Mera Saansad
تلاش کریں تلاش کریں
اردو language

انگولہ کے صدر کے ساتھ مشترکہ پریس بیان کے دوران وزیر اعظم کا پریس بیان

Published By : Admin | May 3, 2025 | 13:00 IST

عالی مرتبت، صدر لارینسو،

 

دونوں ممالک کے مندوبین،

 

میڈیا کے تمام ساتھی،

 

نمسکار!

 

بیں وِندو!

 

میں صدر لارینسو اور ان کے وفد کا بھارت میں تہہ دل سے استقبال کرتا ہوں۔ یہ ایک تاریخی لمحہ ہے۔ 38 برسوں بعد، انگولہ کے صدر کا بھارت کا دورہ ہو رہا ہے۔ ان کے اس سفر سے، نہ صرف بھارت – انگولہ تعلقات کو نئی سمت اور رفتار مل  رہی ہے، بلکہ بھارت اور افریقہ شراکت داری کو بھی تقویت حاصل ہو رہی ہے۔

 

دوستو،

 

اس سال، بھارت اور انگولہ اپنے سفارتی تعلقات کی 40ویں سالگرہ منا رہے ہیں۔ تاہم ہمارے تعلقات، اس سے بھی بہت پرانے ہیں، بہت گہرے ہیں۔ جب انگولہ آزادی کے لیے جدوجہد کر رہا تھا، تو بھارت بھی پورے یقین اور دوستی کے ساتھ کھڑا تھا۔

 

دوستو،

 

آج، مختلف شعبوں میں ہمارا گہرا تعاون ہے۔ بھارت، انگولہ کے تیل اور گیس کے سب سے بڑے خریداروں میں سے ایک ہے۔ ہم نے اپنی توانائی شراکت داری کو وسعت دینے کا فیصلہ کیا ہے۔ مجھے یہ اعلان کرتے ہوئے مسرت ہو رہی ہے کہ انگولہ کی افواج کی جدیدکاری کے لیے 200 ملین ڈالر کے بقدر دفاعی کریڈٹ لائن کو منظوری دی گئی ہے۔ دفاعی پلیٹ فارموں کی مرمت، بحالی اور سپلائی پر بھی بات ہوئی ہے۔ انگولہ کی مسلح افواج کی تربیت میں تعاون فراہم کرنے سے ہمیں خوشی ہوگی۔

 

اپنی ترقی کی شراکت داری کو آگے بڑھاتے ہوئے، ہم ڈیجیٹل عوامی بنیادی ڈھانچے، خلائی تکنالوجی، اور صلاحیت سازی میں انگولہ کے ساتھ اپنی صلاحیتیں ساجھا کریں گے۔ آج ہم نے حفظانِ صحت، ڈائمنڈ پروسیسنگ، کھاد اور اہم معدنیات کے شعبوں میں بھی اپنے تعلقات کو مزید مضبوط کرنے کا فیصلہ لیا ہے۔ انگولہ میں یوگ اور بالی ووڈ کی مقبولیت، ہمارے ثقافتی تعلقات کی مضبوطی کی علامت ہے۔ اپنے عوام سے عوام کے مابین تعلقات کو مضبوط بنانے کے لیے، ہم نے اپنے نوجوانوں کے درمیان یوتھ ایکسچینج پروگرام شروع کرنے کا فیصلہ لیا ہے۔

 

دوستو،

 

بین الاقوامی شمسی اتحاد سے جڑنے کے انگولہ کے فیصلے کا ہم خیرمقدم کرتے ہیں۔ ہم نے انگولہ کو بھارت کے اولین تباہکاری مزاحمتی بنیادی ڈھانچے کے اتحاد، بڑی بلی اتحاد اور عالمی حیاتیاتی ایندھن اتحاد سے بھی جڑنے کے لیے مدعو کیا ہے۔

 

دوستو،

 

ہم اس بات پر متفق ہیں کہ دہشت گردی انسانیت کے لیے سب سے بڑا خطرہ ہے۔ پہلگام میں ہوئے دہشت گردانہ حملے میں مارے گئے لوگوں کے تئیں صدر لارینسو اور انگولہ  کی تعزیت کےلیے میں نے ان کا شکریہ ادا کیا۔ ہم دہشت گردی اور اس کی پشت پناہی کرنے والوں کے خلاف سخت اور فیصلہ کن کارروائی کے لیے پابند عہد ہیں۔ ہم سرحد پار سے دہشت گردی کے خلاف ہماری جنگ میں ان کی حمایت کے لیے انگولہ کا شکریہ ادا کرتے ہیں۔

 

دوستو،

 

140 کروڑ بھارتیوں کی جانب سے، میں انگولہ کو افریقی یونین کی صدارت کے لیے نیک خواہشات پیش کرتا ہوں۔ ہمارے لیے یہ فخر کی بات ہے کہ بھارت کی جی20 صدارت کے دوران ’افریقی یونین‘ کو جی20 کی مستقل رکنیت حاصل ہوئی۔ بھارت اور افریقہ کے ممالک نے نوآبادیاتی نظام کے خلاف ایک سُر میں آواز اٹھائی تھی۔ ایک دوسرے کو ترغیب فراہم کی تھی۔ آج ہم گلوبل ساؤتھ کے مفاد، ان کی امیدوں، توقعات اور امنگوں کی آواز بن کر ایک ساتھ کھڑے رہے ہیں۔

 

گذشتہ ایک دہائی میں افریقہ کے ممالک کے ساتھ ہمارے تعاون میں تیزی  آئی ہے۔ ہماری آپسی تجارت تقریباً 100 بلین ڈالر کے بقدر ہوگئی ہے۔ دفاعی تعاون اور بحری سلامتی میں پیشرفت ہوئی ہے۔ گذشتہ ماہ، بھارت اور افریقہ کے درمیان بحری مشق ’ایکیَم‘ کی گئی۔ گذشتہ دس برسوں میں ہم نے افریقہ میں 17 نئے سفارتخانے کھولے ہیں۔ 12 بلین ڈالر سے زائد کی کریڈٹ لائنیں افریقہ کے لیے تقسیم کی گئی ہیں۔ ساتھ ہی افریقہ کے ممالک کو 700 ملین ڈالر کی امداد فراہم کی گئی ہے۔ افریقہ کے 8 ممالک میں پیشہ وارانہ تربیتی مراکز کھولے گئے ہیں۔ افریقہ کے 5 ممالک کے ساتھ ڈیجیٹل عوامی بنیادی ڈھانچے میں تعاون کر رہے ہیں۔ کسی بھی طرح کی مصیبت میں، ہمیں افریقہ کے لوگوں کے ساتھ، کندھے سے کندھا ملاکر، ’فرسٹ رسپانڈر‘ کا کردار ادا کرنے کی خوش نصیبی حاصل ہوئی ہے۔

 

بھارت اور افریقی یونین، ہم ترقی میں ساجھے دار ہیں۔ ہم گلوبل ساؤتھ کے ستون ہیں۔ مجھے یقین ہے کہ انگولہ کی صدارت میں، بھارت اور افریقی یونین کے تعلقات نئی بلندیاں سر کریں گے۔

 

عالی مرتبت،

 

ایک مرتبہ پھر، میں آپ کا اور آپ کے وفد کا بھارت میں تہہ دل سے استقبال کرتا ہوں۔ بہت بہت شکریہ۔ اوبری گادو۔

 

Login or Register to add your comment
Explore More
شری رام جنم بھومی مندر دھوجاروہن اتسو کے دوران وزیر اعظم کی تقریر کا متن

Popular Speeches

شری رام جنم بھومی مندر دھوجاروہن اتسو کے دوران وزیر اعظم کی تقریر کا متن
View All
India's Ayushman Bharat Digital Mission Crosses 90 Crore ABHA Registrations, Nearly Half Are Women

Media Coverage

India's Ayushman Bharat Digital Mission Crosses 90 Crore ABHA Registrations, Nearly Half Are Women
View All
NM on the go

Nm on the go

Always be the first to hear from the PM. Get the App Now!
Download App
...
Prime Minister pays tribute to Lokmata Ahilyabai Holkar on her birth anniversary
May 31, 2026

The Prime Minister, Shri Narendra Modi has paid tributes to Lokmata Ahilyabai Holkar on her birth anniversary.

Shri Modi said that the entire nation remembers Lokmata Ahilyabai Holkar with deep respect and reverence for her wisdom, compassion and unwavering commitment to public welfare.

The Prime Minister noted that her life remains an exemplary model of good governance, patriotism and cultural pride. He said that she always led with courage and a strong sense of duty.

The Prime Minister highlighted her unparalleled contribution to ensuring justice and welfare for all, as well as her efforts towards the reconstruction of sacred temples and pilgrimage sites across the country. He remarked that her work further strengthened India’s cultural consciousness.

The Prime Minister stated that Lokmata Ahilyabai Holkar’s dedication to society, culture and nation-building will continue to inspire every generation of the country.

The Prime Minister wrote on X;

“लोकमाता अहिल्याबाई होल्कर जी को उनकी जयंती पर कोटि-कोटि नमन! बुद्धिमत्ता, करुणा और जनकल्याण के प्रति अटूट निष्ठा को लेकर पूरा देश उन्हें आदर और सम्मान के साथ स्मरण करता है। उनका जीवन सुशासन, राष्ट्रभक्ति और सांस्कृतिक गौरव का एक उत्कृष्ट उदाहरण है। उन्होंने सदैव साहस और कर्तव्यनिष्ठा के साथ नेतृत्व किया। देशभर में पावन मंदिरों और तीर्थस्थलों के पुनर्निर्माण से लेकर सभी के लिए न्याय और कल्याण सुनिश्चित करने में उन्होंने अतुलनीय योगदान दिया। उन्होंने भारत की सांस्कृतिक चेतना को और सशक्त बनाया। समाज, संस्कृति और राष्ट्र निर्माण के प्रति उनका समर्पण भाव देश की हर पीढ़ी को प्रेरित करता रहेगा।”