وزیراعظم نے بل گیٹس سے ملاقات کی

Published By : Admin | March 4, 2023 | 12:10 IST
وزیر اعظم نریندر مودی کے ساتھ میری گفتگو نے مجھے صحت، ترقی اور آب و ہوا میں ہندوستان کی ترقی کے بارے میں پہلے سے زیادہ پر امید کر دیا: بل گیٹس
وزیر اعظم مودی کا خیال ہے کہ کو-ون دنیا کے لیے ایک ماڈل ہے، اور میں اس بات سےمتفق ہوں: بل گیٹس
ہندوستان اس امر کو ظاہرکررہا ہے کہ جب ہم اختراع میں سرمایہ کاری کرتے ہیں، تو کیا ممکن ہے: بل گیٹس

وزیر اعظم جناب نریندر مودی نے جمعہ کو نئی دہلی میں جناب بل گیٹس سے ملاقات کی۔

جناب گیٹس کے ایک ٹویٹ کے جواب میں، جہاں انہوں نے اپنے حالیہ دورہ ہندوستان پر اپنا ’نوٹ‘ شیئر کیا، وزیر اعظم نے ٹویٹ کیا: ’’بل گیٹس سے مل کر اور اہم مسائل پر وسیع بات چیت کرکے خوشی ہوئی۔ ان کی عاجزی اور ایک بہتر اور زیادہ پائیدار کرہ ارض بنانے کا جذبہ واضح طور پر نظر آتا ہے‘‘۔

اپنے ’ڈسپیچ‘ میں، جناب گیٹس نے کہا ’’میں اس ہفتے ہندوستان میں ہوں، یہاں صحت، آب وہوا کی تبدیلی اور دیگر اہم شعبوں میں ہونے والے اختراعی کام کے بارے میں معلومات حاصل کر رہا ہوں۔ ایسے وقت میں جب دنیا کو بہت سے چیلنجز درپیش ہیں، ہندوستان جیسے متحرک اور تخلیقی مقام کا دورہ کرنا متاثر کن ہے‘‘۔

وزیر اعظم کے ساتھ اپنی ملاقات کو اپنے دورے کی خاص بات قرار دیتے ہوئے، جناب گیٹس نے کہا کہ ’’وزیر اعظم مودی اور میں رابطے میں رہے ہیں، خاص طور پرکووڈ-19 کی ویکسین تیار کرنے اور ہندوستان کے صحت کے نظام میں سرمایہ کاری کے بارے میں۔ ہندوستان کے پاس بہت ساری محفوظ، موثر اور سستی ویکسین تیار کرنے کی حیرت انگیز صلاحیت ہے، جن میں سے کچھ گیٹس فاؤنڈیشن کے تعاون سے ہیں۔ ہندوستان میں تیار کردہ ویکسین نے وبائی امراض کے دوران لاکھوں جانیں بچائی ہیں اور دنیا بھر میں دیگر بیماریوں کو روکا ہے۔

انہوں نے وبائی مرض سے ہندوستان کے نمٹنے پر توجہ دی اور کہا کہ ’’زندگی بچانے کے نئے وسائل تیار کرنے کے علاوہ، ہندوستان ان کی فراہمی میں بھی سبقت رکھتا ہے - اس کے صحت عامہ کے نظام نے کووڈویکسینز کی 2.2 بلین سے زیادہ خوراکیں فراہم کی ہیں۔ انہوں نے کو-ون کے نام سے ایک اوپن سورس پلیٹ فارم بنایا، جس نے لوگوں کو ویکسین کے اربوں تقرریوں کا شیڈول بنانے اور ان لوگوں کے لیے ڈیجیٹل سرٹیفیکیشن فراہم کرنے کی اجازت دی جنہیں ویکسین لگائی گئی تھی۔ اس پلیٹ فارم کو اب ہندوستان کے یونیورسل امیونائزیشن پروگرام کی مدد کے لیے وسعت دی جا رہی جا رہا ہے۔ وزیر اعظم مودی کا خیال ہے کہ کو-ون دنیا کے لیے ایک ماڈل ہے، اور میں اس سے اتفاق کرتا ہوں۔

بل گیٹس نے ڈیجیٹل ادائیگیوں میں ہندوستان کی ترقی کی تعریف کی اور کہا کہ ’’بھارت وبائی امراض کے دوران 200 ملین خواتین سمیت 300 ملین لوگوں کو ہنگامی ڈیجیٹل ادائیگیاں منتقل کرنے میں بھی کامیاب رہا۔ یہ صرف اس لیے ممکن ہوا کیونکہ ہندوستان نے مالی شمولیت کو ترجیح دی ہے، ڈیجیٹل آئی ڈی سسٹم (جسے آدھار کہا جاتا ہے) میں سرمایہ کاری کی ہے اور ڈیجیٹل بینکنگ کے لیے اختراعی پلیٹ فارم تیار کیے ہیں۔ یہ ایک یاد دہانی ہے کہ مالی شمولیت ایک شاندار سرمایہ کاری ہے‘‘۔

جناب گیٹس ’ڈسپیچ‘ میں، ہندوستان کی کامیابیوں کے بارے میں بھی بات کرتے ہیں جیسے پی ایم گتی شکتی قومی پلان، جی 20 کی صدارت، تعلیم، اختراع، بیماریوں سے لڑنا اور ملٹس کو فروٖٖٖٖغ دینا۔

مسٹر گیٹس نے نتیجہ اخذ کیا ’’وزیر اعظم کے ساتھ میری بات چیت نے مجھے صحت، ترقی اور آب و ہوا میں ہندوستان کی ترقی کے بارے میں پہلے سے کہیں زیادہ پر امید کر دیا ہے۔ ملک دکھا رہا ہے کہ جب ہم اختراع میں سرمایہ کاری کرتے ہیں تو کیا ممکن ہو سکتاہے۔ مجھے امید ہے کہ ہندوستان اس پیش رفت کو جاری رکھے گا اور دنیا کے ساتھ اپنی اختراعات کا اشتراک کرے گا‘‘۔

Explore More
لال قلعہ کی فصیل سے 77ویں یوم آزادی کے موقع پر وزیراعظم جناب نریندر مودی کے خطاب کا متن

Popular Speeches

لال قلعہ کی فصیل سے 77ویں یوم آزادی کے موقع پر وزیراعظم جناب نریندر مودی کے خطاب کا متن
iPhone exports from India nearly double to $12.1 billion in FY24: Report

Media Coverage

iPhone exports from India nearly double to $12.1 billion in FY24: Report
NM on the go

Nm on the go

Always be the first to hear from the PM. Get the App Now!
...
سوشل میڈیا کارنر، 17 اپریل 2024
April 17, 2024

Holistic Development under the Leadership of PM Modi