ঙসি লৈবাক অসিগী ৭৭শুবা নিংতম্বা নুমিৎ থৌরমদা লাল কিলাদগী মীয়ামদা ৱা ঙাংবদা প্রধান মন্ত্রী শ্রী নরেন্দ্র মোদীনা হায়খি লৈবাক অমা চাউখৎপদা নুপীশিংনা লমজিংবা চাউখৎপা দরকার ওই অমসুং লৈবাক অসি মাংলোমদা চঙশিন্নবা নুপীশিংনা লমজিংবা চাউখৎপা তঙাইফদে। সিবিল এভিএসন সেক্তরদা নু্পী পাইলোত মশিং খ্বাইদগী য়াম্না লৈবা মালেমগী লৈবাকশিংগী মনুংদা ভারতনা মকোক্তা লৈরে, মসি ভারতমচাশিংগী চাউথোকচবনি। চন্দ্রয়ান মিসন্দা নুপী সাইন্তিস্তশিংনা লমজিংলি।
প্রধান মন্ত্রীনা হায়খি জি-২০দা মহাক্না নুপীশিংনা লমজিংবা চাউখৎপা চাউখৎপগী মতাংদা ৱাফম কয়া পুথোক্লে অমসুং জি-২০ লৈবাকশিংনা মসি য়ারে অমসুং মসিগী মরুওইবা অদু খঙলে।
নারি সম্মানগী মতাংদা প্রধান মন্ত্রীনা হায়খি মহাক্কী মপান লৈবাকশিংগী খোঙচৎ অমদা, মফম অদুগী সেনিয়র মিনিস্তর অমনা ভারত্তা নুপীশিং সাইন্স অমসুং ইঞ্জিনিয়ারিং তম্বরা হায়না হংলকখি। প্রধান মন্ত্রীনা হায়খি মহাক্না পাউখুম পীখি মদুদি ঙসি ঐখোয়গী লৈবাক অসিদা নুপীমচাশিংনা নুপামচাশিংদগী মশিং হেন্না সাইন্স, তেক্নোলোজি, ইঞ্জিনিয়ারিং, মেথস তম্লে। ঙসিগী মালেম্না ঐখোয়গী তৌবা ঙম্বশিং উরে।
লৈবাক অসি মাংলোমদা চঙশিনবা ঙমগদবা থবক অমদি নুপীশিংনা লমজিংনবা চাউখৎপা অসিনি। ঙসি ঐখোয়না চাউথোক্না হায়রি মদুদি ভারতনা সিবিল এভিএসন সেক্তরদা পাইলোত মশিং খ্বাইদগী য়াম্না লৈরে।
The one thing that will take the country forward is women-led development. Today, we can proudly say that India has the maximum number of pilots in civil aviation.
— PIB India (@PIB_India) August 15, 2023
Women scientists are leading the #Chandrayaan mission. The #G20 countries are also recognising the importance of… pic.twitter.com/yjXR697X5T
