14-ാമത് ഇന്ത്യ - ഫ്രാൻസ് സി ഇ ഒ ഫോറത്തെ അഭിസംബോധന ചെയ്ത് പ്രധാനമന്ത്രി

പാരീസിൽ ഇന്ന് നടന്ന 14-ാമത് ഇന്ത്യ-ഫ്രാൻസ് സിഇഒ ഫോറത്തെ പ്രധാനമന്ത്രി ശ്രീ നരേന്ദ്ര മോദിയും ഫ്രാൻസ് പ്രസിഡന്റ് ശ്രീ ഇമ്മാനുവൽ മാക്രോണും സംയുക്തമായി അഭിസംബോധന ചെയ്തു. പ്രതിരോധം, എയ്‌റോസ്‌പേസ്, നിർണായകവും ഉയർന്നുവരുന്നതുമായ സാങ്കേതികവിദ്യകൾ, അടിസ്ഥാന സൗകര്യങ്ങൾ, നൂതന ഉൽപ്പാദനം,നിർമിതബുദ്ധി, ലൈഫ് സയൻസസ്, ക്ഷേമവും ജീവിതശൈലിയും, ഭക്ഷണം, ആതിഥ്യം തുടങ്ങിയ മേഖലകളിൽ ശ്രദ്ധ കേന്ദ്രീകരിച്ച് ഇരുഭാഗങ്ങളിൽ നിന്നും വൈവിധ്യമാർന്ന കമ്പനികളിൽ നിന്നുള്ള സി ഇ ഒമാരെ ഫോറം ഒരുമിച്ച് കൊണ്ടുവന്നു. 

ഇന്ത്യ-ഫ്രാൻസ് ബിസിനസ്സ്, സാമ്പത്തിക സഹകരണം വികസിച്ചുകൊണ്ടിരിക്കുന്നതും ഇരു രാജ്യങ്ങളും തമ്മിലുള്ള തന്ത്രപ്രധാനമായ  പങ്കാളിത്തത്തിന് അത് നൽകിയ പ്രചോദനവും പ്രധാനമന്ത്രി തന്റെ പ്രസംഗത്തിൽ പറയുകയുണ്ടായി. സുസ്ഥിര രാഷ്ട്രീയ വ്യവസ്ഥയും പ്രവചനാത്മക നയ ആവാസവ്യവസ്ഥയും അടിസ്ഥാനമാക്കി, ആഗോള നിക്ഷേപ ലക്ഷ്യസ്ഥാനമെന്ന നിലയിൽ ഇന്ത്യയുടെ ആകർഷണീയത അദ്ദേഹം എടുത്തുപറഞ്ഞു. സമീപകാല ബജറ്റ് പരിഷ്കാരങ്ങളെക്കുറിച്ച് സംസാരിക്കവെ, ഇൻഷുറൻസ് മേഖല ഇപ്പോൾ 100% നേരിട്ടുള്ള വിദേശ നിക്ഷേപത്തിനായും,  സിവിൽ - ആണവോർജ്ജ മേഖല എസ്എംആർ, എഎംആർ സാങ്കേതികവിദ്യകളിൽ ശ്രദ്ധ കേന്ദ്രീകരിച്ച് സ്വകാര്യ പങ്കാളിത്തത്തിനായും തുറന്നിട്ടിരിക്കുകയാണെന്ന് പ്രധാനമന്ത്രി ചൂണ്ടിക്കാട്ടി. കസ്റ്റംസ് നിരക്ക് ഘടന യുക്തിസഹമാക്കുകയും ജീവിതം സുഗമമാക്കുന്നതിന് ലളിതമായ ആദായനികുതി കോഡ് കൊണ്ടുവരുകയും ചെയ്തു. പരിഷ്കാരങ്ങൾ തുടരുന്നതിനുള്ള ഗവൺമെന്റിന്റെ പ്രതിബദ്ധതയെക്കുറിച്ച് പരാമർശിച്ച അദ്ദേഹം, വിശ്വാസാധിഷ്ഠിത സാമ്പത്തിക ഭരണം സ്ഥാപിക്കുന്നതിനുള്ള റെഗുലേറ്ററി പരിഷ്കാരങ്ങൾക്കായി ഒരു ഉന്നതതല സമിതി രൂപീകരിച്ചിട്ടുണ്ടെന്ന് അദ്ദേഹം ചൂണ്ടിക്കാട്ടി. അതേ മനോഭാവത്തിൽ, കഴിഞ്ഞ കുറച്ച് വർഷങ്ങൾ കൊണ്ട് നിയമപരമായി അനുവർത്തിക്കേണ്ട 40,000-ത്തിലധികം കാര്യങ്ങൾ യുക്തിസഹമാക്കി.

പ്രതിരോധം, ഊർജ്ജം, ഹൈവേ, സിവിൽ ഏവിയേഷൻ, ബഹിരാകാശം, ആരോഗ്യ സംരക്ഷണം, ഫിൻടെക്, സുസ്ഥിര വികസന മേഖലകളിൽ ഇന്ത്യൻ വളർച്ചയുടെ കഥ വെളിവാക്കുന്ന അപാരമായ അവസരങ്ങൾ പരിശോധിക്കാൻ പ്രധാനമന്ത്രി ഫ്രഞ്ച് കമ്പനികളെ ക്ഷണിച്ചു. ഇന്ത്യയുടെ കഴിവുകൾ, കഴിവുകൾ, നവീകരണം, പുതുതായി ആരംഭിച്ച എഐ, സെമികണ്ടക്ടർ, ക്വാണ്ടം, ക്രിട്ടിക്കൽ മിനറൽസ്, ഹൈഡ്രജൻ ദൗത്യങ്ങൾ എന്നിവയിലുള്ള ആഗോള മതിപ്പും താൽപ്പര്യവും അടിവരയിട്ടുകൊണ്ട്, പരസ്പര വളർച്ചയ്ക്കും സമൃദ്ധിക്കും വേണ്ടി ഇന്ത്യയെ പങ്കാളികളാക്കാൻ അദ്ദേഹം ഫ്രഞ്ച് സംരംഭങ്ങളോട് ആഹ്വാനം ചെയ്തു. ഈ മേഖലകളിൽ സജീവമായ ഇടപെടലിന്റെ പ്രാധാന്യം അദ്ദേഹം വിശദീകരിച്ചു, നവീകരണം, നിക്ഷേപം, സാങ്കേതികവിദ്യാധിഷ്ഠിത പങ്കാളിത്തം എന്നിവ വളർത്തിയെടുക്കുന്നതിനുള്ള ഇരു രാജ്യങ്ങളുടെയും പ്രതിബദ്ധത വീണ്ടും ഊട്ടിയുറപ്പിച്ചു. പ്രധാനമന്ത്രിയുടെ പൂർണ്ണ പ്രസ്താവനകൾ ഇവിടെ കാണാം

വിദേശകാര്യ മന്ത്രി ഡോ. എസ്. ജയ്ശങ്കർ, ഫ്രാൻസിന്റെ യൂറോപ്പ് & വിദേശകാര്യ മന്ത്രി ശ്രീ. ജീൻ-നോയൽ ബാരറ്റ്, ഫ്രാൻസിന്റെ സാമ്പത്തിക, ധനകാര്യ, വ്യാവസായിക, ഡിജിറ്റൽ വകുപ്പ്  മന്ത്രി ശ്രീ. എറിക് ലോംബാർഡ് എന്നിവർക്കൊപ്പം ഫോറത്തെ അഭിസംബോധന ചെയ്തു.

5. യോഗത്തിൽ പങ്കെടുത്ത ഇരുവിഭാഗങ്ങളിലെയും സി ഇ ഒമാർ:

ഇന്ത്യൻ വിഭാഗം

ഫ്രഞ്ച് വിഭാഗം:

The India-France CEO Forum plays a key role in strengthening economic ties and fostering innovation. It is gladdening to see business leaders from both nations collaborate and create new opportunities across key sectors. This drives growth, investment and ensures a better future… pic.twitter.com/gSImOqAcEZ

— Narendra Modi (@narendramodi) February 11, 2025

Le Forum des chefs d'entreprise Inde-France joue un rôle clé dans le renforcement des liens économiques et la promotion de l'innovation. Il est réjouissant de voir des chefs d'entreprise des deux pays collaborer et créer de nouvelles opportunités dans des secteurs clés. Cela… pic.twitter.com/mkOrTQTr6z

— Narendra Modi (@narendramodi) February 11, 2025