ভাৰত-ফ্ৰান্স উদ্ভাৱনী পৰিকল্পনা ২০৩০

প্ৰধানমন্ত্ৰী নৰেন্দ্ৰ মোদী আৰু ৰাষ্ট্ৰপতি ইমানুৱেল মেক্ৰ’ৱে দ্বিপাক্ষিক সম্পৰ্কক "বিশেষ গোলকীয় কৌশলগত অংশীদাৰিত্ব"লৈ উন্নীত কৰে আৰু কৃত্ৰিম বুদ্ধিমত্তা, উদ্ভাৱন, গৱেষণা, প্ৰযুক্তি, ডিজিটেল প্ৰযুক্তি আৰু চাইবাৰ ক্ষেত্ৰ, স্বাস্থ্য, সংস্কৃতি, অৰ্থনীতি, শৈক্ষিক সংযোগ আৰু জনসাধাৰণৰ মাজৰ সম্পৰ্কৰ দৰে খণ্ডসমূহত সম্প্ৰসাৰিত আৰু বহুপাক্ষিক সহযোগিতাৰ আহ্বান জনাই যুটীয়াভাৱে ভাৰত-ফ্ৰান্স উদ্ভাৱন বৰ্ষ ২০২৬  উদ্বোধন কৰে।

হ'ৰাইজন ২০৪৭ পৰিকল্পনা আৰু দুয়োখন দেশৰ অংশীদাৰী উদ্ভাৱন যাত্ৰাৰ ওপৰত ভিত্তি কৰি, ভাৰত আৰু ফ্ৰান্সে উদ্ভাৱনক অৰ্থনৈতিক স্থিতিস্থাপকতা, বহনক্ষম বিকাশ, কৌশলগত স্বায়ত্তশাসন আৰু প্ৰযুক্তিগত তথা ঔদ্যোগিক সাৰ্বভৌমত্বৰ অন্যতম কাৰক হিচাপে স্বীকৃতি দিয়ে। এক শক্তিশালী উদ্ভাৱন অংশীদাৰীত্বই দুয়োখন দেশৰ সম্পূৰ্ণ উদ্ভাৱন সম্ভাৱনা মুকলি কৰাত সহায় কৰিব আৰু আন্তৰ্জাতিক প্ৰত্যাহ্বানৰ সমাধানত অৰিহণা যোগাব বুলি দুয়োপক্ষই সহমত প্ৰকাশ কৰে।

দুয়োপক্ষই স্বীকাৰ কৰে যে ভাৰতৰ বিকশিত ভাৰত ২০৪৭ ৰ দৃষ্টিভংগী আৰু ফ্ৰান্স ২০৩০ ৰ অধীনত ফ্ৰান্সৰ উচ্চাকাংক্ষাই ভৱিষ্যতমুখী উদ্ভাৱন অংশীদাৰিত্ব গঢ়ি তোলাৰ বাবে শক্তিশালী সমন্বয় গঢ়ি তোলে। যাৰ ফলত উদ্ভাৱনৰ অন্তৰায়ৰ মাজত নতুন বিনিয়োগৰ সুযোগৰ পথ মুকলি হয়। সেয়েহে ভাৰত আৰু ফ্ৰান্সে ভাৰত-ফ্ৰান্স উদ্ভাৱন পৰিকল্পনা ২০৩০ক গুৰুত্বপূৰ্ণ আৰু উদীয়মান প্ৰযুক্তিৰ সহ-বিকাশৰ দিশত সহযোগিতামূলক প্ৰচেষ্টাক পথ প্ৰদৰ্শন কৰা, নিৰ্ভৰযোগ্য প্ৰযুক্তি পৰিৱেশ তন্ত্ৰ শক্তিশালী কৰা, শৈক্ষিক আৰু গৱেষণাৰ গতিশীলতাক গভীৰ কৰা তথা জনসাধাৰণ, পৃথিৱী আৰু উমৈহতীয়া সমৃদ্ধিৰ বাবে দৃঢ় ফলাফল প্ৰদান কৰাৰ বাবে এক পৰিকাঠামো হিচাপে গ্ৰহণ কৰিছে।

এই পৰিকল্পনাত তলত উল্লেখ কৰা মূল উপাদানসমূহ আছেঃ

১।    উদ্ভাৱন অংশীদাৰিত্বৰ অন্যতম মুখ্য স্তম্ভ 'বিশ্বাসযোগ্য এআই' ৰ বাবে অংশীদাৰীত্বঃ ২০২৫ আৰু ২০২৬ চনত ক্ৰমে ফ্ৰান্স আৰু ভাৰতে আয়োজন কৰা এআই কাৰ্য্য আৰু প্ৰভাৱ সন্মিলন আৰু কৃত্ৰিম বুদ্ধিমত্তা সন্দৰ্ভত ভাৰত-ফ্ৰান্স ঘোষণা পত্ৰৰ ওপৰত ভিত্তি কৰি দুয়োখন দেশে 'নিৰ্ভৰযোগ্য এআই' ক উদ্ভাৱন অংশীদাৰিত্বৰ এক অন্যতম মুখ্য স্তম্ভ হিচাপে গঢ়ি তুলিবলৈ সন্মত হয়।

●    সুৰক্ষিত, নিৰাপদ আৰু নিৰ্ভৰযোগ্য এআই প্ৰণালীঃ দুয়োপক্ষই গণতান্ত্ৰিক মূল্যবোধ আৰু মানৱ অধিকাৰৰ সৈতে সংলগ্ন সুৰক্ষিত, নিৰাপদ আৰু নিৰ্ভৰযোগ্য এআই প্ৰণালীৰ প্ৰচাৰৰ বাবে একেলগে কাম কৰিব, বৈষম্য আৰু ভুল তথ্যৰ প্ৰচাৰ প্ৰতিৰোধ কৰিব আৰু বহনক্ষম উন্নয়নৰ বাবে ২০৩০ দৃষ্টিভংগীক সমৰ্থন কৰিব। তেওঁলোকে নিয়ামক, মানক সংস্থা আৰু কাৰিকৰী বিশেষজ্ঞসকলৰ মাজত সহযোগিতাক উৎসাহিত কৰিব যাতে উদ্ভাৱন আৰু ৰাষ্ট্ৰীয় উন্নয়নত বাধা নপৰাটো নিশ্চিত কৰাৰ লগতে ফ্ৰণ্টিয়াৰ আৰু জেনেৰেটিভ মডেলকে ধৰি এআই প্ৰশাসনৰ বাবে আন্তঃব্যৱহাৰযোগ্য, বিপদাশংকা-আধাৰিত দৃষ্টিভংগী আগবঢ়াই নিব পাৰি।

●    দেশ দুখনৰ এআই অংশীদাৰিত্বৰ অগ্ৰাধিকাৰ হিচাপে অনলাইনত শিশু সুৰক্ষাৰ ক্ষেত্ৰত সহযোগিতাঃ এআই-সক্ষম সেৱাই সহজে বিপদৰ পৰা প্ৰৱণতা থকা শ্ৰেণী বিশেষকৈ ডিজিটেল পৰিৱেশত শিশুসকলৰ বাবে সৃষ্টি কৰা তীব্ৰ বিপদাশংকা স্বীকাৰ কৰি, ভাৰত আৰু ফ্ৰান্সে এআই অংশীদাৰিত্বৰ অগ্ৰাধিকাৰ হিচাপে অনলাইনত শিশু সুৰক্ষাৰ ক্ষেত্ৰত দেশ দুখনৰ সহযোগিতা গভীৰ কৰিবলৈ সন্মত হৈছে। এআই ইম্পেক্ট সন্মিলন ২০২৬-ত আহ্বান জনোৱা এআই আৰু শিশু সুৰক্ষা সন্দৰ্ভত বিশেষজ্ঞ আলোচনা গোট আৰু অনলাইন শিশু সুৰক্ষা সন্দৰ্ভত ভাৰতৰ শেহতীয়া প্ৰযুক্তি-আইনী পৰিকাঠামোৰ ওপৰত ভিত্তি কৰি দুয়োপক্ষই গোপনীয়তা-সংৰক্ষণ বয়সৰ নিশ্চয়তা, শৈলীৰ জৰিয়তে সুৰক্ষা প্ৰণালী আৰু এআই প্ৰণালীৰ বাবে ফলাফল-আধাৰিত সুৰক্ষা মানকে ধৰি সম্প্ৰতি চলি থকা পদক্ষেপসমূহৰ মাজত দৃঢ় সমন্বয় বিকশিত কৰিব যি শিশুৰ সৈতে প্ৰায়োগিকভাৱে পাৰস্পৰিক মত বিনিময় কৰে।

●    গোপনীয়তা-সংৰক্ষণ তথ্য বিনিময় পৰিকাঠামোৰ কেন্দ্ৰীয়তাঃ ভাৰত আৰু ফ্ৰান্সে মৌলিক অধিকাৰ সুৰক্ষিত কৰাৰ লগতে এআই তথা তথ্য-চালিত উদ্ভাৱনৰ সম্পূৰ্ণ সম্ভাৱনা মুকলি কৰিবলৈ গোপনীয়তা-সংৰক্ষণ তথ্য ভাগ-বতৰা পৰিকাঠামোৰ কেন্দ্ৰীয়তাক স্বীকৃতি দিয়ে। ভাৰতৰ তথ্য সবলীকৰণ আৰু সুৰক্ষা স্থাপত্য (ডিইপিএ) আৰু বিশ্বস্ত তথ্য স্থান তথা স্বাস্থ্য তথ্য মঞ্চৰ সন্দৰ্ভত ফ্ৰান্সৰ নিজা কাম কাজেই পৰিপূৰক শক্তি প্ৰদান কৰে যি গৱেষণা, স্বাস্থ্যসেৱা আৰু ৰাজহুৱা সেৱাৰ বাবে সুৰক্ষিত, সন্মতি-আধাৰিত তথ্য প্ৰবাহক সমৰ্থন কৰিব পাৰে।

২।   শৈক্ষিক গতিশীলতাৰ জৰিয়তে জনসাধাৰণৰ মাজত সহযোগিতা বৃদ্ধিৰ বাবে অংশীদাৰীত্বঃ হ'ৰাইজন ২০৪৭ পৰিকাঠামোৰ অধীনত উমৈহতীয়া উদ্দেশ্য অনুসৰি দুয়োপক্ষই স্বীকাৰ কৰে যে ষ্টেম শিক্ষা, গৱেষণা অংশীদাৰিত্ব, প্ৰতিভাৰ গতিশীলতা আৰু প্ৰতিষ্ঠানিক সহযোগিতাই ভৱিষ্যত প্ৰজন্মক আন্তৰ্জাতিক প্ৰত্যাহ্বানৰ মোকাবিলা কৰিবলৈ প্ৰস্তুত কৰাত এক গুৰুত্বপূৰ্ণ ভূমিকা পালন কৰিব। এই ক্ষেত্ৰত দুয়োপক্ষই ২০৩০ চনৰ ভিতৰত ৩০,০০০ ভাৰতীয় ছাত্ৰ-ছাত্ৰীক আদৰণি জনোৱাৰ ফ্ৰান্সৰ লক্ষ্যৰ গুৰুত্ব স্বীকাৰ কৰে আৰু দ্বিপাক্ষিক অংশীদাৰিত্বৰ ভেটি হিচাপে জনসাধাৰণৰ মাজৰ সম্পৰ্ক শক্তিশালী কৰাৰ বাবে তেওঁলোকৰ প্ৰতিশ্ৰুতি পুনৰ নিশ্চিত কৰে। এই সন্দৰ্ভত দুয়োপক্ষই নিম্নলিখিত পদক্ষেপসমূহক আদৰণি জনায়ঃ

●    অৰ্হতাৰ পাৰস্পৰিক স্বীকৃতি (এমআৰকিউ): দীৰ্ঘম্যাদী উদ্ভাৱনী অংশীদাৰিত্ব বজাই ৰখাত গতিশীলতা আৰু শৈক্ষিক একত্ৰীকৰণৰ কেন্দ্ৰীয় ভূমিকাক স্বীকৃতি দি দুয়োপক্ষই উচ্চ শিক্ষা আৰু পেছাদাৰী অৰ্হতাৰ বাবে পাৰস্পৰিক স্বীকৃতিৰ পৰিকাঠামো শক্তিশালী কৰাৰ গুৰুত্ব পুনৰ নিশ্চিত কৰে। ২০১৮ চনত ভাৰতৰ সৈতে পাৰস্পৰিক যোগ্যতা স্বীকৃতি (এমআৰকিউ) চুক্তি সম্পন্ন কৰা প্ৰথমখন দেশ হিচাপে ফ্ৰান্স পৰিগণিত হোৱাৰ কথা স্মৰণ কৰি দুয়োপক্ষই শৈক্ষিক শাখা, নিয়ন্ত্ৰিত বৃত্তি আৰু উদীয়মান প্ৰযুক্তি ক্ষেত্ৰৰ এক বিস্তৃত পৰিসৰক সামৰি লোৱা এক সম্প্ৰসাৰিত তথা শেহতীয়া পৰিকাঠামোৰ দিশত কাম কৰাৰ ইচ্ছা প্ৰকাশ কৰে। এনে সহযোগিতাই অধিক শৈক্ষিক গতিশীলতাক সমৰ্থন কৰিব, দ্বৈত ডিগ্ৰী কাৰ্যসূচী আৰু ডক্টৰেট সহ-নিৰীক্ষণ ব্যৱস্থাৰ সুবিধা প্ৰদান কৰিব তথা ভাৰত আৰু ফ্ৰান্সৰ মাজত দীৰ্ঘম্যাদী প্ৰতিভা আৰু জ্ঞানৰ অংশীদাৰিত্ব শক্তিশালী কৰাৰ দিশত গুৰুত্বপূৰ্ণ অৰিহণা যোগাব।

●    ইয়াৰ উপৰি, ভাৰত আৰু ফ্ৰান্সৰ কেইবাটাও প্ৰতিষ্ঠানে শিক্ষাৰ্থীৰ আদান-প্ৰদান আৰু গৱেষণা সহযোগিতাৰ জৰিয়তে শৈক্ষিক গতিশীলতাত সহযোগিতা কৰিবলৈ সন্মত হৈছে।

৩।   প্ৰযুক্তিগত সাৰ্বভৌমত্ব আৰু উদ্ভাৱনৰ বাবে অংশীদাৰীত্বই উদ্যোগ-শিক্ষা সম্পৰ্কৰ জৰিয়তে বিকাশৰ নেতৃত্ব দিছিলঃ দুয়োপক্ষই স্বীকাৰ কৰে যে চৰকাৰ, উদ্যোগ, ষ্টাৰ্টআপ, বিশ্ববিদ্যালয়, গৱেষণা প্ৰতিষ্ঠানসমূহৰ মাজত ঘনিষ্ঠ সহযোগিতা, উদ্ভাৱন-নেতৃত্বাধীন বিকাশৰ বাবে আৰু কৌশলগত খণ্ডত স্থিতিস্থাপক তথা বিশ্বাসযোগ্য যোগান শৃংখল গঢ়ি তোলাৰ বাবে অত্যাৱশ্যকীয় হ'ব।

     এই সন্দৰ্ভত দুয়োপক্ষই স্বীকাৰ কৰিছেঃ

●    দ্বিপাক্ষিক বৈজ্ঞানিক সহযোগিতাৰ এক মুখ্য আহিলা ইণ্ডো-ফ্ৰেন্স চেণ্টাৰ ফৰ দ্য প্ৰমোচন অৱ এডভান্সড ৰিচাৰ্চ (চিইএফআইপিআৰএ)ৰ কেন্দ্ৰীয়তা, য'ত উদ্ভাৱন আৰু কৌশলগতভাৱে প্ৰাসংগিক প্ৰযুক্তিৰ সহ-বিকাশ তথা স্কেলিঙৰ ওপৰত অধিক গুৰুত্ব দিয়া হৈছে।

●    ভাৰত-ফ্ৰান্স উদ্ভাৱন নেটৱৰ্ক (আই এফ আই এন) ৰ গুৰুত্ব, ভাৰত-ফ্ৰান্স উদ্ভাৱন বৰ্ষৰ এক গুৰুত্বপূৰ্ণ সাফল্য, আৰু দুয়োখন দেশৰ উদ্ভাৱন পৰিৱেশ তন্ত্ৰক সংযোগ কৰাৰ এক শক্তিশালী সঁজুলি। আই এফ আই এন-ৰ বিকাশ নিশ্চিত কৰিবলৈ সম্ভাৱ্য ভাৰত-ফ্ৰান্সৰ যুটীয়া পৰিচালনা সমিতি প্ৰতিষ্ঠাৰ জৰিয়তে ইয়াৰ দীৰ্ঘম্যাদী অৱস্থিতিত অৰিহণা যোগাবলৈ দুয়োখন দেশ প্ৰতিশ্ৰুতিবদ্ধ।

●          জৈৱ-চিকিৎসা বিজ্ঞান আৰু স্বাস্থ্য উদ্ভাৱনত সহযোগিতাক সমৰ্থন কৰা এক সাম্প্ৰতিক মঞ্চ হিচাপে স্বাস্থ্যৰ বাবে জীৱন বিজ্ঞানত ফ্ৰেংকো-ইণ্ডিয়ান কেম্পাছ (এফ. আই চি-এল এছ এইচ)-ৰ প্ৰাসংগিকতা, আৰু দ্বিপাক্ষিক গৱেষণা, শৈক্ষিক সহযোগিতা, তথা স্বাস্থ্য খণ্ডত উদ্ভাৱন অংশীদাৰিত্বত ইয়াৰ অৱদান শক্তিশালী কৰাৰ উপায়সমূহৰ ওপৰত আলোচনা অব্যাহত ৰখাৰ আগ্ৰহ প্ৰকাশ কৰে।

●    গৱেষণা পৰীক্ষাগাৰসমূহলৈ পাৰস্পৰিক প্ৰৱেশাধিকাৰৰ জৰিয়তে, চিইএফআইপিআৰএ, যুটীয়া বিজ্ঞান আৰু প্ৰযুক্তি সমিতি, ষ্টেচন-এফ, ফ্ৰিণ্ড-এক্সত ষ্টাৰ্ট-আপ সহযোগিতা আৰু ভাৰত-ফ্ৰান্স উদ্ভাৱন নেটৱৰ্কৰ শুভাৰম্ভ, দুয়োখন দেশেই প্ৰযুক্তিগত সাৰ্বভৌমত্ব সুৰক্ষিত কৰাৰ বাবে প্ৰতিশ্ৰুতিবদ্ধ। দুয়োপক্ষই নিশ্চিত কৰে যে পৰৱৰ্তী প্ৰজন্মৰ গৱেষক আৰু উদ্যোগীসকলে আন্তৰ্জাতিক প্ৰত্যাহ্বানসমূহ স্বাধীনভাৱে মোকাবিলা কৰিব পাৰে।

তদুপৰি, দুয়োপক্ষই তলত উল্লেখ কৰা পদক্ষেপসমূহত সন্মতি প্ৰকাশ কৰিছেঃ

●    এৰোনটিক্স প্ৰশিক্ষণ আৰু কেৰিয়াৰৰ বাবে ফ্ৰেংকো-ইণ্ডিয়ান কেম্পাছঃ ফ্ৰান্স আৰু ভাৰতে এই বিশিষ্ট আৰু কৌশলগত খণ্ডত প্ৰশিক্ষণ উন্নীত কৰাৰ লগতে বিনিময় কৰাৰ উদ্দেশ্যে এম এছ ডি ই-ৰ অংশীদাৰিত্বত কানপুৰত এটা এৰোনটিকেল প্ৰশিক্ষণ শিবিৰ স্থাপন কৰিব।

●    ভাৰত-ফ্ৰান্স ইনোএক্সচেঞ্জ ব্ৰীজঃ দুয়োপক্ষই ভাৰত-ফ্ৰান্স ইনোএক্সচেঞ্জ ব্ৰীজৰ সম্ভাৱনাক দ্বিপাক্ষিক ষ্টাৰ্টআপ আৰু উদ্ভাৱন বিনিময় পদক্ষেপ হিচাপে স্বীকাৰ কৰে যাৰ লক্ষ্য হৈছে দুয়োখন দেশৰ মাজত এক সমৰ্পিত গৱেষণা আৰু উদ্যোগশীলতা কৰিডৰ স্থাপন কৰা। বৰ্তমানৰ দ্বিপাক্ষিক পদক্ষেপৰ ওপৰত ভিত্তি কৰি, ইনোএক্সচেঞ্জ ব্রিজে দুয়োখন দেশৰ গৱেষণা পৰীক্ষাগাৰ, প্ৰযুক্তি প্লেটফৰ্ম, উদ্ভাৱন ক্লাষ্টাৰ, বিনিয়োগকাৰী আৰু ষ্টাৰ্ট-আপ পৰিৱেশ তন্ত্ৰলৈ গঠনমূলক তথা পাৰস্পৰিক প্ৰৱেশাধিকাৰ প্ৰদান কৰিব পাৰে, যাৰ ফলত ষ্টাৰ্ট-আপ আৰু উদ্ভাৱকসকলে গৱেষণা স্থলী, সহযোগিতামূলক উদ্ভাৱন সমন্বয় আৰু সহযোগিতা কাৰ্যসূচীৰ লগতে দুয়োটা অধিকাৰক্ষেত্ৰত মসৃণ গতি অব্যাহত ৰাখিব পাৰে।

●    উদ্ভাৱন, নিযুক্তি আৰু সামগ্ৰিক অৰ্থনৈতিক বিকাশৰ ক্ষেত্ৰত ক্ষুদ্ৰ আৰু মজলীয়া উদ্যোগৰ গুৰুত্বপূৰ্ণ ভূমিকাক স্বীকাৰ কৰি দুয়োপক্ষই এছ এম ই পৰিৱেশ তন্ত্ৰৰ মাজত অধিক পাৰস্পৰিক সম্পৰ্কৰ পথ অন্বেষণ কৰিব বিচাৰে।

●    ফ্ৰান্স আৰু ভাৰত মহাকাশ ক্ষেত্ৰত দুয়োখন দেশৰ মাজত প্ৰাতিষ্ঠানিক পৰ্যায়ৰ লগতে ফ্ৰান্স আৰু ভাৰতৰ ব্যক্তিগত মহাকাশ পৰিৱেশ তন্ত্ৰৰ মাজত বৰ্তমানৰ শক্তিশালী অংশীদাৰিত্ব ত্বৰান্বিত কৰিবলৈ প্ৰতিশ্ৰুতিবদ্ধ হৈ আছে। ভাৰত আৰু ফ্ৰান্সে একে সপ্তাহত দুটা আন্তঃৰাষ্ট্ৰীয় মহাকাশ অনুষ্ঠান আয়োজন কৰিবঃ বেংগালুৰুত ৭-৯ ছেপ্টেম্বৰত বেংগালুৰু মহাকাশ প্ৰদৰ্শনী (বিএছএক্স) আৰু পেৰিছত ৯-১০ ছেপ্টেম্বৰত আন্তঃৰাষ্ট্ৰীয় মহাকাশ সন্মিলন অনুষ্ঠিত হ’ব। এই গুৰুত্বপূৰ্ণ অনুষ্ঠানসমূহে পৃথিৱী পৰ্যবেক্ষণ আৰু মানৱ অন্বেষণৰ ক্ষেত্ৰ দ্বিপাক্ষিক মহাকাশ সহযোগিতা গভীৰ কৰাৰ বাবে এক গঠনমূলক উমৈহতীয়া উচ্চাকাংক্ষাৰ ভেটি স্থাপন কৰাত অৰিহণা যোগাব, যাৰ ভিতৰত আছে ফৰাচী জিৰো-জি ক্ষমতা আৰু দক্ষতাৰ সৈতে সম্পৰ্কিত যৌথ কাৰ্যকলাপ আৰু পৃথিৱীৰ নিম্ন কক্ষপথত ভাৰতীয় ভৱিষ্যতৰ মহাকাশ কেন্দ্ৰ আৰু ফৰাচী তথা ভাৰতীয় পৰিৱেশ-প্ৰণালীসমূহক একত্ৰিত কৰা।

৪।   স্বাস্থ্যৰ ক্ষেত্ৰত আন্তৰ্জাতিক প্ৰত্যাহ্বানৰ বাবে এআই আৰু গৱেষণা-আধাৰিত সমাধান গঢ়ি তোলাৰ বাবে অংশীদাৰীত্ব

●    সন্মতি ভিত্তিক তথ্যৰ আদান-প্ৰদানঃ ভাৰতৰ আইচিএমআৰ আৰু ফ্ৰান্সৰ স্বাস্থ্য তথ্য কেন্দ্ৰ (এইচডিএইচ) ৰ সৈতে জড়িত অনুশীলনমূলক প্ৰকল্পৰ দৰে চলি থকা সহযোগিতাৰ ওপৰত ভিত্তি কৰি, দুয়োপক্ষই ৰাষ্ট্ৰীয় আইনী পৰিকাঠামোৰ সৈতে সংগতি ৰাখি, সুৰক্ষিত তথ্যৰ আদান-প্ৰদানৰ বাবে সন্মতি-আধাৰিত স্থাপত্যৰ ওপৰত কাম কৰিব, যাক জুখিব পাৰি, অতিৰিক্ত খণ্ডৰ সৈতে খাপ খুৱাব পাৰি আৰু গ্লবেল চাউথকে ধৰি আগ্ৰহী অংশীদাৰসকলৰ সৈতে বিনিময় কৰিব পাৰি। ভাৰত আৰু ফ্ৰান্সে এআই উদ্ভাৱন আৰু ৰাজহুৱা স্বাৰ্থ গৱেষণাৰ আধাৰত তথ্য মধ্যস্থতাকাৰী, কাৰিকৰী মানক সংস্থা আৰু নিয়ন্ত্ৰকসকলৰ মাজত আন্তঃব্যৱহাৰযোগ্য, অধিকাৰ সুৰক্ষিত তথ্য আন্তঃগাঁথনিৰ অগ্ৰগতিৰ বাবে যুটীয়া কামক উৎসাহিত কৰিব। ভাৰত আৰু ফ্ৰান্সে এই পৰিকল্পনাক পাৰস্পৰিক বিশ্বাস, অংশীদাৰী গণতান্ত্ৰিক মূল্যবোধ, কৌশলগত স্বায়ত্তশাসন, আৰু বিশ্বাসযোগ্য, মুকলি, সামগ্ৰিক তথা মানৱ-কেন্দ্ৰিক উদ্ভাৱনৰ বাবে এক উমৈহতীয়া প্ৰতিশ্ৰুতিৰ দ্বাৰা পৰিচালিত অংশীদাৰী হিচাপে অনুসৰণ কৰিব।

ভাৰতৰ সৈতে সংযুক্ত ফ্ৰান্স উদ্ভাৱন পৰিকল্পনা ২০৩০ৰ পৰিশিষ্ট