ബയോമെഡിക്കൽ റിസർച്ച് കരിയർ പ്രോഗ്രാം (BRCP) മൂന്നാം ഘട്ടത്തിന്റെ തുടർച്ചയ്ക്ക് പ്രധാനമന്ത്രി ശ്രീ നരേന്ദ്ര മോദിയുടെ അധ്യക്ഷതയിൽ ചേർന്ന കേന്ദ്ര മന്ത്രിസഭാ യോഗം അംഗീകാരം നൽകി.ഇതനുസരിച്ച് ബയോടെക്നോളജി വകുപ്പും (DBT) യുണൈറ്റഡ് കിംഗ്ഡത്തിലെ വെൽകം ട്രസ്റ്റും (WT),SPV,ഇന്ത്യ അലയൻസും ചേർന്നുള്ള കൂട്ടായ പങ്കാളിത്തത്തോടെ നടപ്പിലാക്കുന്ന BRCP- മൂന്നാം ഘട്ടം(2025-26 മുതൽ 2030-31 വരെയുള്ളത് )2030-31 വരെ അംഗീകരിച്ച ഫെലോഷിപ്പുകളും ഗ്രാന്റുകളും നൽകുന്നതിന് ആറ് വർഷം കൂടി (2031-32 മുതൽ 2037-38 വരെ) നീട്ടുകയും,ഇതിനു വരുന്ന മൊത്തം 1500 കോടി രൂപ ചെലവിൽ,DBT ഉം WT ഉം യഥാക്രമം 1000 കോടി രൂപയും 500 കോടി രൂപയും സംഭാവന നൽകുകയും ചെയ്യും.
വൈദഗ്ധ്യവും നവീകരണവും വളർത്തിയെടുക്കുന്നതിനുള്ള വികസിത ഭാരത ലക്ഷ്യങ്ങളുമായി പൊരുത്തപ്പെടുന്ന തരത്തിലാണ് ബയോടെക്നോളജി വകുപ്പ് (ഡിബിടി), ബയോമെഡിക്കൽ റിസർച്ച് കരിയർ പ്രോഗ്രാമിന്റെ (ബിആർസിപി) മൂന്നാം ഘട്ടം ആരംഭിച്ചത്. അത്യാധുനിക ബയോമെഡിക്കൽ ഗവേഷണത്തിനായി ഉന്നതതല ശാസ്ത്ര പ്രതിഭകളെ പരിപോഷിപ്പിക്കുകയും വിവർത്തന നവീകരണത്തിനായി ഇന്റർ ഡിസിപ്ലിനറി ഗവേഷണം പ്രോത്സാഹിപ്പിക്കുകയും ചെയ്യുന്നതാണ് ഈ പരിപാടി.ഇത്, ഉയർന്ന നിലവാരമുള്ള ഗവേഷണത്തെ പിന്തുണയ്ക്കുന്ന സംവിധാനങ്ങളെ ശക്തിപ്പെടുത്തുകയും ശാസ്ത്രീയ ശേഷിയിലെ പ്രാദേശിക അസമത്വങ്ങൾ കുറയ്ക്കുകയും ആഗോള സ്വാധീനത്തോടെ ലോകോത്തര ബയോമെഡിക്കൽ ഗവേഷണ ശേഷി സൃഷ്ടിക്കുകയും ചെയ്യും.
യുകെയിലെ വെൽകം ട്രസ്റ്റുമായി (WT) സഹകരിച്ച് ബയോടെക്നോളജി വകുപ്പ് 2008-2009 ൽ ഡിബിടി/വെൽകം ട്രസ്റ്റ് ഇന്ത്യ അലയൻസ് (ഇന്ത്യ അലയൻസ്) വഴി "ബയോമെഡിക്കൽ റിസർച്ച് കരിയർ പ്രോഗ്രാം" (BRCP) ആരംഭിച്ചു. ഇത് കേന്ദ്ര മന്ത്രിസഭയുടെ അംഗീകാരത്തോടെ ഒരു സ്പെഷ്യൽ പർപ്പസ് വെഹിക്കിൾ (*SPV) ആയാണ് നടപ്പിലാക്കിയത്.ഇത്,ലോകോത്തര നിലവാരത്തിലുള്ള ബയോമെഡിക്കൽ ഗവേഷണത്തിനായി ഇന്ത്യയെ അടിസ്ഥാനമാക്കിയുള്ള ഗവേഷണ ഫെലോഷിപ്പുകൾ വാഗ്ദാനം ചെയ്യുന്നു. തുടർന്ന്, 2018/19 ൽ വിപുലീകരിച്ച ഒരു പോർട്ട്ഫോളിയോ(വിഭാഗം)ഉപയോഗിച്ച് രണ്ടാം ഘട്ടം നടപ്പിലാക്കി.
മൂന്നാം ഘട്ടത്തിൽ, താഴെപ്പറയുന്ന പരിപാടികൾ നടപ്പിലാക്കാൻ നിർദ്ദേശിക്കപ്പെട്ടിരിക്കുന്നു:
i.) അടിസ്ഥാന, ക്ലിനിക്കൽ, പൊതുജനാരോഗ്യം എന്നിവയിലെ ആദ്യകാല കരിയർ, ഇന്റർമീഡിയറ്റ് ഗവേഷണ ഫെലോഷിപ്പുകൾ:- ഇവ ആഗോളതലത്തിൽ അംഗീകരിക്കപ്പെട്ടതും ഒരു ശാസ്ത്രജ്ഞന്റെ ഗവേഷണ ജീവിതത്തിന്റെ രൂപീകരണ ഘട്ടങ്ങൾക്കായി രൂപകൽപ്പന ചെയ്തതുമാണ്.
ii.) സഹകരണ ഗ്രാന്റുകൾ അടങ്ങിയ പ്രോഗ്രാം: - ഇതിൽ ഇന്ത്യയിൽ ശക്തമായ ഗവേഷണ ട്രാക്ക് റെക്കോർഡുള്ള യഥാക്രമം ആദ്യകാല, മധ്യ-സീനിയർ കരിയർ ഗവേഷകർക്കായി 2-3 ഇൻവെസ്റ്റിഗേറ്റർ ടീമുകൾക്കുള്ള കരിയർ വികസന ഗ്രാന്റുകളും കാറ്റലിറ്റിക് സഹകരണ ഗ്രാന്റുകളും ഉൾപ്പെടുന്നു.
iii) പ്രധാന ഗവേഷണ ശ്രമങ്ങൾ ശക്തിപ്പെടുത്തുന്നതിനുള്ള ഗവേഷണ മാനേജ്മെന്റ് പ്രോഗ്രാം:- മെന്റർഷിപ്പ് ശക്തിപ്പെടുത്തൽ, നെറ്റ്വർക്കിംഗ്, പൊതുജന ഇടപെടൽ, പുതിയതും നൂതനവുമായ ദേശീയ, അന്തർദേശീയ പങ്കാളിത്തങ്ങൾ വികസിപ്പിക്കൽ എന്നിവയിലും മൂന്നാം ഘട്ടം, ശ്രദ്ധ കേന്ദ്രീകരിക്കും.
ഗവേഷണ ഫെലോഷിപ്പുകൾ, സഹകരണ ഗ്രാന്റുകൾ,ഇന്ത്യ മുഴുവൻ നടപ്പിലാക്കുന്ന ഗവേഷണ മാനേജ്മെന്റ് പ്രോഗ്രാം എന്നിവ ശാസ്ത്ര മികവ്, നൈപുണ്യ വികസനം, സഹകരണം, അറിവ് കൈമാറ്റം എന്നിവയ്ക്ക് വഴിയൊരുക്കും. 2,000-ത്തിലധികം വിദ്യാർത്ഥികൾക്കും പോസ്റ്റ്ഡോക്ടറൽ ഫെലോകൾക്കും പരിശീലനം നൽകുക, ഉയർന്ന സ്വാധീനമുള്ള പ്രസിദ്ധീകരണങ്ങൾ സൃഷ്ടിക്കുക, പേറ്റന്റ് ചെയ്യാവുന്ന കണ്ടെത്തലുകൾ പ്രാപ്തമാക്കുക, സമപ്രായക്കാരുടെ അംഗീകാരം നേടുക, സ്ത്രീകൾക്കുള്ള പിന്തുണയിൽ 10-15% വർദ്ധനവ് സാധ്യമാക്കുക, TRL4 ഉം അതിനുമുകളിലും സമീപിക്കുന്നതിന് സഹകരണ പരിപാടികളുടെ 25-30%, ടയർ-2/3 ക്രമീകരണത്തിലെ പ്രവർത്തനങ്ങളുടെയും ഇടപെടലുകളുടെയും വിപുലമായ തെളിവടയാളങ്ങൾ എന്നിവ പ്രതീക്ഷിക്കുന്ന ഫലങ്ങളിൽ ഉൾപ്പെടുന്നു.
അന്താരാഷ്ട്ര തലത്തിലുള്ള ബയോമെഡിക്കൽ സയൻസിന്റെ വളർന്നുവരുന്ന കേന്ദ്രമായി ഇന്ത്യയെ ഒന്നാം ഘട്ടവും രണ്ടാം ഘട്ടവും സ്ഥാപിച്ചു. ശാസ്ത്രത്തിൽ ഇന്ത്യയുടെ വർദ്ധിച്ചുവരുന്ന നിക്ഷേപവും ആഗോള വിജ്ഞാന സമ്പദ്വ്യവസ്ഥയിൽ അതിന്റെ വളരുന്ന പങ്കും തന്ത്രപരമായ ശ്രമങ്ങളുടെ ഒരു പുതിയ ഘട്ടം ആവശ്യപ്പെടുന്നു. മുൻ ഘട്ടങ്ങളുടെ നേട്ടങ്ങളെ അടിസ്ഥാനമാക്കി, ദേശീയ മുൻഗണനകളുമായും ആഗോള മാനദണ്ഡങ്ങളുമായും യോജിപ്പിച്ച്, മൂന്നാം ഘട്ടം കഴിവുകൾ, ശേഷി, വിവർത്തനം എന്നിവയിൽ നിക്ഷേപിക്കും.
