Share
 
Comments

نئی دہلی، 07: فروری 2021: وزیر اعظم جناب نریندر مودی نے آج مغربی بنگال میں ہلدیہ کا دورہ کیا اور 348 کلومیٹر دوبھی – درگاپور قدرتی گیس پائپ لائن سیکشن کے ایل پی جی درآمداتی ٹرمنل کو قوم کے نام وقف کیا ، جوکہ پردھان منتری اورجا گنگا پروجیکٹ کا حصہ ہے۔ انہوں نے ہلدیہ ریفائنری کے دوسرے کیٹالیٹک - آئیسو ڈی ویکسین یونٹ کا سنگ بنیاد بھی رکھا نیزاین ایچ 41پرہلدیہ کے رانی چک کے مقام پر چار لین والے آر او بی – کم – فلائی اوور کو قوم کے نام وقف کیا۔اس تقریب میں مغربی بنگال کے گورنر اور مرکزی وزیر جناب دھرمیندر پردھان کے علاوہ دیگر نے بھی شرکت کی ۔

 

اس موقع پر خطاب کرتے ہوئے وزیر اعظم جناب نریندر مودی نےکہا کہ آج کا دن، کنکٹوٹی اور صاف تیل کی دستیابی کے آتم نربھر بھارت کے ضمن میں مغربی بنگال اور پورے مشرقی ہندوستان کے لئے ایک بڑا اہم دن ہے ۔ یہ چاروں پروجیکٹ خطے میں سکونت کی آسانی اور کاروبار کرنے کی آسانی ، دونوں کو بہتر بنائیں گے۔یہ پروجیکٹس ہلدیہ کو برآمدات -درآمدات کا ایک اہم مرکز بنانے میں بھی مددگار ثابت ہوں گے۔

وزیر اعظم جناب نریندر مودی نے زور دے کر کہا کہ گیس پر مبنی معیشت ہندوستان کے لئے وقت کی اہم ترین ضرورت ہے ۔اس ضرورت کو پورا کرنے کے لئے ،ایک قوم –ایک گرڈ ایک اہم قدم ہے۔ اس کے لئے قدرتی گیس کی لاگت کو کم کرنے اور گیس پائپ لائن کے نیٹ ورک کو توسیع دینے پر توجہ مرکوز کی جارہی ہے۔ ہماری کاوشوں نے ایک ایسی صورتحال تک رہنمائی کی ہے، جہاں ہندوستان سب سے زیادہ گیس استعمال کرنے والی اقوام کے مابین کھڑا ہے۔سستی اور صاف توانائی کو فروغ دینے کے لئے، بجٹ میں ہائیڈروجن مشن کا اعلان کیا گیا تھا۔

وزیراعظم جناب نریندر مودی نے ریل ،سڑک ، ہوائی اڈوں ، بندرگاہوں ،آبی شاہراہوں کے شعبوں میں کاموں کی فہرست ظاہر کی ، جن کا مقصد مشرقی ہندوستان میں زندگی اور کاروبار،دونوں کے معیار کو بہتر بنانا ہے۔انہوں نے واضح کیا کہ گیس کی کمی سے خطے میں صنعت معدوم ہوتی جارہی تھی ، اس کا ازالہ کرنے کی غرض سے مشرقی ہندوستان کو مشرقی اور مغربی بندرگاہوں سے منسلک کرنے کا فیصلہ کیا گیا ہے۔پردھان منتری اورجا گنگا پائپ لائن اس پروجیکٹ کا حصہ ہے،جس کا بڑا حصہ آج قوم کے نام وقف کیا گیا۔350 کلومیٹر طویل دوبھی - درگاپور پائپ لائن ، براہ راست نہ صرف مغربی بنگال بلکہ بہار اور جھارکھنڈ کے 10 اضلاع کو بھی فائدہ پہنچائے گی۔ اس کی تعمیر کے کام میں 11 لاکھ افرادی کام کرنے کے دن کا روزگار، مقامی لوگوں کو فراہم کیا گیا۔اس سے باورچی خانوں میں صاف پائپ ایل پی جی پہنچائی جائے گی اور صاف سی این جی گاڑیاں بھی چلیں گی۔سِندری اور درگاپور فرٹیلائزر کی فیکٹریاں تسلسل کے ساتھ گیس سپلائی حاصل کرے گی۔ وزیراعظم جناب مودی نے جی اے آئی ایل اور مغربی بنگال سرکار سے کہا ہے کہ وہ جگدیش پور –ہلدیہ کے درگاپور - ہلدیہ سیکشن اور بوکارو – دھمرا پائپ لائن کے کام کو تیزی کے ساتھ پایہ تکمیل تک پہنچائیں۔

اجولا اسکیم نے خطے میں ایل پی جی کے لئےبہت زیادہ بڑے علاقے کا احاطہ کیا ہے اورخطے میں ایل پی جی کے مطالبے میں بھی اضافہ ہوا ہے۔ خطے میں ایل پی جی بنیادی ڈھانچے کو بہتر بنانے کے لئے کام جاری ہے ۔مغربی بنگال میں خواتین کو 90 لاکھ مفت ایل پی جی کے کنکشن دئے گئے ، جن میں 36 لاکھ سے زیادہ خواتین کا تعلق در ج فہرست ذاتوں / درج فہرست قبائل کے زمرے سے ہے۔گزشتہ 6 برسوںمیں مغربی بنگال میں ایل پی جی کے احاطے میں 40فیصد سے اضافہ ہوکر یہ 99 فیصد ہوگیا ہے۔ اس سال کے بجٹ میں اجولا اسکیم کے تحت ایک کروڑ مزید مفت گیس کنکشن فراہم کرنے کی تجویز رکھی گئی ہے ۔ہلدیہ کا ایل پی جی درآمداتی ٹرمنل وسیع مطالبے کو پورا کرنے میں بڑا کردار ادا کرے گا کیونکہ یہ مغربی بنگال ،اوڈیشہ ، بہار ، جھارکھنڈ ،چھتیس گڑھ ، اترپردیش اور شمال مشرق میں کروڑوں خاندان کو خدمات فراہم کرے گا کیونکہ یہاں سے دو کروڑ سے زیادہ افراد گیس حاصل کرسکیں گے ، جن میں سے ایک کروڑ اجولا اسکیم کے مستفدین ہوں گے۔

وزیر اعظم جناب نریندر مودی نے مزید کہا کہ صاف تیل کے لئے ہمارے عز م کے حصے کےطورپر بی ایس -6 تیل کے پلانٹ کی صلاحیت سازی کی مزین کاری کا کام آج سے شروع کردیا گیا ہے۔ یہ دوسرا کیٹالیٹک ڈی ویکسین یونٹ ، لیوب –پر مبنی تیل کے تعلق سے برآمدات پر ہمارے انحصار میں کمی لائے گا۔وزیر اعظم نے کہا ’’ ہم ایک ایسی صورتحال کی جانب گامزن ہیں، جہاں ہم برآمداتی صلاحیت وضع کرنے کے قابل ہوسکیں گے۔‘‘

وزیر اعظم جناب مودی نے زور دےکر کہا کہ مرکزی سرکار مغربی بنگال کو ایک اہم تجارتی اور صنعتی مرکز بنانے کے لئے مسلسل کام کررہی ہے۔اس کے لئے ساحلی قیادت والی ترقیات ایک اچھا ماڈل ہے ۔کولکتہ کے سیاما پرساد مکھرجی پورٹ ٹرسٹ کی جدید کاری کے لئے بہت سے اقدامات کئے گئے ہیں۔وزیراعظم نے ہلدیہ ڈوک کمپلیکس کی صلاحیت اور پڑوسی ممالک کے ساتھ کنکٹوٹی کو مستحکم کرنے پر بھی زوردیا۔نیا فلائی اوور اور مجوزہ اندرون ملک آبی شاہراہوں کے ملٹی –ماڈل کی اتھارٹی کنکٹوٹی کو بہتر بنائے گی۔وزیراعظم جناب نریندر مودی نے اختتامیہ کلمات میں کہا ’’ اس سے، ہلدیہ ،آتم نربھر بھارت کے لئے، بےشمار توانائی کے ایک مرکز کے طور پر ابھر کرسامنے آئے گا۔‘‘

Click here to read full text speech

'من کی بات ' کے لئے اپنے مشوروں سے نوازیں.
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Agri, processed food exports buck Covid trend, rise 22% in April-August

Media Coverage

Agri, processed food exports buck Covid trend, rise 22% in April-August
...

Nm on the go

Always be the first to hear from the PM. Get the App Now!
...
PM Modi arrives in Washington
September 23, 2021
Share
 
Comments

Prime Minister Narendra Modi arrived in Washington. In the USA, PM Modi will take part in a wide range of programmes, hold talks with world leaders including President Joe Biden, VP Kamala Harris and address the UNGA. The PM will also participate in the first in-person Quad Summit during this visit.