Share
 
Comments
انہوں نے این ای آئی جی آر آئی ایچ ایم ایس شیلانگ میں 7500 ویں جن اوشدھی کیندر کو قوم کے نام وقف کیا
جن اوشدھی اسکیم نے غریبوں کوعلاج کے بہت زیادہ اخراجات سے نجات دلائی ہے: وزیراعظم
انہوں نے عوام سے اپیل کی کہ وہ جن اوشدھی کیندروں سے سستی دوائیں خریدیں
آپ میرا خاندان ہیں اور آپ کے امراض میرے خاندانی ارکان کے امراض ہیں، اس لئے میں چاہتا ہوں کہ میرے ملک کا ہر شہری صحت مند رہے: وزیراعظم

نئی دہلی،  7   مارچ 2021،   وزیراعظم جناب نریندر مودی نے ویڈیو کانفرنس کے ذریعہ  ’جن اوشدھی دوس‘  تقریبات سے خطاب کیا۔ تقریب کے دوران انہوں نے   این ای آئی جی آر آئی ایچ ایم ایس، شیلانگ  میں 7500 ویں جن اوشدھی کیندر کو  قوم کے نام وقف کیا۔ انہوں نے  پردھان منتری بھارتیہ جن اوشدھی پری یوجنا کے  استفادہ کنندگان سے بات چیت کی۔ وزیراعظم نے بہترین کام کے لئے  متعلقین کی خدمات کا اعتراف کیا۔  اس موقع پر  مرکزی وزرا جناب ڈی وی سدانند گوڑا، جناب  منسکھ مانڈویا، جناب انوراگ ٹھاکر، ہماچل پردیش، میگھالیہ کے وزرائے اعلی ، میگھالیہ اور گجرات کے نائب وزرائے اعلی بھی موجود تھے۔

 

نئی دہلی،  7   مارچ 2021،   وزیراعظم جناب نریندر مودی نے ویڈیو کانفرنس کے ذریعہ  ’جن اوشدھی دوس‘  تقریبات سے خطاب کیا۔ تقریب کے دوران انہوں نے   این ای آئی جی آر آئی ایچ ایم ایس، شیلانگ  میں 7500 ویں جن اوشدھی کیندر کو  قوم کے نام وقف کیا۔ انہوں نے  پردھان منتری بھارتیہ جن اوشدھی پری یوجنا کے  استفادہ کنندگان سے بات چیت کی۔ وزیراعظم نے بہترین کام کے لئے  متعلقین کی خدمات کا اعتراف کیا۔  اس موقع پر  مرکزی وزرا جناب ڈی وی سدانند گوڑا، جناب  منسکھ مانڈویا، جناب انوراگ ٹھاکر، ہماچل پردیش، میگھالیہ کے وزرائے اعلی ، میگھالیہ اور گجرات کے نائب وزرائے اعلی بھی موجود تھے۔

وزیراعظم نے  پانچ مقامات یعنی شملہ، ہماچل پردیش، بھوپال، مدھیہ پردیش، احمد آباد، گجرات،  ماروتی نگر، دیو اور منگلور ، کرناٹک  کے  استفادہ کنندگان، کیندر سنچالک، جن اوشدھی متروں سےبات چیت کی۔ استفادہ کنندگان سے بات چیت کرتے ہوئے وزیراعظم نے ان سے  اپیل کی کہ وہ  ایک صحت مند طرز زندگی  اختیار کریں۔وزیراعظم نے ان سے کہا کہ سستی ہونے کی وجہ سے مریض مطلوبہ دوائیں  استعمال کررہے ہیں جس سے  ان کی صحت بہتر ہورہی ہے۔ انہوں نے  جن اوشدھی تحریک کو فروغ دینے کےلئے نوجوانوں کی تعریف کی اور ان سے کہا  کہ  وہ اس وقت چلائی جارہی ویکسین کی مہم میں مدد کریں۔

وزیراعظم نے استفادہ کنندگان سے کہا کہ وہ  جن اوشدھی کے فائدوں کے بارے میں  لوگوں کو بتائیں۔ انہوں نے کہا  ’’ آپ میرا خاندان ہیں اور آپ کا مرض میرے خاندانی ارکان کا مرض ہے، اس  لئے میں چاہتا ہوں کہ میرے ملک کا  ہر شہری صحت مند رہے‘‘۔

اس موقع پر خطاب کرتے ہوئے وزیراعظم نے  کہا کہ  جن اوشدھی یوجنا غریبوں اور متوسط طبقے کے خاندانوں کی بہت بڑی مدد کررہی ہے۔ یہ خدمت اور روزگار دونوں کا ذریعہ بن رہی ہے۔شیلانگ میں  7500 ویں  جن اوشدھی کیندر  کو قوم کے نام وقف کئےجانے سے ظاہر ہے کہ  شمال مشرق میں جن اوشدھی کیندر  پھیل گئے ہیں۔جناب مودی نے کہا کہ یہ اسکیم  پہاڑی علاقوں، شمال مشرق اور قبائلی علاقوں  میں  لوگوں کو سستی دوائیں فراہم کرارہی ہے۔  انہوں نے کہا کہ 7500 ویں کیندر  کو قوم کے نام وقف کیا جانا اس لئے بھی اہم ہے کہ  6 سال قبل بھارت میں  100 کیندر بھی نہیں تھے۔ انہوں نے 10 ہزار کیندروں کا نشانہ پورا کرنے کی اپیل کی۔ انہوں نے کہا کہ  غریب اور متوسط طبقے کے خاندان  ہر سال  مہنگی دوائیں پر  خرچ ہونے والے تقریباً 3600 کروڑ روپے  کی بچت کررہے ہیں۔ انہوں نے کہا کہ یہ اسکیم  خواتین میں  آتم نربھرتا کو فروغ دے رہی ہےکیونکہ  ایک ہزار سے زیادہ کیندر خواتین کے ذریعہ ہی چلائے جارہے ہیں۔ وزیراعظم نے کہا کہ اسکیم کو فروغ دینے کےلئے  انسینٹیو  2.5 لاکھ روپے سے بڑھاکر 5 لاکھ کردیا گیا ہے۔ اس کے ساتھ دلت ، آدیواسی خواتین اور شمال مشرق کے لوگوں کے لئے 2 لاکھ روپے کااضافی انسنٹیو دیا جارہا ہے۔

وزیراعظم نے کہا کہ بھارت میں تیار کی گئی ادوایات اور سرجری  کی مانگ میں اضافہ ہوا ہے۔  مانگ کو پورا کرنے کے لئے بھی پروڈکشن میں بھی اضافہ ہورہا ہے۔ اس سے بڑی تعداد میں روزگار کے مواقع  بھی پیدا ہوئے ہیں۔ انہوں نے کہا کہ اب  75 آیوش ادوایات جن اوشدی کیندروں پر بھی دستیاب ہیں۔  مریض  سستی آیوش داوئیں حاصل کرکے  فائدہ اٹھا سکتے ہیں اور اس سے  آیوروید اور  آیوش میڈیسن  کے شعبے کو بھی فائدہ ہوگا۔

وزیراعظم نے کہا کہ  طویل مدت سے  حکومت صحت کے معاملے کو  محض بیماری اور علاج کا ہی ایک موضوع سمجھتی رہی ہے۔ لیکن  صحت کا موزوں محض بیماری اور علاج تک ہی  محدود نہیں ہے بلکہ یہ  ملک کے اقتصادی اور سماجی تانے بانے کو بھی متاثر کرتا ہے۔ انہوں نے کہا کہ  صحت کے بارے میں  ایک جامع نظریہ اختیار کرتے ہوئے حکومت نے  مرض کی وجوہات  پر بھی کام کیا ہے۔ انہوں نے کہا  سووچھ بھارت ابھیان، مفت ایل پی جی کنکشن ، آیوش مان بھارت ، مشن اندر دھنش ، پوشن ابھیان اور   یوگا کو  قبولیت دلائےجانے سے  صحت کے بارے میں  حکومت کے نظریئے کی  جامع نوعیت کا پتہ چلتا ہے۔ وزیراعظم نے  اقوام متحدہ کے ذریعہ  2023 کو انٹرنیشنل ایئر آف  ملیٹ کے طور پر تسلیم کئے جانے کا بھی ذکر کیا۔ انہوں نے موٹے اناج کو فروغ دیئے جانے کی ضرورت پر زور دیا کیونکہ  اس سے  نہ صرف  تغذیہ سے بھرپور اناج حاصل ہوگا بلکہ  کسانوں کی آمدنی میں اضافہ بھی  ہوگا۔

غریب خاندانوں پر علاج کے بہت زیادہ بوجھ  کا ذکر کرتے ہوئے وزیراعظم نے کہا کہ حالیہ برسوں میں  علاج کے سلسلے میں ہر قسم کے بھید بھاؤ کو دور کرنے کوششیں کی جارہی ہیں اور  ملک کے ہر ایک غریب  شخص کی  طبی علاج تک رسائی کرائی گئی ہے۔اس کے لئے  ضروری ادویات ، ہارٹ اسٹینٹس، گھٹنے کی سرجری سے معلق آلات  کی قیمتیں کئی گنا کم  کی گئی ہیں۔ انہوں نے کہا کہ  آیوشمان یوجنا میں ملک کے 50 کروڑ   سے زیادہ غریب خاندانوں  کے پانچ لاکھ روپے تک کے علاج کو یقینی بنایا ہے۔ اب تک  1.5 کروڑ لوگ اس کا فائدہ اٹھا چکے ہیں اور انہوں نے  تقریباً 30 ہزار کروڑ روپے  کی بچت کی ہے۔

وزیراعظم نے  میڈ ان انڈیا کورونا ویکسین کے لئے سائنس دانوں کی ستائش کی اور کہا  آج بھارت کے پاس نہ صرف مقامی استعمال کے لئے  ویکسین ہے بلکہ وہ  دنیا کی مدد بھی کررہا ہے۔ انہوں نے  اس بار پر زور دیا کہ حکومت  نے ویکسین کے لئے   غریب اور متوسط طبقے کے مفاد کو خصوصی طور پر  پیش نظر رکھا ہے۔سرکاری اسپتالوں میں ویکسین مفت ہے اور پرائیویٹ  اسپتالوں میں بھی محض 250 روپے میں لگائی جارہی ہے۔ جو کہ دنیا میں سب سے کم  قیمت ہے۔

وزیراعظم نے  موثر علاج  اور  معیاری  میڈیکل اسٹاف کی دستیابی کے لئے  بنیادی ڈھانچے کی ضرورت پر زور دیا۔ انہوں نے کہا کہ حکومت نے  گاؤں میں پرائمری اسپتالوں سے لیکر  تیسرے درجے کے اسپتالوں اور  ایمس جیسے میڈیکل کالجوں  کے  صحت کے بنیادی ڈھانچے  کو وسعت دینے کے  جامع نظریئے پر کام کرنا شروع کردیا ہے۔

وزیراعظم نے  گزشتہ چھ برسوں میں  طبی نظام میں بہتری  کے لئے حکومت کی کوششوں کا ذکر کیا۔ انہوں نے بتایا کہ گزشتہ 6 برسوں یں  2014 کی ایم بی بی ایس کی 55 ہزار سیٹوں میں 30 ہزار سے زیادہ سیٹوں کا اضافہ کیا گیا ہے۔ اسی طرح  پہلے 30 ہزار پی جی سیٹیں تھیں جن میں  24 ہزار نئی سیٹوں کا اضافہ کیا گیا ہے۔ گزشتہ چھ برسوں میں  180 نئے میڈیکل کالج قائم کئے گئے ہیں۔ گاؤوں میں  1.5 لاکھ ہیلتھ اینڈ ویلنیس سینٹر قائم کئے گئے ہیں، جن میں سے 50 ہزار نے کام کرنا  شروع کردیا ہے۔ یہ سینٹر  مختلف امراض کا علاج کررہے ہیں اور مقامی طور پر  جدید ترین ٹسٹ دستیاب کرا رہے ہیں۔ جناب مودی  بجٹ میں صحت کے لئے مختص رقم میں زبردست اضافے کا ذکر کیا اور  صحت سے متعلق مسائل کے مکمل حل  کےلئے  پردھان منتری  آتم نربھر سواستھ یوجنا کا ذکر کیا۔ ہر ایک ضلع میں  تشخیص کے مراکز قائم کئے گئے ہیں اور  600 سے زیادہ  اہم دیکھ ریکھ اسپتال قائم کئے گئے ہیں۔ وزیراعظم نے کہا کہ تین لوک سبھا حلقوں میں  ایک میڈیکل سینٹر قائم کرنے کے لئے قائم کیا جارہا ہے۔

وزیراعظم نے کہا کہ  حکومت آج  علاج کو  سستا  اور سبھی کے لئے قابل رسائی بنانے کی کوششیں کررہی ہے۔  آج اسی خیال کے ساتھ  پالیسیاں اور پروگرام تیار کئے جارہے ہیں۔ انہوں نے کہا کہ پردھان منتری جن اوشدھی  پروجیکٹ کا نیٹ ورک   تیزی کے ساتھ پھیل رہا ہے اور  جہاں تک ممکن ہو اسے زیادہ سے زیادہ لوگوں تک پہنچانے کی کوشش کی جارہی ہے۔

تقریر کا مکمل متن پڑھنے کے لیے یہاں کلک کریں

بھارتی اولمپئنس کی حوصلہ افزائی کریں۔ #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
India breaks into the top 10 list of agri produce exporters

Media Coverage

India breaks into the top 10 list of agri produce exporters
...

Nm on the go

Always be the first to hear from the PM. Get the App Now!
...
#NaMoAppAbhiyaan gains popularity across New Delhi. Training & networking sessions see enthusiastic karyakartas participation.
July 24, 2021
Share
 
Comments

Almost two weeks since the #NaMoAppAbhiyaan started in Delhi, and thousands have already joined the NaMo App network. Take a look at how BJP Delhi Karyakartas are doing their bit in ensuring the continued success of the 'Mera Booth, Sabse Mazboot' initiative.