زیر اعظم نریندر مودی کو نیوزی لینڈ کے وزیر اعظم عزت مآب کرسٹوفر لکسن سے ٹیلی فون پر کال موصول ہوئی۔
وزیر اعظم لکسن نے ہندوستان میں عام انتخابات کے بعد دوبارہ منتخب ہونے پر وزیر اعظم مودی کو والہانہ مبارکباد دی۔
یہ ذکر کرتے ہوئے کہ ہندوستان-نیوزی لینڈ کے تعلقات مشترکہ جمہوری اقدار اور قریبی عوامی رشتوں سے وابستہ ہیں، دونوں رہنماؤں نے آنے والے سالوں میں دو طرفہ تعاون کو نئی بلندیوں تک لے جانے کے اپنے پختہ عزم کا اعادہ کیا۔
دونوں فریقوں کے درمیان حالیہ اعلیٰ سطحی رابطوں سے پیدا ہونے والی رفتار کو اجاگر کرتے ہوئے، انہوں نے مختلف شعبوں میں باہمی طور پر فائدہ مند دوطرفہ تعاون کو آگے بڑھانے پر اتفاق کیا، جن میں تجارتی اور اقتصادی تعاون، مویشی پروری، دواسازی، تعلیم، خلا سمیت دیگر شعبوں میں تعاون شامل ہے۔
وزیر اعظم مودی نے نیوزی لینڈ میں ہندوستانی تارکین وطن کے مفادات کا خیال رکھنے کے لیے وزیر اعظم لکسن کا شکریہ ادا کیا۔ وزیر اعظم لکسن نے ان کی سلامتی اور بہبود کے لیے کوششیں جاری رکھنے کا یقین دلایا۔
دونوں رہنماؤں نے رابطے میں رہنے پر اتفاق کیا۔
I thank Prime Minister @Chrisluxonmp for his call and warm felicitations. Reiterated our firm commitment to take forward India-New Zealand ties, which are rooted in shared democratic values and people-to-people ties. Appreciate his efforts towards the security and well-being of…
— Narendra Modi (@narendramodi) July 20, 2024
