نئی دہلی 18 اگست 2021: وزیر اعظم جناب نریندر مودی 20 اگست کو صبح گیارہ بجے ویڈیو کانفرنسنگ کے ذریعہ سومناتھ ، گجرات میں کئی پروجیکٹوں کا افتتاح کریں اور سنگ بنیاد رکھیں گے۔ جن پروجیکٹوں کا افتتاح کیا جائے گا ان میں سومناتھ پرومینیڈ، سومناتھ ایگزیبیشن سینٹر اور اولڈ(جونا) سومناتھ کے مندر کے نو تعمیر شدہ احاطے کے مقامات شامل ہیں۔ وزیر اعظم اس پروگرام کے دوران شری پاروتی مندر کا سنگ بنیاد بھی رکھیں گے۔
سومناتھ پرومینڈمذہبی یاترا میں نئے ولولے اور روحانی ورثے کے فروغ کی مہم۔ پرشاد اسکیم کے تحت فروغ دیا گیا ہے اور اس پر 47 کروڑ روپے کی مجموعی لاگت آئی ہے۔ سومناتھ ایگزیبیشن سینٹر کو ٹورسٹ فیلی ٹیشن سینٹر کے احاطے میں قائم کیا گیا ہے جس میں پرانے سومناتھ مندر کے ٹوٹے ہوئے حصوں اور مخطوطات اور پرانے سومناتھ کے ناگر طرز کے فن تعمیر کی عکاسی ہے۔
پرانے (جونا) سومناتھ کے نو تعمیر شدہ احاطے کا کام شری سومناتھ ٹرسٹ نے 3.5 کروڑ کی لاگت سے کیا ہے۔ اس مندر کو اہلیہ بائی مندر کے نام سے بھی جانا جاتا ہے کیونکہ یہ اندور کی رانی اہلیہ نے تعمیر کرایا تھا جب انھیں پتہ چلا تھا کہ پرانا مندر کھنڈر بن گیا ہے۔ پرانے مندر کے پورے احاطے کو عقیدتمندوں اور یاتریوں کی حفاظت کے لئے زیادہ گنجائش کے ساتھ پھر سے ترقی دی گئی ہے۔
شری پاروتی مندر پر مجموعی لاگت 30 کروڑ روپے ہوگی۔ اس میں سوم پورہ سلات اسٹائل ’مندر کی تعمیر‘گربھ گرہ کی ترقی اور نرتیہ منڈپ کا فروغ شامل ہے۔
مرکزی وزیر داخلہ، مرکزی وزیر سیاحت کے علاوہ گجرات کے وزیر اعلیٰ اور نائب وزیر اعلیٰ اس موقع پر موجود ہوں گے۔
