Share
 
Comments
‘‘لتا جی نے اپنی الٰہی آواز سے پوری دنیا کو مغلوب کیا’’
‘‘بھگوان شری رام ایودھیا کے عظیم مندر میں پہنچنے والے ہیں’’
’’بھگوان رام کی آشیرواد سے مندر کی تعمیر کی تیز رفتاری کو دیکھ کر پورا ملک پرجوش ہے’’
یہ ‘وراثت پر فخر’ کا اعادہ ہے نیز قوم کی ترقی کا ایک نیا باب ہے
’’بھگوان رام ہماری تہذیب کی علامت ہیں اور ہماری اخلاقیات، اقدار، وقار اور فرض کا زندہ آئیڈیل ہیں’’
‘‘لتا دیدی کے بھجن نے ہمارے ضمیر کو بھگوان رام میں غرق کررکھا ہے’’
‘‘لتا جی کی طرف سے پڑھے گئے منتروں سے نہ صرف ان کی آواز گونجتی تھی بلکہ ان کاعقیدہ، روحانیت اور پاکیزگی بھی’’
‘‘لتا دیدی کی آواز آنے والے زمانے تک اس ملک کے ہر ذرے کو جوڑے گی’’

وزیر اعظم جناب نریندر مودی نے آج ویڈیو پیغام کے ذریعے ایودھیا میں لتا منگیشکر چوک کو وقف کرنے کے موقع پر اجتماع سے خطاب کیا۔

اجتماع سے خطاب کرتے ہوئے وزیر اعظم نے ہر ہندوستانی کی قابل احترام اور پیاری مورتی لتا دیدی کی سالگرہ  منائی۔ انھوں نے نوراتری تہوار کا تیسرا دن بھی منایا جب ماں چندر گھنٹہ کی پوجا کی جاتی ہے۔ وزیر اعظم نے کہا کہ جب کوئی متلاشی سخت سادھنا سے گزرتا ہے، تو وہ ماں چندر گھنٹہ کی مہربانی سے الہی آوازوں کا تجربہ اور احساس کرتا ہے۔ ‘‘لتا جی ماں سرسوتی کی ایسی ہی ایک متلاشی تھیں، جنہوں نے اپنی الہی آواز سے پوری دنیا کومبہوت کر دیا۔ وزیر اعظم نے تبصرہ کیا کہ لتا جی نے سادھنا کیا، ہم سب کو یہ نعمت ملی!”، ۔ جناب مودی نے اس بات پر زور دیا کہ ایودھیا کے لتا منگیشکر چوک پر نصب ماں سرسوتی کی بڑی وینا موسیقی  کے عمل کی  علامت بن جائے گی۔ وزیر اعظم نے مزید کہا کہ چوک کمپلیکس میں جھیل کے بہتے پانی میں سنگ مرمر سے بنے 92 سفید کمل  کے پھول لتا جی کی  عرصہ حیات  کی نمائندگی کرتے ہیں۔

وزیر اعظم نے اتر پردیش حکومت اور ایودھیا ڈیولپمنٹ اتھارٹی کو اس اختراعی کوشش کے لیے مبارکباد دی اور تمام ہم وطنوں کی طرف سے لتا جی کو دلی خراج عقیدت پیش کیا۔ وزیر اعظم نے مزید کہا کہ ‘‘میں بھگوان شری رام سے دعا کرتا ہوں کہ ہمیں ان کی زندگی سے جو برکات ملی ہیں وہ آنے والی نسلوں پر ان کے سریلی گانوں کے ذریعے ایک نشان چھوڑتی رہیں’’۔

لتا دیدی کی سالگرہ سے متعلق کئی جذباتی اور پیار بھری یادوں پر نظر ڈالتے ہوئے وزیر اعظم نے کہا کہ جب بھی وہ ان سے بات کرتے تھے ان کی آواز کی جانی پہچانی مٹھاس سے وہ  مسحور  ہوجایاکرتے تھے۔ وزیر اعظم نے یاد کرتے ہوئے کہا،‘‘دیدی اکثر مجھ سے کہا کرتی تھیں: ‘انسان کو عمر سے نہیں عمل سے پہچانا جاتا ہے، اور وہ جتنا ملک کے لیے کرتا ہے، اتنا ہی بڑا ہوتا ہے! جناب مودی نے آگے کہا، ‘‘مجھے یقین ہے کہ ایودھیا کا لتا منگیشکر چوک اور ان سے جڑی ایسی تمام یادیں ہمیں قوم کے تئیں فرض کا احساس دلانے کے قابل بنائیں گی۔’’

اس وقت کو یاد کرتے ہوئے جب وزیر اعظم کو ایودھیا میں رام مندر کی تعمیر کے لیے بھومی پوجن کے بعد لتا دیدی کا فون آیا، وزیر اعظم نے کہا کہ لتا دیدی نے بہت خوشی کا اظہار کیا کیونکہ آخر کار ترقی ہو رہی تھی۔ وزیر اعظم نے لتا دیدی کے گائے ہوئے گیت ‘من کی ایودھیا تب تک  سونی، جب تک رام نہ آئے’ کو یاد کیا اور ایودھیا کے عظیم الشان مندر میں بھگوان شری رام کی قریبی آمد پر تبصرہ کیا۔ وزیر اعظم نے کہا کہ لتا دیدی کا نام جس نے کروڑوں لوگوں کے دلوں میں رام قائم کیا، اب ہمیشہ کے لیے مقدس شہر ایودھیا سے جڑا ہوا ہے۔ رام چرت مانس کا حوالہ دیتے ہوئے وزیر اعظم نے ’’رام تے ادھیک، رام کر داسا‘‘ پڑھا، جس کا مطلب ہے کہ بھگوان رام کے بھکت بھگوان کی آمد سے پہلے پہنچ جاتے ہیں۔ اس لیے ان کی یاد میں بنایا گیا لتا منگیشکر چوک عظیم الشان مندر کی تکمیل سے پہلے آ گیا ہے۔

ایودھیا کے قابل فخر ورثے کے دوبارہ قیام اور شہر میں ترقی کی نئی صبح کو اجاگر کرتے ہوئے وزیر اعظم نےنشاندہی کی  کہ بھگوان رام ہماری تہذیب کی علامت ہیں اور ہماری اخلاقیات، اقدار، وقار اور فرض کی زندہ مثال ہیں۔ جناب مودی نے مزید کہا ‘‘ایودھیا سے رامیشورم تک، بھگوان رام ہندوستان کے ہر ذرّے میں جذب ہیں’’، ۔ وزیر اعظم نے نشاندہی کہ  بھگوان رام کی آشیرواد سے مندر کی تعمیر کی تیز رفتاری کو دیکھ کر پورا ملک بہت پرجوش ہے۔

وزیر اعظم نے اس بات پر خوشی کا اظہار کیا کہ لتا منگیشکر چوک کی ترقی کا مقام ایودھیا میں ثقافتی اہمیت کے مختلف مقامات کو جوڑنے والے اہم مقامات میں سے ایک ہے۔ چوک رام کی پیڈی کے قریب واقع ہے اور سریو کی مقدس ندی کے قریب ہے۔ وزیر اعظم نے کہا ‘‘لتا دیدی کے نام سے منسوب چوک بنانے کے لیے اس سے بہتر اور کیا جگہ ہے؟’’ ایودھیا نے کئی سالوں کے بعد جس طرح بھگوان رام کو سنبھالے رکھا ہے اس کی تشبیہ دیتے ہوئے وزیر اعظم نے کہا کہ لتا دیدی کے بھجن نے ہمارے ضمیر کو بھگوان رام میں مستغرق کر رکھا ہے۔

خواہ وہ مانس منتر ‘شری رام چندر کرپالو بھج من، ہارن بھا وا بھایادرونم’ ہو، یا پھر میرا بائی کے ‘ پایو جی میں رام رتن دھن پایو’ جیسے بھجن ہوں۔ باپو کی پسندیدہ ‘ ویشنو جن’ ہو، یا ‘تم آشا وشواس ہمارے رام’ جیسی میٹھی دھنیں ہوں ،جو لوگوں کے ذہنوں میں جگہ بنا چکی ہیں، وزیر اعظم نے کہا کہ بہت سے ہم وطنوں نے لتا  جی کے گانوں کے ذریعے بھگوان رام کا تجربہ کیا ہے۔ جناب مودی نے مزید کہا ‘‘ہم نے لتا دیدی کی الہی آواز کے ذریعے بھگوان رام کی مافوق الفطرت نغمے کا تجربہ کیا ہے’’ ۔

وزیر اعظم نے اس بات پر روشنی ڈالی کہ جب ہم لتا دیدی کی آواز میں ’وندے ماترم‘ کی پکار کو سنتے ہیں تو مدر انڈیا کا وسیع روپ ہماری آنکھوں کے سامنے آنے لگتا ہے۔ وزیر اعظم نے مزید کہا، "جس طرح لتا دیدی ہمیشہ شہری فرائض کے بارے میں بہت باشعور رہتی تھیں، اسی طرح یہ چوک ایودھیا میں رہنے والے لوگوں اور ایودھیا آنے والے لوگوں کی بھی اپنی ڈیوٹی سے لگن کے لیے حوصلہ افزائی کرے گا۔‘‘ انہوں نے  مزیدکہا ’’یہ چوک، یہ وینا ایودھیا کی ترقی اور ایودھیا سے متاثرہونے کو مزید جلابخشے گا۔ جناب مودی نے اس بات پر زور دیا کہ لتا دیدی کے نام سے منسوب یہ چوک فن کی دنیا سے وابستہ لوگوں کے لیے تحریک کی جگہ کے طور پر کام کرے گا۔ یہ ہر ایک کو جدیدیت کی طرف بڑھتے ہوئے اور اپنی جڑوں سے جڑے رہتے ہوئے ہندوستان کے فن اور ثقافت کو دنیا کے کونے کونے تک لے جانے کی یاد دلائے گا۔ جناب مودی نے مزید کہا کہ ‘‘ہندوستان کے فن اور ثقافت کو دنیا کے کونے کونے تک لے جانا ہمارا فرض ہے’’۔

اپنے خطاب کے اختتام پر، وزیر اعظم نے ہندوستان کے ہزار سالہ قدیم ورثے پر فخر کرتے ہوئے ہندوستان کی ثقافت کو آنے والی نسلوں تک پہنچانے کی ذمہ داری لینے کی ضرورت پر زور دیا۔ انھوں نے مزید کہا ‘‘لتا دیدی کی آواز آنے والے زمانے تک اس ملک کے ہر ذرے کو جوڑے گی’’۔

लता जी, मां सरस्वती की एक ऐसी ही साधिका थीं, जिन्होंने पूरे विश्व को अपने दिव्य स्वरों से अभिभूत कर दिया: PM @narendramodi

— PMO India (@PMOIndia) September 28, 2022

تقریر کا مکمل متن پڑھنے کے لیے یہاں کلک کریں

Explore More
لال قلعہ کی فصیل سے، 76ویں یوم آزادی کے موقع پر، وزیراعظم کے خطاب کا متن

Popular Speeches

لال قلعہ کی فصیل سے، 76ویں یوم آزادی کے موقع پر، وزیراعظم کے خطاب کا متن
Core sector growth at three-month high of 7.4% in December: Govt data

Media Coverage

Core sector growth at three-month high of 7.4% in December: Govt data
...

Nm on the go

Always be the first to hear from the PM. Get the App Now!
...
PM condoles the passing away of former Union Minister and noted advocate, Shri Shanti Bhushan
January 31, 2023
Share
 
Comments

The Prime Minister, Shri Narendra Modi has expressed deep grief over the passing away of former Union Minister and noted advocate, Shri Shanti Bhushan.

In a tweet, the Prime Minister said;

"Shri Shanti Bhushan Ji will be remembered for his contribution to the legal field and passion towards speaking for the underprivileged. Pained by his passing away. Condolences to his family. Om Shanti."