પ્રધાનમંત્રી શ્રી નરેન્દ્ર મોદી અને કેનેડાના પ્રધાનમંત્રી માર્ક કાર્નીએ 16 જૂન 2026ના રોજ ફ્રાન્સના એવિયનમાં G7 સમિટ અંતર્ગત મુલાકાત કરી હતી.
બંને પ્રધાનમંત્રીઓએ ભારત-કેનેડા સંબંધોમાં સકારાત્મક ગતિને આવકારી હતી અને માર્ચ 2026માં પ્રધાનમંત્રી કાર્નીની ભારતની સફળ મુલાકાત પછી હાંસલ થયેલી પ્રગતિ પર સંતોષ વ્યક્ત કર્યો હતો.
ભવિષ્યલક્ષી વ્યૂહાત્મક ભાગીદારી બનાવવા માટે તેમની પ્રતિબદ્ધતાને પુનરોચ્ચારતા, નેતાઓએ ભારતીય અને કેનેડિયન અર્થતંત્રો વચ્ચેના પૂરક પાસાઓ પર ભાર મૂક્યો હતો અને વૈશ્વિક ઉર્જા અને ખાદ્ય સુરક્ષાને મજબૂત કરવા માટે સ્થિતિસ્થાપક અને વિશ્વસનીય સપ્લાય ચેનના મહત્વ પર પ્રકાશ પાડ્યો હતો.
નેતાઓએ દ્વિપક્ષીય આર્થિક સહયોગમાં પ્રગતિની સમીક્ષા કરી હતી, જેમાં LNG, LPG અને મેટલર્જિકલ કોલસાને લગતી વ્યાપારી વ્યવસ્થાઓમાં થયેલા વિકાસનો સમાવેશ થાય છે.
પ્રધાનમંત્રીએ બંને દેશો વચ્ચે ઉચ્ચ સ્તરીય મુલાકાતોના આદાનપ્રદાનમાં ચાલી રહેલી ગતિને આવકારી હતી. તેઓએ ભારતના વાણિજ્ય અને ઉદ્યોગ મંત્રી શ્રી પીયૂષ ગોયલની તાજેતરની કેનેડા મુલાકાતની નોંધ લીધી હતી અને 2026માં આગળ જતાં આંતરરાષ્ટ્રીય વ્યાપાર મંત્રીની આગેવાની હેઠળ ભારતમાં યોજાનારી કેનેડિયન ટ્રેડ મિશનની મુલાકાતની અપેક્ષા વ્યક્ત કરી હતી.
બંને પક્ષોએ વ્યાપક આર્થિક ભાગીદારી કરાર (CEPA) તરફની વાટાઘાટોમાં પ્રગતિ અંગે સંતોષ વ્યક્ત કર્યો હતો અને 2026માં વાટાઘાટો પૂર્ણ કરવાના તેમના સહિયારા ઉદ્દેશ્યને પુનરોચ્ચાર કર્યો હતો.
પ્રધાનમંત્રીઓએ બંને સરકારો વચ્ચે સંસ્થાકીય જોડાણને મજબૂત બનાવવાનું સ્વાગત કર્યું હતું, જેમાં સંયુક્ત વિજ્ઞાન અને ટેકનોલોજી સમિતિ અને કોન્સ્યુલર ડાયલોગની તાજેતરની બેઠકોનો સમાવેશ થાય છે. તેઓ સંરક્ષણ, નાણા અને સ્થળાંતરના ક્ષેત્રોમાં આગામી સંવાદોની પણ અપેક્ષા રાખતા હતા.
સંરક્ષણ અને સુરક્ષા સહયોગને વધુ ગાઢ બનાવવા માટે, પ્રધાનમંત્રીઓએ જનરલ સિક્યુરિટી ઓફ ઇન્ફોર્મેશન એગ્રીમેન્ટ (GSOIA) પર વાટાઘાટો શરૂ કરવા સંમતિ આપી હતી. તેઓએ સંરક્ષણ સંસ્થાઓ વચ્ચેના તાજેતરના આદાનપ્રદાનને પણ આવકાર્યું હતું, જેમાં નેશનલ ડિફેન્સ કોલેજ ઓફ ઈન્ડિયાની કેનેડાની મુલાકાતનો સમાવેશ થાય છે.
નેતાઓએ કેનેડા-ઈન્ડિયા ટેલેન્ટ એન્ડ ઈનોવેશન સ્ટ્રેટેજી હેઠળ ચાલી રહેલા સહયોગની નોંધ લીધી હતી, જેમાં કૌશલ્ય વિકાસ, ઈનોવેશન ભાગીદારી અને બંને દેશોની સંસ્થાઓ વચ્ચે શૈક્ષણિક સહકારને મજબૂત કરવાની પહેલો સામેલ છે.
પ્રધાનમંત્રી મોદીએ કેનેડાને ઇન્ડિયન ઓશન રિમ એસોસિએશન (IORA)નું ડાયલોગ પાર્ટનર બનવા માટે ભારતના સમર્થનની અભિવ્યક્તિ કરી હતી.
નેતાઓએ સંવાદ, આદાનપ્રદાન અને સહકારને વધુ મજબૂત કરવા માટેના પ્લેટફોર્મ તરીકે 'રાયસીના અમેરિકાઝ' (Raisina Americas)ની સ્થાપનાની જાહેરાત કરી હતી.
પ્રધાનમંત્રી મોદીએ પ્રધાનમંત્રી કાર્નીનો 2026માં કેનેડાની મુલાકાત લેવાના આમંત્રણ બદલ આભાર માન્યો હતો. બંને પક્ષો મુલાકાત માટે પરસ્પર અનુકૂળ તારીખ નક્કી કરવા માટે રાજદ્વારી માધ્યમો દ્વારા જોડાયેલા રહેવા સંમત થયા હતા.
It was a delight to meet Prime Minister Carney on the sidelines of the Evian G7 Summit. In less than a year, it is our fourth meeting, indicating our commitment to strong India-Canada ties. We reviewed the full range of relations between our nations, notably the ground covered… pic.twitter.com/lGSURANBfc
— Narendra Modi (@narendramodi) June 16, 2026
We discussed extensive cooperation in the following pillars:
— Narendra Modi (@narendramodi) June 16, 2026
Trade and economy.
Energy.
Technology.
People-to-people ties.
