Share
 
Comments
PM Modi receives 'Global Goalkeeper Award' for the Swachh Bharat Abhiyan
In last five years a record more than 11 crore toilets were constructed: PM Modi
Swachh Bharat mission has benefited the poor and the women most: PM Modi

نئیدہلی۔25؍ستمبر۔وزیراعظم جناب نریندر مودی نے 24 ستمبر2019 کو، سوچھ بھارت ابھیان کے صلے میں بل اینڈ میلنڈا گیٹس فاؤنڈیشن کی طرف سے گلوبل گول کیپر ایوارڈ حاصل کیا ۔ ایوارڈ کی تقریب نیویارک میں اقوام متحدہ کی جنرل اسمبلی  (یو این جی اے) کے اجلاس سے الگ منعقدہ ہوئی۔

وزیراعظم نے اس ایوارڈ کو اُن بھارتیوں کے لئے  وقف کیا جنہوں نے سوچھ بھارت ابھیان کو ایک عوامی تحریک کی شکل دی اور اپنے روزمرہ کی زندگی کا حصہ بنایا۔

وزیراعظم نے ایوارڈ حاصل کرنے کے بعد کہا ’’سوچھ بھارت مشن کی کامیابی بھارت کے عوام کی وجہ سے ہوئی ہے۔ انہوں نے اسے اپنی تحریک بنایا اور  مقررہ نتائج  کےحصول  کو یقینی بنایا‘‘۔

مہاتماگاندھی کے 150ویں یوم پیدائش  کے موقع پر اسے ذاتی طور پر ایک اہم لمحہ قرار دیتے ہوئے وزیراعظم نے کہا کہ سوچھ بھارت ابھیان  ایک ثبوت ہے کہ جب 130 کروڑ بھارتی کوئی عزم کرتے ہیں تو کسی بھی چنوتی پر غلبہ حاصل کیا جاسکتا ہے۔ انہوں نے یہ بھی کہا کہ بھارت سوچھ بھارت کے  ، مہاتما گاندھی کے خواب کو پورا کرنے میں قابل تعریف پیش رفت کررہا ہے۔

وزیراعظم نے کہا ’’پچھلے پانچ سال میں گیارہ کروڑ سے زیادہ  بیت الخلاء تعمیر کیے گئے ، اس مشن سے  ملک کے زیادہ تر غریب عوام اور خواتین کو فائدہ ہوا ہے‘‘۔  صفائی ستھرائی اور صحت میں بہتری لانے کے علاوہ گیارہ کروڑ بیت الخلاء کی تعمیر سے  گاؤوں میں اقتصادی سرگرمیوں کو بھی بڑھاوا ملا ہے۔

عالمی صفائی ستھرائی میں  شمولیت کو بہتر بنانے کے بارے میں اظہار خیال کرتے ہوئے وزیراعظم نے کہا کہ بھارت دیگر ملکوں کےساتھ بھی  اپنی مہارت اور تجربات کے لین دین کے لئے  تیار ہے تاکہ  صفائی ستھرائی  کی وسعت میں اضافے کے تئیں اجتماعی کوشش کی جاسکے۔

وزیراعظم نے  فٹ اِنڈیا موومنٹ اور جل جیون مشن جیسی  مہم کے طور پر اپنائی جانے والی   تحریکوں کے ذریعے روک تھام سے متعلق حفظان صحت کے تئیں بھارت کی کوششوں کا بھی ذکر کیا۔

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Click here to read full text speech

Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
PM Modi at UN: India working towards restoring 2.6 crore hectares of degraded land by 2030

Media Coverage

PM Modi at UN: India working towards restoring 2.6 crore hectares of degraded land by 2030
...

Nm on the go

Always be the first to hear from the PM. Get the App Now!
...
وزیر اعظم 16 جون کو وائیوا ٹیک کےپانچویں ایڈیشن میں کلیدی خطاب کریں گے
June 15, 2021
Share
 
Comments

وزیر اعظم جناب نریندر مودی 16 جون 2021 کو شام چار بجے وائیواٹیک کے 5 ویں ایڈیشن میں کلیدی خطبہ دیں  گے۔ وزیر اعظم کو بطور مہمان ذی وقار وائیوا ٹیک 2021 میں کلیدی خطبہ دینے کے لیے  مدعوکیا گیا ہے۔

اس تقریب میں دیگر ممتاز مقررین میں فرانس کے صدر جناب ایمانوئل میکرون ، اسپین کے وزیر اعظم جناب پیڈرو سنچیز اور مختلف یورپی ممالک کے وزراء / اراکین پارلیمان بھی  شرکت کریں گے۔ اس پروگرام میں جناب ٹم کُک ، سی ای او ، ایپل ، جناب مارک زکربرگ ، چیئرمین اور سی ای او ، فیس بک اور جناب  بریڈ اسمتھ ، صدر ، مائیکروسافٹ سمیت دیگر کارپوریٹ رہنماؤں کی شرکت بھی ہوگی۔

وائیواٹیک ، یورپ کی سب سے بڑی ڈیجیٹل اور اسٹارٹ اپ تقریب میں سے ایک ہے ، جو ہر سال سنہ 2016 سے پیرس میں  منعقد ہوتی آئی ہے۔ اس کا اہتمام  مشترکہ طور پر پبلک گروپ کے ذریعہ کیا جاتا رہا ہے  جو ایک ممتاز اشتہاری اور مارکیٹنگ  یونٹ اور لیس ایکوس جو کہ  مشہور فرانسیسی میڈیا گروپ ہے۔  اس میں ٹیکنالوجی کی جدت اور اسٹارٹ اپ ماحولیاتی نظام میں اسٹیک ہولڈرز کو یکجا کیاجاتا ہے اور جس میں نمائشیں ، ایوارڈز ، پینل تبادلہ خیال اور اسٹارٹ اپز کے  مقابلے شامل ہیں۔ وائیواٹیک کا 5 واں ایڈیشن 16 سے 19جون 2021 کے درمیان  منعقد ہونا طے پایا  ہے۔