પ્રધાનમંત્રી નરેન્દ્ર મોદીને ન્યૂઝીલેન્ડના પ્રધાનમંત્રી મહામહિમ ક્રિસ્ટોફર લક્સન સાથે ફોન પર વાત કરી.
પીએમ લક્સને ભારતમાં સામાન્ય ચૂંટણીઓ બાદ ફરીથી ચૂંટવા બદલ પ્રધાનમંત્રી મોદીને હાર્દિક અભિનંદન પાઠવ્યા છે.
ભારત-ન્યૂઝીલેન્ડ સંબંધો સહિયારા લોકતાંત્રિક મૂલ્યો અને લોકો વચ્ચેના ગાઢ સંબંધો સાથે જોડાયેલા છે તેની નોંધ લેતા, બંને નેતાઓએ આગામી વર્ષોમાં દ્વિપક્ષીય સહયોગને નવી ઊંચાઈએ લઈ જવાની તેમની મક્કમ પ્રતિબદ્ધતાનો પુનરોચ્ચાર કર્યો હતો.
બંને પક્ષો વચ્ચે હાલમાં જ થયેલા ઉચ્ચ-સ્તરના સંપર્કોથી ઉત્પન્ન ગતિને ઉજાગર કરતા, તેમણે વેપાર અને આર્થિક સહયોગ, પશુપાલન, ફાર્માસ્યુટિકલ્સ, શિક્ષણ, અંતરિક્ષ સહિતના વિવિધ ક્ષેત્રોમાં પરસ્પર લાભદાયી દ્વિપક્ષીય સહકારને આગળ વધારવા સંમત થયા હતા.
પ્રધાનમંત્રી મોદીએ ન્યૂઝીલેન્ડમાં ભારતીય પ્રવાસીઓના હિતોની સંભાળ રાખવા બદલ પ્રધાનમંત્રી લક્સનનો આભાર માન્યો હતો. પીએમ લક્સને પ્રવાસી ભારતીયોની સુરક્ષા અને સુખાકારી માટે સતત પ્રયત્નો કરવાની ખાતરી આપી હતી.
બંને નેતાઓ સંપર્કમાં રહેવા અંગે સહમતિ વ્યક્ત કરી હતી.
I thank Prime Minister @Chrisluxonmp for his call and warm felicitations. Reiterated our firm commitment to take forward India-New Zealand ties, which are rooted in shared democratic values and people-to-people ties. Appreciate his efforts towards the security and well-being of…
— Narendra Modi (@narendramodi) July 20, 2024
