ജി-7 ഉച്ചകോടിയുടെ ഭാഗമായി ഫ്രാൻസിലെ എവിയാനിൽ വെച്ച് പ്രധാനമന്ത്രി ശ്രീ നരേന്ദ്ര മോദി ഇന്ന് യുണൈറ്റഡ് അറബ് എമിറേറ്റ്സ് പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാനുമായി കൂടിക്കാഴ്ച നടത്തി. 2026-ൽ ഇരു നേതാക്കളും തമ്മിലുള്ള ഈ മൂന്നാമത്തെ കൂടിക്കാഴ്ച, ശക്തവും ഊർജ്ജസ്വലവുമായ ഇന്ത്യ-യുഎഇ സമഗ്ര തന്ത്രപരമായ പങ്കാളിത്തത്തെ പ്രതിഫലിപ്പിക്കുന്നു.
2026 ജനുവരിയിൽ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ഇന്ത്യ സന്ദർശിച്ചതിന്റെയും 2026 മേയിൽ പ്രധാനമന്ത്രി ശ്രീ നരേന്ദ്ര മോദി യുഎഇ സന്ദർശിച്ചതിന്റെയും തുടർച്ചയായി സാങ്കേതികവിദ്യ, വ്യാപാരം, നിക്ഷേപം, ഊർജ്ജം, പ്രതിരോധം എന്നീ മേഖലകൾ ഉൾപ്പെടെയുള്ള ഉഭയകക്ഷി സഹകരണത്തിലുണ്ടായ പുരോഗതിയും അനുകൂലമായ സംഭവവികാസങ്ങളും ഇരു നേതാക്കളും അവലോകനം ചെയ്തു. പരസ്പര താൽപ്പര്യമുള്ള പ്രാദേശിക, ആഗോള സംഭവവികാസങ്ങളെക്കുറിച്ചും ഇരു നേതാക്കളും കാഴ്ചപ്പാടുകൾ പങ്കുവെച്ചു.
പശ്ചിമേഷ്യൻ മേഖലയിൽ സുസ്ഥിരമായ സമാധാനവും സുരക്ഷയും സ്ഥിരതയും പ്രോത്സാഹിപ്പിക്കുന്നതിന് ചർച്ചകൾ, നയതന്ത്രം, അന്താരാഷ്ട്ര നിയമങ്ങളോടുള്ള ബഹുമാനം, പരമാധികാരം, പ്രാദേശിക അഖണ്ഡത എന്നിവയുടെ പ്രാധാന്യം പ്രധാനമന്ത്രി അടിവരയിട്ടുപറഞ്ഞു. ഹോർമുസ് കടലിടുക്കിലൂടെയുള്ള സ്വതന്ത്രവും സുരക്ഷിതവും സുഗമവുമായ കപ്പൽ സഞ്ചാരം, വ്യാപാരം, വാണിജ്യം എന്നിവ തുടരണമെന്ന് ഇരുപക്ഷവും ആഹ്വാനം ചെയ്തു.
ഈ വർഷം അവസാനം ഇന്ത്യ ആതിഥേയത്വം വഹിക്കുന്ന BRICS ഉച്ചകോടിയിൽ പങ്കെടുക്കാനുള്ള തന്റെ ക്ഷണം പ്രധാനമന്ത്രി പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാനെ അറിയിച്ചു.
Had a very good meeting with my brother, His Highness Sheikh Mohamed bin Zayed Al Nahyan. We discussed India-UAE ties across sectors and ways to further energise our Comprehensive Strategic Partnership. Once again expressed gratitude to him and the UAE Government for the care and… pic.twitter.com/mleTUqbRfC
— Narendra Modi (@narendramodi) June 16, 2026
عقدتُ اجتماعاً مثمراً للغاية مع أخي صاحب السمو الشيخ محمد بن زايد آل نهيان، حيث ناقشنا العلاقات الهندية الإماراتية في مختلف القطاعات، وسبل تعزيز شراكتنا الاستراتيجية الشاملة. وقد جددتُ شكري وتقديري له ولحكومة دولة الإمارات العربية المتحدة على اهتمامهم ورعايتهم للجالية الهندية… pic.twitter.com/jRaFEyQKTF
— Narendra Modi (@narendramodi) June 16, 2026
