آج میں ولی عہد شہزادہ اور وزیر اعظم عزت مآب شہزادہ محمد بن سلمان کی دعوت پر سعودی عرب کے دو روزہ سرکاری دورے پر روانہ ہو رہا ہوں۔
سعودی عرب کے ساتھ ہندوستان اپنے طویل اور تاریخی تعلقات کو بہت اہمیت دیتا ہے، جس نے حالیہ برسوں میں اسٹریٹجک گہرائی اور رفتار حاصل کی ہے ۔ہم نے مل کر دفاع ، تجارت ، سرمایہ کاری ، توانائی اور عوام سے عوام کے تعلقات کے شعبوں سمیت باہمی فائدہ مند اور ٹھوس شراکت داری تیار کی ہے ۔علاقائی امن ، خوشحالی ، سلامتی اور استحکام کو فروغ دینے کے لیے ہماری مشترکہ دلچسپی اور عزم ہے ۔
گزشتہ ایک دہائی کے دوران سعودی عرب کا یہ میرا تیسرا اور تاریخی شہر جدہ کا پہلا دورہ ہوگا ۔میں اسٹریٹجک پارٹنرشپ کونسل کے دوسرے اجلاس میں شرکت کرنے اور اپنے بھائی عزت مآب شہزادہ محمد بن سلمان کے 2023 میں ہندوستان کے انتہائی کامیاب سرکاری دورے کو آگے بڑھانے کا منتظر ہوں ۔
میں سعودی عرب میں متحرک ہندوستانی برادری کے ساتھ جڑنے کے لیے بھی بے چین ہوں جو ہمارے ملکوں کے درمیان متحرک پل کے طور پر کام کر رہی ہے اور ثقافتی اور انسانی تعلقات کو مستحکم کرنے میں بے پناہ تعاون کر رہی ہے ۔
