കൂടുതൽ ശക്തിപ്പെടുത്തുന്നതിനായി, 2028 ൽ ഞങ്ങൾ ഇന്ത്യ-കൊറിയ സൗഹൃദ ഉത്സവം സംഘടിപ്പിക്കും. അതേസമയം, ജനങ്ങൾ തമ്മിലുള്ള ബന്ധം കൂടുതൽ ശക്തിപ്പെടുത്തുന്നതിന്, വിദ്യാഭ്യാസം, ഗവേഷണം, ടൂറിസം എന്നിവയിലും സഹകരണം പ്രോത്സാഹിപ്പിക്കും.
സുഹൃത്തുക്കളെ,
ആഗോള സംഘർഷങ്ങളുടെ ഈ കാലഘട്ടത്തിൽ, ഇന്ത്യയും കൊറിയയും ഒരുമിച്ച് സമാധാനത്തിന്റെയും സ്ഥിരതയുടെയും സന്ദേശം നൽകുന്നു. ഇന്ന് കൊറിയ അന്താരാഷ്ട്ര സൗരോർജ്ജ സഖ്യത്തിലും ഇന്തോ-പസഫിക് സമുദ്ര സംരംഭത്തിലും ചേരുന്നതിൽ ഞങ്ങൾക്ക് സന്തോഷമുണ്ട്. ഞങ്ങളുടെ പങ്കിട്ട ശ്രമങ്ങളിലൂടെ, സമാധാനപരവും പുരോഗമനപരവും എല്ലാവരെയും ഉൾക്കൊള്ളുന്നതുമായ ഒരു ഇന്തോ-പസഫിക്കിന് ഞങ്ങൾ തുടർന്നും സംഭാവന നൽകും. സമകാലിക ആഗോള വെല്ലുവിളികളെ നേരിടാൻ ആഗോള സ്ഥാപനങ്ങളിൽ പരിഷ്കാരങ്ങൾ ആവശ്യമാണെന്ന് ഞങ്ങൾ അംഗീകരിക്കുന്നു.
ബഹുമാന്യരെ,
ഏകദേശം നൂറു വർഷങ്ങൾക്ക് മുമ്പ്, ഇന്ത്യയുടെ മഹാകവി രവീന്ദ്രനാഥ ടാഗോർ കൊറിയയെ "കിഴക്കിന്റെ വിളക്ക്" എന്ന് വിശേഷിപ്പിച്ചിരുന്നു. ഇന്ന്, 2047 ഓടെ വികസിത ഇന്ത്യയെക്കുറിച്ചുള്ള നമ്മുടെ കാഴ്ചപ്പാട് സാക്ഷാത്കരിക്കുന്നതിനായി നാം പ്രവർത്തിക്കുമ്പോൾ, ഈ യാത്രയിൽ കൊറിയ ഒരു പ്രധാന പങ്കാളിയായി നിലകൊള്ളുന്നു. നമ്മുടെ പങ്കാളിത്തത്തിലൂടെ, നമ്മുടെ രണ്ട് രാഷ്ട്രങ്ങളുടെയും മാത്രമല്ല, മുഴുവൻ ലോകത്തിന്റെയും പുരോഗതിക്കും സമൃദ്ധിക്കും വഴിയൊരുക്കാം.
വളരെ നന്ദി.
