وزیر اعظم جناب نریندر مودی اور عزت مآب شاہ عبداللہ دوم نے آج عمان میں ہند–اردن بزنس فورم سے خطاب کیا۔ اس فورم میں قابل احترام شہزادۂ ولی عہد حسین اور اردن کے وزیرِ تجارت و صنعت اور وزیرسرمایہ کاری نے بھی شرکت کی۔ عزت مآب شاہ اور وزیراعظم نے دونوں ممالک کے درمیان کاروبار سے کاروبار روابط میں اضافے کی اہمیت کو تسلیم کیا اور دونوں جانب کے صنعت کار رہنماؤں سے درخواست کی کہ وہ موجودہ صلاحیتوں اور مواقع کو ترقی اور خوشحالی میں تبدیل کریں۔ عزت مآب نے اس بات کی نشاندہی کی کہ اردن کے آزاد تجارتی معاہدے اور ہندوستان کی معاشی قوت کو یکجا کر کے جنوبی ایشیا اور مغربی ایشیا اور اس سے آگے تک ایک اقتصادی راہداری قائم کی جا سکتی ہے۔
فورم سے خطاب کرتے ہوئے وزیراعظم نے کہا کہ اردن اور ہندوستان عصر حاضر میں ایک متحرک شراکت دار ہیں، جو ان کے قریبی تہذیبی تعلقات کی مضبوط بنیاد پر قائم ہے۔ انہوں نےعزت مآب شاہ کی قیادت کو سراہا، جن کے زیرِ قیادت اردن ایک ایسا پل بن کر ابھرا ہے ،جو منڈیوں اور خطوں کو آپس میں جوڑتا ہے اور کاروبار و ترقی کو فروغ دے رہا ہے۔ وزیراعظم نے آئندہ پانچ برسوں میں اردن کے ساتھ دوطرفہ تجارت کو بڑھا کر 5 ارب امریکی ڈالر تک لے جانے کی تجویز پیش کی۔ ہندوستان کی تیز رفتار معاشی ترقی کی کامیابی کو اجاگر کرتے ہوئے، جو دنیا کی تیسری سب سے بڑی معیشت بننے کی سمت گامزن ہے، وزیرِ اعظم نے کہا کہ ہندوستان اردن اور دنیا بھر کے اپنے شراکت داروں کے لیے وسیع اور پُرکشش کاروباری مواقع فراہم کرتا ہے۔ انہوں نے اردن کی کمپنیوں کو دعوت دی کہ وہ ہندوستان کے ساتھ شراکت داری کریں اور اس کی 1.4 ارب آبادی پر مشتمل صارف منڈی، مضبوط اور متنوع صنعتی و پیداواری بنیاد، نیز مستحکم، شفاف اور قابلِ اعتماد پالیسی ماحول سے بھرپور فائدہ اٹھائیں۔وزیراعظم نے اس بات پر زور دیا کہ ہندوستان اور اردن مل کر دنیا کے لیے قابلِ اعتماد اور مضبوط سپلائی چین شراکت دار بن سکتے ہیں۔ ہندوستانی معیشت کی 8 فیصد سے زائد شرح ترقی کا حوالہ دیتے ہوئے انہوں نے کہا کہ یہ نمایاں پیش رفت پیداواری صلاحیت پر مبنی حکمرانی اور جدت و اختراع پر مبنی پالیسیوں کا ثمر ہے۔
وزیراعظم نے ڈیجیٹل عوامی بنیادی ڈھانچے، آئی ٹی، فن ٹیک، ہیلتھ ٹیک اور ایگری ٹیک کے شعبوں میں ہند–اردن کاروباری تعاون کے مواقع کو بھی اجاگر کیا اور دونوں ممالک کے اسٹارٹ اپس کو ان شعبوں میں باہمی شراکت داری کی دعوت دی۔ انہوں نے کہا کہ فارما اور طبی آلات کے شعبوں میں ہندوستان کی بہترین صلاحیت اور اردن کا جغرافیائی فوائد ایک دوسرے کی تکمیل کر سکتے ہیں اور ان شعبوں میں اردن کو مغربی ایشیا اور افریقہ کے لیے ایک قابلِ اعتماد مرکز بنا سکتے ہیں۔انہوں نے زراعت، کولڈ چین، فوڈ پارکس، کھاد، بنیادی ڈھانچہ، آٹوموبائل، گرین موبیلیٹی اور ثقافتی ورثہ کی سیاحت کے شعبوں میں بھی دونوں ممالک کے لیے کاروباری مواقع کو نمایاں کیا۔ ہندوستان کے سبز اقدامات کا ذکر کرتے ہوئے وزیراعظم نے قابلِ تجدید توانائی، گرین فنانسنگ، ڈی سیلینیشن (نمکین پانی کو میٹھا بنانے) اور پانی کی ری سائیکلنگ کے شعبوں میں ہند–اردن کاروباری تعاون کو مزید بڑھانے کی تجویز پیش کی۔
فورم میں دونوں ممالک کے کاروباری رہنماؤں نے شرکت کی، جن کا تعلق بنیادی ڈھانچہ، صحت، فارما، کھاد، زراعت، قابلِ تجدید توانائی، ٹیکسٹائل، لاجسٹکس، آٹوموبائل، توانائی، دفاع اور مینوفیکچرنگ جیسے شعبوں سے تھا۔ وفد میں فکی(ایف آئی سی سی آئی) اور اردن چیمبر آف کامرس کے نمائندے بھی شامل تھے، جن کے درمیان دونوں ممالک کے مابین تجارت اور اقتصادی تعاون کو فروغ دینے کے لیے پہلے سے ایک مفاہمت نامہ (ایم او یو) موجود ہے۔
تقریر کا مکمل متن پڑھنے کے لیے یہاں کلک کریں
भारत और जॉर्डन के संबंध ऐसे है, जहाँ ऐतिहासिक विश्वास और भविष्य के आर्थिक अवसर एक साथ मिलते हैं: PM @narendramodi
— PMO India (@PMOIndia) December 16, 2025
भारत की growth rate 8 percent से ऊपर है।
— PMO India (@PMOIndia) December 16, 2025
ये growth number, productivity-driven governance और Innovation driven policies का नतीजा है: PM @narendramodi
भारत को dry climate में खेती का बहुत अनुभव है।
— PMO India (@PMOIndia) December 16, 2025
हमारा ये experience, जॉर्डन में real difference ला सकता है।
हम Precision farming और micro-irrigation जैसे solutions पर काम कर सकते हैं।
Cold chains, food parks और storage facilities बनाने में भी हम मिलकर काम कर सकते हैं: PM
आज healthcare सिर्फ एक sector नहीं है, बल्कि एक strategic priority है।
— PMO India (@PMOIndia) December 16, 2025
जॉर्डन में भारतीय कंपनियां मेडिसन बनाएं, मेडिकल डिवाइस बनाएं... इससे जॉर्डन के लोगों को तो फायदा होगा ही... West Asia और Africa के लिए भी जॉर्डन एक reliable hub बन सकता है: PM @narendramodi
भारत ने डिजिटल टेक्नॉलॉजी को inclusion और efficiency का model बनाया है।
— PMO India (@PMOIndia) December 16, 2025
हमारे UPI, Aadhaar, डिजिलॉकर जैसे frameworks आज global benchmarks बन रहे हैं।
His Majesty और मैंने इन frameworks को Jordan के सिस्टम्स से जोड़ने पर चर्चा की है: PM @narendramodi
