“লাতাজীগী মেঙলবা খোঞ্জেলনা মালেম পুম্বগী পুক্নিং শুমহৎখিবনি”
“ভগবান শ্রী রাম্না অয়োধ্যাগী নীংথিরবা লাইশঙদা খোঙদারক্কদৌরবনি”
“ভগবান রামগী থৌজালদগী লাইশঙ শাবগী খোঙেজল য়াঙলিবা অসিদা লৈবাক পুম্বনা নুংঙাইনরি”
“মসিদি ‘হেরিতেজকীদমক্তা চাউথোকচবা’গী ৱাফম নৌহৌননা অমুক হায়বনি অমসুং লৈবাক্কী চাউখৎ-থৌরাংগী অনৌবা তাঙ্কক অমগী অহৌবনি”
“ভগবান রাম্না ঐখোয়গী সিভিলাইজেসনগী খুদম্নি অমসুং ঐখোয়গী মোরেলিতী, ভেল্যু, দিগ্নিতী অমসুং দ্যুতীগী অহিঙবা ৱাখল্লোন্নি”
“লাতা দিদিগী লাইশোনশিংনা ঐখোয়বু পুক্নিংবু ভগবান রামদা লুপহনখি”
“লাতাজীনা শোনবীরম্বা মন্ত্রশিংনা মহাক্কী খোঞ্জেল তাহনবতা নত্তনা মহাক্কী থাজবা, স্পিরিচুএলিতী অমসুং প্যুরিতীবুসু তাক্লি”
“লাতা দিদিগী খোঞ্জেলনা লৈবাক্কী পোৎলম খুদিংবু লাক্কদৌরিবা মতম কয়া কয়াদা অমত্তা ওইহন্দুনা থমগনি”

অয়োধ্যাদা লাতা মঙ্গেস্কর চৌক মীয়ামদা খুৎশিন্নবগী থৌরমদা ঙসি তিনখিবা মীয়ামদা প্রধান মন্ত্রী, শ্রী নরেন্দ্র মোদীনা ভিদিওগী ৱারোলগী খুত্থাংদা ৱা ঙাঙখ্রে।

প্রধান মন্ত্রীনা ঙসিগী তিল্লিবা মীয়ামদা ৱা ঙাঙবদা ভারত মচা খুদিংগী আইদোল ওইরিবী, লাতা দিদিগী মপোক নুমিৎকী নুংঙাইবা ফোংদোকখি। ইমা চন্দ্রঘন্তাবু লাৎচবগী নবরাত্রী কুহ্মৈগী হুম্নিশুবা নুমিৎপুসু মহাক্না ইকায় খুম্নখি। লাইনীংবা অমনা অকনবা শাধনা পাংথোকপা মতমদা, মহাক্না ইমা চন্দ্রঘন্তাগী থৌজালদগী ঈশ্বরগী খোঞ্জেল তাবা ফংবনি হায়না মহাক্না ফোংদোকখি। “লাতাজীসু মালেম্বু মহাক্কী খোঞ্জেলনা ঙকহনখিবী অসিগুম্বী লাইনীংবী অমনি। লাতাজীনা শাধনা তৌজখি, ঐখোয় খুদিংনা মদুগী মহৈ ফঙজখি”, হায়না প্রধান মন্ত্রীনা হায়খি। অয়োধ্যাগী লাতা মঙ্গেস্কর চৌক্তা খিল্লিবা ইমা সরস্বতীগী চাউরবা বীনা অসিনা ঈশৈ নোংমাই তৌবগী খুদম অমা ওইরগনি হায়না শ্রী মোদীনা হায়খি। চৌক কমপ্লেক্স অসিগী ঈশিং ময়াইদা শাৎলিবা অঙৌবা থম্বালগী মনা ৯২ অসিনা লাতাজীগী পুন্সি শাংবগী মশিং তাক্লি হায়না প্রধান মন্ত্রীনা মখা তানা হায়খি।

প্রধান মন্ত্রীনা মসিগুম্বা অনৌবা মতৌ চেনবা থৌওংগীদমক্তা উত্তর প্রদেশ সরকার অমসুং অয়োধ্যা দিভেলপমেন্ত ওথোরিতীবু থাগৎখি অমসুং লৈবাক মীয়ামগী মহুৎ শিন্দুনা লাতাজীগী মফমদা থম্মোই শেংনা ইকায় খুম্নবা উৎখি। “মহাক্কী মেঙলবা খোঞ্জেলগী খুত্থাংদগী লাক্কদৌরিবা চারোন শুরোন খুদিংদা ইথিল পীদুনা মহাক্কী পুন্সিদগী ঐখোয়না ফংলিবা থৌজাল অসি লেপ্তবা ওইসনু হায়না ঐহাক্না ভগবান রামগী মফমদা নীজরি”, হায়না প্রধান মন্ত্রীনা মখা তাখি।

লাতা দিদিগী মপোক নুমিৎকা মরী লৈনবা নুংঙাইরবা অমসুং নুংশিরবা মতম কয়া নিংশিংলদুনা, প্রধান মন্ত্রীনা মহাক্কী নীংথিরবা খোঞ্জেলনা মখোয়না ৱারী শাবা খুদিংদা মহাক্কী পুক্নিং শুমহৎখি হায়খি। প্রধান মন্ত্রীনা অসুম্না নিংশিংখি, “দিদিনা য়াম্না তোয়না হায়বীরম্মি – মীওইবা হায়বসি মহাক্কী চহিনা শক্তাক্তে, মহাক্কী থবক্না শক্তাকই অমসুং মহাক্না লৈবাক্কীদমক্তা থবক হেন্না পাংথোক্লিবমখৈ, মহাক্কী শক্নাইবগী মতৌ হেল্লি”। “মহাক্কা মরী লৈনবা মসিগুম্বা নীংশিংনিংঙাই ওইবা ৱারী কয়া অমসুং অয়োধ্যাগী লাতা মঙ্গেস্কর চৌক অসিনা ঐখোয় খুদিংদা লৈবাক্কীদমক্তা ইশাগী থৌদাং পাংথোকপগী ইথিল পীগনি”, হায়না প্রধান মন্ত্রীনা মখা তাখি।

অয়োধ্যাগী রাম মন্দির শাবগী ভুমি পুজন পাংথোকপা হেক লোইবগা লাতা দিদিগী মফমদগী কোল লাকখিববু প্রধান মন্ত্রীনা নিংশিলদুনা লাতাজীনা থবক অসিগী ওইরক্লিবা চাউখৎ-থৌরাংগী মতাংদা য়াম্না নুংঙাইবা ফাওখি অমসুং থবক অসি তসেংনা পাংথোকপসিদা হেন্না নুংঙাইবা পোকই হায়না পাউদম্লকখি হায়খি। লাতা দিদিনা শকপীরম্বা, ‘মন কী বাত’ কী অয়োধ্যা তব তক সুনী, জব তক রাম না আয়ে’ লাইশোনবু প্রধান মন্ত্রীনা নিংশিংলদুনা অয়োধ্যাগী রাম মন্দিরদা ভগবান রাম শোইদনা লাক্লগনি হায়না ফোংদোকখি। মীওই কয়াগী মফমদা রাম্বু নিংশিনহনখিবী লাতা দিদিগী মিং অসি শেংলবা অয়োধ্যা শহরগা মতম চুপ্পগী মরী লৈনরে হায়না প্রধান মন্ত্রীনা হায়খি। রাম চরিত মানস্কী ৱারোল পল্লদুনা, প্রধান মন্ত্রীনা “রাম তে অধিক, রাম কর দসা” হায়না শোনখি। মসিনা হায়বদি, ভগবান্না লাক্ত্রিঙৈগী মমাংদা ভগবানগী মনাইশিংনা য়ৌরক্লে হায়বনি। মরম অদুনা, লাতাজীবু নিংশিংদুনা শারিবা লাতা মঙ্গেস্কর চৌক্না নীংথিরবা লাইশঙ লোইদ্রিঙৈগী মমাংদা শাবা লোইরে হায়বনি।

অয়োধ্যাগী চাউথোচনীংঙাই ওইরবা হেরিতেজ অসিবু নৌনা-শেমগৎলিবা অমসুং শহর অসিগী চাউখৎ-থৌরাংগী মতম অমা অমুক লাক্লিবা অসিদা মিৎয়েং চঙলদুনা, প্রধান মন্ত্রীনা “ভগবান রাম্না ঐখোয়গী সিভিলাইজেসনগী খুদম্নি অমসুং ঐখোয়গী মোরেলিতী, ভেল্যু, দিগ্নিতী অমসুং দ্যুতীগী অহিঙবা ৱাখল্লোন্নি” হায়খি। “অয়োধ্যাদগী রামেশ্বরম ফাওবদা, ভগবান রাম অসি ভারতকী পোৎলম খুদিংদা য়াওরি”, হায়না শ্রী মোদীনা হায়খি। ভগবান রামগী থৌজালদগী লাইশঙ শাবগী খোঙেজল য়াঙলিবা অসিদা লৈবাক পুম্বনা নুংঙাইনরি হায়না মহাক্না মখা তাখি।

লাতা মঙ্গেস্কর চৌক শারিবা মফমসিনা অয়োধ্যাগী মরু ওইবা মফম কয়াবু শম্নবা মরু ওইবা মফম ওইবসিদা প্রধান মন্ত্রীনা নুংঙাইবা ফোংদোকখি। চৌক অসি রাম কি পাইদীগা নক্ননা লৈ অমসুং সর্য়ুগী সেংলবা ঈচেলগসু নক্নৈ। “লাতা দিদিগী মিংদা শাবা চৌক অমগী মসিদগী হেন্না ফবা করি মফম ওইগদগে”, হায়না প্রধান মন্ত্রীনা হায়খি। চহি চা কয়াগী মতুংদা ফাওবদা অয়োধ্যাগা ভগবান রামগা মরী লৈনরিবা অসিগী খুদম পীরদুনা, প্রধান মন্ত্রীনা লাতা দিদিগী লাইশোনশিংনা ঐখোয়বু ৱাখল্লোনবু ভগবান রামদা লুপ্তুনা অদুমক লৈহল্লি হায়খি।

মীওই পুম্বগী পুক্নিংদা লৈরিবা মানস মন্ত্রগী ‘শ্রী রামচন্দ্র কৃপালু ভজ মন, হরন ভবা ভয়া দারুনাম’ ওইরো নত্ত্রগা, মীরাইবাইগী ‘পায়ো জি মাইনে রাম রতন ধন পায়ো’ লাইশোন ওইরো, নত্ত্রগা বাপুনা য়াম্না পামজবা ‘বৈশ্নব জন’ নত্ত্রগা ‘তুম আশা বিশ্বাস হমারে রাম’গুম্বা ফজরবা ঈশৈ ওইরো, লাতাজী ঈশৈগী খুত্থাংদা লৈবাক মীয়াম কয়ানা ভগবান রাম ফংজরি হায়না প্রধান মন্ত্রীনা হায়খি। “ঐখোয় পুম্নমক্না লাতা দিদিগী লাইগুম্লবা খোঞ্জেলগী খুত্থাংদা ভগবান রাম ফংজরি”, হায়না মহাক্না মখা তাখি।

ঐখোয়না লাতা দিদিগী খোঞ্জেলদা ‘বন্দে মাতরম’গী খোল্লাও তাবদা ভারত ইমাগী চাউরবা শক্তম ইমাঙদা উবা ঙম্মি হায়না প্রধান মন্ত্রীনা হায়খি। “লাতা দিদিনা সিবিক দ্যুতীগী মতাংদা য়াম্না খনবগুম্না, চৌক অসিনা অয়োধ্যাদা লৈরিবা অমসুং অয়োধ্যাদা লাইনীংবা লাকপা মীপুম খুদিংগী ৱাখল্লোন্দা মান্নবা ইথিল পীগনি”, হায়না প্রধান মন্ত্রীনা হায়খি। “মসিগী চৌক, মসিগী বীনা অসিনা অয়োধ্যাগী চাউখৎ-খোঙথাং অমসুং ইথিল পুম্নমক্তা তাক্কনি” হায়না মহাক্না মখা তাখি। আর্তকী মালেমগা মরী লৈনবা মীওইশিংদা লাতা দিদিগী মমিং থোল্লিবা চৌক অসিনা ইথিল পীনবা মফম অমা ওইগনি হায়না শ্রী মোদীনা মীয়ামগী পুক্নিং চিংশিনখি। মোদর্নিতী মাইকৈদা চঙশিন্দুনা অমসুং ইশাগী চৎনবীদা মান্ননা মরা চেৎনা লৈদুনা, মসিনা ভারতকী আর্ত অসুং কলচরবু মালেমগী মফম খুদিংদা য়ৌহন্নবা মীয়াম খুদিংদা পাউজেল পীগনি। “ভারতকী আর্ত অমসুং কলচরবু মালেমগী কাচিন কোয়া খুদিংদা য়ৌহনবা হায়বসি মীপুম খুদিংগী থৌদাংনি”, হায়না শ্রী মোদীনা মখা তাখি।

প্রধান মন্ত্রীনা মহাক্কী ৱারোল লোইশিনবা ওইনা ভারতকী চহি লিশিং কয়াগী হেরিতেজ অসিগীদমক্তা ইশাদা চাউথোকচবা ফাওজবগা লোয়ননা ভারতকী কলচরবু হৌরক্লিবা চারোন শুরোন্দা মখা তানা পীথবগী তঙাই ফদবদা মীয়ামগী পুক্নিং চিংশিনখি। “লাতা দিদিগী খোঞ্জেলনা লৈবাক্কী পোৎলম খুদিংবু লাক্কদৌরিবা মতম কয়া কয়াদা অমত্তা ওইহন্দুনা থমগনি”, হায়না মহাক্না মখা তাখি।

लता जी, मां सरस्वती की एक ऐसी ही साधिका थीं, जिन्होंने पूरे विश्व को अपने दिव्य स्वरों से अभिभूत कर दिया: PM @narendramodi

— PMO India (@PMOIndia) September 28, 2022

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Industry Upbeat On Modi 3.0: CII, FICCI, Assocham Expects Reforms To Continue

Media Coverage

Industry Upbeat On Modi 3.0: CII, FICCI, Assocham Expects Reforms To Continue
NM on the go

Nm on the go

Always be the first to hear from the PM. Get the App Now!
...
PM reviews fire tragedy in Kuwait
June 12, 2024
PM extends condolences to the families of deceased and wishes for speedy recovery of the injured
PM directs government to extend all possible assistance
MoS External Affairs to travel to Kuwait to oversee the relief measures and facilitate expeditious repatriation of the mortal remains
PM announces ex-gratia relief of Rs 2 lakh to the families of deceased Indian nationals from Prime Minister Relief Fund

Prime Minister Shri Narendra Modi chaired a review meeting on the fire tragedy in Kuwait in which a number of Indian nationals died and many were injured, at his residence at 7 Lok Kalyan Marg, New Delhi earlier today.

Prime Minister expressed his deep sorrow at the unfortunate incident and extended condolences to the families of the deceased. He wished speedy recovery of those injured.

Prime Minister directed that Government of India should extend all possible assistance. MOS External Affairs should immediately travel to Kuwait to oversee the relief measures and facilitate expeditious repatriation of the mortal remains.

Prime Minister announced ex- gratia relief of Rupees 2 lakh to the families of the deceased India nationals from Prime Minister Relief Fund.

The Minister of External Affairs Dr S Jaishankar, the Minister of State for External Affairs Shri Kirtivardhan Singh, Principal Secretary to PM Shri Pramod Kumar Mishra, National Security Advisor Shri Ajit Doval, Foreign Secretary Shri Vinay Kwatra and other senior officials were also present in the meeting.