પ્રધાનમંત્રી શ્રી નરેન્દ્ર મોદીની અધ્યક્ષતામાં આર્થિક બાબતોની કેબિનેટ સમિતિએ આજે તેલંગાણામાં હાલના રાષ્ટ્રીય રાજમાર્ગ-63 (NH-63) ના આર્મૂર-જગતિયાળ-મંચેરિયાળ સેક્શનને હાઇબ્રિડ એન્યુઇટી મોડ (HAM) પર અને રાષ્ટ્રીય રાજમાર્ગ-563 (NH-563) ના જગતિયાળ-કરીમનગર સેક્શનને બિલ્ડ-ઓપરેટ-ટ્રાન્સફર (ટોલ) [BOT (Toll)] પદ્ધતિ પર ત્રણ કાર્યકારી પેકેજો હેઠળ 4-લેન સ્ટાન્ડર્ડમાં પહોળા કરવાની મંજૂરી આપી છે, જેની સંયુક્ત કુલ લંબાઈ 190.76 કિમી અને સંયુક્ત કુલ મૂડી ખર્ચ રૂ. 7,597.16 કરોડ છે.
આર્મૂર-જગતિયાળ-મંચેરિયાળનો પ્રોજેક્ટ સેક્શન તેલંગાણાના નિઝામાબાદ, જગતિયાલ અને મંચેરિયાળ જિલ્લાઓમાંથી પસાર થાય છે, જે હાલમાં હાઇવે પર આવેલા કેટલાક વિકસિત/રહેણાંક વિસ્તારો જેમ કે અંકસાપૂર, કોરુટલા, જગિત્યાલ, ધર્મપુરી, લક્ષેટ્ટીપેટ અને મંચેરિયાળના કારણે ગંભીર ટ્રાફિક જામની સમસ્યાનો સામનો કરી રહ્યો છે. તેવી જ રીતે, જગિત્યાલ-કરીમનગર સેક્શન પણ આ માર્ગ પર આવેલા અત્યંત ગીચ અને વધુ બાંધકામ ધરાવતા સ્થળો જેવા કે જગિત્યાલ, પોથારામ, ગંગાધરા અને કરીમનગરમાંથી પસાર થાય છે.
આ ત્વરિત પ્રોજેક્ટ્સમાં ઓપન ટોલિંગ સાથે વિકસિત વિસ્તારો માટે બાયપાસ સહિત 4-લેન કન્ફિગરેશન રાખવાની દરખાસ્ત છે, જે તેલંગાણા રાજ્યના નિઝામાબાદ, જગિત્યાલ, મંચેરિયાળ અને કરીમનગર જિલ્લાઓમાં 100 કિમી/કલાકની ડિઝાઇન સ્પીડ અને વધુ સારી મુસાફરી કાર્યક્ષમતા સુનિશ્ચિત કરશે. આ પ્રોજેક્ટ પ્રાદેશિક ગતિશીલતામાં પણ વધારો કરશે અને સામાજિક-આર્થિક વિકાસને પ્રોત્સાહન આપશે.
આ પ્રોજેક્ટ્સ પીએમ ગતિશક્તિના સિદ્ધાંતોને અનુરૂપ છે અને પાંચ આર્થિક કેન્દ્રો (Economic Nodes), સાત સામાજિક કેન્દ્રો (Social Nodes) અને દસ લોજિસ્ટિક કેન્દ્રો (Logistic Nodes) ને જોડશે. આનાથી દેશના લોજિસ્ટિક પરફોર્મન્સ ઇન્ડેક્સ (LPI) પર સકારાત્મક અસર પડશે.
પ્રોજેક્ટ પૂર્ણ થવા પર, આર્મૂર અને મંચેરિયાળ વચ્ચે મુસાફરીનો સમય આશરે 1 કલાક અને 30 મિનિટ જેટલો અને જગિત્યાલ અને કરીમનગર વચ્ચે આશરે 45 મિનિટ જેટલો ઘટવાની અપેક્ષા છે, જ્યારે તે મુસાફરો અને માલવાહક વાહનો બંનેની અવરજવર માટે સુરક્ષિત, ઝડપી અને અવિરત કનેક્ટિવિટી પૂરી પાડશે. વધુમાં, આ પ્રોજેક્ટના પરિણામે ઇંધણના વપરાશ, કાર્બન ઉત્સર્જન અને વ્હીકલ ઓપરેટિંગ કોસ્ટ (VOC - વાહન સંચાલન ખર્ચ) માં નોંધપાત્ર ઘટાડો થશે.
કોરિડોરનો નકશો
અનુસૂચિ - I: પ્રોજેક્ટની વિગતો
|
વિગત |
એનએચ-63 નો આર્મૂર- જગિત્યાલ સેક્શન |
એનએચ-63 નો જગિત્યાલ -મંચેરિયાળ સેક્શન |
એનએચ-563 નો જગિત્યાલ -કરીમનગર સેક્શન |
|
લંબાઈ (કિમી) |
63.600 |
68.295 |
58.866 |
|
બ્રાઉનફિલ્ડ લંબાઈ (કિમી) |
17.95 |
2.05 |
24.14 |
|
ગ્રીનફિલ્ડ લંબાઈ (કિમી) |
45.65 |
66.10 |
34.96 |
|
કુલ સિવિલ ખર્ચ (રૂ. કરોડમાં) |
1266.58 |
1477.17 |
1455.01 |
|
જમીન અને અન્ય પ્રી-કન્સ્ટ્રક્શન ખર્ચ (રૂ. કરોડમાં) |
504.26 |
436.93 |
394.53 |
|
કુલ મૂડી ખર્ચ (રૂ. કરોડમાં) |
2471.76 |
2730.72 |
2394.68 |
|
મોડ (પદ્ધતિ) |
હાઇબ્રિડ એન્યુઇટી મોડ (HAM) |
હાઇબ્રિડ એન્યુઇટી મોડ (HAM) |
બિલ્ડ-ઓપરેટ-ટ્રાન્સફર (ટોલ) [BOT (Toll)] |
|
કુલ કન્સેશન સમયગાળો |
17.5 વર્ષ (2.5 વર્ષ નિર્માણ + 15 વર્ષ O&M) |
17.5 વર્ષ (2.5 વર્ષ નિર્માણ + 15 વર્ષ O&M) |
20 વર્ષ (2.5 વર્ષ નિર્માણ સહિત) |
|
આર્થિક / સામાજિક કેન્દ્રો |
આર્થિક કેન્દ્રો: 2 સેઝ (SEZ)- સિદ્ધિપેટ, વારંગલ અર્બન; મેગા ફૂડ પાર્ક્સ- નિઝામાબાદ, સિદ્ધિપેટ; ફિશિંગ સીફૂડ ક્લસ્ટર- રાજન્ના સિરસિલા.
સામાજિક કેન્દ્રો: વેમુલવાડા, કોંડા ગટ્ટુ, નાગુનુર કિલ્લો, ધર્મપુરી, કાલેશ્વરમ, લોઅર માનૈર ડેમ, ક્વિલા કિલ્લો. |
||
|
લોજિસ્ટિક કેન્દ્રો (Nodes) |
રેલવે સ્ટેશનો: નિઝામાબાદ, લિંગમપેટ/ જગિત્યાલ, પેદ્દાપલ્લી, કોરુટલા, મંચેરિયાળ |
રેલવે સ્ટેશનો: લિંગમપેટ/ જગિત્યાલ, પોદ્દુર, ગંગાધરા, કરીમનગર |
|
|
રોજગારી સર્જનની સંભાવના |
34.43 લાખ મેન-ડેઝ (પ્રત્યક્ષ) અને 42.7 લાખ મેન-ડેઝ (પરોક્ષ) |
||
|
નાણાકીય વર્ષ 2024-25 માં વાર્ષિક સરેરાશ દૈનિક ટ્રાફિક (AADT) |
14,949 PCU/દિવસ |
12,084 PCU/દિવસ |
20,446 PCU/દિવસ |
