وزیر اعظم جناب نریندر مودی نے آنجہانی دادا واسوانی کی موت پر گہرے رنج و غم کا اظہار کیا ہے۔ وزیر اعظم نے اپنے پیغامِ تعزیت میں کہا، ’’دادا واسوانی سماج کے لئے زندہ رہے اور انہوں نے غریبوں اور ضرورتمندوں کی دردمندی کے ساتھ مدد کی۔ وہ اپنی بے پناہ ذہانت کے ساتھ ہمیشہ بچیوں کی تعلیم، صفائی ستھرائی اور امن و آپسی بھائی چارے کے فروغ کے لئے کوشاں رہے۔‘‘
وزیر اعظم نے اپنی کچھ یادیں دوہراتے ہوئے کہا، ’’دادا جے پی واسوانی اب سے 28 برس قبل میرے لئے منارہ نور رہے تھے۔ مجھے ان کے ساتھ عالمی مذاہب کانفرنس میں شرکت کے لئے امریکہ جانے کا اعزاز حاصل ہوا تھا۔ ان کے نظریات کی مضبوطی اور سراحت ہمیشہ قائم رہی۔اگست 2013 میں جب میں ان سے متعلق ایک نرسنگ کالج کے افتتاح کے لئے پونے گیا تھاتو میں نے دادا جے پی واسوانی 99 ویں یوم پیدائش کی تقریب سے خطاب کیا تھا۔ مجھے ان کے آشیرواد سے ہمیشہ ہمت اور حوصلہ ملتا رہا۔‘‘
وزیر اعظم نے اپنے پیغام تعزیت میں مزید کہا کہ ، ’’آنجہانی دادا واسوانی کے خیالات، تعلیمات سماجی خدمات کی روشنی ہمیشہ قائم رہے گی۔ وہ قدروں کی پاسداری کرتے ہوئے اپنے کام کے تئیں ہمیشہ اٹل رہے۔‘‘
