وزیر اعظم جناب نریندر مودی نے آج 77 ویں یوم آزادی کے موقع پر لال قلعہ کی فصیل سے خطاب کرتے ہوئے خواتین کی زیر قیادت ترقی کی اہمیت اور ملک کو آگے لے جانے کے لیے اس کی اہمیت پر روشنی ڈالی۔ وزیر اعظم نے یاد دلایا کہ ہندوستان آج فخر سے کہہ سکتا ہے کہ شہری ہوا بازی کے شعبے میں اس کے پاس خواتین پائلٹوں کی سب سے زیادہ تعداد ہے۔ وزیر اعظم نے مزید کہا کہ خواتین سائنسدان چندریان مشن کی قیادت بھی کر رہی ہیں۔
وزیر اعظم نے کہا کہ انہوں نے جی 20 میں خواتین کی قیادت میں ترقی کے معاملے کو آگے بڑھایا ہے اور جی 20 ممالک نے اسے قبول کیا ہے اور اس کی اہمیت کو تسلیم کر رہے ہیں۔
’ناری سمان‘ کی بات کرتے ہوئے، وزیر اعظم نے اپنے ایک غیر ملکی دورے کے تجربے کا اشتراک کیا، جہاں اس ملک کے ایک سینیئر وزیر نے ان سے پوچھا تھا کہ کیا ہندوستان میں خواتین سائنس اور انجینئرنگ کا مطالعہ کرتی ہیں؟ وزیر اعظم نے کہا کہ انہوں نے جواب دیا کہ آج ہمارے ملک میں STEM (سائنس، ٹیکنالوجی، انجینئرنگ، ریاضی) کے حصول میں لڑکیوں کی تعداد لڑکوں سے زیادہ ہے اور آج دنیا ہماری اس صلاحیت کو دیکھ رہی ہے۔
The one thing that will take the country forward is women-led development. Today, we can proudly say that India has the maximum number of pilots in civil aviation.
— PIB India (@PIB_India) August 15, 2023
Women scientists are leading the #Chandrayaan mission. The #G20 countries are also recognising the importance of… pic.twitter.com/yjXR697X5T
