സിംഗപ്പൂര് ഉപപ്രധാനമന്ത്രി ശ്രീ. തര്മന് ഷണ്മുഖരത്നം പ്രധാനമന്ത്രി ശ്രീ. നരേന്ദ്ര മോദിയെ സന്ദര്ശിച്ചു.
ജി.എസ്.ടി. വിജയകരമായി നടപ്പാക്കിയതിനു പ്രധാനമന്ത്രിയെ ശ്രീ. ഷണ്മുഖരത്നം അഭിനന്ദിച്ചു. ഉഭയകക്ഷി ബന്ധത്തില്, വിശേഷിച്ച് സാമ്പത്തിക കാര്യങ്ങളില്, ഉണ്ടായിട്ടുള്ള പുരോഗതി അദ്ദേഹം പ്രധാനമന്ത്രിയോടു വിശദീകരിച്ചു.
നിക്ഷേപം, നഗരവികസനം, വ്യോമഗതാഗതം, നൈപുണ്യവികസനം തുടങ്ങിയ മേഖലകളിലുള്ള ശക്തമായ ഉഭയകക്ഷി സഹകരണത്തെ പ്രധാനമന്ത്രി ശ്ലാഘിച്ചു.
ബാങ്കിങ്, ഡിജിറ്റല് ഫിനാന്സ്, ടൂറിസം, പുതുമ എന്നീ മേഖലകളില് സഹകരിച്ചു പ്രവര്ത്തിക്കാനുള്ള സാധ്യതകളെക്കുറിച്ച് ഇരുനേതാക്കളും ചര്ച്ച ചെയ്തു.


