പങ്കിടുക
 
Comments
India & Indonesia agree to prioritize defence and security cooperation.
India & Indonesia agree to build a strong economic & development partnership that strengthens the flow of ideas, trade, capital etc
Both countries agree to work closely in the fields of pharmaceuticals, IT & software, & skill development.
Agreement to speed up establishment of Chairs of Indian & Indonesian Studies in each other's universities.

ബഹുമാനപ്പെട്ട പ്രസിഡന്റ് ജോക്കോ വിദൊദോ,

വിശിഷ്ടരായ പ്രതിനിധികളെ, മാധ്യമമേഖലയിലെ സുഹൃത്തുക്കളേ,

ആദ്യം തന്നെ, ആക്കെയില്‍ അടുത്തിടെയുണ്ടായ ഭൂകമ്പത്തില്‍ മരിച്ചവര്‍ക്ക് ശ്രദ്ധാഞ്ജലിയര്‍പ്പിക്കട്ടെ.

സുഹൃത്തുക്കളേ,

പ്രഥമ ഇന്ത്യാസന്ദര്‍ശനത്തിനെത്തിയ പ്രസിഡന്റ് ജോക്കോ വിദൊദോയെ സ്വാഗതം ചെയ്യാന്‍ അവസരം ലഭിച്ചത് അംഗീകാരമായി കാണുന്നു. 2014 നവംബറില്‍ ഞാന്‍ അദ്ദേഹത്തെ കാണുകയും നാം തമ്മിലുള്ള പങ്കാളിത്തം ഇരു രാഷട്രങ്ങള്‍ക്കും അതോടൊപ്പം ഈ മേഖലയ്ക്കാകെയും ഗുണകരമാക്കിത്തീര്‍ക്കാന്‍ എങ്ങനെ സാധിക്കുമെന്നു വിശദമായി ചര്‍ച്ച ചെയ്യുകയുമുണ്ടായി.

ബഹുമാന്യരേ,

താങ്കള്‍ മഹത്തായ ഒരു രാഷ്ട്രത്തിന്റെ നേതാവാണ്. ഏറ്റവും കൂടുതല്‍ മുസ്ലീങ്ങളുള്ള രാജ്യമായ ഇന്തോനേഷ്യ ജനാധിപത്യത്തിനും നാനാത്വത്തിനും ബഹുസ്വരതയ്ക്കും സാമൂഹികമൈത്രിക്കുമായി നിലകൊള്ളുന്നു. ഇവയൊക്കെയാണു നമ്മുടെ മൂല്യങ്ങള്‍. നമ്മുടെ രാഷ്ട്രങ്ങളും സമൂഹങ്ങളും വാണിജ്യ, സാംസ്‌കാരിക മണ്ഡലങ്ങളില്‍ അടുത്ത ബന്ധം നിലനിര്‍ത്തിയിട്ടുണ്ട്. രാഷ്ട്രീയവും സാമ്പത്തികവുമായ നയങ്ങളില്‍ ദ്രുതഗതിയിലുള്ള മാറ്റങ്ങള്‍ സംഭവിച്ചുകൊണ്ടിരിക്കുന്ന ലോകത്തിലാണു നാം ജീവിക്കുന്നത്. അങ്ങയുടെ സന്ദര്‍ശനം നാം തമ്മിലുള്ള തന്ത്രപ്രധാനമായ ബന്ധത്തിന് ചൈതന്യവും വേഗവും പകരാന്‍ കെല്‍പുള്ളവരാക്കി ഞങ്ങളെ മാറ്റുന്നു. ഇന്‍ഡോ-പസഫിക് മേഖലയില്‍ ശാന്തിയും അഭിവൃദ്ധിയും സ്ഥിരതയും ഉറപ്പാക്കാന്‍ സാധിക്കുന്ന ശക്തിയായി മാറാന്‍ നമുക്ക് അവസരം ലഭ്യമാകുക കൂടി ചെയ്യുകയാണ് ഈ സന്ദര്‍ശനത്തിലൂടെ.

സുഹൃത്തുക്കളേ,

പൂര്‍വനാടുകളെ ഉദ്ദേശിച്ചുള്ള ഇന്ത്യയുടെ നയത്തില്‍ ഏറ്റവും വിലമതിക്കുന്ന പങ്കാളികളില്‍ ഒന്നാണ് ഇന്തോനേഷ്യ. ദക്ഷിണപൂര്‍വേഷ്യയിലെ ഏറ്റവും ബൃഹത്തായ സമ്പദ്‌വ്യവസ്ഥ ഇന്ത്യോനേഷ്യയുടേതാണ്. ഇന്ത്യയാകട്ടെ, ഏറ്റവും വേഗം വളര്‍ച്ച നേടുന്ന ലോകത്തിലെ തന്നെ ഏറ്റവും വലിയ സമ്പദ്‌വ്യവസ്ഥകളില്‍ ഒന്നാണ്. രണ്ടു വലിയ ജനാധിപത്യ രാഷ്ട്രങ്ങളെന്ന നിലയിലും വികസിച്ചുകൊണ്ടിരിക്കുന്ന രണ്ടു സമ്പദ്‌വ്യവസ്ഥകളെന്ന നിലയിലും നമുക്കു സമാനമായ സാമ്പത്തികവും തന്ത്രപ്രധാനവുമായ താല്‍പര്യങ്ങളുണ്ട്. നാം നേരിടുന്നതാകട്ടെ, ഒരേ രീതിയിലുള്ള ആശങ്കകളും വെല്ലുവിളികളുമാണ്. പ്രസിഡന്റുമായി ഇന്നു ഞാന്‍ നടത്തിയ വിശദമായ ചര്‍ച്ചയില്‍ സഹകരിക്കാവുന്ന എല്ലാ മേഖലകളും സംബന്ധിച്ചു സംസാരിച്ചു. പ്രതിരോധം, സുരക്ഷ എന്നീ മേഖലകള്‍ക്കു പ്രാധാന്യം കല്‍പിക്കാമെന്ന് ഇരുവരും സമ്മതിച്ചു. സമുദ്രാതിര്‍ത്തിയുള്ള രണ്ട് അയല്‍രാഷ്ട്രങ്ങളെന്ന നിലയില്‍ ദുരന്തനിവാരണത്തിലും പരിസ്ഥിതിസംരക്ഷണത്തിലും ശ്രദ്ധ കേന്ദ്രീകരിച്ചുകൊണ്ട് സമുദ്രപാതകളുടെ സുരക്ഷിതത്വം ഉറപ്പുവരുത്തുന്നതിനായി സഹകരിക്കാന്‍ തീരുമാനിച്ചു. സമുദ്രമേഖലയില്‍ സഹകരിച്ചു പ്രവര്‍ത്തിക്കാനുള്ള സംയുക്തപ്രസ്താവന ഇക്കാര്യത്തില്‍ എങ്ങനെ ഒരുമിച്ചു പ്രവര്‍ത്തിക്കാമെന്നു വ്യക്തമാക്കുന്നു. തീവ്രവാദത്തെയും സംഘടിത കുറ്റകൃത്യങ്ങളെയും ലഹരിമരുന്നിനെയും മനുഷ്യക്കടത്തിനെയും നേരിടുന്നതിനും നാം സഹകരിച്ചുപ്രവര്‍ത്തിക്കും.

സുഹൃത്തുക്കളേ,

ഇരു രാജ്യങ്ങള്‍ക്കുമിടയില്‍ ആശയങ്ങളുടെയും വ്യാപാരത്തിന്റെയും മൂലധനത്തിന്റെയും മനുഷ്യവിഭവശേഷിയുടെയും കൈമാറ്റം പ്രാവര്‍ത്തികമാക്കുംവിധം കരുത്തുറ്റ സാമ്പത്തിക, വികസന പങ്കാളിത്തം യാഥാര്‍ഥ്യമാക്കാന്‍ പ്രസിഡന്റും ഞാനും പരസ്പരം സമ്മതിച്ചു. ഔഷധനിര്‍മാണം, ഐ.ടി., സോഫ്റ്റ്‌വെയര്‍, നൈപുണ്യവികസനം എന്ന മേഖലകളില്‍ ഇന്തോനേഷ്യയുമായി സഹകരിച്ചു പ്രവര്‍ത്തിക്കാന്‍ ഇന്ത്യന്‍ കമ്പനികളെ പ്രോത്സാഹിപ്പിക്കാമെന്നു പ്രസിഡന്റോ വിദോദോയ്ക്കു ഞാന്‍ ഉറപ്പു നല്‍കി. വികസ്വര രാഷ്ട്രങ്ങളെന്ന നിലയില്‍ അടിസ്ഥാനസൗകര്യ വികസനത്തിനും നിക്ഷേപ ഒഴുക്കിനുമായി പരമാവധി യത്‌നിക്കാന്‍ തീരുമാനിച്ചു. വ്യവസായങ്ങള്‍ തമ്മിലുള്ള സഹകരണത്തിന്റെ സാധ്യതകള്‍ തേടാന്‍ സി.ഇ.ഒസ് ഫോറം മുന്‍കയ്യെടുക്കും. പരമാവധി വേഗത്തില്‍ സേവന, നിക്ഷേപ മേഖലകളിലെ ഇന്ത്യ-ആസിയാന്‍ സ്വതന്ത്ര വ്യാപാര കരാര്‍ നടപ്പാക്കുകയും മേഖലാതല സമഗ്ര സാമ്പത്തിക പങ്കാളിത്തത്തിന് അന്തിമരൂപം നല്‍കുകയും ചെയ്യുന്നത് ഇക്കാര്യത്തില്‍ നിര്‍ണായകമാണെന്ന വിലയിരുത്തലുണ്ടായി. ബഹിരാകാശ മേഖലയില്‍ രണ്ടു ദശാബ്ദം നീളുന്ന പരസ്പരബന്ധം ശക്തിപ്പെടുത്തേണ്ടതുണ്ടെന്നും ഞങ്ങള്‍ നിരീക്ഷിച്ചു. പരസ്പരബന്ധം മെച്ചപ്പെടുത്തുന്നതിനുള്ള ശ്രമങ്ങളുടെ ഊര്‍ജം നഷ്ടപ്പെടാതിരിക്കാനായി ഉഭയകക്ഷി സഹകരണ അജണ്ട മുന്നോട്ടുകൊണ്ടുപോകാനായി മന്ത്രാലയതലത്തിലുള്ള യോഗം പരമാവധി നേരത്തേ നടത്താന്‍ പ്രസിഡന്റ് വിദോദയും ഞാനും നിര്‍ദേശം നല്‍കിയിട്ടുണ്ട്.

സുഹൃത്തുക്കളേ,

നമ്മുടെ സമൂഹങ്ങള്‍ക്കിടയിലുള്ള ചരിത്രപരമായ ബന്ധവും ശക്തമായ സാംസ്‌കാരിക ബന്ധവും നമ്മുടേത് ഒരേ പാരമ്പര്യമാണെന്നതിന്റെ തെളിവാണ്. നമ്മുടെ ചരിത്രപരമായ ബന്ധത്തെ സംബന്ധിച്ചുള്ള ഗവേഷണത്തിന് ഉത്തേജനം പകരേണ്ടതിന്റെ പ്രാധാന്യം ഞങ്ങള്‍ ഇരുവരും തിരിച്ചറിയുന്നു. ഇന്ത്യന്‍ സര്‍വകലാശാലകളില്‍ ഇന്തോനേഷ്യയെക്കുറിച്ചുള്ള പഠനവും ഇന്തോനേഷ്യന്‍ സര്‍വകലാശാലകളില്‍ ഇന്ത്യയെക്കുറിച്ചുള്ള പഠനവും നടത്തുന്നതിനുള്ള ചെയറുകള്‍ തുടങ്ങുന്നതിനുള്ള ശ്രമങ്ങള്‍ക്കു വേഗം കൂട്ടാമെന്ന് ഇരുവരും സമ്മതിച്ചു. സ്‌കോളര്‍ഷിപ്പുകളും പരിശീലനപദ്ധതികളും കൂട്ടാനും സമ്മതിച്ചു. നേരിട്ടുള്ള കണക്ടിവിറ്റിയും ജനങ്ങള്‍ തമ്മിലുള്ള ബന്ധവും മെച്ചപ്പെടുത്തണമെന്നതു വ്യക്തമാണല്ലോ. ഇക്കാര്യത്തില്‍, മുംബൈയിലേക്കു നേരിട്ടുള്ള സര്‍വീസുകള്‍ തുടങ്ങാനുള്ള ഗരുഡ ഇന്തോനേഷ്യയുടെ തീരുമാനത്തെ സ്വാഗതം ചെയ്യുന്നു.

ബഹുമാനപ്പെട്ട പ്രസിഡന്റ്,

താങ്കളുടെ സന്ദര്‍ശനത്തിന് ഒരിക്കല്‍ക്കൂടി നന്ദി അറിയിക്കുന്നു. നമ്മുടെ ഉഭയകക്ഷിബന്ധം പുതിയ തലത്തിലേക്ക് ഉയര്‍ത്താനുള്ള ശക്തമായ ആഗ്രഹം താങ്കള്‍ക്കൊപ്പം ഞാനും പങ്കുവെക്കുന്നു. നടത്തിയ ചര്‍ച്ചകളും ഇന്ന് ഒപ്പുവെക്കപ്പെട്ട കരാറുകളും ഒരു കര്‍മപദ്ധതിക്കു രൂപം നല്‍കുമെന്നും നാം തമ്മിലുള്ള തന്ത്രപ്രധാനമായ ബന്ധത്തിനു തീവ്രതയും നവദിശയും പകരുമെന്നുമുള്ള കാര്യത്തില്‍ എനിക്ക് ആത്മവിശ്വാസമുണ്ട്. ഇന്തോനേഷ്യയിലെ എല്ലാ സുഹൃത്തുക്കള്‍ക്കും എന്റെ നന്ദി.

വളരെയധികം നന്ദി.

സേവനത്തിന്റെയും സമർപ്പണത്തിന്റെയും 20 വർഷങ്ങൾ നിർവ്വചിക്കുന്ന 20 ചിത്രങ്ങൾ
Mann KI Baat Quiz
Explore More
നടന്നു പോയിക്കോളും എന്ന മനോഭാവം മാറ്റാനുള്ള സമയമാണിത്, മാറ്റം വരുത്താനാവും എന്ന് ചിന്തിക്കുക: പ്രധാനമന്ത്രി മോദി

ജനപ്രിയ പ്രസംഗങ്ങൾ

നടന്നു പോയിക്കോളും എന്ന മനോഭാവം മാറ്റാനുള്ള സമയമാണിത്, മാറ്റം വരുത്താനാവും എന്ന് ചിന്തിക്കുക: പ്രധാനമന്ത്രി മോദി
Business optimism in India at near 8-year high: Report

Media Coverage

Business optimism in India at near 8-year high: Report
...

Nm on the go

Always be the first to hear from the PM. Get the App Now!
...
2021ലെ പാർലമെന്റിന്റെ ശീതകാല സമ്മേളനത്തിന് മുന്നോടിയായി മാധ്യമങ്ങളോടുള്ള പ്രധാനമന്ത്രിയുടെ പ്രസ്താവന
November 29, 2021
പങ്കിടുക
 
Comments

നമസ്കാരം സുഹൃത്തുക്കളെ,

പാർലമെന്റിന്റെ ഈ സമ്മേളനം വളരെ പ്രധാനപ്പെട്ടതാണ്. രാജ്യം സ്വാതന്ത്ര്യത്തിന്റെ അമൃത് മഹോത്സവം ആഘോഷിക്കുകയാണ്. സ്വാതന്ത്ര്യത്തിന്റെ അമൃത് മഹോത്സവത്തിൽ പൊതു-ദേശീയ താൽപ്പര്യങ്ങൾക്കായി നിരവധി പരിപാടികൾ സംഘടിപ്പിച്ചും സ്വാതന്ത്ര്യ സമര സേനാനികളുടെ സ്വപ്നങ്ങൾ സാക്ഷാത്കരിക്കുന്നതിനുള്ള നടപടികൾ സ്വീകരിച്ചും ഇന്ത്യയിലുടനീളമുള്ള സാധാരണ പൗരന്മാർ രംഗത്തുണ്ട്.  ഇന്ത്യയുടെ ശോഭനമായ ഭാവിയുടെ നല്ല സൂചനയാണ് ഇവ.

അടുത്തിടെ, ഭരണഘടനാ ദിനത്തിൽ രാജ്യം മുഴുവൻ പുതിയ ദൃഢനിശ്ചത്തിലൂടെ  ഭരണഘടനയുടെ പൊരുള്‍ നിറവേറ്റുന്നതിനായി പ്രതിജ്ഞയെടുത്തു . ഈ സാഹചര്യത്തിൽ, ഈ സമ്മേളനവും തുടർന്നുള്ള പാർലമെന്റ് സമ്മേളനങ്ങളും രാജ്യതാൽപ്പര്യം മുൻനിർത്തി ചർച്ചകൾ നടത്താനും,  സ്വാതന്ത്ര്യസമര സേനാനികളുടെയും സ്വാതന്ത്ര്യത്തിന്റെ അമൃത് മഹോത്സവത്തിന്റെയും  മനോഭാവത്തിനനുസരിച്ച്‌   രാജ്യത്തിന്റെ വികസനത്തിന് പുതിയ വഴികൾ കണ്ടെത്താനും നാമെല്ലാവരും , രാജ്യത്തെ ഓരോ പൗരനും,  ആഗ്രഹിക്കുന്നു.  ഈ സമ്മേളനം  ആശയങ്ങളാൽ സമ്പന്നമായിരിക്കണം കൂടാതെ നല്ല സംവാദങ്ങൾ ദൂരവ്യാപകമായ സ്വാധീനം ചെലുത്തണം. പാർലമെന്റ് ബലപ്രയോഗത്തിലൂടെ  തടസ്സപ്പെടുത്തിയത് ആരെന്നതിനേക്കാൾ പാർലമെന്റ് എപ്രകാരം  പ്രവർത്തിക്കുന്നുവെന്നും അതിന്റെ പ്രധാന സംഭാവനകളും വിലയിരുത്തപ്പെടണമെന്ന് ഞാൻ പ്രതീക്ഷിക്കുന്നു. ഇത് മാനദണ്ഡമാക്കാൻ കഴിയില്ല. പാർലമെന്റ് എത്ര മണിക്കൂർ പ്രവർത്തിച്ചു, എത്ര പോസിറ്റീവ് ജോലി ചെയ്തു എന്നതായിരിക്കണം  മാനദണ്ഡം. എല്ലാ വിഷയങ്ങളും തുറന്ന മനസ്സോടെ ചർച്ച ചെയ്യാൻ ഗവണ്മെന്റ്  തയ്യാറാണ്. എല്ലാ ചോദ്യങ്ങൾക്കും ഉത്തരം നൽകാൻ ഗവണ്മെന്റ് തയ്യാറാണ്. പാർലമെന്റിൽ ചോദ്യങ്ങളുണ്ടാകണമെന്നും സമാധാനം നിലനിൽക്കണമെന്നും ഞങ്ങൾ ആഗ്രഹിക്കുന്നു.

ഗവണ്മെന്റ്  നയങ്ങൾക്കെതിരായ ശബ്ദങ്ങൾ ശക്തമായിരിക്കണം എന്നാൽ പാർലമെന്റിന്റെയും അധ്യക്ഷയുടെയും അന്തസ്സ് ഉയർത്തിപ്പിടിക്കണം. യുവതലമുറയെ പ്രചോദിപ്പിക്കുന്ന തരത്തിലുള്ള പെരുമാറ്റം നാം നിലനിർത്തണം. കഴിഞ്ഞ സമ്മേളനത്തിനു ശേഷം   മുതൽ, രാജ്യം 100 കോടിയിലധികം കോവിഡ് വാക്സിൻ ഡോസുകൾ നൽകി, ഇപ്പോൾ നാം 150 കോടി എന്ന കണക്കിലേക്ക് അതിവേഗം നീങ്ങുകയാണ്. പുതിയ വകഭേദത്തെക്കുറിച്ച് നാം ജാഗ്രത പാലിക്കണം. പാർലമെന്റിലെ എല്ലാ അംഗങ്ങളോടും നിങ്ങളോടും ജാഗ്രത പുലർത്താൻ ഞാൻ അഭ്യർത്ഥിക്കുന്നു, കാരണം ഈ പ്രതിസന്ധി ഘട്ടത്തിൽ എല്ലാവരുടെയും ആരോഗ്യമാണ് നമ്മുടെ  മുൻഗണന.

ഈ കൊറോണ കാലഘട്ടത്തിൽ രാജ്യത്തെ 80 കോടിയിലധികം പൗരന്മാർക്ക് കൂടുതൽ ബുദ്ധിമുട്ടുകൾ ഉണ്ടാകാതിരിക്കാൻ പ്രധാനമന്ത്രി ഗരീബ് കല്യാൺ യോജനയ്ക്ക് കീഴിൽ ഭക്ഷ്യധാന്യങ്ങൾ സൗജന്യമായി നൽകുന്ന പദ്ധതി നടന്നുവരികയാണ്. ഇപ്പോൾ അത് 2022 മാർച്ച് വരെ നീട്ടിയിരിക്കുന്നു. ഏകദേശം 2.60 ലക്ഷം കോടി രൂപ ചെലവ് വരുന്ന പദ്ധതി  രാജ്യത്തെ 80 കോടിയിലധികം ജനങ്ങളുടെ  ആശങ്കകൾ പരിഹരിച്ചതിനാൽ പാവപ്പെട്ടവരുടെ അടുപ്പ് കത്തിക്കൊണ്ടിരിക്കും. ഈ സമ്മേളനത്തിൽ  രാജ്യതാൽപ്പര്യം കണക്കിലെടുത്ത് ഞങ്ങൾ ഒരുമിച്ച് വേഗത്തിലുള്ള തീരുമാനങ്ങൾ എടുക്കുമെന്നും സാധാരണക്കാരന്റെ ആഗ്രഹങ്ങളും പ്രതീക്ഷകളും നിറവേറ്റുമെന്നും ഞാൻ പ്രതീക്ഷിക്കുന്നു. ഇതാണ് എന്റെ പ്രതീക്ഷ. വളരെയധികം നന്ദി.